عيون العرب - ملتقى العالم العربي - عرض مشاركة واحدة

~~محبة سيموني~~ · #29 10-08-2013, 08:37 PM

ههههههههههههههههههههههههههههههه
مرسي مرسي مرسي
خويا زورو قريبش تسمن؟
ماعليهش نجيبلك 70 كولي نتاع دقلة نور مش خسارة في ولد الباهية
هيا نبداو بسم الله
"كم كان عمرك لما سجلتي في منتدي"

*انا سجلت في المنتدى في عام 2009 كيما كان عمري تقريبا 22 عام

"مذا او من هو الذي دفعك الي تسجيل " قصة كاملة "خخخخخ

*والله كنت وقتها ندور على معلومات عن المانغا والانيمي وبالصدفة لقيت معلومات دارها الاخ ابوهايل مدير المنتدى ايا قلت نسجل فيه من ثم لصقت فيه

"صديقك مقرب في منتدي"

*والله كل اللي تعرفت عليهم في المنتدى اعز اصدقائي مانقدرش نفرق بيناتهم فيهم الدزيري والمصري والسعودي والكويتي والتونسي والمغربي والليبي يعني كل الدول العربية راهم عزاز على قلبي كل واحد فيهم دخل في حياتي ووقفو معايا في اوقات الشدة يعني اكثر من خوتي

"اول موضوع حطيتيه عنوانه رابط اذا امكن "

اول موضوع حطيتو في المنتدى هو عن قصص ناروتو ههههههههه نحب نخربش ونكتب قصص

"اول رد كتبتيه لسا متذكراه"
اول رد كتبتو نشفالو وقتها واحد باتني دار الموضوع وطلب مني نشاركو وهو عن التبذير عند الملوك العرب والاصراف في الاكل وامراة عجوز من غزة تشرب في المياه المحقنة في لرض من العطش ثم كلاني قلبي

لو كنتي مديرة منتدي اي قسم تحذفيه اي قسم تضيفيه"

*ممممممم ماكانش قسم يستاهل الحذف كل قسم عندو مكانتو القسم اللي بغيتو يتضاف قسم المانغا والحمد لله اضافوه

"في جملة لخصي شعورك نحوا منتدي "

*بصراحة المنتدى هذا الوحيد اللي مانقدرش نستغنى عنو من نهار حطيت في رجلي تربطت فيه نهار تروح عليا لاكوناكسيون نخرج للسيبار نخسر دراهم باه ندخل للمنتدى وليت مدمنة عليه بالرغم من المشاكل اللي صراتلي فيه بصح مستحيل نستغنى عنو الناس اللي فيه راهم يستاهلو الواحد يضحي عنجالتهم

"جزء ثاني"

"وطنية"
من اي منطقة انتي في جزائر ؟

*انا من ولاية بسكرة بالتحديد العالية

اكلتكي تقليدية مفضلة

*اكلتي المفضلة كسكس الحليب والشخشوخة والكسكس العادي المحجوبة وغيرهم بصح اللي ذكرتهم راهم هم اللي نموت عليهم

اول شخص جزائري تعرفتي عليه

*اذا كان في المنتدى فهو الاخ الهيثم بوالهناء بصح قعد اسبوع وخرج من المنتدى
وطفلة من بسكرة اسمها زينب ولقبها في المنتدى shugar lips
مقطع مفضل من نشيد وطني

*افضل مقطع هو:
نحن جند في سبيل الحق ثرنا
والى استقلالنا بالحرب قمنا
لم يكن يصغى لنا لما نطقنا
فاتخذنا رنة البارود وزنا
وعزفنا نغمة الرشاش لحنا
وعقدنا العزم ان تحيا الجزائر
فاشهدوا فاشهدوا فاشهدوا
نحسها سيمفونية حربية موسيقى تعزف في الحرب صوت الرصاص
بيت شعري تحفضينه لشاعر جزائري

