الساعه 1 الحريم والرجال مسوين زحمه عشان بقومون العيال طبعا اول واحد قام نايف
نايف راح يفطر بعدين رجع للعيال ودخل عليهم مات عليهم من الضحك
عبد العزيز نايم مثل الميت على جنب وحاظن الوساده وملامحه كانت بارده
نواف رجل يمين ورجل يسار وكشته حالته حاله
فهد مب احسن حال منه فارس كان نايم بهدؤ حليله موب مثلهم.
نايف : استعنا باشقا على الله بسم الله
وكب سطل المويه عليهم بشكل موزع بحيث ان كل يوصله حقه
فارس قام مخترع وقعد يتكلم بالاسباني .
نايف: صح صح وينك فيه.
فارس: ساره ساره وينك....
نايف رااحله حس بالذنب.: قم قم وش سارته اللي تحلم فيها
فارس خذ نفس وعرف انه يحلم: صباح الخير
نايف: صباح النور.........اكييد قبل ماتنام كنت تفكر باختك
فارس: صح كيف عرفت
نايف: قاعد تناديها وحالتك صعبه
فارس: ياشيخ مشتاق لها
نايف: اقول قم بس غسل وجهك
فارس/: مايحتاج تكفلت بالموضوع
نايف: هههههههههههه
وراح يكمل على بقيه اللي ماقامو <<<متعودين على المويه معاد تاثر فيهم
ــــــــــــــــــــــــــــــــــــــــــــــــــ ــــــــــــــــــــــــ
لمو اغراضهم وخلصو ويوم جو يركبون الجده بتركب مع ولدها ابو حمد
الجد عاد مايطاوعه قلبه ناداها وراضاها بكلمتين منه ولطعو ذريتهم برى شوي يعني ......
ــــــــــــــــــــــــــــــــــــــــــــــــــ ـــــــــــــــــــــــــــ
وصلو وكل راح للبيته مرت ثلاث ايام مثل البرق
الجد شرى البيت اللي جنب بيت ابو فهد
(اللي عايشين عندهم) بماان مسؤلياته كبرت ودخل معه فارس وساره والبيت حاليا يترمم يصلحونه
فصار فارس ينام مع سلمان.
ــــــــــــــــــــــــــــــــــــــــــــــــــ ـــــــــــــــــــــــ
الاثنين اليوم اللي بترجع فيه ساره
الصبح بسريرها ماقدرت تنام من بعد صلاه الفجر
ساره قاعده تتقلب بسريرها الانتقال المفاجئ اللي صار لها بشهر واحد مو قادره تتكيف معه وخايفه من اللي ينتظرها بالسعوديه قامت وكملت تجهيزها وصارت تدور بالغرفه من التوتر
دخلت ام فارس بهذي اللحظه
ام فارس: جاهزه
ساره: ايه
ام فارس: انا عارفه فراقي صعب عليكم مثل ماهو صعب علي بس لازم تتذكرين ياساره شو مايستو بالدنيا انا امك وانتي بنتي المسافه مو مهمه بس لاتنسيني تعبرت وصاحت وساره من بدى كلام امها وهي تصيح حست بالفراق والمه شهر واحد بتفترق عن امها وابوه صعبه كثير
ساره: لاتقولين كذا انا ماراح انساكي ابدا
ام فارس: سلميلي على فارس وتحملي على نفسك ومن اخوك لايزعل منك ابدا ترى مالك غيره وماله غيرك وانتم مو عند غرب عند عمامكم واهلكم
ساره: انا خايفه
ام فارس: لاتخافين كلام فارس يبشر بالخير وايد
ساره سكتت...........
ام فارس: قومي صلي لك ركعتين وادعي ربك وتجهزي ماشي على موعد الطياره
ساره سمعت كلام امها
ــــــــــــــــــــــــــــــــــــــــــــــــــ ـــــــــــــــــــــــ
الساعه تسع صباحا
قام فارس يتسحب يبي يشوف اخته ويكلمها على انفراد قبل الكل صعبه يروحون هالجماعات للمطار
لبس وتجهز وراح للمطار.
