|
البارت الخامس عشر
زياد:ها يمه وش اخبارك اليوم
ام زياد بتعب واضح:الحمد لله على كل حال زياد ياولدي
زياد ترك الي بيده ومسك يدها :امري ياقلب زياد انتي
"زياد في الاول كان بس يطيع كلامها ومايعصها لانه مهما كان ربته لكن الان حس انه راح يفقدها فصار يطيعها ويدلعها ويحن عليها بشكل جنوني لانه كل الي فقدهم مالحق يودعهم او يسوي لهم شي قبل مايموتو كلهم تركوه فجاءه من امه لبدر الي سبب الم كبير لزياد الي الى الان يحاول يداوي جروحه من موتت بدر"
ام زياد بندم بس بعد ايش :سامحني على الي سويته فيك سامحني اني ضربتك واهنتك وانت صغير واني حطيت حره امك وابوك فيك
"زياد يصير اخو ماجد والبنات من الاب ابو زياد تزوج وحده اجنبيه في فتره دراسته واتكتم ع الموضوع ولما خلص نزل المملكه وزوجوه ام ماجد لانها بنت عمه وبعد زواجهم باربعه اشهر كانت ام ماجد حامل بماجد وحور وابو زياد سافر بعد زواجه بشهرين لبريطانيا عشان يطلق مرته الاجنبيه بس انصدم انها بعد حامل
بس كانت حامل بالثامن يعني الفرق بين ماجد وحور وزياد هو اربعه اشهر
وضل عند ام زياد لحد ماولدت
وجابت زياد وماتت وهيا تولده
واضطر ابو زياد ياخذ زياد وينزل فيه لجده وطبعا الكل عرف بزواجه من الاجنبيه
وعرفو بموتها لكن ام ماجد كانت مقهوره من ابو زياد كيف وانا عروس ولسه حامل بالخامس تجيني من بره بولد وتقول ولدك
وطبعا ورت زياد العذاب اشكال الوان ويمكن هذا الشي الي خلى زياد ينفر من البيت ومن اخوانه لانها دايما تقوله انهم مو اخوانك
صح هيا طيبه بس الين زياد ومتلاقي طيبه حاولت كثير تتقبله بس كل ماتشوفه تتذكر اسواء ايام حياتها
وتكرهه بزياده زياد كان عباره عن نقطه سوده في حياتها وحاولت قد ماتقدر في اخر سنتين تعامله كويس بس برضو ساعات تقلب عليه وكان يدور هالحنان الي فقده في احضان البنات فتزوج مرتين مسيار اول مره اتزوج قعد معاها 6 اشهر وطلقها والثانيه الي كشفتها رؤى كان لها شهرين وطلقها"
زياد ودمعته في طرف عينه :مسامحك يمه وانا موزعلان ولاعتبان عليكي بس لاتقولي كذا يمه انتي الي سامحيني ان كان قصرت في حقك او اسات لكي او عليت صوتي عليكي
اخذته ام زياد في حضنها وهاذي اول مره تحضنه فيها ااااااااااااه قديش كنت محتاج هالحضن بس مسك نفسه لاينهار ومسح دموعه:يالله يمه انا خارج تبين شي امري بس تدللي يابعد كل هالدنيا انتي
ام زياد:ابي اوصيك وصيه ياولدي وابيك تنفذها طلبتك من غير ماترادداو تسال عن السبب
زياد:لو على رقبتي بنفذها امري يمه
ام زياد:يمه اذا جبت ولد سميه ماجد
زياد:يمه..... قاطعته امه
:ياولدي ادري اني فرقت بينكم واني انا سبب كل الي انو فيه واني سبب بعد
اخوانك عنك
وانا ابيك تقرب منهم ووو نفذه لي من غير ماتسال
زياد بإبتسامه
:تامرين يمه وبمزح عشان يخفف حده الموقف يمه اسمه شين
مو حلو حرام بتعقدي ولدي
ام زياد:ههههههههههه الله يقطع ابليسك
دخل عليهم ابو زياد وبمزح :اقول قم واطلع لااجي افلعك بالعصى
زياد:طالع طالع بترك لكم الجو ابسط ياعم
ابو زياد حذفه بالمخده
وطلع زياد وهوا يضحك
وقابل رماح في الصاله العلويه
زياد بطيبه:هلا رماح وشلونك يالغاليه
