بـــــــــــــــــــــــــــــارت [3]

فتح باب الشقه و دخل و دخلت وراه حنان .....
حنان شهقت مصدووومه هئئئئئئ وش هذاااااا ....؟!

نواف : يلا ادخل ليه واقف ع الباب !
حنان بتوتر : ا ا ابدخل بس من هاذول ؟
وليد ينادي من بعيد : هلااااا جيتوااا .. يلا تو السهره بدت ...
حنان بخوف يااا ويلي وش سهرته !!!!!؟
دخل نواف و قعد مع الشباب : حمووووووود تعال هنا نعرفكم على بعض ..
ماجد شاف ان حمد واقف عند الباب ما تحرك حس انه منحرج لان هذي اول مره له يقابل اخوياهم الجدد فراح له .....
ماجد : حمد وش فيك ؟
حنان : لا ابد ما فيني شي بس ما توقعت الاقي كل هالشباب هنا .. توقعت اني جاي بشغل مو سهر و وناسه ...
ماجد : يا رجال احنا نشتغل و نستانس بنفس الوقت امش اعرفك عليهم ..
حنان بقلة حيله : حااااضر ..
وليد : يااا شباب هذا حمد اللي تو كنا نتكلم عنه ...
حنان هاااه يتكلمون عني .. يا ترى اش كانوا يقولون !!
ماجد : حمد هذا عبدالرحمن و هذا سامي و هذا خالد ..
نواف : حمووود خالد يصير ولد عمي ..
حنان مدت يدها تسلم : و النعم فيكم جميع ..
الشباب : ينعم بحالك ما عليك زود ..
خالد بهمس لسامي : طلع الولد خكري .. انا اقول ليه نواف خاق هههه..
سامي : ههههههه اوووش ..
و قعدت حنان على اقرب كنبه .. شوي و جا نواف قعد جنبها و قريب منها حيل ...
عبدالرحمن يناظرها : ما شاء اهكر شكلك خكري يا حمد ...
خالد & سامي : هههههههههههههههههههههه تونا كنا نقول ..
حنان باستغراب : هااااااااه .. وش خكري ..
نواف ناظرهم بحده : معليك منهم يا حموود المهم اش تشرب ؟
خالد : ههههههه ما شاء الله وش ذا الاهتمام يا نواف ...
نواف يمسك اقرب شي ع الكنبه و يحذف خالد فيه : انطم بس ... هااا حمود ما قلت وش تشرب ؟
حنان تكفى بس لا تلصق فيني : عـ عاادي أي شي ..
خالد يهمس لخويه سامي : هههههه شكله صدق خاق عليه زي ما قالوا الشباب ...
سامي : اسكت بس لا يسمعك الولد والله ما غير ينحاش هههههه ..
نواف : دحووومي تكفى رح المطبخ وجيب لنا المشروبات اللي في الثلاجه ..
عبدالرحمن : ياا سلاااام اشتغل عندكم انا ...
ماجد : خلاااص انا بروح اجيبهااا ...
( دقيقه نعرفكم على الشخصيات الجديده ،،
خالد / ولد عم نواف عمره 20 مخلص الثانويه و يدرس جامعه سنه اولى .. هو و نواف زي الاخوان تربوا مع بعض و يحبون بعض حيل .. مع ان خالد عنده اخوان بس يعز نواف اكثر من اخوانه .. مواصفاته يشبه لنواف بحاجه بسيطه وسيم زيه و يمكن احلى منه شعره ناعم قاصه قصة الاسد مره خقه عيونه بنيه حلوه بشرته بيضا طوله اطول من نواف بشوي و جسمه معضل .. شخصيته قويه لكنه طيوووب و حنون و زعووول ... بهالسهره كان لابس ثوب و غتره ..
سامي / عمره 20 قصير نوعا ما صديق طفولة خالد و جارهم و ابوه و ابو خالد اصحاب و شركاء عمل .. مواصفاته شعره لونه بني فاتح <صابغه_*> مسويه سبايكي .. عيونه وساع شوي لونها بني بشرته حنطيه و وسيم .. شخصيتها هادي جدا و عقلاني .. بهالسهره كان لابس تي شيرت و برمودا ..