ــــــــــــــــــــــــــــــــــــــــــــــــــ ـــــــــــــــــــ
في بوابه المطار ساره تسلم على اهلها
سلمت على خالها
وودعته هو وعياله مهره وشمه وسيف
ودعتهم وداع حار وبكت من قلب لان سفرتها هاذي مصيريه
ــــــــــــــــــــــــــــــــــــــــــــــــــ ـــــــــــــــــــــــ ياسر ولد الخال سعد اخو مشاعل كان بنفس المطار هو كان يدرس بلندن بس جا يومين هنا مع صديقه الاماراتي( سيف) وكان راجع على نفس طياره ساره
ــــــــــــــــــــــــــــــــــــــــــــــــــ ـــــــــــــــــــ
ركبت الطياره. وجلست بكرسيها وتتخيل المستقبل
(ساره بنت خلوقه ومودبه شعرها طوووييييييل مـــــره كان فيها شبه من نهى أي الجده حساسه مره
حنونه معطاءه افكارها طفوليه)
ــــــــــــــــــــــــــــــــــــــــــــــــــ ــــــــــــــــــــــ
وصلت للمطار بتاخذ شناطها وبتروح واقفه عند سير الشناط مرت شنطتها وياسر كان واقف جنبها
ياسر: في نفسه هذي وش مجيبها هنا...........لاتكون سعوديه لالا...............لو سعوديه تغطت........يالرخمه الحين ثلاث ارباع السعوديات مايتغطون .........اوف انا وشلي افكر
ساره كانت تبي تسحب شنطتها بس شنطتها ثقيله حيييييل عفش العمر كله
ساره: يوووووووووه شنطتي شنطتي
ياسر انتبه لها ومد يده وسحبها بسهوله
حطها على الارض
ياسر: اوف وش حاطه فيها
ساره ماعرفت ترد:
ياسر يناظرها وش سالفتها تو تصارخ والحين اسكتت............يمكن سكتت من جمالي........ أي جمال يرحم اهلك مخيس بالقوايل........ طيب وش فيها..................قاطع تفكيره
ساره بصوت خفيف: شكرا
ياسر: العفو
جا الهندي سحب شنطتها وطلعت اول ماطلعت كانت تدور بعيونها وشافت فارس راحت له وحظنته وبكت وفارس نزل كم دمعه
فارس: سارونه خلاص لاتكدرين خاطري
ساره: والله شوفتك تسوى الدنيا ومافيها شسوي
فارس: عارف شكثر تحبيني
ابتسمت ساره بعدين تغيرت ملامح وجهها: ليش ماجا معك احد؟؟؟؟؟
فارس: انا ماقلت لهم قلت انك بتجين اال 2 لازم اكلمكم واقعد معك بقولك اشياء كثيره
ياسر كان يراقب الموقف منن بعيد: ياحسره علي محد جا يستقبلني وكيف بيجون وانت ماقلت لهم ايه اذا انهبلت يجون كل الامم هنا والله يصير المطار قاعه افراح اروح للواحد من اخوياي واذا جا الليل كان خير.
راح فارس واخذها وراحوللمطعم وجلس يقولها اشياء وكلام كثير عن الحياه الجديده ةالفرق بين اسبانيا والامارات والسعوديه.................
