|
اممممم حبيت انزل لكم البارت الثاني لاني حصلت مشاهدات بس ماشي ردود يمكن عسب الملل يلي فيه
البارت الثاني
ازعجها صوت رنين الهاتف فاستيقظت بتعب نظرت الى الساعه التي كانت تشير الي 4 و نصف صباحا و عادت نظرها لهاتفها كان رقم الشخص الذي سلب منها حياتها كرهته و كرهت نفسها ولكنها ردت بالصوت البارد الذي علمها قبل اي شيء اخر
فهد او كرستين بصوت بارد : نعم شتبي ؟
.... بصوت ابرد منها فهو ينافسها به : ارمسي معاي عدل ولا اعيد يلي استوى لج قبل 3
قاطعته و هي اتقول ببعض من الخوف و الارتباك : اوك خلاص
ف رد عليها المجهول : كل شي تمام معاج في الجامعه ؟
ردت بعد تنهيده كبيره : هي نعم كل شي تمام و اليوم انا ببدا بالمحاظر....
لم تستطع التكمله ف المجهول كان قد اغلق الهاتف كالعاده تنهدت وهي تتحامل على نفسها ان
تفعل اي شي لا يرضيها و لا يرضي غيرها فقد تعكر مزاجها تماما بعد هذه المكالمه
اخذت حماما حارا يهدئ اعصابها و ارتدت قميص ابيض مكتوب عليه انا جاد بالانجليزيه
و فوقه ستره رماديه و جينز رمادي فهي من عاشقين اللون الاسود و الابيض و الرمادي مع
حذاء رياضي باللون الابيض ( وانتوا بكرامه ) اخذت حقيبتها الرسميه و لم تنسى وضع
روايتها وربطت شعرها القصير بربطه صغيره بيضاء
و اخذت تتسابق على الدرج مع
ذكرياتها فقد تذكرت اخاها فهد ( كرستين بضحك و بصراخ : فهوووووود اترياني لا تركض
فهد بضحكه اكبر : مايخصنيش يا انسه كريستينو انتي المتأخره مب انا و ضحك ضحكه شريره نياهاهاها ) انتبهت ع نفسها و هي تتذكره ماكانت تبي اتكمل ذكرياتها
ف خرجت للخارج و ركبت سيارتها الفراري و هي تقودها بسرعه جنونيه لكي تهدئ من ذكرياتها
دقائق و هي وصلت اخذت بريك قووي فقد اصدر صوتا و اضطر الكل لان ينتبه للشخص
نزلت من السياره و دخلت من الباب و النظرات كلها عليها
فهداو كرستين في نفسها ( الشو ها مب شايفين ولد يعني استغفرالله بس )
تقدمت و جلست تحت انظار الجميع على طاوله من طاولات الكافتيريا و الذي كان خاليا من ناحيتها
نادت النادل وكالعاده طلبت شوكولاه ساخنة و عندما ذهب فتحت حقيبتها واخذت روايتها و بدأت بالقراءه و لم تنسى وضع سماعاتها لكي توهمهم انها لاتسمع ما يقولون و لكن العكس صحيح
...... : الله موزوه شفتي هالولد طرررررر
موزه بانزعاج : صخي صخي بس بعد شوي بيون الشله مالت الحب مالج هه
فهد او كرستين في نفسها ( الحمدالله و الشكر ابي اضحك بس خلني اتريا و اشوف الحب مالها ) اخذت تحاول ان لاتضحك عليها و استطاعت بالتاكيد فلم تبالي بها ف كان هناك غيرها الكثير من المدح و الذم الذي يقول كافر و الاخر مسلم و و الكثير من التوقعات
سمعت اصوات حولها التفت ف شافت شلة شباب مكونه من 4 شباب بالنسبه لها كان في عمالقه بينهم
ردت تقرا روايتها بس انتبهت انهم يلسوا على الطاوله يلي ف يمينها و شافت يلي يسير ياخذ طلباتهم و يخبرهم ان الجامعه امنوره و من هذي الرمسه
ضحكت باستهزاء ف نفسها وهي اتقول بصوت هامس ترا الشباب مب ناقصهم شي عسب يطلبون روحهم و هي اتحرك راسها بأسف
سمعت واحد يقول مادري عنهم وانا رايي من رايك ياخوي ويلس ف الكرسي يلي يدامها
