09-08-2014, 05:59 PM
|
| |
راشد كان خايف عليها
شالها بدون شعور وسدحها على السرير
ومسك رجلها وضغط عليها
:ااااااااااااااااه لاتلمسها تعور
راشد باهتمام :اكيد ان فيها بلا قومي البسي عبايتك خليني اوديك المستشفى
"حور استغربت خوفه عليها " "لانهم من الي صار قبل ثلاث اسابيع ومن وقت ماضربها وهم يحاشو بعض ونادرا مايتكلمو او يتقابلو"
:لاتخاف لما اصحى الصباح راح اكون كويسه
وجات بتقوم عشان تغير ملابسها
بس رجعت جلست لانها مو قادره تمشي على رجلها
راشد حس فيها
:حور خذي بيجامتك وبدلي هنا وانا راح اطلع ولا خلصتي ناديني
اعطاها البيجامه وطلع
بعد عشر دقايق
:راااااااااااااااشد تعال
دخل راشد وانسدح على السرير ونام بدون لا يلتفت لها
وهذا الشي طمنها
ونامت على طرف السرير
بعد ساعتين
:لاااااااااااااااااااااااااااااااااا
يبه الحقنيييييييييييييييي لاتتركني لاااااااااااا
رااااااااااااااااااااااااااااشد لاتروح انا مالي غيرك
قام راشد مرتاع من الصوت الي سمعه
شاف حور تبكي وتصرخ بهذيان
عرف انها شايفه كابوس
:حور قومي بسم الله عليك حور حور
حور صحيت خايفه وترجف وهي مو واعيه للي تقوله:راشد ااانتتت كويييس
راشد وهو يمسح العرق الي على جبينها بـ الكم حق بيجامته : ايه سمي بالله واشربي
انتي شفتي كابوس
شربها مويه وجا بينومها
الا اتمسكت فيه وبرجاء: راشد لاتتركني الله يخليك
راشد استغرب منها وانصدم انها هي الي تتمسك فيه
حضنها وهدأها وجلس يقرى عليها الين مانامت في حضنه
كانت احلى نومه نامها راشد من زماااااااااااااااان
صحي الساعه 9 الصباح
لقى حور لسه في حضنه
ابتسم وحس ان اليوم هذا حلو من قبل لايبداء
جا بيبوس راسها بس اتذكر وعده لها
ولمس خدها لقاه حااااااااااااااااار زي النار
اترعب وخاف قام بسرعه
وراح جاب منشفه مليانه مويه بارده وحطها على جبين حور
الي شهقت من بروده المنشفه فتحت عيونها وشافت راشد يناظرها بنظرات مافهمتها
كش جسمها من قرب راشد لها
بس حاولت تتماسك وماتبين له
"حور سارت تحاول تبين لراشد انها ماتخاف منه مثل قبل وانها متقبلته اكثر من قبل
عشان عارفه انها مالها غيره وانه لو تركها حتضيع ومالها احد يعني اب متبري منها واخ مهما كان لو اتحملها شهر مارح يتحملها الشهر الثاني والاخ التاني مو داري عن هوا دارها بالمختصر ماسار عندها غير راشد او الشارع وحتى لو طلب منها انها تكون زوجه كامله له او اخلف بوعده وقرب لها مارح تزعل او تمانع لانه من حقه اولاً
وهو يستاهل من يخدمه ويلبي له طلباته ورغباته لانه حمها من الشارع الي كان راح يكون مصيها لولا وقفته ثانيا"
حور بتعب:راشد وش تسوي
راشد :جسمك حار فحطيت لك كمدات مويه بارده امشي البسي اوديكي المستشفى
حوروهي تبعد اللحاف عنها
:لا مايحتاج اخذ دش واصير كويسه
وجات بتقوم ونسيت ان رجلها تعورها
:ااااااااااااااااااااااااااااااااااااااااااااااااا ا
ورجعت جلست على السرير وهي تتحسس رجلها ومو قادره
