| بعد يومين نواف كان ينتظر زياد في المطار وعلى طول اخذه للفندق وترك عياله هناك بعد ماوصاهم عليهم
وطلع مع نواف للمستشفى
نواف :السلام عليكم
الكل:وعليكم السلام
عبدالله:ها جبت الدكتور من المطار
نواف:ايييييه اوف ياهو حر سحت
خالد:وينه اجل
نواف:راح للمدير عشان ياخذ الملف ويستلم شغل
عبدالله :ماقالك كم بياخذ
نواف:مااعرف لاشفتوه اسالوه انا تعبت
وبعد شوي جاهم حسام
:السلام عليكم
الكل:وعليكم السلام
ماجد سلم عليه :هلا والله بحسام
حسام:سلامة عمكم قدامه العافيه والله من يوم دريت انه هنا جيت اتمطن
ماجد:تسلم والله
حسام: الله يسلمك واي شي تحتاجوه انا حاضر اهل زياد اهلي
ابو زياد:ماتقصر
حسام:تسلم يالله انا استاذن وانشاء الله اجيكم بعدين
وراح "زياد رسله يشوف من فيه ماكان يبي يحتك بالبنات بس طمنه حسام ان الي في بس الرجال"
وبعد شوي
راشد :والله الدكتور ابطا ترى ماصارت
زياد وهو في يده الملف ولابس نظارته الطبيه ولابس البالطو الابيض والسماعه على رقبته وشكله كاان عذااااااااب:السلام عليكم
الكل؟؟؟؟؟؟؟؟
:وعليكم السلام
ابوزياد راح سلم عليه اما الباقي مو فاهمين شي
ونواف مات ضحك على اشكالهم
زياد:عبد الله
عبدالله:هلا زياد
زياد بجديه ولاكأنه يعرفهم "هذا طبعه بالشغل ماعنده مزح يخووووووف":بما انك الكبير في عيال عمي حمد انت الي راح توقع على العمليه
عبدالله:طيب بس انت وش دخلك
زياد اتفاجاء من السؤال لانه اتوقع ان نواف اعطاهم خبر:نعم
نواف استدرك الموقف:عبد الله زياد هو الي راح يسوي ا لعمليه لابوي
عبدالله:بس الدكتور فؤاد قال دكتور من بريطانيا يعني
قاطعه زياد بحده لانه مايحب احد يستهين فيه :اخ عبدالله هذي كل الاوراق قدامي وانا راجعت حالت ابوك الصحيه وللاسف متدهور زياده عن اللزوم مجبر اني اغير له صمامين في القلب وهذا مو شي هين والله انا دق علي نواف وطلب مني الحضور في هذي اليومين ولا انا المفروض ابداء دوامي بعد اسبوعين لكن راعيت انه عمي وقررت اقدم الوقت اخر شي اقوله
انا وبدون غرور افضل جرّاح يجري عمليات للقلب بجميع انواعها وهذا تخصصي واذا انت مو راضي بأنو انا الي اجريها للوالد اوكي انا ماعندي مانع انا جيت لانه عمي وبس واذا على الجنسيه لاتنسى اني معي الجنسيه البريطانيه بعد (لان امه بريطانيه وولد في بريطانيا)
واخذ الملف معاه ودار ظهره لهم
الكل بدون استثناء انصدم باسلوب زياد الجدي والي خالي من أي نواع من انواع المزح
ابوزياد:زياد
زيادالتفت:هلا يبه
ابوه بهدوء:انتظر واسمع راي ولد عمك
زياد وقف احترام لابوه
عبدالله بتوتر :اوكي مو مشكله متى راح تسويها
زياد وهو يناظر الفايل:نظرا لحالته الحرجه اليوم في الليل باذن الله اذا كانت غرفه العمليات فاضيه
او بكره الصبح على اقصى تقدير
وفعلا تم كل شي وبداء زياد يباشر عمله كطبيب وجراح قلب والاوعيه دمويه وبداء بالكشف على حالتين فقط
