هااي يا حلوين احس ليا فتره عنكم خ
اخيرا خلصت اختبارات  وحابه احتفالا بدا الشي اكتب عن نقطه تزعجني من فتره وهيا عن ( هيناتا ) 
فيه شي لاحظتو في انتز الناروهينا طبعا يا كثر احتجاجاتهم على هيناتا مو حابه اكرر الكلام الي كلنا عارفينو والي يثبت الناروهينا لاكن من اهم احتجاجاتهم انو هيناتا شخصيه ثانويه ! بس دا شي هوا الي حببني في الناروهينا ولا بصراحه اساس ما كنت مهتمه فيهم وكل همي ساسوساكو لاكن دا الشي خلاني فعلا اهتم في الناروهينا ومن اعماق قلبي واشوفهم من اهم ابداعات كيشي  وخصوصا هيناتا
اولا هيناتا شخصيه مشابه لناروتو طبعا كلنا نعرف دا الشي انها عنيده وما تبغى ترجع عن الكلمات الي تقولها وطريقها في النينجا زي ناروتو بس بصراحه مره قعدت افكر ولقيت انو هيناتا مهمتها في اثبات نفسها اكبر من ناروتو !
فيه سؤال طرحتو مره على نفسي الحين ناروتو معنو كان فاشل في الصغر وكان الجميع من شخصيات الانمي ما يتوقعو منو اي شي يدكر لاكنو اثبت نفسو لهم !! (بس دقيقه  ) هوا اثبت نفسو لهم هما لاكن لنا كمشاهدين مو مره ! يعني احنا من البدايه عارفين انو هوا بطل القصه وعارفين انو اي وضع حينحط فيه غالبا حينتهي بفوزو او نجاحو او اي شي زي كدا ! وعارفين انو نهايه القصه حتنتهي غالبا بانو يثبت انو مو فاشل ويثبت جدارتو لكل من شكك في قدراتو ! ادا لمادا لا تكون هيناتا نفس الشيء ! لاكن الفرق هيناتا ما حتثبت لسخصيات الانمي فقط انها قادره على تحقيق حلمها لا لاكنها حتثبت لنا كمشاهدين انو بعزمها حتقدر كشخصيه ثانويه انها تحقق حلمها وتصل للبطل ! ادا احنا حكمنا عليها كشخصيه ثانويه في القصه وكشخصيه خجوله في طبعها انها لن تصل لمرادها ادا نحن لسنا بدالك الفرق الكبير عن اولائك الشخصيات التي حكمت على ناروتو بالفشل !
وانا لاحظت دا الشي في كيشي انو يخرج عن المعتاد او يخرج عن الايطار الي محطيلنا هوا اغلب الانميات فكيشي حقا يهتم بادق التفاصيل مثلا من كان يتوقع ان دكريات كاكاشي الي كان تخطر للحظه في عقله وهما اصدقاءه واهمهم اوبيتو ينتهي به الوضع سبب اساسي ومباشر للحرب في نهايه القصه ! يعني من جد فيه اشياء مدهله يسويها كيشي والمقصود منها ان كل شخصيه اساسيه او ثانويه او حتى لو كانت الشخصيه مجرد دكرى من اشخاص اخرين فان لها حياتها ولها قصتها ولها نفس الفرصه لتكون بطله مثل الابطال الاساسين ! وهيناتا حتثبت نفسها لهم او الاصح قاعده تثبت نفسها لهم انو فعلا طريقها كناروتو ولن تستسلم عن حلمها او عن اي كلمه قالتها !
التعديل الأخير تم بواسطة For me!! ; 11-30-2013 الساعة 11:53 PM |