الالم مره قوي عليها
راشد جلس جنبها وحط يده على كتفها واتنهد:حور عن العناد قومي اوديكي للمستشفى
رجلك منفوخه
حور انصاعت له لانها بجد موجوعه حاولت تقوم بس مو قادره
ناظرت في راشد بقله حيله
فهمها راشد قام ونادا جنى عشان تساعدها
ارتاحت حور انه ماعرض خدماته
عند جنى الي لسه نايمه
راشد جالس جنبها ومسح على شعرها بحنيه :جنى جنى جنو حبيبتي قومي
جنى فتحت عين وحده ورجعت نامت:راشد الله يخليك ابغى انام لسه بدري بلانكد
راشد ابتسم:حبيبتي معليش ازعجتك بس محتاجك
جنى قامت:امر
راشد:مايمر عليك عدو
حبيبتي حور رجلها تعورها وابيك تساعديها تلبس عشان اخذها للمستشفى
جنى وهي تقوم:سلامتها الحين رايحه لها
وراحت ساعدت حور في اللبس
وكانت تبي تساعدها في النزول
لكن راشد منعها
راشد:مشكوره جنى خلاص انا انزلها اسمعي الحين انا خارج اقفلي باب الجناح عليكي بالمفتاح ولا تفتحي لاي مخلوق ابدا فاهمه
جنى بانصياع وحزن:فاهمه
"جنى تحب نواف موت بس مع كذا ماتبي تسوي مشاكل بين راشد وابوها بسببها وفي نفس الوقت ماتقدر تتخيل غير نواف زوج لها ابدااااااااااااااااااااااااااااااااا ولا تبغى تتخيل اصلا"
راشد مسك يد حور وحاول ينزلها من على الدرج لكنها مو قادره تضغط على رجلها ابدا
حاول راشد اكثر من مره الين ماصارو في منتصف الدرج لكن خلاااااااااااااااااص مو قادره رجلها تالمها كثييييييييير
راشد:حور يالله كمان شويا ونوصل حاولي
حور وصوتها يرتجف ويعلن بدايه بكاء:والله مو قادره خلاص مو لازم نروح تعبت
واتسندت على الجدار
راشد وهو يمسك يدها :معليش بس شويا كمان مااقدر
اسيبك كذا شوفي كيف توجعك
حور بكت مو قادره الالم فوق مقدرتها على التحمل
راشد تعب من الوقفه في نص الدرج
بس سمع همهمه زي البكا عرف انها بكت ناظر فيها لقى الدموع ماخذه مجراها على خدودها انقهر راشد مايحب أي احد يبكي
فكيف حور؟؟
راشد قرب منها:حور معليش لاتزعلي مني بس عشانك مضطر اسوي كذا
ومااعطاها فرصه تستوعب على طول شالها ونزل فيها للحوش وفتح باب السياره بالريمونت ودخلها جو السياره
حور حاله من الصدمه اعترتها وجمدت لسانها
"ليش يسوي كذا "
وجلس في مقعده وراح للمستشفى وطلع عندها كسر بسيط في الرجل
وجبسو لها رجلها من تحت الركبه الى الاصابع
وقال لهم الدكتور انها راح تفك الجبس بعد اسبوعين
في الطريق حور حست ان راشد مو مركز لانه كذا مره جا بيصدم فيهم
حور:راشد
راشد بدون مايلتفت:هلا
حور وش اقول يلعن ام اللقافه :اممممم انت ليش حابس جنى بالجناح
راشد استغرب:ليه متضايقه من وجودها
حور بسرعه:لا طبعا جنى زي العسل مستحيل احد يتضايق من وجودها
بس انا اقصد ليه حابسها "يلعن ام لقافتي انا ايش دخلني يحبسها ولا يحرقها وي ياشين اللقافه بس"
راشد ابتسم على خفيف"هه بنات تموتوا ذا ماتلقفتو":ابد بس مابي ابوي يكلمها اخاف يجرحها بكلمه ولا شي
حور باستغراب:بس عمي مستحيل يسوي كذا
