بارك الله فيكي خيتي
كلامك جدا جميل
بس اسمحيلي اضيف
انا لما واجهت اللي واجهته ما بقدر اسميه تضييق بل خنق
بالنسبة للرسم و الصور صدقا واجهت نفس المشكله
لكن انا من طرفي لقيت عدة احكام عليها
شيوخ بتحكي ما فيها شي و شيوخ بتحكي حرام و شيوخ بتحكي لا ترسم الرقبه !!! طيب ليش ؟ علل!
و انا معك في السؤال عن الامور الصغيره
يعني لو نتطلع على العالم
الناس ضيعت دينها
مسلمين بيشربوا خمر بعز النهار و بتحكيلهم "ما انت عارف انو حرام و مش من شيم المسلم "بيحكولك "حل عنا ما هي الدنيا يوم الك و يوم عليك"
ناس ما بكذب اذا بحكي انها ما بتعرف كيف خطوات الوضوء ولا عدد ركعات صلاة الفجر
و كثير ناس ما همها الا صغائر الامور
بس المسأله مش متوقفه على هالكلام
الاحكام اللي انا واجهتها غير شامله و انا طرحت الادعية للامتحان كمثال
يعني انا احيانا بيكون في بالي سؤال بسيط ،، مش غلط اني اسأل اذا خايف النتيجه يطولني منها اثم
بس الشيخ قبل ما يطلع فتوى و تنتشر على السنة الناس المفروض يدرس كل جوانب المشكله
و المفروض انو يفهم منيح وجهة نظر الاشخاص
مثلا انا ما برسم لحتى افرجي انو عندي قدره او شي
انا شخصيا لما كنت ارسم كنت ارسم الاشياء الحلوه كنوع من التقدير لهذا الجمال
مثل الصور بالضبط
انا ما رح اصور شي لانو بفكر بطريقه يمكن توصلني للشرك بالله
انا بروح اماكن و بشوف ناس و بحب اتذكرهم ... يمكن يمر وقت طويل قبل ما اشوفهم من جديد و الانسان بيستمتع بذكرياته
انا ما بحكي انو انا بفهم اكثر منهم بس انا بفهمي المتواضع و من منطلق اني بعرف بانو الاسلام دين يبني وجوده و يعزز قوته في قلوب البشر اعتمادا على العقل
لأنه متوافق مع طبيعة و اسلوب تفكير الانسان و مع العلم و كل شيء في الطبيعه ...
يعني في اشياء بالعقل بقدر احكي انها غلط مثل الرسائل اللي بتحكي ارسلها و الا فأنت في النار او ارسلها و الك بيت في الجنه
هاي عقلانيا واضح انها مجرد اكاذيب للاستهانه بالعقول
و كثير اشيا ممكن الواحد يستدل عليها بمجرد التفكير المنطقي ...
في النهاية لو كان الدين انو اسمع و اتبع بلا ما تستفسر ليش ما بيكون في فايده للعقل اللي رب العالمين اكرمنا فيه
شكرا على مرورك و على كلامك الرائع اختي
جزاك الله كل خير و نفع بك d: