السلام عليكم ورحمة الله وبرركاته
كيف الحال ملوكة ؟!
ان شاء الله بخير
،،
ما شاء الله
بارت جميل جداً سلمت الايادي المبدعةة
الاحداث جميلة جداً وأعجبتني بألآخص بوقت العرس
هههه عزيز مخترع بالبشت :lamao:
وبعد من جاسم وموسى وعزوز يوصون بعض ع اخواتهم
حسيتهم كووول  " class="inlineimg" />
الحين نجي لكل ثنائي ::
زيد وبهار
الحقير زيد ياكل تبن وينطم عنده هالملاك ويتشرط بعد 
لا ويباوعلها بنظرات استحقار مالت عليه بس مالت
ليش هو محصل احسن منها ؟؟!! زلم اخر وكت ما يغزر بعيونهم شي
ومسكينة هالبهار اكيد راح تاكلها معاه وهالشيخة هذي تحسدها ع شنو ما اعرف ؟!!
بالجذب يعني مجاملة يبتسم ابتسامة جانبية ترا هم زفوه مو راح يشنقوه بس هو بعد معذور
يعني ترك الحب ماله وانغصب ع غيرها اكيد كان متلوع ب نسيت اسمها ..
_
شيخة وعلي
هالاثنين طلعوا كارثة يعني حطوا روسهم براس الجد الله يستر شنو راح يصير
بس هالساحر الغرب الشريرة قاعدة وتحسد البشر ع قولتهم يحسد اليتيم ع دموعة << اعتقد هجي ما متأكددة
وماتستحي ع نفسهة مو عيب سوت حركتهة بس الحمدلله زيد ماكان موجود وتفشلت ،،
بس هذا علي حتى لو كان مغصوب عليها ميصير يسكت ع الي سوته لا ورايحة لاخوه هههه
عجبني بعلي ما ترك حبه بسهولة يارب تنجح خطته ..
_
هاجر ويوسف
ياقلبي عليج يا هاجر والله مسكينةة هذي من اولهة نظرات خبث الله يعين
انا لو بمكانهة يغمى علية من الخوف << خوافة بهالسوالف 
بس عجبني من فكرت اذا كان شارب او صاحي هههه او شخص يجي لعرسه شارب
مسكينة خرب لها حتى تفكيرها هاليوسف هذا ،، وموتتني امه ام يوسف ما تعرف
توقف ابنائها عند حدهم ميصير هجي بنتها شلون تكلمهة ع كلن هي حرة ..
_
اسماء وموسى
هالثنائي راح يتعذبون وتتعب نفسيتهم لانهم هم الاثنين يحبون بعض ويكابرون
احلى شي يطلع الجد بالاخير فاهمهم لذلك زوجهم لبعض هههه هالجد عجبني تفكيره خطير
بس اعتقد راح تصير معهم احداث حلوة ومشوقة بس ما اظن يطولون باخفاء مشاعرهم
واعتقد موسى اول من يبادر بالفصح عن ما يكنه لاسماء وهي تعرف انها ظلمته بتعاملها معه ..
_
وداد وجاسم
مثل ما قلت سابقاً هالاثنين ملائمين لبعض كثيراً هم الاثنين هادئين ويفكرون بعقلانية
واعتقد هم افضل ثنائي الى الان وماراح يواجهون صعوبة بس عجبني الي سويتيه
هم الاثنين عملهم مع بعض حركة حلوة واعتقد راح تساعدهم ع فهم بعض والتقرب من بعض ..
_
نوف وعزيز
الثنائي المفضل عندي هههه احبهم ما اعرف ليش اعتقد هالاثنين راح يقلبون القصر فوق تحت
من عرايكهم وسوالفهم ومناقشاتهم الحادة وكلها مزح واستهبال وجنون ،، احلى شي اذا صار عندهم
اطفال يكونون مثلهم هههه ياربي تصير الرواية وناسة عزوز الصغير ونوف الصغيرة ام الوناسة ..
_
سالم
مسكين هالولد ما يدري بالي راح يجيله وتخبي الايام له ،، كنت متأكدة انه يحب بهار
هالشي واضح ومتوقع ، رحمت جدته مسكينة شايلة حمل اكبر من طاقتها ،
وما اعتقد راح يوقف ساكن اذا عرف هو الاخر ان زيد سوى شي ب بهار ..
_
سعود
مكروه هالولد كلش ما عجبني ، ربي يستر من الي قاعد يخخط له هو وجماعته
شكلهم راح يدخلون يوسف بمصيبة لها اول بس مالها تالي وشكل الجد من وراهم
متبري متبري من يوسف ما اعرف ليش بس احس يصير تشويق اذا الجد غضب
عليه وحرمه من الورث << ويعطيه الي
_
رفاف
مسكينة هالبنت قهرتني بس هي ليش ما قبلت انو نوف تكلمها ؟!! غبية باكا
خلها هسة تشبع قهر ودموع الا اذا نجحت خطة علي ..
عذريني حبيبتي ملاك ع التأخير بس خلص الاشتراك ورجعناه اول امس
وما قدرت ارد لان قلتلج راح يخلص شحن اللاب واخاف اجيب الشاحنة
اخاف بابا يكعد ويعصب لان كنت سهرانة للفجر هههه و امس رحنة لعرس
اقاربنة وكعدت متأخرة ب12:30 الظهر وقعدت احضر للعرس ورجعت
تعبانة بس ان شاء الله ردي هذا يغفرلي التاخير هههه
وان شاء الله يكون الرد مثل ما جنتي تتوقيعنه
انتظر البارت القادم اعتقد قلتي باجر ينزل احاول ادخل اقرأه
لان عندي شغل من الان احظر للعيد وتنظيف وهالسوالف لان السبت تجي عمتي
ونقضي الوقت مع بناتها سوالف و وناسة ونفلها  " class="inlineimg" />" class="inlineimg" />
مع السلامة يا عسل
في أمان الباري ورعايته
سلوى ~ 
__________________ آللحن ألآخير + زهرة الوآدي! = ألقابي
|