راشد بعصبيه :انا قلت اني خايف عليها وبس
حور يمممممممممممممممممه:طيب
وحاولت ترقع لانه كان معصب: انا ماقلت شي كل الي اقصده انه جنى بنته وهو يحبها ومستحيل يزعلها فما في داعي تخاف عليها
راشد وصلت معاه لانه مو فاهمه شي وبس تتفلسف عليه وبدون مايلتفت:و انتي يعني عمي يخاف عليكي ويحبك ومستحيل يزعلك واهوا
اتبرى منك ورافض يشوف وجهك الى الان
مع كل محاولات ماجد الا انه الى الان رافض يشوفك فلا تتفلسفي وتتكلمي في شي مو فاهمته
راشد سدد لها طعنه في الصميم اخ بس
سكتت ماعندها شي تقوله جرحها جرح مو هين بس"لازم اكابر واسوي انه عادي ماقال شي ماابغاه ينقهر مني هو كفايه عليه متحملني وساتر عليا مافيها شي لو ضربني ولا سم بدني بكلمتين على الاقل احسن من الي رباني طول عمره واخرتها رماني بالشارع
ابتسمت بعيون كسيره تداري الاف الاهات و العبرات"
<حور بدت تستسلم للياس الي تسلل الى قلبها
وبدت تعيش حياتها بفقدان للحياه ولمعناها
عايشه عشان .......... ولا شي مافي شي عايشه عشانه
الاب واتبرى منها الاخ اتخلى عنها الاخوات كل من في همه وبلاويه
الحب وقفل كل الابوا ب في وجهها>
:طيب راشد ممكن توقف عند محل ورد ابي اشتري ورد
راشد الي حس انه جرحها بس بعد فوات الاوان انصدم انها طنشت الموضوع ماسوت مناحه
:طيب ولا يهمك
وكمل متجاهل احساسه بالذنب اتجاهها
: بس اهم شي تنتبهي لاكلك
وتشربي حليب على الاقل ثلاث كاسات في اليوم
حور ماحبت تناقشه "تحلم الا الحليب ":حاضر
وقف عند محل الورد :يالله وش تبي
حور بدلاخه نسيت ان رجلها مجبسه وماتقدر تمشي عليها :لا لاتتعب نفسك انا انزل اشتري
التفت عليها وفيه الضحكه:وشلون انشاء الله بتنزلي ها
حور مافهمت قصده :شلون يعني اكيد بنزل على رجو... واستوعبت الي يبي يقوله وناظرته باحراج من غبائهاا
:طيب خلاص روح انت ابي باقه ورد احمر وباقه ورد
وردي
راشد نزل وجاب لها الي تبيه بدون مايناقشها
بس"نرجع ونقول اللقافه شينه":امممم حور
التفتت له:هلا
راشد:ليه الورد وباستهبال :لايكون لي
حور اخ ياراشد لو تعطيني الامان مستعده اديك بداله روحي :ليه ماقلت لي انك تبي ورد كان جبت لك
راشد خخخخ شكل مزاجها رايق:خلاص اول ماتقومي بالسلامه انا الي بجيب لك الورد مو انتي
حور بلا مبالاه:ماشي
راشد رجع :ماقلتي لي ليه الورد
حور وي ماينسى ذا:ابد اليوم يوم ميلاد لمى وانا زي ماانت شايف
متكسره ما اقدر انزل السوق فقررت اجيب لها بوكيه ورد
وهي تحب الاحمر
جا بيتكلم سكتته :عارفه وش تبي تقول
تبي تعرف الروز الوردي لمين صح
راشد يمممممممممه ساحره:كيف عرفتي
حور اااه ياراشد زمان كنت افهمك من نظرة عيونك لكن الحين صار صعب عيونك اتغيرت نظراتك ليه سرت ماافهمها ولا اعرف لها تفسير اخ منك بس:امممم اللقافه سمه عائلتنا
راشد كان نفسه تقوله انا اعرفك اكثر من نفسك انت بالنسبه لي كتاب مفتوح بس صدمه ردها :ههههههههه
طيب ياستي يالله اتحفينا بالاجابه
