09-10-2013, 12:52 PM
|
| |
 رجعععععععت مع الباارت
بسم الله نبداء
البارت الاول
في بيت ابو راشد
(اول ايام الاجازه الصيفيه)
جنى في غرفتها وبعد ما اتروشت وصلت دقت عليها لمى
لمى وبدون مقدمات:اقول جنوهو تعالي بيتنا بطق من الطفش يالله بسرعه تعالي بعد صلاه المغرب انتظرك بااااااي
جنى:اعوذ بالله حتى سلام زي الاوادم مافي طيب يا لمى اشوفك ويصير خير
ودقت جنى على محمد وقالها مشغول وقالت حتدق على خالد واذا ما قدر الله يعينها تدق على راشد طبعا راشد الحل الاخير بسبب عصبيته الزايده وخوف جنى منه مع انه يحاول انو يكون هادي معاها المهم دقت على خالد ووافق انو يوديها وبالمره يسلم على عبد الله وفيصل
بعد المغرب
بيت ابو عبد الله
وتحديدا الصاله
لمى:احم احم احم
فيصل ويناظرها بنص عين عارف وراها شي:خير
لمى :فيصل حبيبي
فيصل بابتسامه عارف حركات اخته:ا مري ياعيون فيصل
لمى بهبال:لا عيونك خليها لك اسمع اليوم البنات بيجوني يعني ياريت تقضي باقي اليوم في بيت الشعر
فيصل :ومين سمحلك تعزميهم
لمى ببراءه:بابا
فيصل بطيبه:طيب ياروح اخوكي محتاجه شي ناقصك شي
لمى بحب وهي تبوس راسه :لا تسلم
وبعدها بشوي دق التلفون ورد فيصل
فيصل:الو
لينا وحست بمغص عرفت انو فيصل وخافت يعرفها:السلام عليكم
فيصل: وعليكم السلام هلا
لينا :لو سمحت لمى موجوده
فيصل بابتسامه (هه هلا والله بلينا هلا):ايوا مين ا قولها
ليناوالله والوهقه ايش اقول له الحين :امم قولها لينا
فيصل ووصل للي يبغاه:لينا كيفك اخبارك
لينا ياثقاله دمك يا اخي:تمام ممكن تعطيني لمى
فيصل ايه هين:طيب بس ممكن سوال
لينا :خير
فيصل :انتي جوالك خربان مفصول؟
لينا ببراءه:لا ليه؟
فيصل بعصبيه مصطنعه يعني يبغى يخوفها:اجل ليه لما ادق ماتردي ها ناسيه اني خطيبك وكلها اسبوع واملك عليكي
لينا :طوطوطوطو
قفلت السماعه بوجهه من الخوف (لينا بالنسبه لها فيصل مصدر خوف لانه لما خطبها توعد فيها وقالها انومايحبها ولا يطيقها وخطبها عند فيها )
المهم نرجع لجمعه البنات
بعد صلاه المغرب كانو كل البنات اتجمعو عند لمى(لجين وحور ورماح ولينا وطبعا سلام الي بالغصب طلعت من غرفتها ورؤى ولسه جنى ما جات)
لمى :يا حي الله من جانا
لجين ولينا وحور :الله يحيك
لمى بهبل :الكلام مو لكم انا اكلم رماح
رماح بطيبه:الله يحيك ويبقيك
لينا :ماعلي منك انا خلقه اخوك حرق دمي اليوم
لمى :فيصل والله انو عسل وطيب وبلقافه بس ايش سوى لك
لينا وتطالع بلمى بنص عين :بقول مو عشانك ولا عشان سواد عيونك بقول لاني مقهوره ولوما قلت حنفجر
لمى :عيوني عسلي مو اسود
لينا بقهر:اشوف فيكي يوم يالمى انتي وها الفيصل الي عالتنا فيه امييييييين
وقالت لهم لينا على الي صار لها اليوم مع فيصل
رماح:طيب هوا معاه حق ليش ماتردي عليه
لينا بقهر:ما اطيقه لما اسمع صوته اتمغص واحس اني ابرجع
لمى بحزن على حال بنت عمها واخوها الي تحبه اكتر من أي شي تاني: الله يصلح الحال