عبدالرحمن / عمره 19 صديق وليد تعرف عليه بوحده من سفراته برى المملكه وليد اللي عجبه فيه غروره يعني فيه شبه من وليد >>الطيور على اشكالها تقع ههه.. هو ولد سيد اعمال مشهور وحيد ابوه بعد .. مواصفاته وسيم ملامحه مره جميله لدرجة ان حنان لما شافته خقت شعره طويل مفرود ساده جميله خصلات شعره و هي على وجهه و لونه اسود .. عيونه بني فاتح بشرته بيضا و جسم رياضي .. شخصيته راعي سهر و وناسه و فله و بنات و أي شي يخطر على باله يسويه و مغامراته كثير ... كان لابس ثوب بدون غتره )
نرجع لحنان لازال نواف قاعد جنبها و مبين عليها متضايقه كان ازعاج ناس تلعب بلاستيشن و ناس تسولف و الصوت عالي .. جا ماجد بالمشروبات و وزعها على الكل .. نواف يمسك جاكيت حنان .......
نواف : اش فيك يا حمد افسخ الجاكيت ترى الشقه دافيه ...
حنان اللحين انت وش دخل امك : لا لا شكرا انا مرتاح كذا انا ابرد بسرعه ..
نواف : أي والله لانك نحيف ...
حنان ياليتك بس تفك جاكيتي ابفهم ليش ماسكه ؟ ...
خالد ناظر نواف : نووافوووه اترك الولد ..
نواف يتصنع العصبيه : لا تقول لي نوافوه اصغر عيالك انا ...
خالد + سامي : هههههههههههههه
سامي : خله براحته يا يا الحبيب ....
بعد تردد حنان تكلمت : ا ا وليد ممكن نتكلم بالشغل بسرعه لان ما عندي وقت لازم ارجع قبل الساعه 12 و اللحين الساعه 11 الا ..
وليد : ايييييييييييه صح نسييييييييييييت .. يوم جوا الشباب نسيت .. اقولك تعال افرجك ع الشقه و منها نتكلم ...
حنان اخيرا بفتك من هذا نواف ... راحت معه فرجها ع الغرفه كانت الشقه عباره عن جناح بسرير و جناح ثاني بسريرين و الصاله اللي قاعدين فيها الشباب بالاضافه للمطبخ و 3 حمامات -الله يكرمكم- حمام للصاله و الباقي موزعه بالغرف .. كانت اخر غرفه يوريها اياها الغرفه بسرير اللي رح تكون له ...
وليد : وهذي اخر غرفه رح تكون لي ... ( يروح يقعد ع السرير ) اش رايك حلوه ؟
حنان : ايه حلوه .. واللحين ممكن نتكلم بالشغل ؟
وليد : وراك مستعجل ..؟
حنان : صراحه لاني طلعت و اهلي ما يدرون خايف يقلقوا علي ..
وليد : اممم طيب ليه واقف اقعد ....
حنان بخوف : بنتكلم هنا ؟!
وليد : أي برى ازعاج و لا وش رايك انت ..
حنان : طيب مو مشكله المهم نتكلم ..
وليد : اووووف ازعاجهم واصل لي هنا .. ( يقوم يسكر الباب ) ..
سكر الباب و قلب حنان انتهى من كثر ما خفق خايفه موووت .. كان همها بذيك اللحظه تطلع و خلاص ما عاد تبي شي ثاني بس مسكت نفسها و حاولت انها تصير طبيعيه .. نواف كان يطالع من بعيد و يوم شاف الباب تسكر فز قلبه و حس بغيره لكن تلاحق عمره و تعوذ من ابليس ....
قعدت ع الكنبه اللي بالغرفه و وليد قعد ع الكنبه الثانيه .....
وليد : يلا قول انت موافق على الشغل ...؟
حنان تنهدت بخفه : اييييه مواااااافق بس عندي شرط ..
وليد : قول اسمعك ..
حنان : انا محتاج مبلغ 900.000 ريال خلال اسبوع و ضروري ..
وليد باستغراب : و ليه هذا المبلغ ؟!
حنان : بشرح لك كل شي بس لازم تعرف اني مو استغلالي ابيها مساعده منك ان ساعدتي كثر الله خيرك و لا بتلقى غيري يشتغل باللي تبيه..