حور:الروز لجنى لانها تحب الورد وماابي ازعلها
لانها راح تزعل اذا عرفت اني مريت محل ورد ولا افتكرتها
وعلى فكره انت الي راح تعطيه لها لانها راح تنبسط اكثر فيه
انت بالنسبه لها شي كبيييييير ياراشد
كملت باسى بانت لمحاته في صوتها:الله يخليكم لبعض
راشد حس فيهاا:ااااااااااااامين
"ياقلبي ياحور قديش قلبك كبير وتحبي كل الناس بس ليه هالاسى والقهر الي في صوتك الا انتي ياحور ماتنقهري ابدا والله اوعدك اني اصالحك على عمي بس خلي الامور تهدى واحّل مشكله جنى اااااااااه اصبري شوي يالغلا"
وصلو البيت وكان في الصاله
خالد وجنى ولمى خاشين جو بقوه وطايحن مناقره في بعض دخل راشد بعد ماتنحنح وهو ساند حور
:السلام عليكم
الكل:وعليكم السلام
لمى:سلامات حور وش فيك
حور بتعب وجبينها كله عرق لان الحراره رجعت لها تاني:الله يسلمك بس رجلي تعورني شوي لاتشغلي بالك
راشد بهدوء:جنى ايش طلعك من الجناح
جنى نزلت راسها
خالد:انا قلت لها بصراحه ابوي
كان ناوي عليها وحلف لو لقاها بجناحك لايوريك ويوريها وانت مو ناقص قمت طلعت لها وسحبتها عند لمى ولما جا ابوي وشافنا نضحك وفالينها عداهاا على خير
راشد ارتاح :كويس
حور استغربت ايش الي مو ناقص ليه ايش فيه
ناظرت بعيونه السرحانه في وجهه جنى وقررت تعرف وش فيه "لقافه "
خالد انتبه لسرحان راشد:خيييييييير وش فيك
راشد:ها ولا شي مافيني شي
والتفت لحور الي جالسه جنبه:حور تبين فطور الحين
حور بتعب وخمول من قله الاكل:لا مو مشتهيه
راشد بتأفف:حور وبعدين لازم تاكلي
حور بضيق:راشد الله يخليك لاتغصبني بجد مو قادره
جنى :يوووووووه يالمى الفستان الي اشتريته الاسبوع الي فات وش بلاك
لمى افتكرته:ايييييييييييه وش فيه لا مايلبق له اللون الاصفر البسي صندال بيج احسن
جنى بحمق:مو كأنك قمتي تخرفي
يعني فستان اصفر وفيه خطوط مموجه كحلي بالذمه ايش دخل البيج
لمى بلا مبالاه:عادي كله يلبق على كله
وسمعت صوت بنتها تبكي
قامت تجري عشانها
هنا كلهم ماتو ضحك
خالد بمزح:كانها جحدتني
راشد:ههههههه لا يالحبيب جحدتنا كلنا
خالد:ههه عقبال مااشوفك منجحد مثلي
حور نزلت راسها وراشد اتنهد:الله كريم
حور ناظرته بنص عين"احلف بس"
جنى "بتكحلها" لانها حست بتوتر حور:حور ماقلتي ايش رايك صندل بيج ولا اصفر
حور بهدوء مجروح:كحلي احلى
جنى عصبت "عمتها" :اففففففففف والله ماعندك ريحت الذوق انتي والهبله الي طلعت تتهبد
من جد وش هالقرف ياحور
مالت عليك
حور انصدمت كل هالإهانات عشان صندال
سكتت ماحبت ترد عليها
خالدوهو يقوم مسك اذنها:شوفي تبي تسبي مرت الاخ براحتك منك له تنجازو لكن لمى حبيبتي نو فاهمه حدك
الا لمى
جنى ماتت من الضحك
راشد اتنرفز من خالد:هييييييييييي اترك اذنها لا اقطع لك اذنك الا جنى اتركها تسوي الي تبي انشاء الله تسبني انا مالك دخل فاهم
جنى راحت وباست راسه:تسلم لي والله
