| ×..الفصل التـآسع عشر..×
>..:..الجزء الاول..:..<
نزلت ومعها زيااد..كانت اروى وسحر وام زياد وام اروي جالسين في الصـآله..
مشاعل وزياد:السلآم عليكم
الكل:وعليكم السلآم
سحر تناظر زياد وتكلم مشاعل:ميشو تعآلي جنبي
جت مشاعل بتروح..بس مسكها زياد:لأ..اجلسي جنبي..
راحـوا بعد ماسلموا جلسوا ع الكنبه جنب بعض...واروى تناظرهم بـ قهر
\
/
\
/
طلع سعود من الغرفه بعد ماأخذ رقم عبدالملك من ريماا..صحيح هو تردد في انه يتصل عليهاا لان مهما كان ريما مريضه من مرضآه بس هو خلاآص من بعد وريف معد يبي أي حركه ممكن تكون ضده..يكفي حركـآت مجنون
اتصل على عبدالملك بس مايرد
تنهد وحط الجوال في جيبه وطلع برآآ يشم هوآآ
\
/
\
/
دخلت رغد غرفة ملاك وماكان في احد..فتحت اول درج من التسريحه ولقت مطلبها.. "الحبوب" .. اخذت لها كم حبه تكفيهاا ورآآحت لـ غرفتها قبل يدخل احد ويشوفهاا
دخلت الغرفه واخذت لها حبه ..وشربت مويه بعدهاا
جلست على السرير بـ رآحه "مقلقه"..هـ الشي ماتدري صح ولالا..اتصلت بـ تركي بس مافي رد..اصلاً مقفل..
وينه الحين؟؟..شعور ماتقدر تنكره انها قلقاان عليه وخآآيفه..على كل اللي شافته منه بس تحبه..لين الحين تحبه..يمكن مستحيل احد يفهمهاا..بس هي عارفه هـ الشي ومتأكده
قامت وطالعت نفسها بالمرايه..وجهها مو باين عليه الحزن ابد..وكأنهاا انساانه ماشافت هم في حياتهاا..ماكأنهاا وحده قبل فتره مو طوويله خسرت شرفهاا
وش صآر عليك ياتركي؟؟..دق طمني بس
\
/
\
/
رن جوآل زياد وطلع برآ بالحوش عشـآن يكلم..كانت مشاعل تسولف مع سحر وام اروى وام زياد واروى يسولفون مع بعض..وعيآل سحر ومي يلعبون فوق..
سحر:انتي بس شوفي كيف تطالعه..قسم بالله كنها ماقد شافت مزيون
مشاعل:هههههههه..
سحر طالعتها:من جدك تضحكين؟؟..خطاافة الرجال قدامك وانتي تضحكين؟
مشاعل:شفيهاا..ماأحس انو زياد يحبهاا..احسه بس يعتبرهاا سحابه مرة وخلاآآص
سحر:لايكثر..لاتنسين ان كاان بينهم خبز وملح
مشاعل:ان شالله قشطه انا احس ان زيااد مايحب نوعية اروى..
طالعتها قامت اروى واقفه ومشت وقفت عند مرآية المدخل..وصلحت لبسها اللي كان عبآره عن تنوره مشجره وبلوزه ورديه اما التنوره كانت نحاسيه وقصيره لين الركبه..صحيح ان اروى اكبر من مشاعل بس باين عليها صغيره
طالعت فيها مشاعل ولفت نظرهاا ان اروى متجهه لـ برآآ..
وقفت مشاعل وراحت لـ برآآ بتشوف اروى وين رآيحه..نزلت الدرج وهي تحاول تخفي صوت شبشبهاا عشان ماتحس فيهاا..شي جوااها يقول"امسكيها متلبسه"..رآحت لـ الحديقه اللي ورا البيت كانت اروى واقفه تناظر زياد اللي واقف ويكلم كان منزل رآآسه ويلعب بـ العشب بـ العكازه وهو مسند نفسه على الحجر حق النافوره
وأول ماسكر راحت له اروى..:زيـآد؟؟
التفت لهاا..وبعدها شال عينه عنها بـ ملل..:نعم؟
اروى:مو انت تقول "انا مانسى احد غآلي علي."..الظااهر الكلام اللي نقوله في الليل ننسآه بالنهار..ولالا ياولد عمي؟
زياد:اروى في شي يمكن انا غافل عنه ولا ذكرتك فيه..ترآني طلقتك
توقعت انهاا بتصيح بتنهاار بس تفآجأة بـ سخريه بحته في كلامها:هـه!..طلقتني بس قلبك معي..انت ماتحب مشاعل..نظرة البرود وطريقة التعامل معها كأنك تحبها غصب..ترا محد غصبك تتزوجهاا..