وليد : محد قال انك استغلالي بس كمل ....
حكت له كل شي و عن قصة ابو محمد و اسباب احتياجها للمبلغ كانت تتكلم و عيونه مغرقه دموع كسرت خاطره كان يناظر عيونها ما قدر يشيل عينه عنها ..
حنان : و بس هذا هو السبب ..
وليد تنهد بقوه : يا الله مررررره كسرت خاطري .. انا بعطيك المبلغ هذا اكيد و هذا المبلغ بالنسبه لي و لا شي .. انت بس داوم المدرسه بدالي و كل امورك رح تصير تمام ..
حنان بقلة حيله : اوكييييه اتفقنا ...
وليد : اجل مرني بكره و اعطيك الشيك ...
حنان بفرح : بهذي السرعه ...
وليد : ههههههههه و ليش التأخير ؟
حنان : اممم لا بس ....
وليد قاطعها : لا تبسبس و لا شي خلاص بكره بكره ..
حنان ماني مصدقه انحلت ازمه : ايه ان شاء الله ...
قام فتح خزانته و طلع اوراق ...
وليد : هذي الاوراق اللي رح نوديها للمدرسه اللي على اساسها انت رح تداوم نحتاج بس صوره لك ..
حنان : اوكيه بس متى ؟
وليد : اللحين ...
حنان بصدمه : اللحييييييييييين ! كيف ..
وليد يروح لخزانته مره ثانيه و يطلع كاميرا فوريه : انت متكشخ و كل شي جاهز و الكاميرا موجوده اش يمنع ؟
حنان : بـ بس .....

و يقرب منها وليد بهدوء خطوه خطوه .. و هي قابضه على ايدينها بقوه و ما تدري وش بيسوي ....

نروح للصاله عند الشباب كلهم على نواف ..
ماجد : نواف وش فيك متضايق ..؟
خالد : هههههههه ما تعرف يا مجووود ليش الاخ متضايق ...
نواف بعصبيه : خاااااااالد انتبه تقول شي ..
لانه عارف ان خالد يفهمه ع الطاير و نواف ما يقدر يخبي عنه ..
خالد غريب اول مره يعصب علي كذا : خلاص ماني بقايل شي ..
عبدالرحمن : يا جماعه وش السالفه ؟
سامي : ههههههه انت يا دحيم خلك ساكت مو لازم تعرف ..
عبدالرحمن بعناد : والله مير اعرف ...
ماجد : خلاص يا شباب نواف مبين اخلاقه قافله خلوه في حاله ...
نواف كان يفكر ايش يسووا كل هالوقت بالغرفه .. اروح لهم و لا ما اروح اروح و لا ما اروح .... والله لا اروح ..
و فز فجأه ......
الشباب : بسم الله ...
عبدالرحمن : اش فيه هذا ...؟!
الكل كان يناظره باهتمام وين بيروح .. راح و فتح باب الغرفه اللي فيها وليد و حنان بكل قوته ..
خالد : والله كنت عارف بيروح لهم ...
سامي : حسيته ما ارتاح الا يقعد معهم ..
عبدالرحمن : كل هذا خق ع الولد ..
ماجد يصرف الموضوع : لا يا شباب لا تفهمونه غلط اكيد قلقان من شي ..
الشباب بعدم اقتناع : يمكن ..........

نواف شاف وليد قريب من وجه حمد او حنان .. كان بنيته يشيل العقال لان بالثانويه لازم يكون غترة لحال بدون عقال ... نواف فهم الموقف غلط ..

نواف مصدووووم : ؤ ؤ ؤش تسوون ؟!
وليد حط يده ع راسها و اخذ العقال : وش نسوي يعني .. بصوره للاوراق حق المدرسه ... وش على بالك ان احنا نسوي ...
حنان ماهي معهم كانت ضايعه بملامح وليد : ما شاء الله يا زينه وجهه عن قرب احلى يااااااي مره خقه .. وراه قلبي يدق كذا وراي ارتبكت يوم قرب .. (بعدين انتبهت على حالها ) .. دقيقه دقيقه هذا نواف وش قصده بعصبيته على وليد و جيته كذا بدفاشه .. للحظه حسيته يغار علي .. يممممه شكله من الاول عارف اني بنت الله يستر .....