ــــــــــــــــــــــــــــــــــــــــــــــــــ ــــــــــــــــــــــــ
سلمان المنبه يدق وهو لاحياه لمن تنادي نايم
اما البنات غير حاله استنفار جالسين يجهزون انفسهم لاستقبالها فهد ولاكانه من اهل البيت مريح
والجد والجده يحسبون فارس وسلمان بالمطار ومايدررون عن شي
ــــــــــــــــــــــــــــــــــــــــــــــــــ ــــــــــــــــــــــــــ
وصلو فارس وساره وكان الكل مجتمع بالبيت العمام ساره كانت خايفه ومتوتره ويدها ترتجف مسكها فارس يهديها دخلت بصاله وفارس بصوت عالي: ياولــــــــــــــــــد <<<تعلم الكلام بسرعه
الجده: ادخل كانو كلهم مجتمعين بصاله من الحريم والجد.
ساره كانت مدهوشه كانها مروعه شكلها كان تحفه
دخلت مسكها فارس وراح بها للجده
فارس: امي ساره هذي سميتك؟
الجده لمتها وبكت: هلا بريحه الغالي هلا فيك يابنيتي ساره بكت مسكينه التوتر والعواطف وكل شي تجمع وبكت سلمت على الجد وكان سلامه غير كان حنون معها لابعد درجه.
العمه لطيفه سلمت
فارس: الحين ساره انا بطلع عشان تسلمين على الباقي
ساره: ابتسمت وهي ودها مايروح بس لازم تتعود هذا عمر مو ساعه ولايوم
فتشوا لبنات سلمت على حريم عمانها بعدين سلمت على البنات وجلست
نسايم: كيف حاالك ساره
ساره: الحمدالله بخير شحالك انتي؟
نسايم:بخير
ساره بتردد: الا وين ندى
ندى ضربت كف بكف:هلا والله هنا انا بغيتي شي واذا مستعجله عندك سكرتيرتي رهف
رهف: هيه هيه ايش سكرتيرتك
ساره متفاجاه: لابس فارس يقول اننتي بعمري صح
ندى: اذا عمرك 19 صحين مو واحد
ساره: ماشالله مو مبين
ساره: استانست وقعدو وبعدين فارس دق على ساره يكلمها
نسايم تاشر للساره قولي لحظه
ساره: وشو
نسايم: اسئليه عن سلمان
ساره: يسالونك عن سلمان
فارس: صحححححح نسيته اطلعي عند الدرج بجيك
طلعت ساره وصعدت معه فوق وراح بها للباب وطقه وبعد مااحد بفتح
وطقه مره ثانيه فتح سلمان بعد فارس عن الباب سلمان طير عيونه وش هالمزيونه اللي جايه غرفتي
ساره كانت مثل الاطرش بالزفه مصدومه كيف اخوها يخليها تروح للرجال بغرفته لفت بتمشي
طلع فارس وهو يضحك
فارس: سوسو تعاللي
ساره وقفت وعطته ظهرها
فارس: هذا سلمان
ساره اكثر شخص كان نفسها تشوفه سلمان
التفتت والفرحه بانت بعيونها
سلمان: ساره بنت اخوي ياهلا والله
ساره : راحت وسلمت عليه
وبعدين نادوهم للغدى وراحو كلهم يتغدون
بعد الغدى:
مروان فاتح البلوتوث يسوي بحث والاسماء تطلع ولا اكثر.
