| الباارت الثالث والثلاثون(33)
ودخل معاه واحد طويييييل واسمراني حور انصدمت معقوله هذا زياد اخويا لا ماصدق ليه كذا وش فيه نحف كذا"زياد فعلا كان فاقد وزن كبير يمكن فقد حوالي ال35 كيلو على مدار اربع سنوات
كان وزنه 80 واصبح 45"بس محلو
زياد شافها وابتسم محلوه ووجهها بشوش شكلها تحب راشد
قرب منها :حور كيفك
حور دمعت ماقدرت تتخيل انها تشوف زياد بعد كل هالمده هي كانت تنقهر لمن رماح ولينا يقولو لها انه يكلمهم كانت تحسه اتخلى عنها ليه مايكلمني انا كمان انا اكثر وحده فيهم محتاجه سند لي بعد ابوي وماوعت غير وهي تحضنه بقوه صدمته وحسسته انه عيونها الزرقه الي تخلي الواحد غصب يسرح فيها وراها الم وقهر كبييييير
لمها على خفيف مو متعود عليها صح اخته بس غريبه عنه وهو لما قال انه يبي يشوفها بس عشان محد يقول انه في بينهم مشاكل وانه سلم على رماح ولينا وحور لا مع انه حور ماتهمه كثير كاخت وعمرها ماكانت شي مهم لزياد:حور كيفك
حور ابتسمت وفاقت من سيل المشاعر الجارف الي تحس فيه :انا تمام انت كيفك وحشتني
زياد غريبه حور تقولي انا وحشتني شكله البعد يخلي الغلا يزيد وبمجامله بارده:وانتي كمان ومبروك على الزواج ولو انها متاخر
حور ليه هالبرود يازياد انا محتاجتك
"ام زياد هي الي خلت ماجد وحور يكرهو زياد ويبعدو عنه لكن مع انهم دايم يبينو له هالشي الانه مانقص من غلاه عندهم شي ابدا بس كانو يتظاهرو بعدم المبلاه بس ماجد ممكن يعبر في عن حبه لزياد في أي لحظه يحس انه محتاجه فيها وهذا الي يخلي زياد مستغرب تصرفات ماجد وتذبذبه اما حور فعمرها مابينت له انه مهم حور دائما غامضه وفي النادر لما تعبر وهذا الي تاعب قلب راشد معها "
:الله يبارك فيك
سكتو ماعندهم شي يقولوه زياد نفسه يعرف سالفتها مع ابوها<من باب اللقافه لا اكثر> بس المكان مو مناسب
:ماما
حور التفتت لسوسو:سوسو حبيبتي ايش تبغي
سوسو وهي تفرك عينها :ابا انام لاس لوح البيت
"ابغى انام خلاص نروح البيت "
شالتها حور :سوسو حبيبتي سلمي على خالو زياد
سوسو بغباء اطفال:حالو مادد"خالو ماجد"
حور :ههههه ايوه زي خالو ماجد هذا خالو زياد
سوسو وهي تناظره بتفحص طفولي:حالو دياد
"خالو زياد"
زياد انصدم لما شاف بنتها ياربي قديش حلوه وانبسط لما شافها تقول لبنتها ايوه زي خالو ماجد يعني شايفتني ا خ زي ماجد يعني تعزني
هههههه خالو الكلمه جديده علي بس حلوه
زياد شال سوسو:ياروح خالك انتي ياناسو عليها حور مره تشبهك حلوه زيك
حور ابتسمت:تسلم عيونك الحلوه
زياد :انا مين
سوسو وهي تفكر وتبغا تنام
وحطت راسها على كتفه خلاص البنت وصلت معاها :حالو دياد
ابا اناااام وغمضت عيونها على كتفه
"بنتها عكسها دايما تعبر عن مشاعرها حور علمتها هالشي لان هي جربت الم كتمان المشاعر عشان كذا ماتبغى بنتها تطلع زيها"
ابتسم على برائتها وطفوليتها :مشاء الله تبارك الله تهبل
وكمل بصدق وهو يناظر البراائه والجمال الي نايم على كتفه :
تعرفي ياحور لو رماح تجيب عشره ولينا تجيب عشره وانتي بعد تجيبي عشره ماراح يجو في غلا هالبنت
اول شي حبوبه وثاني شي اول وحده تقولي خالو ياربي هالبنت غصب تنحب
بس شو اسمها وكم عمرها
حور انبسطتت هي تحب أي احد يحب بنتها فكيف زياد
:اسمها إسراء بس ندلعها سوسو وعمرها
3 سنوات
زياد بود:العمر كله انشاء الله