نواف تنهد براحه : همم .. لااا ما على بالي شي .. بس تأخرتوا ..
وليد : اللحين ببدا اصوره ...
نواف : بقعد اتفرج عليكم ..
وليد : ههههههههههههههههههه ..
نواف : وراك ضحكت ؟
وليد : لا ابد و لا شي ..
اخذ لها اكثر من 5 صور كانت مركزه نظرها على وليد تدقق بكل تفاصيل ملامحه .. الظاهر انعجبت فيه .. و من جه ثانيه نواف مركز نظره عليها و مدقق بكل تفاصيلها و ذايب معها ع الآخر ..
وليد : تمااام خلصنا .. ما شاء الله صورك مره حلوه ..
حنان بخجل : شكرااا .. اقدر اروح اللحين ؟
وليد : أي تقدر .. اوووووه لحظه نسيت بأي مدرسه تحب تروح ؟
حنان : اممم اكيد مدرسة فيصل .. انا ما اعرف اسمها بس قريبه من هنا ..
وليد : اييييه عرفتهاا خلاص تم ...
حنان بعد تردد : ممكن اخر طلب ؟
وليد باستغراب : امر ..
حنان : ما يامر عليك .. اذا بتخليني اسكن معك بالشقه ممكن فـ فيصل يسكن معنا .. بكذا ما رح احس بالغربه ..
وليد بعد تفكير : هممممم طيب مو مشكله ..
حنان بفرح : شكرااااا ما تقصر ... يلا اللحين لازم اروح ..
وليد : اوكيه نواف اذا ما عليك امر وصله ...
نواف : اكيد بوصله .. معليش حموود استنى برى .. شوي و بجي ..
حنان : طيب ..
بعد ما طلعت نواف سكر الباب و قال بصوت واطي .....
نواف : اسمع عطني وحده من الصور ..
وليد بصدمه : اييييييييييييش ! وش تبي فيها ؟
نواف : خفض صوتك ما ابي احد يسمع ... عطني صوره تكفى ..
وليد : انت انهبلت ؟! على بالنا تمزح طلعت صادق ..
نواف : امزح في ايش ... ياخي لا تفهمني غلط انا ابي الصوره لشي ثاني ..
وليد : وشو ذا الشي ..ترى الولد مسكين و بحاله ماهو ناقص مشاكل ..
نواف : والله ثم والله ما رح اسوي له شي بس عجبتني صوره حرام اخذ وحده ؟
وليد : انت الولد كله عاجبك انت عارف اش معنى ذا الكلام ..؟
نواف : يااا وليد ترى هذا الولد فيه شي غلط صدقني مهمن دققت في ملامحه احسه بنت و ربي ..
وليد : وش تقول ؟ منت بصاحي .. اقول امسك هذي الصوره و يلا رح وصله ...
نواف ضم وليد : مشكووووووووووووور ما قصرت ما رح انسا لك هالشي ..
وليد بعد ما راح نواف : الحمد لله و الشكر الولد جن ع الآخر ..
نواف اخذ حنان بسيارته يرجعهاا كانت الساعه 11 و نص .. و وليد طلع للشباب .. نجي عند وليد اولا .....
ماجد : بشر وش صار ؟
وليد : كل الامووووووور تمااام ميه الميه ..
ماجد : شفت قلت لك رح يوافق ..
ليد : هههههه صح .. شفت نواف وش سوى طلع خبل ذا الولد انجن ..
ماجد : هههههههههههههههه أي والله ..
الشباب : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبدالرحمن : ترى الفضول ذابحني فهمونا وش القصه ...
وليد : هههههههه اكيد بيذبحك اذا ما عرفت ما ترتاح ..
خالد : والله حتى انا ابي اعرف وش فيه نواف .. و كيف تعرفتوا على هذا حمد ؟
وليد : مجووود تكفى احكي لهم .. انا مالي خلق ..
ماجد : اوووك .. اسمعوا اليوم في مقهى النت .................
و قالهم كل القصه ...
نروح للسياره .. حنان تعرف الطريق زين لانه طريق مدرسة فيصل .. بس الغريب ان نواف ما رجعها من نفس الطريق و هذا الشي خلاها تتوتر و تخاف ..