حور كل الي سار ادمى قلبها يعني اهانات وتجريح وكمان مافكر لو بالمزح يدافع عنها بس برضو معاه حق يسوي الي يبي انا رخيصه"الله يسامحك يبه انت الي رخصتني له "تكلمت بتعب وبهمس عشان جنى الي فتحت التلفزيون ماتسمع:راشد لو سمحت ساعدني اطلع فوق تعبانه ابي انام
راشد حس انها زعلت منه "معاها حق كان المفروض احترم وجودهاا" وقف يبي يسندها
جنى التفتت لهم :وين رايحين انا طفشانه اقعدو معي
راشد:طيب بس اودي حور وارجع لك
جنى بوزت"ساعات تغار من حور لانها اخذت حيز من اهتمام راشد وجنى على بالها ان راشد يموت في حور عشان كذا تغار منها بس هي بجد تحبها يعني ماتاذيها ولا شي بالعكس تعتبرها اختها بس في مواقف زي كذا تحب تشوف غلاها عند راشد يعني ماقصدها شي":لا اجلس ليش تروح
حور فهمتها ومقدرتها "لانها دارسه علم نفس فاهمه تعلق جنى براشد وغيرتها منها ولسان حالها يقول خذيه وفكيني منه والله مادريت عنه":خلاص راشد اجلس انا اقوم مع أي وحده من الشغالات مو لازم انت
راشد وهو ماسك يد حور حس انها ماتبيه :طيب
جنى حنت عليها مهما كان تعبانه ومحتاجه مساعده
:خلاص راشد وديها انا بروح غرفتي ابي انام تعبانه
راشد ترك يد حور بجفاء لدرجه انها طاحت على الكنب بعد ماكانت واقفه
:وش فيك وش تحسين فيه
جنى رحمت حور:ياراشد مافيني شي انا بس ماتعوت انام في سرير غير سريري بس فماارتحت بالنومه وروح ساعد المسكينه الي طيرتها على الكنب وطلعت على غرفتها
حور لا شعوريا اتجمعت الدموع في عيونها
لوماجد كان هنا كان دلعني كذا
راشد حس فيها وانقهر من نفسه راح مسك يدها:اسف والله اسف بس انتي عارفه جـ
حور المرهقه من كل شي قاطعته :فاهمه بس ابي انام ممكن تسنّدني
راشد حس انها متضايقه وتعبانه :طيب
وسندها وجات بطيح منه كم مره اخر شي شالها وحطها بسرير غرفته "لان غرفتها بيرجع جنى فيها الين مايخلصو من مشكلتها هي ونواف"
حور نامت لانه انهد حيلها في المستشفى وكمان مااكلت شي
انسدحت على السرير وراحت في سابع نومه
التفت عليها راشد الي كان عند الدولاب يدور ملابس لانه طالع على الشركه
ولقاها نايمه بالعبايه
حن عليها
فصخ لها العبايه وعدلها على السرير وطبع بوسه كانت مشتاقه لجبين حور من زماااان وابتسم وراح
في شركه
راشد
الكل مختبص
مابين صدمه راشد وانذهال عبدالله الي كان يساعد راشد في هالفتره
راشد:ابغى اعرف شي واحد كيف هالمناقصه طارت من يدي كيييييف
عبدالله :مستحيل في تلاعب الصفقه كانت لك كيف طارت انا مراجع الفايل من وراك ومتاكد ميه بالميه ان عرضك افضل العروض
وبهاللحظه ابو راشد دخل عليههم بابتسامه خبيثه
راشد باس راس ابوه :هلا يبه وشلونك
ابوه:هلا بيك
عبدالله ابتسم مجامله مو طايق عمه لانه قاهر نواف
:هلا عمي
ابو راشد :هلا
والتفت لراشد:شوف الي صار قرصه اذن صغيره لك عشان تعرف انك مو قدي
انا اعطيتك اكبر من حجمك وكبرت راسك علي
مو ابوك ياراشد الي تحلف عليه وتعانده فــــــــــــــــــــــاهم
وطلع وتركهم مصدومين
