صحت من النوم وتلمست السرير وما حصلته جمبها قامت واتجهت للدولاب واخذت لها ملابس ودخلت الحمام واخذت لها شور على السريع وطلعت وهي لابسه (بلوفر وردي ومكتوب عليه (love) بالرصاصي من ورا مع سكيني رصاصي) فتحت شعرها المبلل وحطت لها قلوس وردي فاتح وطلعت من الغرفة تدوره دخلت الصاله وهي تدور فيها حست بحركه على الكنب قربت وقعدت تتلمس لحد ما وصلت له قعدت على ركبتها وهي تتلمس وجهه وتحاول تتذكر ملامحه الي اشتاقت لها لمست عيونه السود الي مسكرهم ولمست خشمه سلة السيف وقعدت تتنقل بين أعضاء وجهه من خشمه الى اذ نه الى شعره الى حواجبه وأخيرا استقرت عند شفايفه التوتيه الي ياما طلع منها كلام زي العسل ما منعت نفسها وفعلا تقابلت شفايفها مع شفايفه لفترة دامت لأكثر من دقيقة وطبعا هو قعد لما حس بيدها الناعمه تتلمس وجهه استانس وطار من الفرح لما باسته طبعا للحين ما بعدت عنه وبعد خمس دقايق بالضبط حست على نفسها وبعدت عنه بهدوء وجات بتوقف بس هو كان اسرع منها وسحبها له وطاحت فوقه على الكنب عدل جلسته وقعد وهي جالسه على فخذه وقال بصوت كله حنان: دنو قلبي اليوم بنروح المستشفى عندك موعد.


دانه بخوف: مستشفى لا لا وربي أخاف فهد مو لازم.


فهد وهو يمسح على شعرها: لا تخافين قلبي بس فحوصات.


دانه هدت شوي بس لا زالت خايفه: طيب بس لازم؟.


فهد بحب: ايه حبي لازم ويلا قومي علشان نفطر بعدين نروح (وبنذالة) ولا عاجبتك الجلسة على فخذي؟.


دانة حمرت خدودها وبسرعة قامت وفهد قعد يضحك عليها وبعدين قام وراح الحمام واخذ له شور سريع وبعدها طلع وطلب لهم فطور.


--------------------------------------------------------------


فتح الباب بقوة ودخل ومعه كيسة ثلج وكاس ماي: شهود قومي.


شهد لا رد >> نايمه


سعد: ادري انك قاعده يلا لا تنرفزيني ترا بجننك.


شهد لا رد


سعد: اوك يا ويلك مني.


وبسرعه هجم عليها وقعد ينط على السرير وشهد قامت مرتاعة وهي تقول: يمه بسم الله وش صاير مين مات بيتنا احترق دنو وين. 8


8


8


تعرفون الواحد لما يقوم من النوم وش يصير فيه


سعد قرب منها ورما الثلج في ظهرها وكب على وجهها كاسة المويه وطلع جواله وقام يصور فيديو


اما شهد وش أقول ووش اخلي وقفت على السرير وهي تحاول تطلع الثلج وكانت كأنها ترقص رقصة الهنود الحمر وشكلها يفطس وسعد ما تحمل انسدح على الأرض وعيونه تدمع من الضحك وهو يصور وشهد لما طلعت الثلج ومسحت وجهها بملابسها استوعبت وقالت بصراخ هز البيت: يا حمار وربي ما اخليك.


وقامت تلحقه وهو يهرب وقلبو البيت فوق تحت.


--------------------------------------------------------------


جا الفطور وقعدوا يفطرون


فهد: دانه بعد المستشفى وين تبين نروح؟.


دانه بحزن: ولا مكان الشقه احسن ولا على راحتك.


فهد عرف انها زعلانه فخطرت له فكره: طيب انا بوديك مكان ينسيك اسمك يلا قومي البسي وتعالي علشان أقوم البس انا بعد.


دانه هزت راسها وقامت وبعد دقايق جات وهي لابسه ( بلوزة رصاصية لنص الفخذ وكمها طويل مع سكيني كحلي وبوت بني لنص الساق ولست شال رصاصي بنفس لون البلوزة وحجاب بني وكان شكلها متناسق ومرتب )


اما هو دخل الحمام (اكرمكم الله) وطلع وهو لابس ( بنطلون جينز وبلوزة سوده وجاكيت اسود وشال اسود لافه حول رقبته مع جزمة (اكرمكم الله) رياضه (خيوط) لونها اسود وابيض)


راح لها ومسك يدها وطلعوا من الشقه ووقفوا تكسي متجهيين للمستشفى.


--------------------------------------------------------------


: وقسم بالله ما اتركك تعال.


ورمت عليه علبة مناديل شافتها قدامها اما هو لازال يضحك وانحاش للحديقة وشهد لحقته وشافته واقف ورا الطاوله راحت له ووقفت على الطاوله ورفعت اصبعها تهدد: يا ويلك يا سعيدان والله تأديبك على يدي.


وهنا دق الجرس وطبعا هم مو حاسين في عالم ثاني جات الشغالة وفتحت الباب.


--------------------------------------------------------------دخل وسمع صراخ لف لجهة اليسار وشاف شكلهم الي يفطس وشافها شاف الي خذت عقله وتفكيره ما منع نفسه وقعد يتأملها دقيقتين وانتبه له سعد صرخ وهو يقول: غض بصرك لأجي واكوفنك.


.......... استحى ولف وجهه


اما شهد المسكينه وجهها محمر وخشمها بعد وشوي وبتصيح من الفشيله وخصوصا على اللي لابسته (روب حريري توب على الركبه لونه سكري وفاتحه شعرها اللي كان ويفي (مكسر) وحافي مو لابسه جزمه)


ركضت بسرعه لداخل وطيران لغرفتها


سعد وهو يقرب: صلاحوه وقسم بردت كبدي فيها الخبله.


صلاح وهو يغير الموضوع لف له: اعجبك المهم ابي ابوك واخوك موجودين ولا.


سعد بنص عين: وش تبي فيهم؟.


صلاح يصرف: موضوع في الشغل وانت وش عليك؟.


هنا جا مروان: هلا والله بو الشباب.


صلاح وهو يلم عليه: اهلين فيك.


مروان: حياك حياك مين بغيت.


صلاح وهو يطالع سعد: والله بغيت ابوك واخوك عزوز.


مروان: طيب تعال تراهم بالمجلس.


صلاح كش على سعد: مالت عليك تعلم من اخوك الي اصغر منك.


مروان صدق نفسه: احم احم تفضل.


ودخلوا الثلاثه المجلس وسلم صلاح على أبو عبدالعزيز وعلى عبدالعزيز وقعدوا


أبو عبدالعزيز: امر يا ولدي وش بغيت؟.


صلاح وهو يعدل غترته: والله يا عمي انت تعرف اني وحيد امي وما عندي غير ثلاث خوات وتعرف ان ابوي متوفي.


الكل: الله يرحمه.


صلاح: فأنا جاي طالبك طلبه.


أبو عبدالعزيز: تفضل.


صلاح:

توقعاتكم


فهد وين بيودي دانه؟


صلاح وكل هالمقدمات وش يبي؟

مع تحياتي


اختكم: Shahad al-abbad