حنان بتردد : نـ نواف انت وين مودييني ؟
نواف : مووووووووفاجأه ...
حنان شهقت : هئئئئ .. يعني مو البيت ..؟
نواف : الا بوديك البيت بس بعد ما اوريك مفاجأتي ..
حنان بخوف : لا انا ما ابي أي مفاجأت وصلني للبيت تكفى ..
نواف : و ليه خايف والله ما رح اسوي لك شي .. محسسني انك بنت ..
حنان : هـ هاااه .. لا لا ماني خايف بس تأخرت و اهلي ما يدرون اني برى غير يسووا لي سالفه ..
نواف : معليك ما رح نتأخر ربع ساعه و تكون بالبيت ...... يلا وصلنا انزل ...
حنان ميته رعب : و و وين ؟
نواف : تعال و بتشوف ..
نزلت و هي خايفه موووت وش بيسوي ... بعفويه مسك يدها و اخذها .. دخلوا على محل جوالات ...
حنان انهبلت يوم شافت الجوالات هي عشقها : وااااااااو جوالات رروعه .. ( تناظر يدها لازال ماسكها تسحبها بقوه ) ليه جبتني هنا ؟
نواف تنهد ليه تركت يدي : جبتك عشان تختار لك جوال ..
حنان : كيييييييف .. بس ليش ؟
نواف : بدون ليش انت ما عندك جوال و لا بغينا نكلمك لزوم ندق على فيصل يعني مشوار .. و غير كذا اعتبرها هدية صداقتنا ..
حنان هدية صدااااااقه !!! : ما ادري اش اقولك .. بس انا ما ابغا ..
نواف : مو على كيفك منت طالع من هنا الا و بإيدك جوال .. و حاول تختار بسرعه لان كل ما تأخرنا مو من صالحك ..
حنان أي والله ان صادق خايفه ليكون احد صحي و ما لاقاني لا اصلا انا مقفل باب غرفتي محد رح يزعجني بس ولو لازم ارجع البيت ..
نواف : وش فيك يلا اختار ...
حنان طاح نظرها على بلاك بيري بولد اشرت عليه : هذا ...
نواف : جيب لنا هذا الجوال ...
طلع نواف جواله الثاني من مخباه طلع منه الشريحه ..
نواف لراعي المحل : ركب هذي الشريحه فيه .. و عطني اياه ...
شروه و ركب لها الشريحه و فعل لها خدمة البلاك بيري ماسنجر بعد .. و حذف كل ارقامه ....
نواف : اني اطلع شريحه جديده يبغالها وقت خذ شريحتي هذي مشي فيها حالك الى ان اجيب لك وحده جديده و ان دق عليك رقم ما تعرفه لا ترد اوكيه ؟
حنان : طيب بس ماله داعي تسوي كل هذا ...
نواف : بالعكس انا حاب اسوي كذا ... يلا اللحين بوصلك بيتكم ...
حنان ما عدت افهم ذا الانسان اهم شي يوصلني للبيت و انتهينا ...
وصلت البيت دخلت الحوش و اخذت عباتها لبستها ثم دخلت .. البيت كان ظلام خفيف مشت ع اطراف اصابعها و فتحت الباب و هي خايفه تتلفت لحد يشوفها و الا تحس بيد تمسكها من خصرها و تدفها على داخل الغرفه و سكر الباب ... راحت من الفزعه ركض و ولعت النور ...
حنان : هئئئئ فيييييييييييييصل .. ليش سويت فيني كذا ؟
فيصل شافها لابسه رجالي عطاها كف طيحها بالارض : وين كنتي ؟
فيصل ينزل لمستواها بالارض يشد بشعرها : سألتك وين كنتي ؟
حنان تبكي و تتألم من شعرها : فك شعري يألم .. ليش ضربتني انا ما سويت شي غلط والله ما سويت ...
فيصل : طالعه بنص الليل و ما سويتي شي غلط و من ورانا .. وين .. كنتي ؟
حنان : انت كيف تمد يدك علي .. نسيت ذاك اليوم نسيت يوم كنا صغار وش قلت لي ...