"فعلااا سوسو كانت ااايه في الجماال اخذت لون عيون امهاا لكن على افتح كان زي لون السمااا يهوس وبيااضها كمان واخذت من ابوهاا رسمه عيونه الوااسعه ونظراته الحااده كانت قمه في الجمال خليط عذب من راشد وحو"
ومد سوسو لراشد الي كان مستمع من اول الحوار وفاهم نظرات حور وعارف انها تبي اخوها ومحتاجه حنانه "اه بس لو تفتحي لي قلبك والله لاعوضك عن حنان كل الناس ولا اخليكي محتاجه احد اخ بس ياحور" اخذها راشد وراح للسياره ينتظر حور فيها
:يالله انا استأذن حبيت اسلم عليكي قبل مااسافر
حور انصدمت هي ظنته خلاص بيجلس هنا:ليه تسافر
زياد ماحب يطولها:شغل ومااقدر ااجله
حور سكتت
:زيــــــــــــــــــــــــــــــــــــاد
زياد:هههههههه هلا بالحلوه
انتبهي على الكعب لاتتكرفسي علينا بس
لينا ركضت باقوى ماعندها وراحت حضنته وهو حضنها باقوى ماعنده وصار يدور فيها :حبيبــــــــــــــــــــــي وحشتني يادب اشتقت لك واتغير صوتها للبكى :حرام عليك اربعه سنين يالظالم ماشوفك فيها خاف ربك
زياد وهو يمسح دموعها:يؤيؤيؤيؤ كله الادموعك يالغاليه مااقدر عليها لاتبكي لجل خاطري لاتبكي
لينا وهي تحوط رقبته بيدينها:حبيبي لاتسافر اجلس مشتاقه لك
زياد:اجل انا ايش اقول مو بس مشتاق لك الا بموت من الشوق بس وش اسوي شغل يالغاليه شغل
لينا تذكرت وضربت كتفه:ليه ناديت حور بس يالدب
زياد بعفويه لانه نسي وجود حور:لاني قلت لابوي اني بجي اشوفكم عنده بالبيت بكره قبل مااسافر وقالي انه اقدر اشوف رماح ولينا
بس حور مارح اقدر لانه ما.............. وانصدم من وجود حور الي نسيه :حوور انا
حور والدمعه حايره في عينها قاطعته :عادي عادي مو اول واحد تقولها ولا اخر واحد المهم اشوفك على خير ان كان لنا عمر فمان الله
تركته مصدوم اول مره حور تتكلم بسوداويه كذا حس بألمها هو الوحيد الي ذاق الم انك تكون غريب بين اهلك وناسك
دخلت عند البنات تبكي الم وحسره "ااااااااه يايبه وحشتني كيف قدرت تتحمل انك ماتشوفني ثلاث سنوات اااااااااه قد ايش مشتاقه لحضنك وحنانك "
لملمت جروحها واخذت اغراضها ولبست عبايتها وخرجت وتعدت من عند زياد مثل البرق
كان يبي يوقفها بس ماقدر كانت سريعه
تنهد ورجع للينا:وش فيها
لينا بالم:حور تعبانه ومحد حاس فيها والله احسها بيجي يوم ويصير فيها شي من كثر تعبها والمها
زياد خاف من فكره انه ممكن يفقد اخته ماعنده استعداد يفقد احد ثاني ابدا حتى لو هالشخص كان سبب عذاابه زماان : بس هي اكيد مرتاحه طالما تحب راشد ومبسوطه معاه
لينا غصب ضحكت:هههههههه أي تحبه الله يهداك تضحك على نفسك حور تخاف من راشد وتموت خوف ايش فيك نسيت
بس لو ما الي صار كان مستحيل تكون زوجته بس ربك اراد
زياد بفضول:ايش الي صار
لينا بلؤم :تعال عيش هنا واقولك
زياد:هههههههههه لا بجد
لينا باسى :والله مااقدر حور ماتبي احد يدري ورافضه انها تخبر أي احد ترى محد يدري بالي صار غير ابوي وعماني وانا وراشد وماجد
اما الباقي فالموضوع بالنسبه له سر
وغيرت الموضوع لانه يذكرها باسواء ايام حياتها:المهم بنشوفك بكره
زياد فهم انها تصرف:ايه بس مارح اطول بسلم وامشي واوعدك متى ماسمح لي الوقت جيت جده
لينا باستسلام عارفته مارح يغير رايه:الي يريحك
وباسها زياد وودعها
وهو على راسه ميه علامه استفهام؟؟؟؟؟؟؟
وصل بيت حسام واخذ عياله من عند حسام وهم نايمين هلكو من اللعب مع اولاد حسام