حور وتبغى تغير الموضوع لان القعده قلبت غم: لمى دقي على جنى شوفي فينها
(عند جنى في سياره خالد)
الجو مكهرب لاخر درجه وخالد مفول وجنى لاحظت عليه وما هان عليها اخوها
جنى:خلودي
خالد بابتسامه باهته:هلا
جنى لا شكله موصل حده :ممكن نوقف عند البحر شويا
خالد بدون لا يلتفت:ليش
جنى:اممممم مخنوقه شوي
خالد حتى انتي ياجنى موحاسه فيا:طيب بس ما نطول ورايا مشاوير
جنى :طيب
ووقف خالد ع الكورنيش ونزلت جنى وبعد شويا لحقها
خالد:ها جنى خلاص نرجع
جنى :لا لسه شويا
خالد بعصبيه :جنى مو فاضي لك طول الليل انا ورايا مشاوير
جنى قامت من مكانها وحطت يدها على صدره:مو قبل ماتقولي ايش الي تاعب دا وتاشر على قلبه وحارق دا ووتاشر على راسه
خالد بابتسامه والله ماخاب ظني فيك:مافي شي
جنى :خالد لاتتغلى انت عارف انو مايهون عليا تعبك بسر عه ايش فيك
خالد بتنهيده:اليوم في عمليه مداهمه قمنا فيها الفجر مات واحد من زملائي قدام عيني ولا قدرت اسويله شي اااااااااااه
جنى بحزن :الله يرحمه بس برضو مودا السبب كله دا جزء منه
خالد وهو يطالع في البحر:جنى اوعديني انو الكلام الي بيننا مايطلع لاحد
جنى بخوف:اوعدك
خالد:خلاص روحي انبسطي مع البنات وفي الليل اقولك
جنى بخوف ولقافه:لا خالد البنات مواهم منك
خالد بنص عين :والله البنات مواهم من اللقافه ولا
جنى باحراج:خااااااااااااااالد
خالد:ههههههه طيب دقي اعتذري منهم ونروح مطعم او كوفي واحكيلك
جنى :حاضر
وفي السياره وهم متجهين للكوفي
لمى بتدق على جنى
لمى: الو
جنى :هلا
لمى كا لعاده :فييييييييينك الناس كلها جات وانتي لسه يابرودك ياشيخه
جنى وحبت تحرجها وتعاقبها على الحركه حقت العصر فتحت السبيكر وخالد قاعد يسمع لمى وهواشها
جنى :ما اقدر اجي خالد محتاجني
لمى بقهر:ولييييييه ماقلتي من الاول ليه خليتيني انتظرك
جنى:دوبي كنت بدق الا انتي داقه
لمى :المهم يعني منتي جايه عشان خالد
جنى:يب
لمى :وش فيه السيد خالد عسى ماشر اظفاره يوجعه ولا مشتاق لحظن الماما هه
جنى:هيييييييي حدك عاد كلش ولا خلودي ماارضى عليه
لمى بتريقه :الله وهالخلودي مالت عليكي وعليه والله انه قاهرني وودي اكفخه على خشمه المعوج ذا
خالد هيييييييين يا لمى تتريقي صبرك بس خليني افوق لك
جنى بضحكه :لا هوا يبغني في موضوع
لمى بلقافه:ايش الموضوع
خالد وزهق وخاف انها تسب اكثر من كدا عارفها لسانها متبري منها:اقول لمى ذلفي تراك صكيتي راسي حشى راديو وقفل بوجهها
جنى ماتت من الضحك:يا ويلي منها
خالد:هههههههههه بس تصدقي فكت ضيقتي
جنى :لمى دمها مره خفيف
خالد:بس ملقوفه وانا اكره ما عليا اللقافه
وقبل ما تلحق ترد عليه جنى قالها: يالله وصلنا انزلي
في مكان تاااااااااااااااني
المستشفى
الممرضه :دكتور زياد خلص مافي مرضى تقدر تروح
زياد :اففففففففف واخيرا