زياد طالعهاا ولايبي يرد عليها..هي ماتدري وش في قلبه..ماتدري انه يتنفس هوآآ مشاعل وتجي هي تقول شي هي تبيه يصير..صحيح ان خطته انه يعذب مشاعل شوي.. بس مو كره لهاا.. سكت ولا رد عليهاا
اروى ظنت ان الكوره في ملعبهاا وان زياد سكت ضعف..قربت له وقآلت بـ رقه ودلع:زيآد!..انت تدري اني احبك..وانا ادري انك مستحيل تعيش مع غيري..ترا مكانك ماتغير..
زياد طالعها ولا رد..يبيها تخلص اللي عندهاا عشان تذلف عنه:.........
اروى:زيـآد
زياد:مادريت ان طلاقي لك بيسبب لك كل هذا.."وأشر عليها"..حتى الغطى تركتيه
اروى:لاتنسى انك زوجي
زياد:كنت زوجك...اروى انا الحين متزوج وانتيهنا
اروى:ليش ماقلت انك متزوج وتحبهاا؟؟..انا ادري انك اخذتها عشان تقهرني.."بدت دموعها تنزل"..انت ماتحبها اعترف
زياد:انا مو مجبرو ارد عليك..خصوصا ان عقلك على قدك
اروى:شفت انك تتهرب..انت مااااااتحبهاااا
مشاعل كانت واقفه في مكآنهاا..طيب ليش مايقول انه يحبني وانتهيناا؟؟..ليش مايسكتهاا؟..
زياد:والله احبها..أكرها شي رآجع لي..حتى لو كنت ابي آآخذهاا لـ شي في رآسي خلااص انا تزوجتها وطلقتك..عندك شي ثاني تبين تقولينه؟
اروى:انت مآخذهاا تبي تقهرني..قل يللآ..
زياد شوي ويقطع شعر راسه من القهر..غبيـه!..اما مشاعل كانت تنتظر أي واحد فيهم يقول انهاا معروضه عليه عشان تنتهي ..وتحس صدق انها سلعه لـ البيع بين زوجها وعمهاا..
اروى:اعـــــترفف!
زياد عصصب منها:عشآن ترتااحين بس...انا ماكنت مفكر اتزوج اساساا...بس طلع ماجد في طريقي ووو..وتزوجت
اروى:ماجد؟؟؟؟؟
زياد:خلاآآص اسكتي!..روحي عني الحين
وقفت مشاعل في مكانهاا وكأنها تنتظر الارض تنشق الحين وتبلعهاا..نزلت دمعة "حاره" تعبر عن قهرها..هي صحيح وعدت نفسها تنسى سالفة الكرآآمه مع زياد..بس ماتقدر..
طلعت لهم طالعها زياد والتفت لها اروى اللي طالعتها بـ سخريه..وابتسامه مع نظرة الم وقهر
مشاعل:ممكن افهم انتي وش تبين منه؟؟.."بغت تنهاار وتصيح بس مسكت نفسها"..ارحمي نفسك وارحميني!..اتركيـه
اروى:مو انتي اللي تقولين لي اترك زوجي.."رصت على زوجي"
نـقدر نقول ان مشاعل احر ماعندها ابر ماعند اروى..
طالعت مشاعل زياد وكأنها تعبانه ..قال هو:اروى!..ممكن تتركيناا..روحي
اروى:اوكي..انا بروح بس لي كلام ثااني معك!
ورآآحت جت مشاعل بتروح بس مسك زياد يدهاا..:مشـآعل!
اول مالامست يد زياد يد مشاعل..انهاارت وبدت تصيح..لفهاا له:وش فيك؟؟
مشاعل طالعته بـ عيونهاا اللي مليآنه دموع:ليش تزوجتني؟..اذا انت ماخذني عشآن ماجد
جحظت عيون زياد.:سعمتي؟
مشاعل:..........................
زياد:ميشوو حيآتي..انتي فهمتي غلط
مشاعل:انا ادري اني غلطت يوم كنت اعاملك بجفا وبرود اول الاياام..بس انت بالغت في عقابي لاني......."ماكملت"..