وصل الفندق ونومهم ونام هو كمان لانه بيروح المستشفى في زياره عشان يشوف الوضع وبعدها بيروح يسلم على اهله وبعدها بيت حسام ومنها على المطار وطبعا من الصباح بيودي عياله بيت حسام مع ان حسام قاله خليهم ينامو عنده احسن له بدل المشاوير لكن زياد قاله اذا عياله مو بحضنه مايقدر ينام
في بيت راشد
بعد ماطلع سوسو لغرفتها راح غرفته عشان ينام وبعد مااخذ دش
جلس يفكر بجنى "يالله دلوعتي الصغيره تزوجت خلاص وكبرت وصارت مسؤله عن بيت وزوج هل بيجي اليوم الي إسراء تتزوج فيه معقوله بنتي الثانيه بعد مو معقول وش هالافكار البنت عمرها بس 3 سنوات وانا افكر بتتزوج ولا لا بس جنى كانت مثلها
اااه لا سوسو بتم عندي مستحيل اعطيها أي احد كذا بسهوله نواف كان يحب جنى من هم صغار لكن بنتي مستحيل اتركها لاي احد "هو وخالد مو عاجبتهم فكره ان بناتهم يتزوجو"
سكر الابجوره وتغطى بالحاف وفجاءه سمع دق الباب
اتفجع مافي في البيت غيره هو وحور وبنتهم واذا حور الي داقه اكيد في بلا الله يستر
فتح الباب لقى حور ولابسه فستانها لسه مافصخته
:هلا حور وش فيك
حور ناظرته بألم:تعبااااااااااااااااااااانه وارتمت في حضنه "من جد خاف هذي ماتجيني كذا الا وفيها شي قوي من ثلاث سنين ماجاتني الله يستر"
حضنها راشد بقوه لغايه ماذابت بين احضانه وانصهرت حست نفسها محتاجه راشد يمكن مايحبها ومايبغها يمكن مو هي الزوجه الي هو تمنها بس ماتحس بالامان الا معه وفـ حضنه بس
حس راشد انها هاديه زياده عن اللازم
وانصدم لما شاف وجهها كانت فاقده الوعي خاف عليها شالها سدحها على السرير وجاب عطر وحاول يفوقها فيه بس مافي فايده وبعدها حاول يرش عليها مويه وشوي شوي بدت تستعيد وعيها راشد تنهد بارتياح وهي خجلت"ليه جيت له ليه احمله همي فوق همومه والله ياراشد انا مااستاهلك بس انا ليه اااااه قلبي يوجعني وضغطت على قلبها بيدها تبي تخفف الالم "
راشد انتبه انها تتالم :حور يوجعك شي
حور بالم ماقدرت تخبيه :صدري يوجعني يمكن جايني برد
راشد:طيب خذي دوا قبل ماتمرضي بجد
حور الي بدا الالم يخف عنها تدريجيا :حاضر وناظرته بنظرات كلها حب وشوق:اسفه راشد تعبتك معي
راشد حسها تناظره بطريقه غريبه بس مافهمها :لاتقولي كذا انتي مرتي وام بنتي و
حور بستجداء:وايش
راشد ياريت عندي الشجاعه اني اقولها لكي لكن اخاف لوصديتيني قلبي مارح يتحمل :وبنت عمي
حور ههه وان ميته في هواه واعشقه وهو يقول بنت عمه :طيب انارايحه غرفتي تبي شي
راشد أي اجلسي :لا تسلمي
وقفت حور لكن ماقدرت رجعت جلست تحس ان الوجع لما توقف يزيد هي تحسه من فتره بس ماتبي تعرف خايفه يكون شي قوي شي يقضي على الي باقي منها
راشد قرب منها "الحمدلله صارت ماترجف من قربي خخخخخخ" ووقفها وسندها الين غرفتها وخلاها تدخل ومشي من غير مايقول شي
حور دخلت الحجره وبدلت ثيابها ولبست بيجامه ونامت على السرير بالعرض بعد ماغرقته دموع
شوي دق بابها استغربت بس الالم لسه موجود صح بدا يخف لكن موجود وبتعب باين على وجهها وصوتها:ادخل ياراشد
دخل راشد وبتوتر:حبيت اطمن عليكي
حور قامت واعتدلت وابتسمت بالم:الحمد لله مافيني شي
راشد بقلق:ليش تكابري
حور بدت تنزل دموعها الي مالحقت توقف اصلا:تعبااااااااانه ياراشد والله تعبانه ابي الامان بس الامان لهدرجه كثير علي
راشد انصدم اول مره حور تعبر عن شي اول مره تقوله انها محتاجه شي جلس جمبها على السرير :حور الامان موجود وقادر اوفره لكي بس انتي مو معطيتني فرصه انا مو عارف ايش الامان الي تبغيه ايش الي خايفه منه وتبغي تحتمي منه
