مو اني اول بشرر..يزرع شلب و يحصد بردي
و لا اني الي تغربت..و المعتنيله يصير ضدي
غلست عن الكلت و الكال..و كمت اسمع و اعدي
والله جاا مل و جزع..لو قصتي ع ايوب تسدي

__________________





ثروة ماعندي و كدرت انطيهه روح..و عمري ما فكرت ب استغلالهه
الرخصتني و دورت ع اليشترون..الراحت وضل ب الكلب تمثالهه
الوادعتني وراحت ل كوكب بعيد..الضاهر الكوكب رفض ماشالهه
العلمتني شلون اكول الله كريم..الدنيا تفتر ماتضل بحالهه
الجانت تغمض ب خصله مستحاي..و جنت اخاف عيون صلفه تنالهه
راحت و كلبي الترف شوفهه خير..و كرهتني و سوت اليحلالهه
اتصورت ينطون الاحلام ابلاش..تاخذ و ماتنطي شي حسبالهه
كلولهه شال الهوة من الذكريات..و مابقه من الذكرى غير وشالهه
كلولهه ادورلهه حلم مضمونه بي..هواي الاحلام التغر اشكالهه
كلولهه اني ناسي و من زمان..و هي زين اتذكرت انيالهه