رماح ناويه تجرحه:هه بخير بس شكلك تحسبني وحده من حريمك لا يابو الشباب انا رماح اختك
زياد مسك يدها بقوه وعصبيه:خير وش قلتي
رماح بصراخ:اترك يدي لاالم البيت كله عليك
زياد تركها:اصلا انا غلطان الي اعتبرتك شي مهم وقلت اسلم عليكي بسس انتي ولاشي
سامعه ولاشي
ربي رحمه مات قبل لايورط فيكي وطلع وتركها تندب حظها
رماح : ااااااااااااااااااااااااه الله يسامحك يازياد ليش تقلب عليا المواجع
:لانك غلطتي في حقه
رماح ماتدري ان ماجد يعرف عن زياد وعلاقاته:ماجد انت وش سمعت
ماجدبهدوء وهو يمسح على يدها الي كان ماسكها زياد:رماح انا ادري ان زياد له له علاقات نسائيه وانه يروح شقه مع بنات وانه غلطان بس مهما كان هذا اخوكي الكبير والي قلتيه له يعتبر اهانه
رماح وهي تبكي :ماجد هيا بنت وحده وكانت زوجته
ماجد كان يمسح على راسها وانصدم بالي سمعه :زوجته
رماح:مسيار
ماجد بغضب:وليش مانطق واتكلم كنا زوجناه بس مو يسوي كذا والله انه حقير يبي يسوء سمعه العايله بس
انتي من وين عرفتي
رماح بتردد:من من من رؤى
ماجد بصدمه وسخريه :اها يعني عشان كذا طلبت الطلاق منه الله يسود وجهه خجلنا قدام عمي هه اجل له حق نواف يقولي رح شوف اخوك وش سوى لرؤى
والله يازياد زوتها خلاص طفح الكيل منك "ام زياد هيا الي خلت العداوه بين زياد وماجد تكبر وتزيد من يوم هم صغار لحد اليوم والي زاد الان ان ماجد كان عارف عن علاقات اخوه وكان محتقره والان سالفه تقديم العرس وسالفه رؤى زادت النار حطب بينهم"
يووووووووووووووم عرس(ماجد ولجين)
الكل كان مبسوط وفرحان هذا اول عرس بالعايله
الكل كان هناك من بدري حتى ام زياد
زياد دخل على ماجد قبل مايروح المزرعه
زياد بابتسامه بارده:ماجد ممكن ادخل
ماجد بدون نفس:ادخل بس اختصر مو فاضي لك
زياد والله لو ما الوضع الي انا فيه ومرض امي كان سنعتك
:طيب.....ماجد الف الف مبروك حبيت ا قولها لك الحين لاني مارح احضر العرس
ماجد بعدم اهتمام ظاهري وقهر داخلي ان اخوه مارح يحضر عرسه ومارح يوقف جمبه :زين انك احترمت نفسك ومابتحضر العرس لاني مارح اسمحلك تخرب فرحتي
وعالى العموم الله يبارك فيك ومارح اقولك عقبالك لانك هه سبقتني
"زياد عصبي وشرس بس عند ماجد يصير لامبالي وهادي لانه دايم يحس انه انقص منه ماجد عنده امه وخواته يحبوه ومشهور والعايله كلها تحبه كان زياد يشعر بنوع من الغيره كان نفسه الناس وبالذات العايله يعاملوه مثل مايعاملو ماجد ولانه ماكان يقدر يتحمل نظراتهم ونغزاتهم انه صايع وان ماجد احسن منه
كان يدفن نفسه في الشغل فقدر يحقق انجازات وقدر يطور من نفسه ويصير جراح ماهر بالرغم من سنه الصغير قدر يصير من امهر جراحين القلب في المملكه كان يدفن نفسه في شغله"
زياد بالعافيه ماسك نفسه:ماجد اذا امي اسالتك انا حضرت ولا لا قولها ايه وخرجت بدري لانه عندي شغل
ماجد بقله صبر:ياشيخ طير
زياد وهو صار على سنونه :ماجد لاتختبر صبري الليله عرسك
ماجد:زياد اطلع بره خليني اخلص شغلي مو فاضي لغبائك وتفاهتك
زياد بصوت عالي:الي قلته يتنفذ وبعين تقدح شرار: فـــــــــــــــــــــــــــاهم
ماجد خاف اول مره زياد يتكلم بها الاسلوب معاه:فاهم يالله اطلع