حور خلاص والتعب انهكها:ابي احس معك بالامان
راشد انصدم وش تقصد :يعني انا مو محسسك بالامان
حور :لا
راشد انقهر هذي ايش تقول:حور ليه تقولي كذا معقوله ماحسيتي بالامان معي معقوله لسه تخافي مني حور انا تعبت ولازم ننهي الوضع السخيف الي احنا فيه كمل وقاصد يجرحها :حور انا ابي وحده تحبني تتفهمني تبادلني الابتسامه كل يوم توريني قديش هي تحبني وماتتخيل حياتها بدوني بس للاسف كل الي اشوفه منك انانيه مالها مثيل خايفه اطلقك خايفه ارميكي هذا هو السبب الوحيد الي مخليكي على ذمتي حور انا ماقدر احب انسانه متبلده المشاعر مثلك وانتي ماتحسي بالامان لانك مو واثقه فيا لانك ماتحبيني لو تحبيني صدقيني بتحسي بالامان حور انا الي مااحس معك بالامان احس انه لما عمي بيسامحك راح تتركي البيت وتطلبي الطلاق فكري ساعتها مين الظالم ومين المظلوم
وخرج من غرفتها وهو يقول لنفسه"والله مو هي الانانيه انا انا الاناني البنت كل الي تبيه حضن دافي ينسيها قسوه الزمن عليها بس انا الي شكلي خلاص تعبت احبها وهي مو راضيه تحس ثلج بارده بارده "
حور من الصدمه جمدت مكانها راشد ذلها واهانها كما لم يهنها من قبل
قالها مايبيها ومتحملها عشان ظروفها خلااااااااااااااص مستعده اموت ولا اجلس في بيته
بس ههه اضحك على مين انا مالي غير بيته اه ياراشد حبي لك ذلني بس ياليت تفهمني وتقدر الي انا فيه
<<تفهم الامور على كيفهاا غصب عنها لانها حاسه ان الكل اتخلى عنهااا>>
ثاني يوم
العصر
صحي نواف هومبسوط جنته جمبه وبصحه كويسه
جنى قامت من النوم على همس دافئ صهرها
:جنو حبيبتي قومي يالله
:صباح الخير حبيبي
نواف:صباح النور على احلى وارق واجمل بنوته في الدنيا
خجلت وقامت تتروش و تصلي وبعد ماخلصت جات جمبه وتسنده على كتفه:صليت
نواف وهو يحوط كتوفها بذراعه:ايه ياقلبي جنو جوعانه
جنى الي ميته جوع:شوي
نواف :افا ياذا العلم جنو جيعانه وانا ماادري
الحين يجيكي احلى غدا بس لاتنسي تاخذي الدوا
جنى:حاضر
وقام نواف عشان يطلب الاكل
في بيت ابوزياد
كان موجود ماجد ورماح ولينا ينتظرو زياد يجي عشان يسلمو عليه
زياد الي قام الصبح بدري وودا عياله لحسام وبعدها طلع معاه للمستشفى وقابل المدير واتكلم معاه في التفاصيل وبلغه انه لو حصل نصيب راح يداوم بعد شهر لانه مرتبط بمواعيد عمليات هناك والمدير رحب فيه وماصدق انه يوافق"زياد صار له اسمه في عالم الطب واتعرض عليه كثير يدرس في جامعات لكنه ماكان يبغى هو يفضل و يحب العمل الميداني بس كان يلقي محاضرات بين فتره وفتره
كان اسمه من اهم الاسماء في عالم جراحات القلب مشهور وله وزنه برغم انه شاب لم يتجاوز الـ31 من العمر"
في بيت راشد
راشد صحي مقهور من نفسه "انا رحت اطمن عليها ولا اغثها والله خايف اروح مالاقيها انا اهنتها امس انا بجد مهبول "
راح لغرفه سوسو لقاها تلعب
راح شالها وباسها :سوسو الحلوه فين ماما
سوسو وهي تحوط قبه ابوهااا:ماعلف دات الصباح واتدني حليبا وبث
"مااعرف جات الصباح واعطتني حليب وبس"
راشد ارتاح يعني في البيت"وين بتكون هذا وانت مطربها امس باعذب الكلمات ومفهما مضبوط انه مالها بيت غير هنا "
سوسو بدلع:بابا ماابغا حليباا حليباا يع يع دول لماما ثوثو ماتبعا حليبا الله يحليك<<بابا ماابغا حليب قول لماما سوسو ماتبغاا حليب الله يخليك>>