انتبهت على ان الريال يرمسها طالعته بنظرة اللامبالاة الشهيره مالتها ف هاي النظره اتحسسك انك رزه وامدخل فيسك بشي ما يخصك و ردت نزلت راسها اتكمل الروايه
قال واحد من القروب حق الريال يلي عندي : يا سلطان ها شكله مايعرف يرمس عربي
المدعو بسلطان : هي و الله يمكن اتريووا برمسه بالانجليزي قال بالانجليزي : لو سمحت هل تتحدث العربية
فهد او كرستين ببرود وهي متأكده انهم بينصدمون : هي نعم اخويه بغيت شي
سلطان باستغراب ظاهر ع ويه : عيل طلعت ترمس عربي و لا بعد اماراتي بس ليش مارديت علي قبل شوي
فهد او كرستين ببرود : رفعت حياتها ( حاجبها ) بموت مثلا لو مارديت عليك و لا بيخترب العالم
سلطان بعصبيه خفيفه : لا والله ي
قاطعته : فهد
قال باستغراب : فهد
قالت بنرفزه : لحوووول اسمي فهد بعد فيها شي ولا حلال عليكم و حرام علي
قال باعتذار لا السموحه بس استغربت من الاسم العربي اتوقعت قاطعته بانزعاج واضح
الحين شو يعني بتخليني ف حالي و لازم اخبرك سيرتي الذاتيه هههفففف استغفرالله بس
شلت شنطتها و روايتها بس خلت حساب الشوكولا و لفت تبي تسير جان يمكسها سلطان وهو قول بابتسامه : خلاص عاد السموحه و حقك ع راسي من فوق بعد شفيك زعلت
فهد او كرستين ببرود : مازعلت بس مليت لان مزاجي زفتت وانت ماشاءالله عليك ماتخلص اسألتك و انا اكرهه هالشي
سمعت صوت شباب يايين صوبي كانوا القروب يلي حذالي تجدم واحد يقول :سلطان خل الريال ف حاله
سلطان بضحكه : حط ايده ع كتفها بحركه عفويه و هو يقول افااا خلاص عاد استوى من الربع هو صح فهوود
فهد او كرستين بانزعاج : اسمي فهد مب فهود و خلتهم روحهم و سارت تمشي بسرعه ماتبي حد يلحقها لانها اتذكرت
( كرستين بترجيي : فهووووووووود حبيبي انت يلا عاد ارضى علي
فهد : كرستييييينوووو وويييييع كم مر قلتلج لا تقولين فهووود بس مرتي المستقبليه جي اتقول هههههههههه كرستين وهي اتصارخ و اتحط ايدها ع خصرها : لا والله حرام علينا و حلال عليها بقول وبقول فهووود فهووود قاطعها بانزعاج و هو حاط ايده ع اذنه من صراخها خلاص خلاص قووولي بس ياويلج لو قلتيها يدام حد عاد ريال شطولي و شعرضي اخر شي فهودي كرستين بفرحه : من عنوني يا بعد عنوني انت )
كانت تمشي بسرعه و مب منتبهه هي وين اتسير حصلت نفسها ف الحديقه الخارجيه خذت نفس عميق شوي مع تنهيده صغيره فيها الم و حنين لذكرياتها
سارت قعدت ع الحشيش و فتحت تقرا روايتها بس سرحت وهي بالها مب معاها سمعت اصوات رفعت راسها و انتبهت للشباب يدامها نفسهم القروب اتنهدت و نزلت الروايه و شلت السماعات و هي اتقول بهدوء مع شوية برود و لامبالاه : اتفضلوا
سوو دائره حولها و بدأ سلطان يقول بابتسامه كعادته : احم احم ادري ازعجتك بس حبيت نتعرف قال انا اسمي سلطان اكييد تعرف انا طبعا من الامارات و ساكن ف دبي بعد وكان يعرفهم واحد واحد بخبركم الحين
سلطان عمره 23 : طويييل و اسمر ع بياض له جسم رياضي متناسق و ملامحه عيون كبيره نسبيا سوده و شعر حريري اسود كان لابس غتره حمره مع بيضه و كندوره بيضه هذا هو رئيس الخطط و المتفاءل دووم يشجعهم و ابتسامته ماتفارق ويهه ساكن مع امه لان ابوه متزوج ع امه وساكن ف بيت ثاني عنده اخوان و خوات بس ما يعرفهم تخصص في علم النفس
