الـبـارت الخامس - 5 -
كان جالس بأرضه عند نياقه يشوف ناقصهم اكل مويه
قرب من وحده من نياقه وهاذي الناقه يحبها مره لأنها كانت اول ناقه لها وصى الصبي عليها
رجع لناقه وباسه سمع صوت خبطه
لف لقى بنت شبه ميته مرميه علىالأرض
والسياره راحت وخلتها
فتح عيونه بصدمه
شاف السياره توقف ويطلع منها واحد ومعه سلاح ومصوبه عليها
ركض بأقوى ماعطاه ربي
رمى نفسه على ميلاء وضمها وصار يدور بها وهم على الأرض علشان ماتجيها الرصاصه
سمع طلقت النار وغمض عينه وشد عليها
وقف وشاف السياره تبعد بجمود : الله لايردكم
وقف وطلع جواله وهو يشوف ميلاء شبه ميته
: الوه ، عدي تعال بسرعه ، تعال للمخيم ، لاتطول
نزل لمستواها شافها مضروبه : لا يكون معتدين عليها ورامينها
وقف وهو ينتظر عدي لف بسرعه لما شافها تتمتم وهي نايمه : ليث ، انس ، يبه ، يمه ، كذابين ، مسامحتكم ، لاتصدقهم ، لا.
كان يطالعها مو قادر يفهم الي تقوله
كانت كلماتها متقاطعه ومو مفهومه
بعد نص ساعه شاف سيارة عدي تقرب منهم
وقف السياره ونزل : وش فيه
: شف
عدي فتح عيونه بصدمه : ضاري وش سويت في البنت
ضاري : مو انا الي سويته عيال الكلب
عدي بدون أستعاب : ضاري انا مو فاهم شي تكلم وقلي القصه
ضاري : كنت قاعد عند حلالي سمعت خبطه قويه ، وكانت خبطت البنت ذي وكانت سياره راميتها ومشو ، شوي الا وقفت السياره وطلع منها واحد ومعه سلاح ، صوب المسدس عليها ، انا ركضت ودفيتها قبل لايصوب عليها ، اطلق الرصاصه وراح ، واتوقع انه يحسبها ماتت
عدي : لا حول الله ، وش بتسوي فيها
ضاري : مدري ، مدري ، حاليا باخذها معي للقصر
عدي بصدمه : قصرنا ، اسمع قصرنا لاتقرب منه
ضاري : لا مو قصرنا ، بوديها لقصري القديم
عدي : وبعدين
ضاري : وبخلي ، الخدامات يهتمون فيها ، وبعدين بخليها تفهمني القصه
عدي : الله يقويك ، بس لا تجيب لنفسك العواقب
ضاري : خلك محضر خير
عدي : انا حذرتك وانت كيفك
ضاري : خلاص روح
عدي ركب سيارته وريوس
ضاري قرب من ميلاء وشالها وحطها بسياره ورى واتجه بها للقصر