09-22-2013, 09:29 PM
|
| |
مرحبا في اعترافات زورو
نبدا بتعريفه لشخصية بسم الله الرحمن الرحيم يسعد لي ايامكم جميعا قررت افتح مدونه
في تاريخ 11\10\ 1432
الساعه 9:30 صباحا بطاقتي الشخصية  الاسم : عبدالرحمـن غازي عبدالله الحقباني العمر : 21 الميلاد : 30 اكتوبر المهنه : مهندس طيارات << عن الكذب بس طالب في جامعه الملك سعود قسم العلوم الاداريه اداره اعمال البلد : السعوديه \ الرياض \ حي السليمانيه \ ذاك البيت اللي جنب البقاله >> بتسكت ولا شلون هوايات : الكورة تأليف القصص متابعه الانيمي اللون المفضل : الازرق المأكولات : كل شي احب اكل ولو عرفتو وش احب بتسوونه لي ؟ المشروبات : ايضا لاشيء محدد مشروع حياتي : اتمنى أن اكون شخص نافع وادخل البهجه على كل من يعرفني احب ربي وديني الوالده الله لايحرمني منها خواتي نور عيوني واخوي الله يصلحه ويهديه الانيمي لدرجه اني ابديه على حياتي الواقعيه ربعي فيصل ومشاري ومحمد وعبدالعزيز ونايف ونعم الاخوياء احب عيون العرب بكل من فيه لانه يعني لي الكثير جدا وتحيه لكل خواتي واخواني بمنتديات عيون العرب بدون ذكر اسماء اكره الوحدة الظلم الانتظار أن يتغير علي شخص احبه قناعات اتبعها في حياتي  * مو عيب أني انتظر الخير من اللي احسنت له بس المهم أن يكون بالي طويل لان لو ماجاني رد الجميل منه راح يعوضني ربي بانسان يقدرني غيره * التسامح راحه لي قبل مايكون راحه لغيري وحقي عند ربي مهما استهانو فيه عباده مايضيع * كثر ماللشخص عندي مكانه أشرهه عليك اكثر من الغريب ولكن بكل صمت !! *مهما كانت ميولي طفوليه وماابين مثل باقي الشباب بسني المهم اني انسان سوي وقاعد اكافح علشان القى مكاني بالدنيا *قمة الالم بالنسبه لي اني ابقى مع ناس احبهم رغم كذبهم علي * قمة السعاده بالنسبه لي أني احط راسي على المخده ومحد زعلان مني !! *قيمة الاشياء ليست بثمنها بل بقيمه الشخص اللي اهداها لي * للحب طرق عديده فقد تحب من كنت تكره ومن كنت تتجاهل وقد تحب من لم تعرفه او لم تره عينك * عوضي في هذي الدنيا قولي : ربي اني توكلت عليك فعوضني مانقصني في دنياي بجنتك فهي خير من متاع الدنيا ومافيها عيوب اعترف فيها ......  حساس جدا - مااقدر اعترف بمشاعري بسهوله - مجاملتي للناس تعود علي بشكل سلبي اسكت لفتره بعدين انفجر واقول كلام اتندم عليه - احب الكلام اكثر من الاستماع ناس لهم الاثر في حياتي والدتي : ماكنت مجرد ام كانت ولازالت كل شي بالنسبه لي امي واختي وصديقتي ويكفيني فخر لانادوها " ام عبدالرحمن " يمه .. حبيتك وسكن فيني في داخل|قِلبُـ♥ـيً|يا يمه وعمري ما انسى {حبك وعطفك يا يمه .. الله ... لايحرمني منـك يا شمعة . }~ حياتي .. اختي سارة : لاعاش من يبقي بخاطرك حاجات امري دام اخيك حي وبداره ان شكيتي حاجتك ولا بسكات لدق صـ ـدري و (انا اخو ســـــsaraـاره ) فيصل : أنت الصديق اللي صفى لي وداده وانت العزيز اللي له القلب يرتاح أشتقت لك ياصاحبي وين الاقيك ؟ محتاج لك بالحيل ودي اشوفك <<< ملاحظه : يوم قراها فيصل قال ياحبيبي الجاامعه بيتنا الثاني وبتطفش من وجهي هههههههههههههه :lamao: رايي في  السخافه : نحن بحاجه للسخافه في حياتنا فلم يخلقها الله الا ليكون لها جزء وايطار يكفيها الكلام : من الجميل أن يكون عذبا لا عذابا ؟! الصداقة : نص الاخطاء فيها يقع على الشخص الذي اختار فأن صادق شخص لحاجه فمصيرها ان تنتهي ؟! الحب : شر لابد منه ؟! الكره : يتعب صاحبه قبل أن يتعب الشخص المكروه ؟ هذا ان علم انه مكروه اصلا الانيمي :لم يحتوي جزء من حياتي فانا اراه عوضا عن اشياء سيئه في حياتي الواقعيه برب لنا عوده:hehehe:
مقتبسة من مدونته
هههههههههههههه
من جد كان افضل
الي ملتقي مع اعترافات زورو |
|