07-09-2014, 07:00 PM
|
| |
و عليكم السلامات كيفكن؟ اي والله النقاش انهجر و طلع فيه عناكب  و الخمول عموما ما بيشجع روزا ولا يهمّك رح حضّر درس خفيف ان شا الله وكمان عندي كتير حكي بظن بينفع لفقرة الاخطاء الشائعة, بس بدو شوية ترتيب, استنيني كم يوم لابعتلك ياه _ كنت من فترة عم رد ع روايات بس بعدين انشغلت بالفصل تبعي ع حسب اللي شفتو في كتير تخبيص و بنفس الوقت في قصص أفكارها حلوة بس المشكلة بيحطّوا مقدّمة او بيكتبوا فصل واحد و بيروحوا حارس الليل تحفة بس ما تجاوزت الفصل الثالث ع حسب ما أذكر و بما انك ح تعملي جَولة انتبهي ع قصة "آنمي المستحيل" بدي رايك بس لا تحكمي عليها فوراً الفكرة حلوة و الكاتب أظهر تحسُّن +نشيط وردوده على القراء حلوة
بالنسبة للتهنئة والتعليق أنا بشوف انو انت انسب لهالشّغلة التحفيز : ختم الرويات و الردود المميزة والاعلان بالنشرة عن هالأمر و التنويه انو المسألة مو تعجيزية كافي ان القارئ يُظهر الاهتمام بما يقرأ , و يشعر الكاتب انه فعلا قرأ مو بس عم يجامل و الكاتب يسعى للتّحسّن و يستمر بكتابة قصته وجهده سيُلاَحَظ وووووو بس نشف حلقي |