طبعا زياد خرج من المستشفى على شقته ودق على مرته الي متزوجها مسيار عشان تجيه وطبعا كان يقولهم انا في الدوام والي كانت تعرف ومطنشه بمزاجها هيا رؤى بس كانت مقهوره منو وحاسه انو حاط سمعه العيله بالارض وهوا ما كان يعرف انو رؤى تدري عن بلاويه الامن فتره بسيطه وقاعد يدور وراها عشان يمسك عليها شي وماتفضحه عند العيله
هذا هوا زياد متمرد من نوع اخر"زياد يموت على تراب الارض الي
تمشي عليها رؤى بس لما عرف انها تعرف بلاويه عرف انها مستحيل تتزوجه والاغلب انها راح تفضحه فصار يحاول يقاوم مشاعره تجاهها لكن للاسف حبه لها بيزيد يوم عن يوم"
عند البنات
انواع الفله
اكل ورقص غنى واسرار وضحك وبكى (هذي هيا سهرات البنات انواع التناقض)
عند رماح ورؤى والي رؤى مخبرتها بكل شي عن اخوها
رماح وعيونها تدمع من الصدمه:زياد متزوج مسيار
رؤى:ايوا عرفت من وحده من الممرضات انو اتزوج وحده سوريه عمرها 22سنه مسيار
رماح والدموع شغاله: ليش يازياد ايش الي ناقصك
رؤى بقهر من زياد وتصرفاته الي موطيه روسهم:رماح خلاص اخوكي من جد مايتسكت عليه انا لازم اقول لابوي ولا عمي الوضع كدا ماينفع
رماح بهلع:لااااااااا ابوي وعمي لا والله لاينحروه ويدفنوه با رضه وبعدين زياد من متى يهمه كلام ابوي ولا عمي زياد دايما يسوي الي يبيه
رؤى بتنهيده:أي والله المهم شوفي لازم تتصرفي ولا اتصرف انا مو معقوله اخوكي رجال طول بعرض ويتصرف كانه بزر يبغى يتزوج وقالتها بغصه نزوجه والف بنت تتمناه لكن الغلط لا اليوم مسيار بكره ايش زنا وماخفي كان اعظم
رماح: لا خلاص انا اتصرف الله يهديك يا زياد
رؤى :اميييين "رؤى تحب زياد وهذا الي مخليها تراقبه وتتبع تحركاته وكانت مقهوره منه انه مو حاس فيها ولا داري عن هوا دارها وكان يقهرها انه عنده كل شي ليش يلعب بذيله والي يقهر ويحرق الدم اكثر انه صح كان عصبي وداج لكنه ماانحرف جد غير من ثلاث سنين تحديدا من وفاه صديقه الي كان اعز من اخ عليه"
عند جنى وخالد بالكوفي
خالد: جنى انتي يمكن ما تفتكري نواف صح
جنى :والله ما اتذكر مين دا اساسا
خالد وبصدمه : جنى ماتتذكري نواف ولد عمي اخو الهبله لمى
جنى واخيرا اتذكرت: ايوا اتذكرته خير ايش الي ذكرك فيه
خالد بتنهيده :هوا انا نسيته
وكمل:انا من فتره وانا ادور اخباره ابغى اعرف ايش صار له وفين عايش وكيف
جنى :طيب مو خايف لو اهلي عرفو يقلبو الدنيا فوق راسك
خالد بوجع:لا مو خايف 7 سنين عايش ونواف بعيد عني بسبب شي تافه 7سنين عارفه يعني ايش 7سنين نواف كان كل شي في حياتي كنا نكمل بعض
بس الله يسامح الي كان السبب
جنى واللقافه وصلت مراحل متقدمه عندها :ايش الحكايه مو فاهمه شي
خالد عارف جنى ولقافتها وهوا محتاج يفضفض:نواف كان احلى واشجع واشطر شباب العيله والكل كان يفتخر فيه ويعمله الف حساب
بس الي صار قبل 7سنوات في ليله العيد غير كل الموازين
إضافات من عندي:
الواجب الصارووخ<أنتبهوا لا يدخل بعينكم<ماني مسؤوله:
إيش أكتر الشخصيات اللي عجبتكم؟؟
وين نواف؟؟
أيش صار ليله العيد وقلب الموازين؟؟
يلااااا بدي ردووود حلوه 
|