فرشت الكلب بيدي ..... منزل الهم
وشعد شذكر يصاحب.....منزل الهم
تلوم الناس
بدون احساس
يشيب الراس
وانه المالوم
محمل اهموم
كل الناس
بيه تلوم
عزيز النفس طبعي..... منزللهم
اذا انزل اشمت اعداي بيه

__________________





ثروة ماعندي و كدرت انطيهه روح..و عمري ما فكرت ب استغلالهه
الرخصتني و دورت ع اليشترون..الراحت وضل ب الكلب تمثالهه
الوادعتني وراحت ل كوكب بعيد..الضاهر الكوكب رفض ماشالهه
العلمتني شلون اكول الله كريم..الدنيا تفتر ماتضل بحالهه
الجانت تغمض ب خصله مستحاي..و جنت اخاف عيون صلفه تنالهه
راحت و كلبي الترف شوفهه خير..و كرهتني و سوت اليحلالهه
اتصورت ينطون الاحلام ابلاش..تاخذ و ماتنطي شي حسبالهه
كلولهه شال الهوة من الذكريات..و مابقه من الذكرى غير وشالهه
كلولهه ادورلهه حلم مضمونه بي..هواي الاحلام التغر اشكالهه
كلولهه اني ناسي و من زمان..و هي زين اتذكرت انيالهه