زيادبهدوء:طالع من غير ماتقول بس <وطلع علبه من جيبه وحطها على الطاوله>اتفضل هذا شي بسيط مني ولو اني عارف انك مارح تقبله بس حبيت اسوي الي عليا
ماجدانصدم وجا بيتكلم بس زياد اشر له انه يسكت
زياد:لاتقول شي واسف اذا ضيعت وقتك وطلع زي مادخل بهدوء ظاهري وغضب مشتعل داخلي
زياد طلع وهو يسب في ماجد وغبائه
ماجد كان يبي يقوله شكرا بس زياد خاف ان ماجد يغلط عليه ومايتحمل والليله عرسه مهما كان مايبي ينكد عليه
بعد ماطلع زياد فتح ماجد الهديه الي جابها له زياد كانت عباره عن سبحه سوده مشغوله بالفضي كانت فخمه
ماجد اخذها على الرغم من بساطه هديه زياد الاانها اسعدت ماجد وفرحته بان اخوه ومهما كان بينهم مانسيه في يوم زي ذا
وندم انه قاله لاتجي الفرح
وراح الكل الفرح وانبسطو ودخل ماجد قاعه الحريم وزفوه لعروسته الي كانت مثل القمر بهرت ماجد بجمالها وتم الفرح على اكمل مايكون <<ما احب اوصف الاشياء بدقه لاني احب اسمح لخيالكم بالتصور
بالرغم من حزن ماجد الي كان عنده امل ان اخو ه يجي ويشاركه فرحته الا انه خيب امله وماجا
وكانت اكثر وحده فرحانه هي ام زياد
فرحانه انها حضرت فرح واحد من عيالها قبل ماتموت
وقعدت تدعي لزياد الي حقق لها هالامنيه
عند ماجد ولجين في الفندق
ماجد بفرح :مبروك يالجين واخيرا سرتي لي
لجين بخجل :الله يبارك فيك
ماجد احترم خجلها وقرر انه يخليها تاخذ راحتها
ماجد:لجين خذي راحتك انا رايح اطلب العشا وراح وتركها في غرفه النوم الموجوده في الجناح
وراحت لجين فكت الحفله الي فوق راسها ومسحت مكياجها واخذت دش سريع
وخرجت من الحمام ولبست قميص نوم سكري طويل وهادي وناعم مثلها وتركت شعرها مفرود ومبلل
دخل ماجد وانصدم بجمالها
بس مسك نفسه :لجين العشاء بره يالله تعالي نتعشى
لجين بخجل من نظراته:حاضر
ماجد راح لها ومسك يدها واخذها للصاله وغصبها تاكل كان عارف انها مستحيل تاكل من الخجل بس هو غصبها وبعد ماخلصو عشا دخل ماجد ياخذ دش
ولما خرج لقى لجين نايمه في الصاله فهم وش قصدها وصحاها:لجين حبيبتي
لجين:هلا ماجد
ماجد :لجين حبيبتي انا فاهم انتي ليش نايمه هنا بس لاتخافي انا راح اصبر عليكي ومارح اقرب جنبك الين ماتخلصي امتحانات ومارح اضغط عليكي فقومي نامي ع السرير جنبي ولاتخافي اوعدك مارح اسوي لك شي غصب عنك ومسح على خدها ماشي
لجين باست خده:شكرا
ماجد ذاب وخق منها ومن رقتها
:اجل يالله قومي نامي
وراحو نامو لانه بكره راح يروحو شقتهم او بالاحرى عش الزوجيه
في بيت ابو زياد
تحديدا الصاله
ام زياد :ابوزياد ماتدري اذا زياد جا العرس ولا لا
ابو زياد والله الوهقه:الاجابس خرج قبل العشاء لان صاحبه طلبه يبيه يروح المستشفى اظن انه مسوي حادث
ام زياد حزنت عرفت انه مارح العرس وحست بتانيب الضمير هي الي سوت فيه كذا هي الي اذته وهو قابلها بكل طيبه وحب واحترام عاملها كانها امه بجد
وعلى دخلت زياد الي من يوم شاف رماح انقلب وجهه
زياد:السلام عليكم
الكل:وعليكم السلام
ام زياد بلوم وعتب:زياد ليش ماحضرت العرس
زياد عرف ان كذبته مامشيت عليها
:والله يمه انتي عارفه اني تركت لندن وسبت شغلي وحتى مااخذت اجازه فقضيت اليوم كله من مكان لمكان عشان اقدر اخذ اجازه ومايلغو بعثتي