اغنية جزائرية تحبينها

*نحب اغنية صبرينة واش اللي عملتيه فينا بذيك الضحكة لحنينة
ههههههههههه قريب نوض نغنيهالكم

فيلم جزائري تحبينه

*احب فيلم عندي الطاكسي المخفي نتاع وردية وعثمان عريوات هههههههههههههه

مثل شعبي تقولينه دائما

*جات تكحلها عماتها
*الخبز والما والنيف في السما

ممثل فنان تعجبكي اعماله

*الممثل اللي نحبو هو عثمان عريوات ووردية
*والفنان اللي نحب نسمعلو هو عبد الحكيم بوعزيز نموت على المالوف

ما رايكي في من يقول ان ربيع عربي يجب ان يشمل جزائر

*الربيع جربناه قبلهم ولانا خريف وعشرية سوداء الله لا يرد هذيك ليام الله لا يتربح اللي باغي ينشر الفوضى في البلاد ربي يستر علينا وعلى المومنين

"كيف تعرفين جزائري من اول نظرة "

*ههههههههههههه كي يحك عينو يبوس يدو ههههههههههههه
الجزايري يبان تجبدو من مليون شخص اولا النيف ثانية التقرعيج وكلمة كاش جديد

"اسالة متنوعة"

"قسمك مفضل في منتدي"

*قسم الانيمي

"لهجة جزائرية صعبة

*الشلحية نتاع بني مزاب

"اي لهجة تستخدمين لتواصل"

*انا نهدر عادي جدامع الدزيريين في المنتدى اما غير الدزيريين نتكلم فصحى

"رايك في اعضاء الجزائرين"

*ماشاء الله عليهم يطيرو عليك الشيطان وفي وقت الصح تلقاهم كامل واقفين وقفة رجلة سوا الحراير ولا الرجال

"هل صحيح اننا اكثر مرحا"

*واش بيك هذي هدرة تهدرها؟ ماتقارنش راهم عقلية فوووووووووووور ماكانش كيفهم زهوانيين وشروهيين

"رايك في موضوع بصراحة"

*بصراحة الموضوع عجبني بردت فيه قلبي وتكلمت الصراحة هك نعرفو الاعضاء اكثر

"كلمة لا يفهمها الي جزائري "

*زعما

"اختاري عضو استضيفه بعدك "

*انا نختار الاخت نعيمة من تلمسان هذا لقبها SUPER M!M!
وهذا الرابط نتاع ملفها صاحبوها برك ونتم تشوفو عقلية مدينة الغزوات

"اسمه +رابط ملف اكيد خخخ"
http://vb.arabseyes.com/members/886637.html

"اساليه سؤال خاص له وحسب"

*علاش هتلر مايقدرش يحتل الجزاير؟

"سؤال حاص بك"
من
سامية ثانية
"blue heart"

امممم....واش راكي هههه

*ههههههههه لاباس حنونتي يعيشك

"كلمة ختامية منك +هدية "
ههههههههههههههههههه

*همممم ربي يخليكم والله روحت تعبانة من الخدمة بصح كي فتحت المنتدى ولقيت دعوة منكم ليا في هذا الموضوع ريحت نفسيا وجسديا بديت نسترجع ذكرياتي القديمة في المنتدى النهار اللي انظميت ليه ضرب الناموس بسكرة ههههههههههههههههه كان يوم اغبر هههههههههههههه والله زهيتوني ربي يزهي ايامكم حسيت روحي في اذاعة ربي يخليكم ويكثر من امثالكم فيف ليزالجيريان وشعارنا ديما الخبز والما والنيف في السما
حبيت نقوللكم راني نحبكم ونحب اللي يحبكم
ربي يخليكم ليا gـــاع
والسلام عليكم
اه نسيت الهدية
هاكم طبسي نتاع تمر المنقر
ربي يحلي ايامكم

مدو يديكم ماتحشموش