حمد عمره 22 : طوله متوسط دبدوب شوي عيونه عاديات بني مايل للاسود و شعر بني فاتح شوي كان لابس كندوره بنيه و غتره حمره مع بيضه هذا مهرج الشله دوووم يضحكهم و يشاركه هزاع ساكن مع امه وابوه عنده اختييين مهابيل شراته و اخو صغير مالهم دور كبير تخصص ادارة اعمال
حمدان عمره 23 : طويل ابيض فيه عرج من الاجانب لان امه اجنبيه عيونه زرق واسعات كان احلاهم و اعقلهم شعر كستنائي طويل لين الكتف كان لابس غتره بيضه مع كندوره زرقه مايله للاسود عصبي احيانا بس بارد و ينرفز اينشتاين الشله نادرا مايضحك ساكن مع يدته لان امه و ابوه اتوفوا بحادث ف يوم ميلاده تخصص طب جراحه
هزاع عمره 21 : طويل اسمر بس سماره حلوووو عيونه رماديات مايله للاسود لان يدته ام امه كانت تركية جسم رياضي يموووت ف كرة السلة كان لابس كندوره بيضه مع غتره بيضه هذا واااااايد يحب يضحك مع حمد يمووت ف الحش والتنكيت ساكن مع امه و ابوه عنده 3 خوات متزوجات و اخيين توأم ف الثانوية تخصص طب اسنان
قالت كرستين او فهد ببرود : اها تشرفنا عيل
قال حمد بضحكه و بمزح : كمممملت عااد يالنا حمدان الثاني ههههههههههههه
ضحك هزاع وقال سلطان قال : يالله عقبالكم ان شاء الله هزاع و حمد
قال حمد بتمثيل كوميدي : هزاعوو اتخيل عاد انا ويهي اربع و عشرين ساعه ف الكتاب
مسك هزاع ايده بتمثيل وهو يقول خلاص حبيبتي ماعليه فتره و بتمضي انتي بس اتحملي
ضحك ضحكه كبيره وهاي عادت حمد : استغفرالله منك انا الحين استويت حبيبتي و شو يخصه تحملي مريضه انا ااقصد مريض هههههههههههههه
هزاع بضحك : لا يكون صدقت انك بنت ترا اخاف الشباب ينتحرون لو شافوك ههههههههههه
حمد يضححك و يلف يشوف سلطان يضحك و حمدان مبتسم جان ينط و يصارخ و يقول : يالهي لا اكاد اصدق ان حمدان اربيعنا يبتسم الان انها حقا معجزه ههههههههههههه
يشاركه فهد و هو يقول و ها نحن الان نرمي في ملعبنا قووووووول عندما ضحك السيد حمدان هههههههههههههههه
قاطعهم حمدان و هو يقول بانزعاج : انا الغلطان يلي ابتسم معاكم و لا انتوا وين تستاهلون
حمد : بس خلا.... قاطعهم سلطان وهو يقول بابتسامه كبيره : بس شباب صدعتوا راس الولد توه متعرف عليكم و انتوا اتصرخون
حمد بكوميديه و دموع التماسيح : انا الحين امسسببب ازعاج قاطع هزاع وهو يسحب الدبه
بس بس خلصت الماي بسبت دموع التماسيح شو رايك اساعدك و ارشه كله جي احسن صح ويشوفه بنظره شيطانيه مع ابتسامة مكر
فهد او كرستين وقفت وهي لين الحين بقناعها البارد : عن اذنكم شباب بتبدأ محاظرتي الحين
وقف حمدان : عيل يلا انسير انا وانت مع بعض ف المحاظره
سلطان و حمد و هزاع بأصوات متفرقه : مع السلامه .... فمان الله ..... بحفظ الرحمن
فهد او كرستين كانت تمشي و حذالها حمدان يلي قال بغموض : انتي ليش هني ؟
انتهى البارت الثاني و اتمنى انه عيبكم و توقعاتكم
التعديل الأخير تم بواسطة Lover Anime ; 08-15-2014 الساعة 09:38 AM |