بسم الله الرحمن الرحيم
السلام عليكم ورحمة الله وبركاته
بدايتاً لازم نتذكر قوله تعالى
(( لو كنت فظا غليظ القلب لانفضوا من حولك))
وقوله تعالى
(( ما يلفظ من قول إلا لديه رقيب عتيد ))
عند النقاش لازم نركز على شي مهم وهو أننا مسلمين
والرسول أمرنا قل خيراً او أصمت
نحنا بدنا نتناقش لنوضح وجهات النظر بهاد الموضوع المخصص لناروتو وقصصه
لاننا حالياً عم نعاني من نفس المشكلة القديمة الأنحراف وخاصة بقصص ناروتو
بدايتاً رح أسأل سؤال موجه لكل الي اعترضوا على حذف الرواية بحجة انه المقاطع فيها بين مخطوبين او متزوجين
هل حلل الأسلام للخاطب لمس يد مخطوبته ؟؟
الجواب لا
بغير عقد شرعي بتضل محرمة عنه طيب كيف يعني نحط مقاطع مخالفة بروايتنا على انها حلال
السؤال الثاني بين الزوجين ها
طيب انت وانتِ وكلكم خلونا منطقيين
لو اي انسان منكم دخل وشاف اخته عم تقرأ هي المقاطع شو رح تكون ردة فعلك ؟؟
سواء كانت كبيرة او صغيرة
بالمنطق رح تسمح الها والمصيبة لما بتكون صغيرة رح اترك الإجابة لضميركم وانتو احكموا
الشرع حلل امور بين الزوجين ما حللها بإي علاقة ثانية
وهي الأمور خاصة يعني بتمنى تكونوا فهمانين
أطفالنا لازم ما يعرفوها ابداً من شان اولاً نفسيتهم ثانياً أخلاقهم
عموماً اعجابنا بالغرب ما بيعني ننسا كوننا من امة محمد من أطهر الأمم
انا والمشرفات ابداً ما منعنا الرومنسية الراقية
خلونا نحتسب الأجر بتسليتنا
نحنا لما نكتب رواية سواء عن ناروتو او عادية هي تعتبر متنفس
لكل انسان حرية الأختيار وما من حق حدى يفرض رأيه علينا دام حريتنا بحدود ديننا واخلاقنا
بس لما منتعدى على حدود الدين هون بيبدأ الخط الأحمر
نحنا امة محمد امة محمد خير الأنام عليه الصلاة والسلام
أنت او انتِ لم تكتبوا وبيجي على بالكم تكتبوا شي مخل للأدب هي اشياء طبيعية لأن النفس أماره بالسوء بس لما
بتقولوا يا رب انت تعلم اني انا عبدك تركت هذا لأجلك وحدك وليس لأجل أحد
فعرفوا الله رح يكافئكم بالخير
لانه كلنا منعرف
من ترك شيئاً لله عوضه الله خير منه
راعوا تكون هوايتكم جزء من رصيدكم بالحسنات خليكم بالمنتدى لهدف راقي ترا وقسم ما رح تخصروا شي
وحابب قول عند النقاش كمان والردود راعوا وجود الله
لا تجرحوا ولا تهينوا انسان
وبنفس الوقت لا تميعوا العقيدة
خلو عندكم اسلوب
وقسم ناروتو هاد أثبت ضعف العرب بدايتاً أنقسمتوا مجموعتين ساسكي ناروتو وبعدها
مجموعات مختلفة تحت اسم الفانز منكم نارو ساكو وناروهينا ومدري مين وقاعدين قذف وشتم ببعض
هاد حرام شرعاً
خلينا قمة بأخلاقنا الله يخليكم
وقسم ناروتو والأنمي كله ما بيستحق يتشاجر شخصين من شانه
وإّذا من شان رواية صار كل هاد الله يعيننا
انا رح شوف الرواية إذا المقاطع قبل القوانين رح عدلها كلها ورجعها اما إّذا كانت بعد القوانين فالقانون ساري على الجميع
ودمتم بحفظ خالقكم