راشد من الصدمه تهاوى على الكرسي:ههههه قرصه صغيركلفتني 12 مليون ريال اجل لوكبيره كان كلفتني كم
عبدالله مصدوم مو مستوعب شي:وش الي صار انا مو فاهم شي
راشد بسخريه حزينه :لاني عاندته وحلفت ان جنى ماتتزوج غير نواف
عبدالله يحاول يستوعب:طيب خلاص يمكن نصيبهم مو مع بعض ليش تعانده انت مو قده
راشد يحاول يتماسك :ياعبدالله نواف يحب جنى وهي تحبه وانا عارف هالشي ومستحيل اكسر قلب اختي
لو ايش ماصار لو اخسر كل شي بس جنى تعيش سعيده
عبدالله اتنهد:الله يصلح الحال ويفرجها
راشد من قلب:ااااااااااميييييين
رجع راشد للجناح مهموم ومقهورلدرجه انه مامر على غرفه جنى الي قبال غرفته
سمع هيصه ودوشه في غرفه جنى الي تحت يعني اكيد متجمعين واكيد مارح يلاقي حور
دخل غرفته ورمى نفسه على السرير واتنهد:ااااااااااااااااااااااه
:سلامتك من الاه
راشدقام من السرير:حور
حور بهدوء رفعت عينها من المجله الي كانت تتصفحها: ايه انت شايف غيري
راشد ابتسم:لا بس غريبه مانزلتي للبنات تحت
حور مرووووووقه:مافيا حيل تعبانه
راشد باهتمام وهو يجلس جنبها على الكنبه الي جالسه عليها
:ايش الي تحسيه من ايش تعبانه
حور بلا مبلاه وهي تقلب في المجله :ولا شي عادي بس مالي خلق احد
راشد سند راسه على الكنبه:ومين سمعك
حور شافت انه هذي اللحظه المناسبه عشان تسال راشد عن الي فيه لانها حاسته له يومين مو على بعضه
:خير وش فيك
راشد ابتسم وهو مغمض عيونه:هذي اعتبرها اهتمام ولا لقافه
حور بلقااااافه الا تبي تعرف :اعتبرها الي تبي بس انا كنت حابه اريحك لان الكبت مو زين"علمي نفسك اول"
راشد باستهزاء:ابوي انقهر مني لاني حلفت انه مارح ياخذ جنى غير نواف فخسّرني صفقه ب12 مليون ريال بس
المشكله اني كنت باني على هالصفقه امال كبيره وكلها راحت في الهوا اخخخخخخخخ يالقهر
حور انقهرت من عمها الي اشد قسوه من ابوها :بس انت كان لازم تتوقع شي زي كذا
راشد فتح عيونه :نعم
حور بهدوء وعقلانيه :شوف عمي اشد قسوه من كل اخوانه
وانت كسرت كلمته الي مافي احد كبير ولا صغير قد كسرها له
وكمان رفعت صوتك عليه وزودتها وحلفت عليه
طبيعي يعمل شي زي كذا
كان لازم يأذيك عشان يرضي غروره
ويفهمك انه لايمكن كلمتك تعلى او تمشي عليه فهمت
راشد الي انقهر من ابوه:بس حرام مجهود سنتين يضيع كذا
حور وقفت واتسندت للجدار
:ربك مايضيع حق احد
لاتشيل هم
والي كاتبه ربي هوا الي حيكون
راشد حس براحه كلامها كان مثل البلسم على قلبه
راشد:مشكوره ياحور
بس اوعديني مايطلع لاحد
حور بجديه:انا عمري ماطلعت اسرار احد فمابالك بزوجي
راشد بحزن واستهزاء مو في محله ابدااااااا:ههه اما زوجك فعلا نكته
حور بهدوء"مالها خلق تعصب":راشد اذا انا منقصه عليك شي قول لي
راشد باستهزاء: لا والحق يقال ابدا انا اصحى والاقي فطوري جاهز وملابسي جاهزه وارجع الاقي الحمام جاهز والغدا كمان وبالليل الاقي ........ولا بلاش اكمل لا يغمى عليكي هه
حور دمعت عيونها"مشاعرها متناقضه تكرهه وتتمنى بعاده وفي نفس الوقت ماتبيه ينقهر وماتبي تنقص من حقوقه عليها ابدا