زياد:.....
مشاعل:ماكنت ادري انك قاسي يازياد!
زياد:انا قاسي ولا انتي اللي كنتي تحمليني ذنب مالي أي يد فيه..المشكله اني مدري وشو
مشاعل ابتسمت وسط دموعها:موب لازم تدري..لاني طنيتك نسيت وخلااص بنفتح صفحه جديده..بس شكلك حقود..عكس زياد اللي توقعته.."مسحت دموعها وابتسمت"..مقدر الومك لاني غلطاانه اللي ضيعت زياد الاولي..
زياد:لاحلمين ان زياد الاولي بيرجع..
فكت يدها منه ودخلت جواا..
همسه بآرده:{{يستـآهل البرد من [ضيّع] دفآهـ..!\
/
\
/
قامت مرتآآعه من صووت الدق..دق قووي ع البـآب..وقفت بخووف وهي تسمع صوت عمهاا
- أفتحي الباب..أفحتي ياداااااااانه لاأكسره فوق رآآسك..افتحييييييييييه!!
ان فتتحته فـ هي مجنونه..وان تركته بيوصلهاا بـ سهولة شرب المويه..بدا قلبها يبنض طلعت الجوال تدق على بيت مااجد ..وهي تسمعه يحاول يكسر البـآب..وهي تدق بـ أصأأبع تترجف..غلطت بالرقم واظطرت انها تعيده من جديد..بس ماحصل لهاا لانه دخــــل!
ابو فادي:وين بتروحين مني.."وعصب يوم شاف الجوال"..وجوآآل بعد؟؟..هين هين!!
اخذه منهاا..وعشان يقهرها فوق ماهي مقهوره ومظلومه فتح الشبآك ورمآآه..
دانه:لااآآآآآآ حرآآم عليك..
عمها مسك يدها:معك آآخر فرصه!..بتقولين وين الفلووس ولا بتشوفين شي ماعمرك شفتي مثله..تكلمي!
دانه:مامعي شي...ولو معي ماراح اعطيك...
عمهاا عصب من طريقتها ..لين الحين ماتربت:طيب.."رماها ع السرير"..وين عبايتك؟؟
دانه:ليش؟.."وبدت تصرخ"..حرآآآآآآآآآآآآآم عليك والله حرآآم!!!!!!!!!!!!!!
استلمها ضرب..:خل ابرد حرتي قبل اوديك..
مسك شعرهاا وبدا ينادي ام فادي..دخلت ومعها عباية دانه..:خذ خذ..
السـآلفه محبووكه..رما ابو فادي العبايه على دانه:البسيهـآ..بسررعه
دانه:ليش..وين بتوديني؟؟
عمها بـ صرآآخ:البسيهاااااااااااا!!
لبست عبايه وهي خآيفه منه..مسك يدها بقوه ونزل وهي ورااه.. ركبها السيـآره وودآهـآ لـ مكان
\
/
\
/
طآلعت شكلها بـ المرآيه بـ اعجآآب..لبسهاا حلو ومناسب لهاا..كان عباره عن فستآن ليموني كت وتحت الركبه وحزآم تفاحي شريطه تحت الصدر وصندل تفااحي..ماعمرها حلمت تلبس كذا في "عهد" ابوهاا..
- وآآآآآآو!!!..بعدين يحسبونك العرووسه..هههه
التفت وريف لـ اختها ناريماان اللي ماكانت اقل كشخه من اختهاا..اللي لابسه فستـآن احمر وكحلي طويل عاري الاكتاف وشـآآل مووج بين الاحمر والكحلي..وشعرها رافعته ونازله خصل مهمله بـ نعومه..:عنونك الوآآو!!
ناريمان بـ خبث:وينك ياسعود بس
حمر وجه وريف:هههههه..تخيلي..
ناريمان:المهم ابيك تضيفين حمولتي الله يخليك..لاني بكون لاهيه ..خخخ
وريف:هههههههه..ان شالله
طلعت وريف عشاان تقوم بـ واجب الضياافه مع اهل زوج ناريمااان..
"سـ ع ـود"
واخيرا قدر يحصل عبدالملك..اللي تعب في تدويره..عرف مكان شقته وعن طريق الرسبشن عرف انه حاليا في الشقه..
وبدون تردد راح وطق البـآب عليه..
فتح له البآب..عقد حواجبه بس شكله في الاخير عرفه
ابتسم سعود:السـلآم عليكم
عبدالملك بـ تعجب منه:وعليكم السـلآم..تفضل تفضل!!
