-
راح أقول لكم قصه قصيره عن أعز الناس عندي وزي ماهو غالي علي أضن 
انه غالي عليكم كمان :
من لما جيت على هالدنيه وانا أشوف هالشخص بجنبي كان حنون علي ويخاف علي
بس انا ما كنت اهتم لوجوده بحياتي ولا غيرها كنت أشوفه شخص عادي
شخص لابد من وجوده بحياتي
مرت الأيام وكبرت .. ويوم من الأيام صحيت من النوم بس صدمني الي شفته الشخص الي تعودت عليه
الشخص الي يحبني والي يخاف علي ويسعى لسعادتي اليوم موموجود جنبي رحت أدور
في كل مكان من البيت بس خلاص انا خسرت أمي معاد بـ شوفها بحياتي وكله بسببي
انا الي كنت أشوفها تتعب وتعاني وماكنت اهتم أبدا
واليوم ابيها ... ابيها ترجع ... بكيت وصحت وصرخت بس ماجت ماجت
في هذي اللحظة حسيت ان وجودي في الحياه مثل عدمه
ترجيت الي اخذها مني بس جفاني وكسرني وضيعني
كملت حياتي وانا كل ثانيه ابكي على الغالية الي ما حسيت بقيمتها الا بعد فراقها
حولت كثير انهي حياتي بيدي بس للأسف ربي كاتب لي طولت العمر
في ذالك الوقت كنت على وشك أني أكون مريضه نفسيا بس ربي ستر
وفي هذا الوقت ما لقيت من يواسيني وإلا يعطيني الأمل الا الصلاة الي كنت بايعتها ولا اذكر ربي
الا في وقت الشده .... رجعت لربي وانا اطلب منه الرحمة والغفران
قعدت على حالتي هذي 4 اشهور وانا كل يوم يزيد عذابي اكثر من اليوم الي قبله
تدرون أمي ما اخذها مني مرض ولا الموت لقدر الله اخذتها مني الحياه ... مكان يبعد بيني وبين أمي
شي بس كيف اروح لها وانا مربطه ومافي بيدي حيله
وجا ذاك الصباح الي صحيت ولقيت نفسي بمكان غير عن الجحيم الي كنت فيها
لقيت نفسي عند أمي في احظانها .. كنت احس نفسي بحلم ...
وماكنت اتهنى بنومي من الكوابيس وخوفي من ذالك الشخص يرجع ويأخذني لمكان يمكن مبشوف أمي مره ثانيه
صرت في حاله يرثا لها .. مرت علي 5 شهور وانا لسى اذكر الأربع شهور الي فاتت وأحسنها كانت قرون مب شهور
ماكنت بيوم أوقف عن البكاء وانا أشوف وين كنت ووين صرت
............................................
هذي الحادثة صارت معي قبل سنه وشهرين من اليوم ...وتفاصيل القصه وأسبابها راح احتفض فيها لنفسي
تدرون ليش أقولها لكم ؟! 
لاني ما أبيكم تنسون أمهاتكم ... الام ما تتعوض :nop:
وأتمنى منكم تأخذون الي صار معي عبره لكم:nop:
لا تقول أمي معي دايم .... اذا ما فقدت أمك انت صغير راح تفقدها وانت كبير والموت مايخلي احد  
لا تترك الغالية تحس بيوم انها وحيده ... لأنك في الأصل ما تقدر تعيش من دونها
وسألوا من جرب
-
التعديل الأخير تم بواسطة ـ قَـمر ; 07-16-2014 الساعة 02:48 AM |