الناس تقول..
مرينا بيكم حمد و احنا بـ قطار الليل..و اسمعنا دك كهوة و شمينه ريحة هيل..

و العراقي يقول..
مرينا بيكم حمد..
و احنة بقطار الصبح
موش بقطار الليل..
و لأن ماكو دك كهوة
نزلت دموع الهيل
ياحمد اجيت اسألك انا
هل تعتقد مخنوك حس الريل؟
ياريل اجيت انخاك انه..
و متعوب حيل الحيل
و يا حيل يبقى لي؟؟
و عافوني احبابي؟؟..
و تركوني لمن مشو
و حركولي عطابي

__________________





ثروة ماعندي و كدرت انطيهه روح..و عمري ما فكرت ب استغلالهه
الرخصتني و دورت ع اليشترون..الراحت وضل ب الكلب تمثالهه
الوادعتني وراحت ل كوكب بعيد..الضاهر الكوكب رفض ماشالهه
العلمتني شلون اكول الله كريم..الدنيا تفتر ماتضل بحالهه
الجانت تغمض ب خصله مستحاي..و جنت اخاف عيون صلفه تنالهه
راحت و كلبي الترف شوفهه خير..و كرهتني و سوت اليحلالهه
اتصورت ينطون الاحلام ابلاش..تاخذ و ماتنطي شي حسبالهه
كلولهه شال الهوة من الذكريات..و مابقه من الذكرى غير وشالهه
كلولهه ادورلهه حلم مضمونه بي..هواي الاحلام التغر اشكالهه
كلولهه اني ناسي و من زمان..و هي زين اتذكرت انيالهه