تبيه يكون مبسوط وسعيد<سبب مشاعرها هذي واحد من اثنين
ياانها حاسه انها بهذي الطريقه تعطيه رساله شكر على جميله الي مارح تنساه طول عمرها
او انها لسه في في قلبها رواسب حب دفنته الايام والاحزان >
وفي كل الاحوال مشاعرها وقلبها يقول
"يكرهك نصفي ونصفي فيك ذايب"
:حاضر ياراشد الي تبيه يكون من بكره لكن شي واحد ماقدر عليه اعذرني فيه مابيك تخلف وعدك ولا ابيك تلمسني
راشد انصدم وطلع من الغرفه مقهور ليه ياحور تبني بيننا جدران وسدود صعب تنهدم
:راشد
التفت عليها وبدون نفس:نعم
حور وهي تتقدم له بخطوات متعثره غيرت مجرى الحواار لاانها خافت من هدوئه
:خذ هذا البوكيه واعطيه جنى انا اعطيت لمى حقها
وههههههههههه كانت جنى شوي وتصقعني بالجبس الي في رجلي على راسي لاني نسيتها
راشد غصب عنه ابتسم قلبت موده بثانيتين:تامرين امر هاتيه واخذه منها
ونزل تحت
وهو مخبي البوكيه ورا ظهره
دق على جنى وطلعت له برى
:كيفك اليوم
جنى :تمام بس مرتك اليوم سوت لي حركه اخخخخخ منها بس
راشد وفيه الضحكه ماتسكت عن حقها :ايش سوت لك
جنى:جابت للمى بوكيه ورد يصرع وانا ماعبرتني بورده منتفه وانتو كلكم تعرفو حبي للورود
راشد طلع البوكيه من ورا ظهره
:اتفضلي ياستي مانقدر على زعلك
اخذته جنى وهي ميته فرح :شكرررررررررررررررررا
راشد:على فكره ترى حور الي جابته بس انتي عارفه ماتقدر تنزل لكم عشان رجلها
جنى بحزن:راشد حور ليش سارت كذا حزينه ومكتأبه مو زي زمان
راشد باهتمام :ليش صار شي
جنى:لا مو كذا بس دايما كانت تحب جمعه البنات وهي الي تجمعنا
بس من يوم ماتزوجت سرنا مانشوفها الا كل فين وفين
حتى اليوم البنات كانو بيطلعو يسلمو عليها قالت لي الخدامه انها نايمه
وانا احلفلك انها صاحيه
راشد حاس فيها بس يخلص من البلاوي الي هو فيها
:مالك دخل ياجنى وهي بس متضايقه من شي خاص فيني وفيها يعني عن اللقافه
ماشي
جنى انحرجت وحست انه شي خاص:ماشي
راشد:مع السلامه
جنى :باي
ورجعت وفلتها مع البنات وراشد راح لعبدالله البيت وقابلو ماجد لعل وعسى يعرفو يقللو حجم الخسائر لكن للاسف الموضوع منتهي
راشد استعوض ربه في الي راح
ورجع البيت
اكثر شي باسط راشد ومريحه هو ان حور تنام جنبه لان الغرفه الثانيه تنام فيها جنى
صح يحس بخوفها ورعشتها لو قرب منها بس مو مهم المهم انه ينام وهو يشوفها ويصحى على احلى وجهه خلقه ربي
هذا الشي الوحيد الي مريح راشد في هذي الايام الصعبه
"اليوم الموعود"
يوم الاحد الصباح
في بيت ماجد
لجين:ماجد حبيبي يالله قوم
يالله وراك شغل
مجود حبيبي
يووووووه
وقربت جنبه وباسته على خده
ابتسم وهوا مغمض عيونه
:صباحك عسل ياعسل
لجين:يعني صاحي ها وعليتني عشان تقوم ليه كذا
ماجد:خخخخ لا هوا في احد يطول ياخذ بوسه على الصباح من احلى بنت خلقها ربي ويقول لا
لجين ابتسمت :طيب يالله عشان تفطر
ماجد وهوا يشيل اللحاف عنه
:طيب
