04-26-2014, 02:08 AM
|
| |
(الجزء الاول)
السلام عليكم و رحمة الله و بركاته...
و هذه مشاركتي.....
بسم الله نبدأ.....
مرة كنت مع خالتي الصغيرة بالليل كاعدين نسولف (نتحدث) فسألتني انفال اللي هي خالتي طبعاً و كالتلي::زينب شسمهم البنات اللي وياج بالصف بالمعهد
فجاوبتهه و كلتلهه:: متعرفيهن حتى اذا عددتهن الج
كالت انفال:: يللا احجيلي (احكيلي)
و بين ما آني أكوللهه أسماء البنات انداريت (التفتت) عليهه و لقيتهه نايمة
فكعدتهه من النوم جان تضحك
ههههههه يعني آني جنت حسب ظني اتكلم معاها و بعدين اكتشفت انها نايمة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــ
و مرة كنا انا و امي و اختي رايحين للحنة مالت صديقتي صار فيني موقف محرج الصراحة و هو كالآتي::
اني كنت واقفة و لابسة حذاء عالـي و فجأة وقَعِت على الكاع(الكاع يعني الارض) و آني بعد شسويت عود يعني دا أصلح فشلي ظليت كاعدة على الكاع على اعتبار انو اني جنت رايدة اكعد بالكاع و يا فشلة الفشلة كانوا المعزومين كلهم موجودين و بوقتهه حسيت بخجل مو طبيعي ههههه يعني ما ادري بعد وين أَوَدّي وجهي من الخجل...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
و في كثير من المرات لما تناديني امي و تكلفني على اشياء معينة يعني مثلاً تقلي روحي جيبي فلان حاجة من المطبخ بس لما كانت تقول لي هلشي كنت اسمعها لكن عقلي مو معها و بعدين من اروح على المطبخ اظل اتكلم مع نفسي و اقول شكالتلي مامه (ماذا قالت لي امي) فأظل افكر ليش آني أصلاً اجيت للمطبخ و تصوروا جنت (كنت) ارجع لماما و أسألها ::مامه شكلتيلي؟؟(ماذا قلتِ لي يا أمي؟؟)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
و مرة كنت مع اختي فبيتنا اللي كنا ساكنين فيه قبل بالغرفة الفوق جانت اختي تغني ما اتذكر يا اغنية بس كانت اغنية مسلسل كرتوني
المهم اجه جدي عل غرفة و وقف يمّ الباب و آني من شفت جدي متت من الضحك اختي سمعتني بس ما عرفت ليش اضحك ..عاد بعدين التفتت و لكت جدي واقف يم الباب و خجلت ,,,, و على فكرة جدي لما كان واقف يمّ (بجانب) الباب كان يضحك ههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
و مرة كنت اريد اعمل موضوع بهذا المنتدى ففتحت المتصفح و اختي كاعدة يمي (بجانبي) و رحت على القسم و سويت الموضوع و بعدين اكتشفت انو الموضوع اللي سويته (عملته) صار لأختي ههههه تدرون ليش؟؟
لأن اختي كانت فاتحة حسابها بالمنتدى و انا ظنيت انه حسابي
يعني تدرون ؟؟ احنه الثنتين ما انتبنا على هلشي... ما هذه اللامبالاة التي لدينا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
و مرة كنت جالسة أرتب الملابس مع امي و أخوية الصغير يحبو (يزحف) و كل شوية ييجيني و آني بدون سابق انذار ضربته فقالتلي امي ليش ضربتي؟؟ تدرون شقلت اني ؟؟ قلتلهه: ماما ما ادري صدقيني ما اعرف شلون ضربته .
و فعلاً ما اعرف شصارلي و ضربته لأن آني من النوع لما اشتغل بشغلة ما أحب أحد يزعجني يعني آنا كنت ارتب بالملابس و أخوية يريد يخربطلياها فأني ما تحملت و ما أدري شلون ضربته.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
و مرة بالمدرسة كنت رافعة ايدي حتى اشارك بالدرس فقلت للمعلمة عمة يعني ما ناديتها ست ههههه و صديقتي سمعتني بس همزين ما سمعتني المعلمة
احنه بالعراق من انريد انشارك بالدرس نخبص المدرسة بس نريد نقوم و نشارك فما كنا نرفع ايدنه و بس كنا نصيح كالآتي"ست ست ست ست ست ست " و نظل هيك لحتى تسمحلنه المعلمة بالمشاركة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
و بالمعهد :: المدرِّسة كانت لما تنادي (زينب) "و هو اسمي طبعاً "حتى اشارك بالدرس فلما اكوم علمود اشرح او اقول تعريف تطلع المدرِّسة متقصدني
أثاري كانت تقصد وحدة غيري كمان اسمها زينب بحيث كانت المدرِّسة كل ما تقول زينب ثنيناتنه نقوم هههههههـ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
و هاي هيه خلصن بعد ما اتذكر شي لأن دماغي ميساعدني و إلا لكتبت الكثير من المواقف المضحكة التي حدثت معي و لكن للأسف لا أتذكر شيئاً أكثر من الذي ذكرت....
ـ
و ان تذكرت سوف اكتب المواقف المضحكة الاخرى |
|