عيون العرب - ملتقى العالم العربي - عرض مشاركة واحدة - الفتاوى المنتشرة على شبكات الانترنت بين التصديق و التكذيب !

**Heavens ❤** · #1 11-28-2014, 04:03 PM

السلام عليكم و رحمة الله و بركاته

يعطيكم الف عافيه جميعا

قبل ما ابدا ... يمكن انا بحكي غلط فصححوني و ساعدوني افهم بعض النقاط
حبيت اكتب هالموضوع لكثرة ما شفت في الاونة الاخيرة من فتاوى باسماء شيوخ عده منهم المعروفين و منهم اول مره بسمع فيهم

حكم التهنئة بيوم الجمعة
و حكم تخصيص الادعية
و حكم قول تحياتي
و حكم مش عارفه ايش
و الى اخره من الاحكام الغريبة العجيبة

الان النقطه
انا لا ادعي ابدا باني افهم اكثر منهم و اعرف بانهم درسوا العلوم الاسلامية و بيعرفوا كثير كلام و كثير اشياء عامة الناس ما بتفهمها
لكن لنحكم عقولنا
الان الله سبحانه يعرف نوايا البشر و يعرف كل شيء و حاشاه جل جلاله انو يحتاج اي انسان يحكيله اللي بده ياه

الان كمثال .. انا لما اهنئ حدا بيوم الجمعه فانا ما عندي اي قصد سيء
و انا و انتم و غيرنا من المسلمين بيعتبروا الجمعه يوم مبارك
و لمجرد اني حبيت اهنئ غيري لا يعني انو انا طلعت حكم ولا انا مشيت في طريق سيء

انا لما ادعي ربي بدعاء معين قبل الامتحان ما كان قصدي اني ابتدع شي ولا اعمل شي غلط
و الناس لما تشوف انا الله وفقني و تسألني ليش و انا اعطيها الادعيه انا حاولت اعمل خير و ما عملت شي غلط
بس بيجي حدا بيحكيلي هاي بدعه و هاي لا تجوز ؟!!!!!!

و عدد اخر كبير من الامثله
انا اختنق يا جماعه
مش هذا هو الاسلام الدين السهل السلس اللي الناس بتفرح و بتتعامل مع بعضها ببساطه فيه
مش كل شيء مش مكتوب لازم يكون غلط و بدعه
خذها على بساطتها و لا تكبر الامور
وقبل ما تحكي اي شي لا تنسى كلام خير البشر الذي لا ينطق عن الهوى
"انما الاعمال بالنيات"

ليش نسينا اهم الاشيا اللي الناس بتفرط فيها من صلاه و صيام و زكاة؟
ليش نسينا المجاهرة بالمعاصي اللي بيصير؟
ليش تركنا كل شيء و رحنا على الكلمات و الاعمال الصغيره اللي القصد منها عمره ما كان الضرر بحدا؟
ليش التضييق على الناس ؟
و في النهاية برجع احكي انو يمكن انا بحكي غلط لانو ما عندي علم كفايه
بس انا حكمت عقلي و عارفه ربي منيح
فارجو من الجميع يعطيني رأيه بكلامي و يساعدني اصحح نفسي اذا كنت غلطانه

خلينا نتساعد و نمشي ايد وحده نحو نهضة الامة :')