راشد ابتسم على دلع بنته "والله لو امك تدلع علي نص دلعك وربي اروح ملح اخ بس":طيب حبيبتي
انا دحين انزل واقول لماما وباسها وتركها تكمل لعبهااا
:حور حورحــــــــــــــور
:نعم راشد بغيت شي
راشد ايه انتي:لا بس ليه تاركه سوسو لوحدها
حور هه ماهه الا بنته ولا انا في قريح:كنت اسوي الغدا
راشد اخذ نفس:حور اسف
حور ببرود:لاتتاسف معاك حق خلاص راشد لاعاد تفتح جروح قديمه ارحمني وارحم نفسك واذا شفتني جيتك اطردني
ومشيت بدون ماتدي لراشد فرصه ان يبرر
راشد عصب في قريح انا الحمار الي مسوي لك سالفه وجاي اتاسف
المغرب في بيت ابوزياد
زياد والبنات في الصاله رماح حاضنه ذراعه اليسار ولينا حاضنه ذراعه اليمين
ابوزياد
:اعتقو الولد خلاص
زياد:لا يبه خليهم مشتاق لهم حيل
ماجد:سبحان الله وانا لما اشوفكم ماشوف هالدلع معليش يبه انا بسافر 3 سنين يمكن يشتاقون لي ويعاملوني مثله
لينا:اف من الغيره ولا يهمك روح للجين تحضنك اما زيودي حبيبي ماعنده احد
زياد ابتسم :لا كيف انتي ورماح عندي
ماجد ماحب فكره انه بس رماح ولينا طيب وحور وش موقعها من الاعراب
ااااه وش الي احس فيه ومسك صدره بقوه وصرخ:اااااااااااه
ركضو كلهم ناحيته :ماجد وش فيك
ماجد:الم في صدري ااااااااااااه مو قادر
زياد بسرعه بداء يفحصه وبعد ماهداء ماجد :ماجد مافيك شي بس يمكن ارهاق
دقات قلبك طبيعيه بس يمكن مجهد او مضغوط اليومين هذي
ماجد بمزح عشان يخفف جو الرعب الي سيطر عليهم:ههههههههههه هو الي يشتغل مع راشد يعرف راحه
زياد باهتمام:على العموم لازم تروح تكشف الموضوع هذا ماينسكت عليه واذا مو فاضي بلغني وانا اكلم حسام يرتب لك موعد
ماجدماجد انبسط على اهتمام اخوه :طيب
ودعهم زياد وراح لبيت حسام واخذ عياله وطلع على المطار
ورجع للندن
في بيت محمد
وتحديدا في غرفه المعيشه
راما وريمان جالسين يتفرجو على سبيس تون والي في امه خير يغير
محمد جالس يراجع اوراق لمرضاه عشان دوامه العصر
ومندمج
سلام قاعده تصب له شاي وتقطع له الكيك وبعد ماخلصت راحت سحبت كل الاوراق من يد محمد وحطتها على جمب
محمد بعصبيه :لييييييييييه
سلام بابتسامه :لاني ابيك تقعد تسولف معي وبهمس :مشتاق لسوالفك
محمد ابتسم :انتي عارفه شغلي والمجهود الي يتطلبه بس ولا تزعلي طز في الشغل
"محمد من النوع الي مايعبر دايما عن مشاعره لانه دايما عنده خوف من الفقد عشان كذا عمره مابين مشاعره لاحد بس الي سار لسلام في ولادتها والغيبوبه الي مرت فيها خلته فعلا ينهار من جوا ويتعب خاف يفقدها والى الان مانعها من الحمل لانه لسه عنده خوف من انه يفقدها وبعد الي صار محمد اتبدل سار طول الوقت يبين مشاعره وحبه لسلام لانه عرف انه كتم المشاعر مارح يحافظ عليها "
سلام قربت جمبه واعطته الشاي
محمد شرب الشاي وكيّف
وفجاءه:افتح فمك
محمد التفت لها لقاها ماده عليه شوكه فيها كيك:ابغى اأكلك بنفسي
محمد ابتسم "عليها رومنسيه في الاوقات الصح"فتح فمه وصارت تاكله
:ياثلام بابا تحتيه الاتل في فمه وانا لا "ياسلام بابا تحطيله الاكل في فمه وانا لا "
التفت محمد على بنته بصدمه وسلام ماتت ضحك على ملامح وجهه
: ههههههه حبيبتي بابا تعبان من الشغل عشان كذا انا احط الاكل في فمه
راما لسه مو عاجبها الحال غيرانه من ابوها راحت قعدت بينهم :ابأد لوح عن ماما يله لوح الثعل"ابعد روح عن ماما يله روح الشغل"