مروان: حشى لوني بسوق على هالزحمه
مشعل: تكفى وش الاسما
مروان: عندك :لاللحب::
::العنا::
رامي: ايوه وش هالمغرمين اللي عندنا
مروان: اسمع حاطه ابليس فس كيس
مشعل: ههههههههه كذاب منهي
نواف: اكيد النسره
مروان: من النسره
نواف تدارك الموضوع : هاااااه لا استهبل بس اكيد نسره لانها حاطه ابليش في كيس
مروان :اصبر وش هذا الاسم:: مهره محد مرضعها
مشعل كان يشرب الشاهي وشرق
نواف:ورني............ يااغبيا محد مروضها وش مرضعها يرحم اهلك
فارس: فديت اختي على هالاسم
حمد: ترى بديت اشك انها اختك
فارس: ماتقدر تشك ولا واحد بالميه اصلا
ومر اليوم عادي يوم ت حزه النوم ساره كانت تعبانه حيييل من بعد السفر وهي مانامت كانت تبي تنام بس مفتشله
ندى حست فيها: يلله انا بنام (التفتت عليها) ساره ماودك تنامين
ساره: الا
ندى: يلله ترى انا وياك بنوم مع بعض
ساره: والباقين
ندى: لا ياحلوه انا غرفتي بس للي عمرهم 19
ساره:هههههههههههههههههههههههههههه
صعدو للغرفه ساره فتحت شنطتها وغيرت ملابسها هي كانت رافعه شعرها مو مبين طوله فكته
ندى: ماشالله شعرك طويل
ساره: اخر مره قصيته يوم عمري15 حركات بنات
ندى: ماشالله شلون تصبرين انا اذا مر على شعري 6شهور انهبلت بس ماشالله طويل حيل
ساره: ماراح اقصه ابدا
ندى: الله يقويك........... وينك يامشاعل تدرين هي اطول شعر بالعائلله ولايجي ربع شعرك
ساره: جد خليني مميزه وطلعت من شنطتها دبدوب
ندى: ههههههههه وش هذا
ساره: هذي هديه من ابوي لما كان عمري عشر سنوات وباين عليها انها تتذكر
ندى رحمتها وتحسفت انها ضحكت: طيب ييلا نام ورانا بكره مباراه
ساره: مباره ايش
ندى: السعوديه واوكرانيا
ساره: اها طيب تصبحين على خير
ندى: وانتي من اهله
وراحت عليهم نومه
العمه لطيفه قبل ماتطلع عزمتهم كلهم على العشاء يوم الاربعا (قبل ملكه نسايم ونايف بيوم) نسايم بخاطرها حرام عليكم انا وش سويت لكم شكلي منيب رايحه اصلا موب مخليني بيشدوني مع شعري اوف انا وراي ملكه لازم انوم واريحة واكمل تجهيزاتي
ــــــــــــــــــــــــــــــــــــــــــــــــــ ـــــــــــــــــــــــــــ
قامت ساره الساعه تسع ومالقت ندى صلت وجلست ترددت تنزل ولالا ياربيه وش هذي البلشه..........طيب اخذ شيلتي............ صح فارس يقول انهم يتغطون.......اممم وش اسوي.......
قطعها دخول ندى
ندى: صباحو
ساره: هلا وينك
ندى: كان خذت الجلال ونزلتي
ساره: شنو الجلال
ندى: هذا وتاشر عليه
ساره: اها .........مدري والله انا بالامارت كنا انلبس عبايتنا.
ندى: هنا السعوديه تدرين انك وجهه سعد علي
ساره: ليش ؟
ندى: لان امي ماقومتني اروح للجامعه تقول اقعدي مع بنت عمك.
ساره: وحليلها مرت عمي.
