فضفضة
لاول مره بحياتي بستشعر بظلم المسؤولين
بسبب وزير تربية الي فرجانا عجائب دنيا السبعة
بقراراتو
مره طير الضع دائرة و حط بدالهم اسئلة حل بنفس وقت الاختبار
و مره نزل درك ع القاعات و شوي و كان رح يشارك المخابرات و جيش عشان يمنع الغش
غير الاسئلة الي كانت انتقامية بكل معنى الكلمة
ولا هاد غير انهم حولو نقابة المعلمين لغرفة عمليات تقول قاعدين بحرب ههههه
و مره رح لغى نص المدارس و حولنا ع قاعات مركزية
كلو كوم و موعد نتائج كوم واحد
تخيلو انو الفصل الاول اعلن الموعد قبل بنص ساعة بس من غير اي مبالغة
اما الفصل هاد طلع بمقابلة تلفزيونية
كل جواب الاسئلة ما بعرف
يعني اكم نسبة النجاح ما بعرف
متى نتائج ما بعرف
الاختبارات صعبة ما بعرف
لو كنت مكانه لعملتها اغنية بعنوان ما بعرف و الله ما بعرف
طبعا كلو كوم و سرية نتائج كوم تاني
حكى نتائج يوم سبت و بعد بساعة حكى الاحد
و تاني يوم حكى بعد العيد
و بعد العيد حكى لا نتائج يوم سبت
و لن تتعدى نصف الاسبوع
يمكن الاسبوع عنده اطول من عنا
وطبعا الي دفع ثمن قرارتو الغبية احنا خسف معدلاتنا و دمر احلامنا
و قتل انتظارنا
حسبي الله فيه
الله يبليه بمرض بحجم ما ظلمنا
هاد غير المعلمين الي تعرضوا للضرب و طعن
و غير القاعات الي هجموا عليها و مزعوا دفاتر الاجابات
طبعا الحكومة الاردنية مكيفة عليه
يعنى من يظلم اكثر يبقى مدة اطول
اذا بفلسطين طلعت نتائج رغم الحرب و قتل
و احنا عنا اشبه بخطة عسكرية