محمد: هذي وش تخربط
واشر لسلام الي فهمته :حبيبتي انتي تحبي بابا صح
رامابعد تفكير:ثح"صح"
محمد بقهر:وتفكر بعد
سلام : هههههههه طيب ليش تبغيه يروح الشغل اليوم ماتبغي تقعدي تلعبي معاه
راما بزعل طفولي:انا ذعلانه هوا قال يودينا انا وليمان باي باي امث ليث يكدب وبأدين يذي وينام" انا زعلانه هوا قال يودينا انا وريمان باي باي امس ليش يكذب وبعدين يجي وينام" والتفتت على محمد:دبه ومدت له لسانها وراحت جمب اختها تكمل الكرتون الي كانو يشوفوه"هوا الي خلاها تجي لهم انها ماكانت شايفه ابوها بس لما انتبهت وقت الدعايه انه موجود جات وطلعت الي بقلبها عليه"
محمد التفت لسلام بصدمه :هالبنت ماتترك حقها عكس اختها الي قاعده ولا همها شي
سلام بأذيه :ايه ريمان طالعه علي وراما طالعه عليك وقامت وراحت غرفه النوم تطلع لمحمد ملابس الشغل عشان تكويهم
محمد لما استوعب الي قالته راح وراها وناظرها بنص عين:اجل راما طالعه علي ها
سلام خافت:محمد روق هدي اعصابك
محمد وهو يمسكها مع خصرها:الحين اوريكي الروقان على اصوله
ودخل الحمام وهو شايلها وحطها في البانيوه وسط صراخها وترجيها انه يتركها بس صدر لها الطرشه وفتح المويه عليها
:ليمان بابا وماما يلأبو بالمويه تعالي نلأب معاهم
"ريمان بابا وماما يلعبو بالمويه تعالي نلعب معاهم"
وراح طبو مع امهم في البانيو ومحمد مات عليم ضحك وتركهم ورجع لشغله
سلام حقدت عليه وقررت تنتقم
طلعت البنات ونشفتهم ولبستهم ولبست
وخرجو الثلاث لمحمد الي مندمج في اوراقه حس انه في احد يناظره رفع راسه
وانصدم بالمنظر البنات وامهم عليهم ابتسامه هادئه تخوف"الله يستر وش ناوين عليه بس اااااااه شكلهم يجنن الله يخلهم لي "
جات سلام وجلست جمبه والبنات يناظروه بهدوء زي الي يستنو امهم تتكلم :حبيبي
محمد:عيون حبيبك
سلام:قوم وخرجنا احسن مايجو الاثنين الي واقفين على الباب ويعلموك ان الله حق
وابتسمت :ها ايش قلت
محمد والله مو هينه انا لوقلت أي بورط ماعندي وقت وان قلت لا الثنائي المرح الي على الباب راح يمحوني من على وجهه الارض ولما ناظرهم وناظر سلام لا انتو اولى ظز في الشغل والي جابه :طيب عشر دقايق وتكونو جاهزين
وراحو البنات وهم متحمسين
وسلام وقفت لكن محمد سحبها وطيحها في حضنه :تعالي هنا مسويه مؤامره انتي وهالدبب ذول
سلام ابتسمت وحاوطه رقبته بيدينها وهمست:حبيبي بناتك عصاقل ياليت يصيرو دبب وايش اسوي لك البنات يحبو يخرجو معاك وينبسطو لما تكون معاهم وانت لك يمكن اكثر من شهر ماخرجتّهم حرام انا عارفه انك مشغول وشغلك صعب
بس حبيبي بناتك محتاجين شويه اهتمام منك
محمد بخبث:بس البنات الي محتاجين اهتمام
سلام انحرجت:طبعا لا امهم ماتمانع بشويه اهتمام وكملت بصدق:بس صدقني شوفتك عندي بالدنيا كلها لما اشوفك نايم ومرتاح البال احس الدنيا مو سايعتني من الفرحه وحضتنته :حبيبي انا عايشه عشانك وعشان بناتنا
محمد ذاب منها بس كشر:وانتي هذول في كل شي حاشرتهم معاي
سلام بحب:وي تغار من بناتك حبيبي ترى غلاهم من غلاك
محمد حضنها بقوه وباس راسها:قومي قومي لا انهبل واسحب ام الروحه
سلام قامت بسرعه تعرفه من نظراته مارح يجيبها لبر
لبست عبايتها ولبست البنات جزمهم وطلعت وبناتها قدامها ويدها في يد حبيب عمرها
في بيت ابو زياد
ابوزياد ولينا جالسين يتغدو
لينا بتردد:بابا
ابوزياد:هلا