وقام لبس واتكشخ كالمعتاد وراح اخذ راشد من مهاده وشم ريحته وجالس يبوس فيه
لجين:ايوه للاخ راشد تبويس ودلع وانا لي الله ها
ماجد وهو يحضنها:ولو انتي الاصل يا ام راشد
لجين :الله يخليك لي يارب
امممممممم ماجد
ماجد وهو ياكل :هلا
لجين :انت ليه ماتسال عن زياد ترى مهما كان هو اخوك الكبير
ماجد بدون نفس:لجين لازم تفهمي انا وزياد اخوان بالاسم بس
لجين بدهاء:ياماجد انت للان زعلان من نواف لانه غلط على زياد وانت عارف انه قال الحق عنه
وبرضو مو قادر تسامحه تضحك على مين بس
ماجد بحنين لاخوه الي ماسمع عنه شي من 7 شهور
:ااه والله مشتاق له بس كذا احسن لان كل مانجتمع نتضارب ونعل قلب ابوي خلينا كذا احسن
المهم انا رايح قبل ما راشد يولع فيني لانه اليومين هذي متسبب وعلى اعصابه
لجين بحكمه:ماجد ليه ماتقول لحور على المشاكل الي بيتعرض لها راشد ترى مهما كان الزوجه تعرف كيف تخفف عن زوجها
ولا لك راي ثاني
ماجد باس راسها:ابد مالي راي عقب رايك يالغلا
بس راشد مايحب ان احد يدخل في حياته بجد يالجين يتضايق
وبعدين انتي عارفه ظروف زواجهم يعني مانقدر نسوي شي
"ماجد كب العشا كله عند لجين من زمان "
لجين:معاك حق
ماجد وهو طالع :يالله توصي شي
لجين وهي تحضنه :لا حبيبي بس انتبه على نفسك وانت تسوق
خرج ماجد وراح الدوام ولقى راشد هناك يشتغل ولا كأنه اليوم يوم ملكه اخته
ماجد:صباح الخير
راشد:هلا صباح النور
ماجد جلس على الكرسي
قدام مكتب راشد:خير وش فيك ترى اليوم ملكه جنى دلوعتك
راشد بغموض:ايه بس عندي شغل لازم اخلصه
ماجد:طيب يالله هات الفايلات حقت المناقصه الثانيه انا وانت بس الي راح نشتغل فيها
واذا مره احتجنا عبدالله
راشد كمل مؤيد لكلامه:ماجد مانبي ولا احد يدري عن هالصفقه
لاني لو خسرتها راح اكون خسرت كل شي
وراح ابداء من الصفر
ماجد:طيب فاهم بس شوف انا ممكن اعمل لك
كشف للاسعار وغيره مااقدر لاني طالع بعد يومين عندنا معسكر
لان الدوري على الابواب والصراحه ناوين على الكاس السنه
راشد بمزح:بتبطون عظم
ماجد بحماس"الكوره كل حياته":طيب ياراشد اوريك ان ما اخذنا الكاس هالسنه مااكون ماجد
راشد اعطاه الفايلات :خذ اشتغل ابرك لك
طلع ماجد من عند راشد ولمح نواف عند المصعد وشكله كل هموم الدنيا فوق راسه حزن عليه لانه عارف ان اليوم بتكون جنى لغيره و اتوقع انه جاي يزور عبدالله لانه نواااف متعود يمر على اخوه بين فتره والثانيه بالشركه واحيانا يساعده في الاشياء الي يعرفهاا
وراح لمكتبه يبداء بشغله
عند جنى في جناح راشد قالبتها مناحه ولاول مره تصرح
بحبها لنواف
جنى :ياعالم افهموني مابي غير نواف
لمى تحاول تكلمها بالعقل مع انه قلبها يتقطع على اخوهاا الي تعرف انه يموت في تراب رجول جنى:جنو مالك نصيب فيه خلااص انسي يابنتي اليوم بترتبطي بغيره يمكن هو مو نصيبك
جنى ببكى:بس احبببببببببببببببه وماااااااااابي غيره الله يسامحك يبه
حور:.....
انتهى البااااارت |
|