ودخل سعود غرفة عبدالملك جلس وهو مستغرب من شكله..شكله واحد ماقد شااف خير في حيـآته..هل فعلا تاب؟..هآلات سودا تحت عينه شعره المهمل وطآل عن اخر مره شافه وصل لـ أخر رقبته..ذقنه ماحلقه باديه "لحيه" تطلع..واخيرا نظرة الالم في عينه الداكنه تختصر كل شي
عبدالملك:وش تحب تشرب؟
سعود:لا ارتآح انا جااي بكلمك وبطلع
عبدالملك:افاا..عاد انت الدكتور سعود لازم نضيفك
ابتسم:لالا..مابي شي ابيك ترتااح بس..
جلس عبدالملك وهو مبتسم من زياارة سعود له..:آآمرني بغيت شي؟
سعود:انت خطبت ريما مره ثانيه صح؟؟..وتتذكر كلامي لك يوم تخطبها المره الاولى!
طالع عبدالملك الارض وهو يلعب بـ أصابعه ومشبكها في بعض:ايه اذكر كل كلمه قلتها لي
سعود:انت صدق تغيرت ولا...تبي تحصل اللي تبيه
عبدالملك بسررعه:لا انا فعلا تغيرت..انا صحيح اعتديت على ريما..بس لاتظن ان هـ الشي ريحني..حاولت انسى صوت ضميري ولجأت لـ المخدراات بس مالقيت السعااده لاهنا ولاهنااك
سعود:وش جابك فرنسا؟..عشان ريما؟
عبدالملك:لا!..انا جااي بعالج من المخدارت..لانها لعبت في جسمي لعب..وحبيت اتوب بدون لاحد يدري..وشفتها صدفه..صدقني
ابتسم سعود يريحه:الحين وش نااوي عليه؟
عبدالملك:انا الحين مابقا لي شي من علآجي..كلها اياام معدوده وابرجع الرياض ان شالله..وأخطبهاا رسمي..بس على الله توافق
سعود يفكر:ماأظن توافق على طوول.."وابتسم"..يبي لك شوية صبر..لاتنسى انك غلط ولازم تتحمل
عبدالملك:ادري..ان شالله ترضى علي..لو تتغلى مستعد اتحمل..والله ماراح اسآمح نفسي ابد ان ماسامحتني
سعود:لاتقول كذا..انت اللي عليك سويته..حلوو انك تبيها تسامحك بس لاتقسى على نفسك..
عبدالملك:مدري شقولك ياسعود..بس ابيك انت بعد تسامحني..انا غلطت عليك وااجد..ودخلتك في متهات انت في غناا عنهاا..
سعود يبتسم:هذا واجبي..وودي اشوف نهايتكم السعيده
عبدالملك استانس من كلامه:الله كريم..
"مـر أسبـوع"
مافي شي صآر خلال هـ الاسبوع..
ريما على حالهاا في باريس تنتظر أي اشاره من سعود عشـآن ترجع..بس سعود ماكلمها طول الفتره هذيك..ورجع الرياض من غير تدري..لانه يبيها تفكر من نفسها من غير مساعدات خارجيه
مشاعل علاقتها بارده مع زياد..واروى معد لهاا ظهور من بعد ذاك اليوم..
رغد..مافي جديد..وتركي مايرد على اتصلاتهم..
وريف مافي جديد الا ان ملكة ناريمان تمت على خير..
//
- الحمدالله ع السـلآمه ياولدي..تو مانور المكـآن..والرياض بكبرهاا
باس راس امه:الله يسلمك..والله لك وحشه ياميمتي..
ام سعود:عسآك انبسطت
سعود:وين انبسط معه الله يهديك رايح سياحه اناا؟..
ام سعود:الحمدالله على كل حآل..اهم شي غيرت جوو..
سعود:ايه والله غيرت جووين بعد موب واحد.."يحس بتعب"..ابروح ارتااح تبين شي يالغلا؟
ام سعود:سلامتك..متى تبي تاكل؟
سعود يناظر ساعته:ساعه ونص ثمن قوميني
ام سعود:ان شالله
\
/
\
/
قامت مشاعل وزيااد نايم في الغرفه..طلعت برا وكان المكان هادي..والظاهر الكل نايم..
