عيون العرب - ملتقى العالم العربي - عرض مشاركة واحدة - تحليلي عن الثنائي .. ساسكي+ساكورا.... و ناروتو+هيناتا ..وأولادهم فقط . غير مسموح للثنئيات الاخرى بالتواجد !

For me!! · #**22922** 11-15-2013, 12:34 PM

بخصوص شابتر 655 امممم صراحه تفاجاءت من كاكاشي انو علطول هجم على اوبيتو مدري ليش توقعت انو هوا الي حيوقف ساسكي بس لو فكرنا في الموضوع الي فعله ساسكي وكاكاشي هوا التصرف الطبيعي والمنطقي والمفترض يحصل في الحالات الطبيعيه لاكن ميناتو منع دا الشي لانو شاف ايش حصل في داخل قلب اوبيتو< سؤال كيف عرف :eesh: هل لانو شاكرا ناروتو وابوه مرتبطه المهم مو موضوعنا الي يهمني اني قلت قبل كدا حتخلص جزئيه اوبيتو وللان ما شفنا شي لكاكاشي و رين لاكن في دا الشابتر احس كيشي لمح انو كاكاشي كان فعلا يحب رين هذا اكثر شي عجبني

وكاكاشي المسكين فعلا عانى في حياتو احس قصتو قريبه من قصه ساسكي حيث انو فقد والدو وساسكي فقد اهلو وكامل قبيلتو وليس مثل ناروتو و اوبيتو الذين ولدو دون معرفه وجوه اهلهم

بصراحه اشوف الفقد مؤلم اكثر !
وفوق دا كاكاشي لم يستطع حمايه اوبيتو وقتل رين بيدو لو لاحظنا انو ساسكي قدر يحمي ناروتو من الحلقات الاولى خصوصا امام هاكو وايضا سبق وان كاد ساسكي يقتل ساكورا بيديه وكاكاشي كان احد الاسباب لعدم حصول دا الشي لانو لو حصل دا الشي حيكون كانو الماضي ينعاد وساسكي ما تفوق بشي عشان كدا اتوقع ساسكي يكون افضل من كاكاشي وما يخسر اعز اصدقائه وحبيبه قلبو:baaad:
والي يقولو انو اوبيتو مالو اي صله باي شكل من الاشكال بموت اليوتشيها اخالفكم تمام فاوبيتو هوا من اختطف كوشينا واخذ الكيوبي منها وهاجم به القريه ولو لم يحصل هذا لما شك زعماء القريه بان اليوتشيها خلف هذا الحادث ولم يكونو ليعاملوهم بهذا التطرف ! وهذه المعامله هي ما جعل اليوتشيها تقرر الانقلاب وقرار اليوتشيها كان السبب في مهمه ايتاتشي بقتل العشيره حتى لا تحصل حرب اهليه اذا من بداء كل هذه الدائره هوا اوبيتو ربما كان فعلا تحت امر مادرا لاكنه هوا من فعل كل هذا حتى لو كان مأمور فهذا شيء لا يغتفر لاكن هل ساسكي يعلم بهذا ؟ ما اتوقع انو يعرف