ندى: يلله ننزل نفطر
نزلو وفطرو جلسو ساره وندى يدردشون مع بعض
ندى: اقول ساره وش رايك نعز م البنات على المباراه
ساره: براحتك......شكلكم تحبون المباريات؟
ندى: كثير اصبري خليني اجيب جوالي
بهذي الحظه دخل مروان ومشغل بجواله اغنيه شكيرا الجديده ومطول على الاخير ويرقص ولابس نظارت شمسيه اول مادخل رمى الكتب على الارض وكمل الرقص كان فنان بالرقص الاجنبي
ندى: مروانه يتافه احد يرقص بالقوايل بعدين تن نح اكح كح ساره هنا
مروان مسوي اكبر طاف سافها
ساره ميته من الضحك عليه
مروان سكر الجوال: احم احم ياولد
ندى: لاوالله كثر خيرك ذكرت
مروان: من طيب اصلي
وقطع النقاش
ام فهد: مروان وش مجيبك
مروان: بيتنا وش مجيبيني اعتبرها طرده
ام فهد: الساعه 11 ليش راجع انت دوامك يخلص 1 ونص
مروان(الوهقه): خلص الدوام وطلعت
ام فهد: ياكذاب تو المدير متصل يقول تعبنا وانا نلقط ولدك من الشوارع ليش منحاش
مروان: ماعليك منه نصاب يطردني ويتفلسف
ام مروان: اسكت اسكت انت مدري بتنعدل اذا ماتعدلت بثالث ثنوي
مروان: خلا اااااااص ماسوت نحشه انا جاي مبكر عشان اريح عشان المباراه
ام فهد: مالت عليك وعلى المباره وهذا وجهي ان فازو
مروان: افا تشكين<< يبي ينسيها السالفه
ام فهد: اقول رح بروح اكمل الغدا
ساره: كانت ميته ضحك على خفه دمه
مروان التفت:ليش كذا اول ماتشوفيني تضحكين سلمي على الاقل
ساره:هه شحالك
مروان: بخير........... على فكره حمد الله على سلامه ولو انها متاخره بس هاشياب ماخلونا نسلم خبرك عاد
ساره: وهي متلعوزه بالجلال ماتعرف تزينه: اها مسموح
مروان: بكيفك غصب اصلا يلله انا بنوم وترى الشباب بيجتمعون عندنا
ندى: يس يعني كملت البنات بيجون غصب
يلله مسكت التلفون واتصلو على البنات يوم وصلو حد مشاعل.: رد ياسر اللي محد درى انه من امس في الرياض جاهم الصبح على انه توه واصل
ياسر: الو
ندى: الو هلا
ياسر:هلا
ندى(من هذا موب صوت وائل اممممم): هلا من ممعي
ياسر : حلوه ذي من معي من اللي داق
عاد ندى شبت: يووووووووووه اقول لايكثر وين مشاعل
ياسر: ندىىىىىىى ياسوسه مسويه ثقل
ندى: من انت
ياسر: من في غيري يعني
ندى: يسووور والله اني شاكه الحمد الله على السلامه.
ياسر(يسور بعينك ): الله يسلمك
ندى: وين مشاعل
ياسر: لحظه
ندى: ياسر ياسر
ياسر: هلا وشو
ندى: تراك اليوم معزوم عندنا انت محد يدري انك رجعت صح الشباب بيجتمعون بعد المغرب عندنا تعال فاجئهم اوجب معك مشاعل وخل وائل مايقولهم
ياسر: للحين سوسه على خبري زين.افكر يلله هذي مشاعل كلمتها وعزمتهم
بعد الغدى
فارس: ساره ساره
ساره: هلا
فارس: تعالي
ساره: طيب راحت هي وياه ويسولفون يعني يقعدون مع بعض
طلعت ساره وكانت ام فهد بصاله بلحالها
ام فهد: ساره بنيتي تعالي
ساره: هلا خالتي
ام فهد: انت مرتاحه عندنا
ساره مستغربه: الحمدالله
ام فهد: شوفي ماابيك تعدين نفسك غريبه وانتي تعرفين غلاتك من غلاه ندى عندي والله انك ددخلتي قلبي اذا احتجتي شي ولا ضايقك شي اعتبريني امك الثانيه لاتخلين شبي يكدر خاطرك وانا موجوده
ساره اللي كانت محتاجه للهذا الكلام: مشكوره مامنك قصور ان شالله
ام فهد: زين انا بطلع ارقد بعد انتي قومي ريحي اليوم البنات بيجون وتنهلكين.