طالعت ساعتها كانت 6 المغرب..ابو زياد اكيد يقيّـل مثل عادته هـ الوقت..وام زياد الظاهر طالعه..
فكرة تتصل على ملاك..
ملاك:هلاوالله وغلا
مشاعل:هلابك..كيفك لووكه؟
ملاك:الحمدالله بخير انتي كيفك؟؟
مشاعل:تمام..بس الطفش..من الطفش باحله بعمري
ملاك:امممممم..شرآآيك نطلع؟
مشاعل:اوكي..تبين امرك..بس وين؟
ملاك:هههههه..الظااهر نسينا اننا متزوجات..ماراح تشاورين زياد؟
مشاعل نست:يوووووه!..نسيت والله..اوكي
ملاك:هههههه..اوكي وانا بقول لـ نآصر..
سكرت مشاعل من ملاك وراحت لـ غرفتها هي وزياد ويوم دخلت لقته قايم وجالس ع السرير ومدد رجوله وجالس ع الابتوب..حست انها انانيه لانهاا حتى مافكرة تسـآعده انه يقوم ويروح الحمام ويشيل لابتوبه يعني ماقدرت انه معـآق
مشاعل:زياد؟
زياد من غير لايناظرها:هلا
مشاعل:اممممم..ودي اطلع انا وبنت عمي لـ السوق..منها نتسوق ونتمشى
زياد:اوكي
ماتوقعت انه بيوافق..حست انه ممكن يسوي حركة نذاله ويقول لا..اتصلت على ملاك بعد ماأخذت الموافقه وقالت انها بتجي بس مسآفة الطريق..
وهي نازله من الدرج شافت مريآتي..
مشاعل:اممم..مرياتي انتبهي لـ مي..انا في روح اوكي؟
مرياتي:اوكي مدام..
طلعت وركبت السياره..وراحت تمر ملاك
\
/
\
/
دخلت العياده بعد تردد..خلاااص هي لين متى بتهرب منه؟؟..شافت الممرضه اللي كانت معها في مواقفها مع سعود..
وريف:أهلين مروى
مروى:هلاوالله..كيفك ياشيييييينه لك وحشه
وريف:الحمدالله وانتي اكثر والله..كيفك انتي طيب؟
مروى:والله تمام.."تغمز"..اكشخ صرناا نتغطى بعد
وريف:خخ..شفتي عااد.."ماقدرت تخفي اهتمامها"..الا وين؟.......
مروى:ههه..مسافر صار له يمكن اسبوع
وريف بخيبة امل كان ودها تشوفه:اهاا..ماتدرين وين؟
مروى:اممممممم..والله علمي علمك
وريف:اهاا!..."الفضول"
مروى:تعاالي جالسي سولفي لي عنك وش سويتي في الفتره اللي ماكحلتي عينك بشوفتي
وريف:خخخ..اوكي يللآآ..
\
/
\
/
ع المغرب.جلست رغد بالصاله كان ناصر جالس ومعاه الجوال..
رغد:وين ملاك؟
ناصر رد بسخريه:اكيد ماتدرين..صارلك فتره حاسبه نفسك ولاتدرين وين ربي حاطك
لمت يدينها لـ بعض كأنهاا تبي تخفي الحقيقه..وطالعت في التلفزيون..وش تقول دراسه..وهي مقدمه اعتذار؟..خلها ساكته احسن
لاحظت عليه القلق وهو ماسك جواله..:وش فيك؟
ناصر:تركي
ارتااعت رغد وقالت ..ليش يقول اسم تركي وهو معصب اكيد في شي..يمكن دراا:وشفيه؟
ناصر:صاار لي اسبوع وكم يوم اتصل مايرد
رغد..أسالني انا صار سنه اتصل ولا يرد..:طيب يمكن عند اخوانه
ناصر:اخواانه قلقانين عليه..بس يقولوون انه كبير وبيرجع..انا قلبي قارصني..
رغد:طيب..بغلت عنه؟
ناصر:اخوانه عيوو..يقولون لاتبلغ..قلبي على ابني انفطر وقلب ابني علي ححجر..الحين انا قلقاان عليه وهم اخواانه ولاهاامهم
رغد:أ..ان شالله بيرجع..
\
/
\
/
سكر الجوال بعد ماأنهى المكالمه..الحمدالله تأكد حجزه..
دخلت وفصخت طرحتهاا ورمت عبايتهاا ع الكرسي..التفت لـ السرير وانتبهت له..
