انا هذا اخر أسبوع معاكم
وأن شاء الله بعدها اكون أوف لاين
أحتمال ادخل في العيد اهنيكم و أطلع
وصدقوني راح أشتاقلكم كلكم اصدقائي وصديقاتي
كلكم غالين بس راح اعطيكم معلومة
انا أن شاء الله من أخلص البكلرويا واتخرج من الثانوية
وما زلت ع قيد الحياة ورجعت لكم
فأعلموا اني أكلمكم من الشماعية
الشماعية هي الاسم الدعائي لسمتشفى المجانين
انا والشلة الفاشلة حاجزين جناح خاص
يا اخي اخواني راح يجننوني انا واختي
يعني فد شي أهل المشاكل والتعب
ويجبون الك الحالة النفسية الزفت
هالاسبوعين امي كل كم يوم تروح وابوي لواجب أو للسوق
يكملون تجهيزات المدرسة النا احنة ما نروح
ابوي يقوول عائلتنة كبيرة ومانطلع كلنا
وانا واختي مراوي صارت طلعتنة حيل قليلة لان كبرنا
فيتركون اخواني كلهم معانا ولازم كل مرة واحد منهم
يرفع الضغط ويجيب الجلطة القلبية والسكتة الدماغية
ويبطون الجبد ويموتونة ع ما يرجعون اهلي .
+
تعرفون انو هالعطلة كم مرة طلعنة يعني كعائلة طلعة مسنعة
اعتقد 3 او 4 مرات فقط
صدقوني رحنة لمتنزه
و لمهر وعرس اخو صديقتي
وبداية العطلة لمطعم بس
يعني شوفوا شلون قهر
والي يقهر اكثر اني معفية اعفاء عام ماعدا الفيزياء
يعني معطلة قبل الكل بس ما طلعنة
وع اساس نسافر لشمال العراق ونروح لعماتي
ابوي قال حصلوا ع معدلات بالـ90 واخذكم
انا واختي الصغيرة حصلنة بس اختي مرواي بكلرويا ثالث
ما قدرت تجيب معدل عالي مع انو هي حيل تعبت بس بابا وافق
قال بالبداية من تخلص مروة امتحانات خلصت مروة
قال من تخلصين دورات تقوية خلصت انا
الحظ كعد والظروف بالعراق حيل مو زينة قتل وخطف وتهديد
بابا قال الطريق مو امان فما راح انروح انا اجيت ابجي
لان جنت منتظرة هالسفرة بفارغ الصبر حيل جنت اريده
وقلت اريد اروح اشوف عمتي صارلي 3 سنين ما شايفتهة
واشوف بنت بنت عمتي الثانية راح يصير عمرهة سنة وما شايفتهة بس بالصور
وقلت اريد اشتري واجهز للمدرسة من الشمال لان ارخص من عدنة
البصرة اغلى مناطق العراق بكل شي لانها عاصمة العراق الاقتصادية
بالحديث عن اوضاع العراق
رجعت بالبصرة نفس الاوضاع بـ2006 و 2007
يعني خوف مو طبيعي راح اقولهة واحتمال اخذ مخالفة
من قبل يومين الوقف الاسلامي السني اعلن اغلاق جميع
الجوامع السنية في البصرة بسبب الخوف من القتل
يعني فقط اذان لا يوجد صلاة في الجوامع ماعدا جامع منطقتنة
ومنطقة بيت عمي قريبة علينة لان مجمعات سكنية تابعة لشركة نفط الجنوب
وقليل الخطر فيها طبعا المصلين هم ماقبلوا يغلقوهم
ابن عم امي محمد شاب يدرس دراسات اسلامية وكان عنده تطبيق بالعطلة
فيروح يخطب بالجوامع الحين استلم تهديد وغادر البصرة وراح للشمال
وترك خواته واخوه وابوه حسبي الله ونعم الوكيل
ليش هجي ؟
والله ما صدقنة قلنة خلاص ارتاحينة ليش يعني ؟
انا امس عرفت انو هو متعرض لتهديد قتل بس انتظر
حفلة خطوبة خالي وسافر ربي يرجعك بالسلامة من تهدأ الاوضاع
ربي نسألك الامن والامان في جميع مناطق المسلمين بهذا المغرب يا رب