لينا :بابا ابغى انادي البنات يعني نسهر وكذا
ابوزياد عارف يابنتي انك محتاجه اخواتك بس مو بيدي:ايه يبه مايخالف اعزميهم وتونسو
لينا بخوف:بابا وححححور
ابوزياد اتنهد"ااااااه ياحور عارف اني ظلمتك يابنتي بس مااقدر اسامحك لازم انتي الي تجيني وشكله ماعندك نيه حتى بنتك حارمتني شوفتها الله يسامحك":لا
لينا عارفه مافي امل:اجل ماله داعي العزومه
ابوها تنهد:براحتك
وكملوا كلهم
في بيت ابو راشد
في جناح خالد
لمى قبلها ناغزها على خالد من بعد ماوصلهم
للبيت بعد الفرح ماعاد شافته طلبوه بالشغل وقلبها يعورها حاسه انه فيه شي
بعد ربع ساعه خالد فتح باب الجناح لمى بس لمحته طارت تحضنه
:حبيبي ليه اتاخرت وليه ماتطني والله قلبي واجعني عليك
خالد وهو متالم :حبيبتي بعدي شوي عورتيني
وبعده عنه لمى وراح للكنبه واسترخى عليها
لمى خافت والدموع اتجمعت في عينها:حبيبي ايش فيك
خالد ابتسم على خوفها كل مره يروح مداهمه تسوي فيه كذا ولا تنام الا لماتشوفه:حبيبتي اتعورت في المداهمه
لمى خافت:كيف اتعورت
عارف ماحيعرف يكذب عليها :طعن سكين بس خفيفه في كتفي
لمى طاحت على الارض من الخوف ماقدرت وجلست تبكي
خالد يوم شافها تطيح على الارض خاف عليها :لمى حبيبتي وش فيك لاتخافي والله خفيفه حتى شوفي وفصخ التيشيرت الي كان عليه
واشر على مكان الجرح
لمى مسحت دموعها وجلست على الكنبه جمبه وببرائه:متاكد خفيف مايعور
خالد ابتسم:لا حبيبتي مايعور بس عدت سلميه ليه كل هالخوف
لمى:ياسلام ماتبيني اخاف عليك خالد انت روحي شلون ماتبيني اخاف على روحي حرام عليك وقربت من كتفه السليمه وباستها
خالد حضنها بقوه :اكيد مانمتي اعرفك الله يهديكي بس
لمى:ولا ابغى انام وانت مو جمبي
:بـــــــــــــــابــــــــــــــــا
وركضت له وطبت بحضنه
خالد مسكها وطاح فيها تبويس:عيون بابا انتي
اسيل :لا اتت تدول لمى عننون بابا انا اممممممممم مااعلف انا هبيبي بابا
"لا انت تقول لمى عيون بابا انا امممممم مااعرف انا حبيبه بابا"
خالد باس خدودها:ايوه انتي حبيبه بابا اسوله فين نوافي
اسيل بغيره:نايم اند ماما "نايم عند ماما"
خالد نزلها من حضنه :طيب حبيبتي انا تعبان وابغى انام لما اصحى العب معاكي طيب
اسيل عجبتها الفكره:تيب
وراحت
خالد سحب لمى معاه للغرفه وراح لولده الي نايم في مهاده وباسه :والله هالولد حليوه ياربي متى يكبر من ثلاث شهور وهذا حجمه
لمى وهي تطلع لخالد بيجامه:هههههههه بالعكس كبر وصار ثقيل ومااقدر اشيله
خالد جا عندها وحضنها من ورى :هذا لانك بتموتي من قله الاكل
وصايره عصا ماتنشافي
لمى:حبيبي اتركك من جسمي الحين وادخل خذ دش على ما اجهز لك الاكل
خالد باس راسها:اااااه قديش احبك والله اني اموت فيكي
لمى بحب:وانا اكثر
في لندن
عند زياد
الي اتخذ قراره بانه يرجع جده بس خايف على عياله من ابوه واهله خايف اخواته مايحبو عياله "بس رماح ولينا اكيد راح يحبوهم ويعاملوهم كويس يالله هم مارح يحتكو فيهم كثير بس يادوب من اسبوع لاسبوع لاني راح اعيش لوحدي بس عيالي اخليهم عند مييييييين لاجيت اروح الشغل اممممم لقيتها ادخلهم روضه هم الحين 4 سنوات يعني يمديهم يخشو تمام كذا المهم ارجع جده الغربه هلكتني"
بعدها باسبوعين
فيصل دق على عبدالله ونواف والعمان والعيال كلهم وبلغهم انه ابوه تعب ودخله للمستشفى والكل راح له ومانعين عنه الزياره
لانه في العنايه المركزه