ساره ابتسمت: ان شالله
ــــــــــــــــــــــــــــــــــــــــــــــــــ ــــــــــــــــــــــــ
بعد اذان المغرب تجمعو البناتوالشباب بالملحق وجالسين يناظرون المباره والحماس كان على اشده بس بعد الهدف الثاني خربت الجلسه
العنود: ياهووووووو سجلو قول ثاني
نهى: ومستانسه انتي ووجهك
العنود: انا من القول الاول وانا اشجع اوكرانيا مخليه الباقين لكم
ــــــــــــــــــــــــــــــــــــــــــــــــــ ـــــــــــــــــــــــ
عند الشباب
كانو ممعصبين لانهم سجلو هدفين دخل ياسر عليهم
ياسر: السلام
الشباب محد تحرك من مكانه
ياسر: السلالاااااااااااااااااااااااااااااام
نايف: يسوررررررررررررر انت جيت
ياسر: لا انا مابعد جيت
نواف: تعال بالاحظان
وسلمو عليه وجلسو
وانتهت المباراه بخيبه امل ساحقه
والعنود :لوانكم مثلي مالكم خاتمه وانقلبتو كان الحين مريحين
ندى: ياقهرييي اففف والله اليوم ناويه افلها
مشاعل: طيب موب لازم بنفلها نفلها
فهده: اووووووف ياحسافه هذي الاغاني والردحه بنهايه طلعنا
العنود: اقو يلله وش نسوي
ندى: انا من رايي نطلع نتعشى برى .........وش رايكم
نهى: حلللللوه بس من بيودينا
فهده: نروح مع السواق مانبي منه احد
(رهف نفسيتها صارت عدم في الارض وحالتها حاله صارت شااااااااكته وما\خلت الماسنجلا من عقب ذاك اليوم وكانت مالها خلق شي ابد)
رهف: انا ماابي اطلع
البنات استغربو وحالتها
نهى: طيب ليش
رهف:لا بس ماودي معليش بنات
ندى: رهوفه فيكي شي
رهف: لالا خلاص روحو انتم <<< بدت تتنرفز منهم
العنود كانت حاسه فيها وعارفه سالفتها ورهف مشكلتها اذا واجهت مشكله او صدمه 95
بالميه من تفكيرها للمشكله يرروح تركيزها كله ينصب على المشكله فتكره احد يكلمها ويثطع عليها التفكير
العنود\: بنات وش رايكم مانطلب هنا؟؟
نسايم: صح صاددقه
كلمو باقي اليوم عادي
رهف كان جوالها يتصل باسم اروع ما في الوجود ماردت
فهده: رهف جوالك يرن
رهف": ايه ماودي ارد
فهده: ليش<<< اشتغلت اللقافه
رهف: بس مالي مزاج
هي ماتبي ترد لات عبد العزيز هو المتصل واذا سمع صوتها الابيعرف وش فيها وش سالفتها
فهده: علينا هاتي سحبت الجوال وكملت: بعد اروع مافي الوجود ردت
فهده: الو الو رد يابن الكلب ......... رد ياقليل الادب.........
رهف انشلت حركتها وش هذا ماتت من الضحك
فهده: وجع ............. رد يالخايس
عبد العزيز ابتلش هو اصلا يفعد شوي مايتكلم وهذي طلعتله فجئه
عبد العزيز بصوته الراااااااااايق كل عاده: الو
فهده: الو فعينك والله اني عارفه انك بترد تكلم قول من معطيك الرقم ومن كتى وانت تكلمها......... ولك نيه تفضحها ولالا؟
عبد العزيز سااااااااكت والبنات يطالعون هذا العرض اللي قدامهم
فهده: ياكلب تكلم لاتسكت
عبدالعزيز"ــــــــــــــــــــ
فهده: الحين خفت ولا قبل فاطعها ضحك عبدالعزيز ضحكته رنانه
فهده رمت الجوال
رهف: فهدع عطيني الجوال
خذت الجوال وكلمت
فهده: مفتشلـــــــــــــــه
والبنات مارحموها من التعليق
__________________
مها بنت محمد⁸⁶🇸🇦:
وأنا لـ نفسي الصديق والحبيب والكتف الساند.
|