مشاعل:السـلآم عليكم
زياد من غير لايطالعها ومن غير نفس:وعليكم السـلآم
طالعت فيه مشاعل..صدق الدنياا ماترحم ودواره..قبل اناا كنت اكلمك بهـ الطريقه من غير لاأرحم احساسك..والحين انت اللي جااي تكلمني كذا..وابيك ترحمني..
زياد:على فكره...حالنا كذا لايمكن بستمر.."وابتسم بس مو الابتسـآمه اللي تحبها"
مشاعل؟........
زياد:انا مسـآفر ان شالله..
مشاعل ارتااعت ليش بيسافر ويخليني:وين؟؟..ومتى بترجع
طالعهاا وكأنه يقولهاا.."وش دخلك"..:مو لازم تعرفين..انا ابسـآفر..وان رجعت مابي القاك هناا..حالنا كذا لايمكن يستمر..انتي تحسين نفسك معروضه علي وانا موب هاضمك ابد..يعني متعادلين..فـ عشان كذا ابي لما ارجع ماألقآك..وورقة طلاقك بتوصلك اول ماتوطى رجلي الريااض
\
/
\
/
وقفت وخذت شنطتهاا:اوكي مروى لازم اقوم..تبين شي؟
مروى:خسآره مامليت منك
وريف: مالعليه.."وكملت"..الله يحيك في بيتنا يالغلا..بـ أي وقت
مروى استغربت ان وريف تعزمهاا..يوم كانت وريف تشتغل مافكرت تعزم احد ابد بس ماعلقت:ان شالله وقت ثآني مو الحين
وريف تلسم عليها:ان شالله!..يللآ فمان الله
وهي ماشيه طالعه من عند الممرضآت مرت من مكتبه طالعت فيه بـ حب..وشكثر تحب صاحب هـ المكتب وهو ولاحآآس فيها كللللش..مشت متجهه لـ الباب بتطلع بس
- وريف؟؟؟
قاله بـ تردد..وكأنه مشكك في البنت..وقفت مكانهاا..هذا صوته..ابتسم سعود..دامها وقفت فـ هي وريف اكيد
{ وينك عني وينك..ودي بـ شوفة عينك..!
سعود:وريـف!.."هـ المره قالها بـ ثقه اكبر"
التفت له:نعم
ابتسم يوم شافها متغطيه..هو عشان كذا ماعرفها بالبداايه..بس كيف تخفى عليه..:كيفك؟
وريف بـ كل رسميه وتحفظ:الحمدالله بخير!..انت شلونك دكتور سعود؟
سعود ابتسم من كلمة دكتور:الحمدالله...ليش تركتي الشغل؟
وريف:................
سعود:وريف انا جـ.."وكأنه متردد بس كمل"..ممكن تعلميني وين بيتكم
قالت بخوف:لـ..ليش؟؟؟؟
سعود:ابجي مع امي..ابيك بـ موضوع.."وكمل بـ ثقه"..خآآص!
وريف:انت وامك؟؟
سعود:اذا مافي احراج
وريف:لا..لاشدعوه...
عطته العنـوان..وطلعت برآ العياده ومية شعور داخلهاا..
\
/
\
/
وصلت لـ حي شعبي..مكآن ماقد مره تخيلت انها بتروح له ابد..تحس ان هذي النهآيه..شعور شين انك تحس نفسك بتنذل وتموت عشان فلوس..
- انـزلي!
قالت بـ خوف وهي تصيح:وين بتوديني؟..وش هـ المكاان؟
قال بـ عصبيه خوفتها:انـززززززززززلي!!!!!
فتحت البـآب بيد ترتجف ونزلت..سمعته يقول قبل يسكر البآب:لوك معطيتني الفلوس..كان ماواجهتي هـ المصير.....سكري الباب
دانه:لاعمي الله يخليك..مابي اجلس هنا..تكفففففففى!!!
عمهاا:اقول سكريه لااجي اسكره اناا
دانه:عمي الله يخليك.."وشهقت من قوة صيآآحها"..الله يخليك لك عيآلك..تكفى تكفى!!!..مابي اجلس هنااا
عمها صرخ بـ شكل خوفها:سكـــررررريه!!!!!!!
سكرت الباب من غير وعي لان الخوف هو اللي يحركها حالياا..وشخط عمها بـ سيارته وهي جلست في هـ المكاان المخيف..ماتدري وش مصيرهاا الحين!!
__________________  " class="inlineimg" />  |