الموضوع: تحليلي عن الثنائي .. ساسكي+ساكورا.... و ناروتو+هيناتا ..وأولادهم فقط . غير مسموح للثنئيات الاخرى بالتواجد !
عرض مشاركة واحدة
  #24310  
قديم 03-07-2014, 09:49 PM
 
الاختين هيناتا و яαzαη♪
اخالفكم الرأي بخصوص انو ناروهينا مضمون اكثر من الساسوساكو
اولا يمكن كلمه مضمون عندي تختلف عن عندكم
انا متاكده انهم مضمونين كثنائي حب وانو ناروتو يحب هيناتا والعكس صحيح وكمان انو ساسكي يحب ساكورا والعكس صحيح وكل فانز الناروهينا والساسوساكو كدا ولا ما كان صرنا فانز لهم
فكلمت مضمون بالنسبه ليا تعني اكثر من مجرد انهم يحبو بعض هوا انو اضمن عدم تفرقهم مثلا عدم موت احدهم هوا ان ينتهي المانجا وهما عائله او على الاقل حبايب رسميا قدام كل الناس صح ؟ هذا ما نتمناه كفانز لدي الثنائيات
وبهذا التعريف اشوف انو الساسوساكو نسبتهم اكبر من الناروهينا
ليش ؟
الساسوساكو مازال ثنائي غامض صحيح انهم اول ثنائي حب في المانجا وحصل بينهم الكثير والكثير في الصغر والكل ما عدا الي يضحك على نفسو عارف انو ساسكي يحب ساكورا وما اظن احد في العالم مو عارف انو ساكورا تحب ساسكي
لاكنهم مع كدا اكثر من كدا قصتهم واضح انها بداءت قبل ما نشوفها احنا كمشاهدين حبهم احتمال كبير لا وانا متاكده انو بداء قبل الفريق السابع وعلى خلاف الناروهينا اتوقع الموقف الي حصل في الصغر ما كان له تاثير على طرف واحد وهيا هيناتا فقط لا بل لابد انه حصل موقف في الصغر بين الساسوساكو اثر عليهم الاثنين
فلازم كيشي يورينا ماضيهم وغالبا حيربط اهم الاحداث حق الماضي الي ما شفناه مع الشي الي شفناه احنا في مرحله حبهم في الفريق السابع
دي المرحله الي فوق لازم تحصل مستحيل كيشي يخلص المانجا قبل ما يبينها وعلى عبل ما يبينها عندهم عده مشاكل لحالها بينهم
منها معرفه ساكورا بسبب رغبه ساسكي بتدمير كونوها فهذا كان اعظم مسبب للموقف تحت الجسر وهو من اهم سوء الفهم بينهم( اي معرفتها بقصه ايتاشي ) + تراجع ساسكي عن تدمير كونوها وغيرها كثير من المشاكل غير عن الاعتراف الخاص بساسكي + ساسكي اكثر غموض من ناروتو فحاليا هيناتا اتوقع انها تدرك انها اصبحت من الغالين لدى ناروتو حيث انو ناروتو مسك يدها ووضح ردت فعل ايجابيه اما ساسكي فساكورا ما تزال تظن انه يكرها فهو اخفى واثقل من ناروتو اساس ما اتوقع احد يعرف بحبو غير ناروتو ويمكن كاكاشي
الزبده ما اتوقع كيشي ينهي الامر بعدم معرفه كل واحد منهم ما حصل للثاني وبما انهم حيعرفو كل واحد حيدرك مدى حاجه وحب الاخر له ومن الاخر ما اضن بعد معرتفهم وبعد عذابهم ينتهو بمقتل احدهم غير انو اساسا حلم كل واحد فيهم مرتبط بالاخر فحلم ساكورا ان لا ينظر ساسكي لاحد غيرها وان يحبها وحلم ساسكي احياء العشيره واضح جدا الارتباط
اما الناروهينا
فثنائي فرش جديد الجزء المظلم بالنسبه لهم كان في الجزء الاول معنو ما كان بديك الظلمه مثل الساسوساكو وحاليا هوا وقت ازدهار هذا الثنائي وقت المواقف لهم وبينهم وانكشف كل شي وليس هناك وقت او حتى احتمال ان يفترق افتراق عادي مثل ماحصل مع الساسوساكو في هذه المرحله
اذا وجودهم مع بعض حيكمل
فالشي الوحيد المتبقي هوا الاعتراف من قبل ناروتو
لاكن دا الشي بسهوله يحصل في موت احدهم مثلا < بعيد الشر
لاكن هذا احتمال وارد فهذا الثنائي في مفترق طريق اما ان يستمر الوضع المزهر كما هوا
او ان يستمر الوضع المزهر لفتره وينتهي بحزن بموت احدهما وغالبا ما حتكون هيناتا وهذا الي انا خايفه منو
اولا لانو حلم ناروتو انو يصبح الهوكاجي وفيه شي نبهتني عليه صاحبتي فيه قصه اوبيتو ورين لمن كان ناروتو داخل اوبيتو يديلو المحاضره الطويله العريضه دي قلو (ان تكون هوكاجي يعني ان تتحمل ذلك الألم ) قصدو ألم فقدان رين كيشي ما حط قصه اوبيتو مع رين هبائا منثورا هوا حالتين اما انو حطها عشان نشوف النسخه الفاشله من ثنائي ناروهينا ونقارنها بالجيل الجديد الي تفوق عليهم وهذا كان تفكيري لاكن الي انتبهت عليه انو الجيل الجديد وقتها ما حيكون فعلا ما عمل شي كلو بفضل حظهم الاكبر الي خلاهم يعيشو حياه سعيده في النهايه مع بعض ! فيمكن وان شاء الله لا يكون تفوق ناروتو على الجيل القديم الي هوا اوبيتو بمقدرتو على التعايش وتكميل الطريق الصحيح حتى بدون هيناتا وانا خايفه يحصل دا الشي
في النهايه هاذي كلها توقعات بس انو نسبه ضمان الساسوساكو اكبر من الناروهينا واتمنى انو ما يحصل الي قلت انو ممكن يحصل وسلامتكم
ملاحظه لاحد يضربني انا بس قلت رأي الخاص والاحتمالات المختلفه الي ممكن تحصل
رد مع اقتباس