الموضوع
:
دخان أحمر~نقاش مهم حول أقسام الآنمي~
عرض مشاركة واحدة
#
44
05-23-2014, 09:37 PM
-
السلام عليكم ورحمة الله وبركاته ..
كيف الحال ؟!
شئسمه بدخل بالموضوع
, من اولها بحكي بصراحة ما عندي مجاملة وهيكا أنا :|
ما اتفق معك بأي شي قلتيه
اختي انتي بتعرفي لو فتحو المجال لنقاشات ناروتو شو ممكن يصير ؟!
بثنائيين بس وما خلصت المشاكل ، أنتو ما حتفتحو الباب لنقاش ناروتو حتفتحو باب للمشاكل مو أكثر
تاني شي ناروتو مو الأنمي الوحيد ، ولو سمحوا لأنمي ناروتو بالتمادي بالقسم حيجوا متابعين ون بيس وغيرو ويطالبوا بنفس هالمطالب المشرفين ما حيقدروا يقولوا لأ ..
ولسا يلي بيعرفو هالقسم من قبل , بيعرفو انو قامت حملتين او تلاتة كرمال يخففو من مواضيع ناروتو يلي غزت قسم الأنمي بشكل ممل
والقانون ما انحط ع الفاضي ترا ابو هايل مرة بحاله دخل كرمال مشكلة لناروتو يعني مشاكله مو قليلة
!
القانون لازم يبقى p:
تاني نقطة وهي عن الإشراف ..
ما بوافقك بالمرة
, حالياً مشكلة المنتدى الأكبر هي الإشراف
والمشكلة الفعلية هي كثرة عدد المشرفين ، وأكيد محدا بيقول لأ لأنو شي واضح
شو يلي عم يصير
؟!
القسم ممكن يكتفي بعضوين من طاقم الإشراف نشيطين ، بيجي عضو نشيط وكان منشط القسم كثير بترقوه للإشراف هالشي حتى لو ما كان الو شغل بالاشراف حيتعطل وما عاد يرجع نشيط ، ابقو خدو كل النشيطين مشرفين وبيموت القسم
وكل عضو بس ياخد الإشراف ويمل منو بيعتزل ، والمصيبة هون انو نص المشرفين عم يعتزلو
وانا بشوف قسم الأنمي متكامل ما ناقصو شي بالمرة
المخالفات شي طبيعي بكل مكان والإشراف موجود كرمالها وحتروح ، والطاقم الموجود حالياً متوازن ما شاء الله أروع طاقم بالمنتدى كلو طاقم الأنمي
واي اضافة حتعمل خلل
! وانا اشوف لهلأ مافي اي حدا مستاهل الإشراف على الأنمي اكثر من المشرفين الموجودين حالياً
وانا للحقيقة اي حدا ينق كرمال ياخد الإشراف بعمري ما بتقبله مشرف
!
والإدارة مو غافلة عن حدا بالمرة ، ووقت الحاجة بيترقى يلي يستاهل أكيد ما في حدا بينظلم ان شاء الله : )
وللأمانة انا ما بشوفك تستاهلي الإشراف
وبتفق مع محبة سيموني بكل شي قالتو معها حق بكل حرف جد $:
-