وعلى اخر النهاار كنت تعبان وماكنت اقدر امسك طريق المزرعه بس انا باركت لماجد
ام زياد ما مشت عليها السالفه لانها عارفه ان ماجد هو الي مايبي اخوه يحضر الفرح بس ماحبت تزعل زياد ومشتها له
طلع زياد غرفته ولقى لينا تنتظره هناك وبدون مقدمات
:زياد انت وعدتني انك ماتتركني
ليه بترجع
زياد:حبيبتي هناك شغلي وحياتي ومستقبلي
بس حتى لو سافرت واحتجتيني راح تلاقيني جنبك في غمضه عين
بس انا ابي اعرف انتي متعلقه فيني ليه يالينا انا ماابيك تتعلقي في وهم
لينا بدموع:زياد انا طول عمري اعتبر ماجد اخوي الكبير واتعلقت فيه كان عندي اهم من ابوي بس ماجد خلاص اتزوج ومارح نكون او لويه في حياته ومن حقه
بس انا محتاجه اخ كبير في حياتي زياد انت اخوي الكبير ليش ماتبي تمارس ها الدور وتاركه لماجد
زياد فهم عليها هي متعلقه في ماجد وعارفه انها الحين ماصارت اهم شي في حياته خصوصا في ها الوقت الي هي محتاجه تحس فيه بالامان وفهم ليه تبيه يرجع تبي تحس بالامان
زياد قام من مكانه وراح حضنها وباس راسها
:لينا اوعدك اني حتى لوكنت في اخر الدنياراح اكون ظهرك وحمايتك لاتخافي ابدا انا معاكي ولاتشيلي هم شي وانا عايش
خلاص روقي وانبسطي حبيبتي صح ماجد اتزوج بس انتو اخواته ومعزتكم مارح تتغير في قلبه
بس اكيد انه راح ينشغل شوي عنكم
وياستي ولا تزعلي روحي نامي ووعد مني بكره اخرجك وافلها معاكي بس انا وانتي ايش رايك
لينا باست خده:مشكور زياد وتصبح على خير
زياد :وانتي من اهله
خرجت لينا من غرفه زياد وراحت نامت
بعد ماخرجت لينا دق جوال زياد وابتسم لما شاف الرقم
زياد:الو هلا والله بنور عمري
:هلابك حبيبي كيفك
زياد:ااااااااااه وانا بعيد عنك ماظن ان حالي يسرك
:حبيبي لاتخوفني عليك زياد
زياد:امري يابعد قلب زياد ياروح زياد
:حبيبي ارجع ما شتقت لي
انا فااااااااااااااقدتك فاقده حضنك وحنانك
زياد ضاعت علومه:اااااااااااه والله يانور عمري ودي بس عارفه الظروف انا قبل مااسافر فهمتك كل شي
ووالله لو انك تتحملي السفر كان اخذتك معي ولا همني احد
:طيب حبيبي انا الحين ابي انام تعرف الدوا بدء مفعوله
زياد وجعه قلبه عليها:حبيبتي هانت انشاء الله في اقرب فرصه اجيك واعالجك الله يخليك خذي الدوا بمواعيده ولا تهملي بصحتك طلبتك حبي
:انت تامر مو تطلب
يالله حبيبي مع السلامه
زياد:مع السلامه
وبعدها انسدح على السرير
وهويناظر بصورتها الي بمحفظته وباسها
جلس يفكر في حياته ومستقبله معها
لحد مانام
ثاني يوم الصباح
صحي ماجد ولجين وفطرو وتركو الفندق وراحوا لشقتهم عشان
لجين راح تبداء امتحانات يوم الاحد يعني باقي لها يومين بس يادوب تبدء تذاكر
وفعلا ماجد كان مهيء لها الجو عشان تذاكر
وساعدها كثير عشان تخلص امتحاناتها وماكان يضايقها
ومرررررررررررت الايام واليوم اخر يوم في الامتحانات
لجين وجنى ولمى خلصو اليوم
لكن لينا خلصت قبلهم بيومين
وزياد كان يساعد لينا انها تدرس لانها بجهه والدراسه بجهه فكان يغريها بالخروج والاشياء الي تحبها عشان تذاكر
وبما انه اليوم اخر يوم البنات قررو يسو شي مميز ماعدا لجين الي اعتذرت منهم لانها تبي تعوض ماجد عن الايام الي راحت