ترك شعرها و قام يتذكر .. نرجع بالذاكره للماضي قبل 13 سنه جتهم ام فيصل و ولدها زيارة لبيتهم قبل لا تتطلق كانت عايشه بعذاب مع زوجها ... من جهة فيصل و حنان كان قاعدين بالحوش يلعبوا و يتكلموا وقتها كانت اعمارهم 5 سنوات ......
حنان : يا حظك انت عندك اب ...
فيصل : بس ما احب هذا بابا .. اتمنى لو يموت ..
حنان : لييييييش !
فيصل : شوفي ( يوريها جروح بيده ) .. و شوفي وجهي .. كل يوم يضربني و انا ما سويت شي ..
حنان : حرااام ليش يسوي كذا ..؟
فيصل : ما ادري بس انا اكرهه ما احبه ...
حنان : اممم بس انا عندي عادي ابغا يصير عندي اب حتى لو يضربني ..
فيصل : لا تقولي كذا والله الضرب مو حلو .. انا اذا كبرت و صار عندي اولاد ما رح اضربهم و لا رح اضرب احد عشان ما اصير زي بابا .. و ماما دائما تقولي اذا كبرت لا تصير زي ابوك تضرب عيالك ..

حنان : وااااو بتصير احلى اب ..
فيصل بخجل : ههههه سكرا ..
حنان : طيب ممكن اطلب منك طلب ..؟
فيصل : عادي
حنان : ممكن تصير انت بابا لي ؟
فيصل : ههههههه بس انا صغير ..
حنان : عااادي ودي يكون عندي اب ..
فيصل : خلاص اذا انتي تبغي بصير ...
حنان تضمه بفرح و تقوم ترقص : ووووووناااسه يااااااااااي صار عندي اب .. بس اوعدني ما تضربني ...
فيصل : انا مستحيل اصير زي بابا مستحيل اضربك و هذا وعد ..
حنان : خلاص تذكر انك وعدتني ...
فيصل ناظرها بابتسامه : مستحيييييييل انسى .....
نرجع للزمن الحااااضر .. كانت مرميه ع الارض و فيصل يناظرها باحتقار .. و تذكر الوعد اللي وعدها اياه و هم صغار ....
حنان : نسيت وعدك يا فيصل ...! يا بابا !
فيصل بألم : لا ما نسيت .. بس انتي ليش طلعتي من البيت و وين كنتي لاني خايف عليك سويت كذا ..
حنان : لو سألتني بهدوء كان حكيت لك كل شي ....
يقومها من ع الارض يقعدها ع السرير ... يشوف جوال ع الارض جوالها طاح منها .......
فيصل بصدمه : من وين لك هذا ؟
حنان غمضت عيونها بخوف : قلت لك بحكي لك كل شي بس لا تضربني ..
رجعت فيه الذاكره و هو صغير يقول لابوه لا تضربني تكفى يا بابا لا تضربني ...
فيصل : انا اسف ما رح اضربك .. قولي اللحين .....
حنان حكت له كل شي من لما دقت على وليد لغاية ما رجعت البيت مرورا بمحل الجوالات ...
فيصل تنهد بزعل : اهم شي محد عرف انك بنت !
حنان : لا لا لا صدقني محد عرف و لا احد سوى لي شي ...
فيصل : ماني قادر اتخيل انتي مع شباب بشقه .. ماني قادر ابلع الموقف ..
حنان نزلت راسها : يلعن ام الحاجه ...
فيصل : ولو كان قلتي لي اجي معك ...
حنان : انت كنت رافض ..
فيصل : اجل غلطتي .. اسمعي لا عاد تطلعين لحالك .. اللحين احنا تورطنا معه و خلاص لازم نكمل للاخير .. ما قدامي حل الا اني اساعدك و احميك .. ما رح اخليك لحالك و اللحين وش نسوي ...
حنان هديت و تنهدت براحه : انا فكرت بكل شي .. بعد ما اخذ الفلوس و اسددها لابو محمد بنروح انا و انت لشقة وليد نسكن فيها .. ندوام مع بعض كلها سنه رح اتحمل ..
فيصل : مو هنا المشكله ! امي و امك وش نقولهم ...؟
حنان : انا فكرت بشي بس لا تضحك .. انا .. اقول .. يعني .. لو ....