ابو راشد وابو زياد وعبد الله وفيصل ونواف ومحمد كانو عند الدكتور المسؤل عن حاله ابو عبدالله
ابو زياد بخوف على اخوه الصغير:ها يادكتور طمنا
الدكتور بقلق:والله الحاله حرجه وهو الله يهديه كان مهمل نفسه ومايخذ دواه بانتظام وهذا الي سبب له جلطه في القلب
ولازم نعمله عمليه باسرع وقت
نواف:خلاص نسفره بره
عبدالله:ايه نسفره بره
الدكتور قاطعهم:ماله داعي لان هذي العمليات تتعمل عندنا
وفيه دكتور شاطر راح يجينا من لندن ومشاء الله ماعمره عمل عمليه قلب وفشل فيها ممتاز جدا واحنا لنا سنه نعرض عليه انه يشتغل عندنا ومن حسن حظكم امس الي قرر انه يجي خلاص بس فيه مشكله
فيصل بقلق :وش هي
الدكتور:مارح يجي الا بعد اسبوعين وابوكم حالته ماتسمح انه ينتظر اسبوعين
عبدالله بقله حيله:والعمل
الدكتور:ممكن تطلبو منه يجي على حسابكم الشخصي هو هذا الشي مكلف نوعا ما بس هذا الحل الوحيد
ابوراشد:مو مشكله اعطينا رقمه واحنا بنتفاهم معها
محمد:اعطيني الرقم يادكتور فؤاد"هذي هي نفس المستشفى الي يشتغل فيها محمد وحسام لكنهم مايعرفو بعض"
الدكتور :حاضر يا دكتورمحمد وقدمه العافيه انشاء الله
واعطا الاسم والرقم لمحمد
وخرجو
عبدالله:محمد كلمه الحين
محمد:وش الحين الله يهداك الساعه الحين عندنا 7 الصباح يعني لسه يادوبها 5 الفجر هناك خل عندك ذرابه
نواف سحب الرقم من محمد بعصبيه :انا ماعندي ذرابه ابوي بيروح مني ودق الرقم وانصدم لما طلع له في جواله اسم زياد<ابو بدر>"صح انا شلون راح عن بالي زياد والله اني مخرف"وغصب ابتسم والكل مو فاهم سر هالابتسامه
:الو
زياد بفرح:هلا وغلا بالي من تزوج سحب علينا
نواف بهدوء:هلابك زود
زياد خاف نبره صوته ماتطمن:خير نواف وش فيك احد صار له شي
نواف بتوتر:ابوي
زياد خاف بجد لانه وبالرغم من الي سواه فيه عمه ابو عبدالله الانه يعزه:وش فيه عسى ماشر
نواف:ابوي محتاج عمليه قلب ولازم تجي والله محتاجك ياخوي
الدكتور عطانا رقم الدكتور الي بيجي عندهم بعد اسبوعين وقال انه نقدر نجيبه قبل وبسرعه بس على نفقتنا الخاصه وطلع انت هذا الدكتور
والله مادري كيف نسيتك ياخوي بس شكله من زود الخوف
زياد توه استوعب:مسموح ياخوي وماعليه شر انشاء الله و باذن الله اول ماالاقي حجز انزل جده
نواف:انت متى تبي تجي
زياد:لما الاقي حجز
نواف بهبال:انت ثور
زياد:نعم خييير يالهيس
نواف:انت ناسي اني كابتن في الخطوط واقدر ادبر لك حجز
زياد:ايييييييه صح راح عن بالي المهم احجز لي ولبدور ومجود على بعد بكره على مااجهز اموري واظبط وضعي بس ياويلك لو احد يدري عنهم انا ابيهم يستقرو ونفسيتهم تستقر وبعدها يصير خير
نواف ابتسم :اوكي بس وين بتسكن
زياد:يانك غبي احجز لي في الهليتون هو صح بعيد عن المستشفى بس امان اقدر اترك العيال فيه
نواف:لا والله المهم يصير خير لاجيت يالله ماعطلك وابلغك بموعد الحجز على المغرب
زياد:على خير انشاء الله ولاتشيل هم انا الحين بكلم مدير المستشفى واخذ منه تفاصيل حاله عمي
نواف:تسلم
وقفل والكل يبي يعرف ايش صار
التفت نواف لهم:الحمد لله خلاص بعد بكره جاي
محمد:مشاء الله مطيح الميانه معه
نواف:ايه يوم كنت اتعالج كان دكتور في المستشفى الي انا فيها ولاني قعدت هناك ثلاث سنوات فاكيد اعرفه لانه عربي
محد حط باله معاه او حس انه يكذب لانهم شايلين هم ابو عبد الله
"نواف حب يشوف رده فعلهم لما يشوفوه "
|