فقررت تروح بيتها بعد الامتحان وتتجهز عشان تسوي سهره لماجد
عند ماجد الي دخل البيت الساعه 8 بالليل
وكان البيت بارد وهدوء وظلام
ماجد استغرب اتوقع ان لجين نايمه
راح جهه غرفه النوم
ومالقها فراح يدورها بالبيت
ماجد:لجيـــــــــــن يالجيـــــــــن فينك
لولـــــــــو فينك
وماحس غير بيدين ناعمه مغطيه عيونه
ماجد ابتسم
:حبيبتي فين كنتي
ولف لها ومسك يدينها وباسها
:واااااااااااو حبيبتي وش هالجمال لا انا ماقدر على هالجمال
(لجين كانت متكشخه ع الاخر عشان عيون ماجد)
لجين استحت:تسلم حبيبي اممممممم ماجد تعال شوي
واخذته ودخلته غرفه المعيشه
وانصدم من الي شافه الغرفه كلها شموع وورود حمرا وبيضا
والغرفه جوها رومنسي جدا
لجين بهدوء مغلف بالرومانسيه اخذته وجلسته على الكنبه وجلست جنبه ومسكت يده :حبيبي انا عارفه انك استحملت وصبرت وتعبت معايا الين ماخلصت الامتحانات
وحبيت اعبر لك عن شكري
ماجد انت احلى شي في حياتي
ماجد كان مبسوط من الي يسمعه قرب جنبها واخذها في حظنه
وباس راسها :وانتي اغلى واحلى شي في حياتي
انتي البسمه الي تسعد ايامي
انتي الهدف الي عايش عشانه
انت ضحكه الدنيا ليا
انتي حياتي كلها
لجين
ولتفت لها وقرب من وجهها وهمس لها ""احبــــــــــــــــك""
كلمه همسها وضيعت علوم لجين وما وعت غير وهيا بين يدينه وشالها ماجد واتوجه فيها لغرفه النوم وقفل الباب
نتركهم ونروح للبنات
اليوم انواع الفله وقررو يحتفلو فيه في بيت ابو عبدالله لينا اترددت تروح ولا لابس في الاخير قررت تروح عشان تواجه نفسها وتثبت للكل ان فيصل ماعاد يعني لها لامن قريب ولامن بعيد وانه مجرد ابن عم
في بيت ابو عبد الله
فيصل لما عرف ان كل البنات راح يكونو في بيتهم انبسط
صح مارح يقدر يشوفها بس على الاقل موجوده في نفس المكان الموجود فيه فانرزع في البيت
ع الساعه 7 كان الكل في بيت ابو عبدالله
سلام:اهلين بالحلوين
جنى:هلابيك ادري اكيد تقصديني انا لوحدي صح
سلام:لا اقصد لينا بس يالله بضمك معاها عشان نفسيتك
جنى بخبث :عشان نفسيتي ولاعشاني اخت محمد ها اعترفي
سلام بهيام وجراءه قدر محمد يطلعها منها:وه بس فديته وفديت طاريه
هنا البنات عيونهم طلعت على بره
لمى:والله وطلع هالمحمد مو سهل طلع مواهب اختي
حور:اقول حدكم عن سلام لااحد يزعلها
سلام:فديتك والله
حور بمزح:لا والي يسلم عمك خلي التفدي حق محمد لوحده
سلام رمت على حور المخده:مالت عليك
رؤى بنات امشو الصاله العلويه لان العيال بيدخلو(رؤى كانت تقصد فيصل بس ماحبت تقول عشان لينا )
البنات :يالله وهم بيطلعو الدرج
لينا :يووووووووه نسيت جوالي بنزل اجيبه بسرعه واطلع
رؤى:اوكيه بس بسرعه العيال على وصول
لينا وهياتركض على الدرج :اوكي
لقت لينا الجوال وجات بتاخذه الا رن وشافت المتصل وابتسمت
ف هالوقت دخل فيصل وااااااااااه شافها وكانت لابسه برموده بني للركبه وبلوزه بيضا طويله شوي طولها لنص الفخذ وكانت لامه شعرها الي يوصل لاخر ظهرها ذيل حصان كانت ساحره بكل معنى الكلمه بس فيصل سمع شي خلى الزمن يوقف عنده
لينا ردت وهي طالعه الدرج:هلا والله بغلى الكون كله |