10-19-2013, 05:35 PM
|
| |
 تعال وانظر في محبك و مغليك
لالا تغلا لعنبوا حي من جاك
الشوق يذبح والمشاعر تغنيك
علئ لحون الشوق والشوق غناك
اما تجي والقلب حبك و يغليك
والا تروح وعاشقك ما تناساك
لاني عطيتك عهد والله ما اخليك
وانت وضميرك والمشاعر تحراك
الذنب ذنبي دام قلبي يراعيك
لو اني نهرته ماتمنيت لاماك
مير البلا طيحت محبك و شاريك
لو انها بالكيف باعك و خلاك
مادام صار القلب و العقل يرجيك
يرحم قليبك قدر الشوق لا جاك
ماني مكابر و المشاعر تناديك
ارفق بحال اللي ليا جيت لباك
مادام قلبي في عروقه مخبيك
انا و قلبي و الليالي طالبناك
|
|
|