فيصل باستغرب : قولي لا تترددي ..
حنان باحراج : يعني نتزوج انا و انت ..
فيصل شهق من الصدمه : هااااااااااااااه .. من جدددددددددددك ؟!
حنان لفت عنه و بصوت واطي : ما في حل ثاني ....
فيصل يضحك بهستره : هههههههههههههههههههههههه انا و انتي هههههههههههههههههههه ..
حنان ناظرته بزعل : ليه وش فيني ماني ببنت ....؟
يوم قالت كذا سكت و قام يناظرها مو عارف هو اش قاعد يحس فيه ..
حنان : لا تناظرني كذا اصلا بس بنملك عشان يخلونا نطلع مع بعض ما رح نتزوج بمعنى الكلمه .. بس تخلص السنه تطلقني ..
فيصل : كييييييييييف ؟! تصيرين مطلقه ؟ و ليش كل هذا ؟ اسمعي خلينا نتراجع انا رح اكلم وليد اخليه يلغي كل شي .. ما تلاحظي انه قاعد يستغلك ورى ما يكمل دراسته هو ؟
حنان : ما يبي يدرس هذي الفلوس و ما تسوي بعدين انا اش علي منه ابي الفلوس و بس تبينا نقعد بالشارع ..
فيصل : بس هذا مو حل ...
حنان : هييييييه خلااااص ما في الا هذا الحل توكل على الله واسمع كلامي ..
فيصل : شوفي رح اكمل معك و بسوي زي ما تبغي بس من اللحين اقولك انا مالي دخل بأي شي يصير لك بحاول احميك قد ما اقدر بس ان صار لك شي لا قدر الله انا ماني مسؤووول .. انتي اخترتي هذا الطريق تحملي مسؤولية نفسك و لا تجيني بيوم من الايام و تقولي لي ليه ما منعتني ..
حنان : لا لا اوعدك وعد شرف ما رح يكون لك أي دخل و انا بتحمل مسؤولية أي شي يصير و ان شاء الله مو بصاير شي طالما انا معك ما رح اخاف من شي ..
فيصل ابتسم : كذا اتفقنا ..
حنان : اجل بكره تكلم امك على ملكتنا انا و انت ..
فيصل : بذي السرعه ؟
حنان : ما بقى شي عن الدراسه لازم يوم الخميس الجاي نكون مملكين ..
فيصل ناظرها بخبث : ههههههه بتصيري زوجتي ..
حنان : خخخخخ على ورق بس ..
فيصل : هههه طيب طيب يلا بروح اكمل نومتي ..
حنان : و انا بعد بنام من التعب و من الكف اللي عطيتني اياه ...
فيصل : ههههههه قلت لك اسسف ...
حنان ابتسمت : خلاص سامحتك ...
رجع لغرفته حط راسه ع المخده قام يتقلب مو قادر ينام .. يفكر بالمصير المجهول و الطريق اللي تمشي فيه بنت خالته ...

كانت بغرفتها فاتحه الشباك تناظر القمر و تحاكي نفسها بصوت واطي .. انا احبه والله احبه لازم اكلم حنان و اقولها اني احبه .. هو ولد خالتها رح تكلمه عشاني .. لازم بكره ازورهم و اقولها .. صرت ما اتحمل كل ما اشوفه اتمناه يصير لي اليوم قبل بكره .. و رب البيت احبه من الطفوله ..
سوسن صحيت من النوم على صوتها : والله درررررينااا انك تحبينه .. تكفين بس خلينا ننام ..
سميه : مناك بس ما رح تفهمين ..
سوسن : الا افهمك بس خلينا ننام ...
نطت على سريرها ......
سميه : سوووووووسن تكفين خلينا نروح بيت ام حنان بكره ...
سوسن نص نايمه : اييه ايه طيب .. خليني انام ..
فزت سميه بفرح : ييييييييس بكره ان شاء الله ..
سوسن بسااااابع نومه .....
(( رح اعرفكم على الشخصيات الجديده ب البارت الجاي ان شاء الله ))

انتهى البــــــــــــــــــــارت

توقعاتكم :
مين سميه و اش تصير لحنان ؟؟؟؟؟