عيون العرب - ملتقى العالم العربي - عرض مشاركة واحدة - قمرٌ في الدجـى أستكان ، وسكونٌ رمـاهُ الزمـان

**Spirits Demise** · #51 08-01-2014, 01:41 PM

السلام عليكم ورحمة الله وبركاته
أخبارك أيريـن ؟ وأخبار الإجازةة معاك ؟ إن ششاء الله كل شي تمام
طبعاً من الحين أقول لك ، الله يعينك .. بلحس لك مخك !
بقعد أتقلب لك بين العامي والفصحةة خ

أحم أحم
كما .. كما هو متوقع من جميلتي ! كم أنا فخورةٌ بك *دموع الفخر*
روايتك اللطيفة منحتني وقتاً ممتعاً يا فتاة (:2 << بدت تتقلب بالفصحى والعامي
أولاً وقبل كل شي ، التنسيق جداً جميل وناعم .. كما أعتدنا من فتاتنا أرليتو
ثاني شي : الأسلوب ، دمممار يا أختي !
بقدم إعتزالي خلاص .. فعلاً أسلوبك بالوصف وغيره جداً جميل
وغير كذا واضح ، ومو طويل وممل !
أيه وصح قبل لا أنسى !! أهنيك ع العنوان ، فعلاً لافت وجذاب لأكبر درجة
أختيارك له كان جداً موفق

^ هني كانت بداية عشقي مع سفاحي
وبداية عشقي لأسلوبك في السرد ! لأن من جد هالجزئية جداً جداً أعجبتني

بالنسبة للقصة ، معالمها بدت تتضح أكثر مع مرور البارتات
أعجبني الغموض اللي كان يحيط بالبداية وحتى الآن في بعض الجزئيات
أسئلة كثيرة مطروحة بلا أجوبة .. ننتظر أن يكشف لنا الوقت سِرها

الشخصيات من جهة ثانية نالت إعجابي ، بحاول أتكلم عن اللي شدوا إنتباهي

- أيرين
كيئبة ، محطمة ، محبة للتمرد فهي تعشق الحرية والإستقلال !
لا ترفضُ فكرة وجود الأصدقاء حولها .. لكنها لا تجدهم !
^ هذا كان إنطباعي عنها بإختصار شديد
وفوق هذا .. حسيت في ناس واجد في حياتها خيبوا ظنها !
وممكن أولهم يكون أخوها كار
+ ذكرتي لأكثر من مرة أنها كانت لها صديقة من قبل !
لكن مافي أثر لهذي الصديقة حالياً ، يابنت أيش سويتي فيها أعترفي ؟
<< ماعندها ثقة لا فيك ولا في أرليتو خ

- كـار ! (:2
سفاحنا الجميل الخالي من المشاعر !
أقول .. أحجزيه لي بسرعة
في أسئلة كثيرة تحيط فيه .. وخصوصاً أنه حسب اللي فهمته من كلام أيرين
كان مختلف تماماً في البداية ! ح9ح9
فلو كان اللي فهمته صحيح ، أيش سبب التغير الجذري اللي حصل له ؟
أو ممكن كان كذا من البداية ؟ بس ما أحد قدر يلاحظ الشي .. ولا حتى هو !
وأساساً باقي أفراد العائلة .. أتوقع أن كلهم موتى عدا كار وأيرين ، بس كيف ؟
ممكن بنفس الطريقة اللي قتل فيها كار أفراد عايلة آرلي ؟ يعني سفاح ثاني كان السبب ؟
وذا السفاح .. أختار كار كوريثه ! << بدأ شغل التكليج :ha3:
المهم ماعليك من الهبال اللي فوق ، سوي نفسك ماقريتي شي طيب ؟
بس يا أني أنقهرت قهر لما أكتشفت أنه أخو أيرين
يعني حسيت في البداية بتكون العلاقة زي كذا .. بس ركبتهم مع بعض كأحباء
من أول ثانية يا أختي ح9ح9 << بسرعة أطلعي :nop:

- آليـان
هذا أكوت شي في الحياة ، أبغى أخمه
لا من جد يا أختي ، كيوت بشكل يذبح .. بريئ المسكين بقوة :ha3:
حبيته لسبب مجهول .. حسيته كذا 24 ساعةة مفهي وما يدري وين الله قاطه
ودايماً يدخل عرض الأهبل بس جداً دخل مزاجي
أحجزيه هو الثاني << برا :ha3:

- كلوي !
هذي في البداية بغيت أصفقها تصفيق لين تصير هي والأرض واحد ياع1ياع1
بس بعدين ها يلا .. سلكناها [ ]<< مبين للحين حاقدة خ
بس والله أحس آليـان الأهبل بخق عندها ، الله يستر
<< إحساس غبي ما أدري أيش سببه << يارب إحساسي الأهبل مو في مكانه
خليه ياخد بنصيحتي و يظل عزابي أبرك له منها والله

- جوين
يا أني تمنيت هالبنت لـ آليان ، بس شكل عقلها كله مع مارك ذا
<< أهم شي أني ركبتهم دون أي سبب .. بس حسيتهم لايقين :ha3:
عموماً أعجبتني شخصيتها
بسيطة وبنفس الوقت من النوع اللطيف اللي يدخل القلب ع طول

^ هذولآ الشخصيات اللي في بالي الحين ! إن شاء الله ما أكون نسيت أحد xD
و زي ماذكرت في البداية روايتك ججميلة بحق
أستمري على ذا المستوى يافتاة
+ أنتظر البارت القادم ! لا تتأخري علينا ، ولا تنسي إرسال الرابط لي
تقييم + اللايك + 5 نجوم
وفي النهاية كل أسفي على الرد البسيط
أن شاء الله في المرات الجاية راح أعلق على الأحداث وكذا
أتمنى لك التوفيق في طرح باقي البارتات ، ومتابعة لك للنهاية بإذن الله (:2

في أمان الله ، ودمتي بحفظه ~