وبعدها بداء بالاستعداد لاجراء عمليه عمه والصراحه كان خايف لان كل شي بيد الله مع انه واثق في قدرته وامكانياته لكن برضو الخوف موجود
وعلى الساعه 8 ليلا
في المستشفى
الكل ولااول مره ودون استثناء موجود
لانه اول مره احد من العائله تجرى له هذا النوع الخطر من العمليات
"ابوراشد وابو زياد وابو لجين الي جا من المانيا على المستشفى وراشد ومحمد وخالد وعبد الله وفيصل ونواف وماجد ولمى ورؤى وسلام ولجين وجنى وحورولينا ورماح"
وتركو الاطفال عند الشغالات كان الكل قلقان على ابو عبد الله
خارج غرفه العمليات كل العائله واقفه
وابو عبد الله تم تخديره داخل غرفه العمليات
جاهم زياد وهو لابس لبس العمليات ووراه اثنين دكاتره مبتدئين
زياد:دكتور فيصل ودكتور عبد الرحمن ياليت تتفضلو لغرفه المشاهده العلويه
وطلعو للغرفه العلويه طلع الدكتور فؤاد من غرفه العمليات وبلغ زياد ان الوضع تمام وانه مافي داعي لوجوده لكن زياد اصر لانها اول عمليه له في هذي المستشفى
:معليش بس انت عارف شرطي انه اول عمليه مدير المستشفى لازم يدخلها معاي مو لـ شي بس هذي عاده عندي
فؤاد:هههه حاضر على امرك ويالله منكم نستفيد ورجع دخل
زياد قبل مايدخل التفت لهم :سؤال ليه كل العائله مو جوده هنا حتى البنات موجودين بس كويس دخلتوهم الاستراحه والله مالكم داعي
وعموما راح اطلع لكم ممرضه تبلغكم عن اخر التطورات كل ساعه
فيصل بذعر:ليه العمليه كم ساعه
نواف ابتسم لانه عاش مع زياد فعارف انه هذا النوع يطول:على الاقل 8 ساعات
زياد :اشوفكم بعد العمليه ادعوله
فيصل يساسر محمد:انا مو مطمن لزياد ياخي شكل مايعطي انه دكتور
محمد:لا والله لاتظلمه انا عملت سيرش عنه على النت والله طلع مو هين وله وزنه
عبدالله:اهجدو انت وياه
وبعد ساعتين طلعت الممرضه تتطمنهم وبعد ماطمنتهم:فين مستر نواف
نواف :انا
راحت الممرضه له وقالت له كلام بالمساسره محد سمعها غيره
الكل التفت لنواف
ابوزياد:وش تبي ذي
نواف ارتبك الله يقطعك يازياد:ابد ماتبي شي
الكل ماصدقه اصلا مامشيت على احد بس طنشوه
مو وقته
نواف بعد عنهم ودق على الرسبشن حق الفندق يطمن على عيال زياد "هذا الي طلبه زياد منه لما كلمته الممرضه"
ورجع لهم
بعد اربع ساعات
عند البنات مابقي غير لمى وسلام وحور ورماح وجنى
رؤى ولجين ولينا راحو للاولاد جبرو رؤى تروح لانها منهاره من الخوف على ابوها فجبرها عبدالله تروح
رماح طلعت من الاستراحه:عبد الله عبد الله
جاها عبدالله :هلا رماح
رماح مسكت يده:حبيبي هدي انشاء الله يطلع منها بس لاتسوي في روحك كذا شوف من اربع ساعات وانت واقف حبيبي مايصير كذا عبدالله ماقدر حضنها بقوه وماهمه احد لا الناس ولا البنات ولا العيال الي ناوين يتريقو عليه بس لما ابو عبد الله يفوق
:محتاجك
رماح وهي شد عليه :حبيبي انا هنا لاتشيل انا معاك بس الله يخليك اجلس واهدا شوي
باس راسها :تامرين امر كم رماح عندي
رماح بمزح عشان تخفف عنه :انا بس
عبدالله مسك يدها وبااسهاا وابتسم:ومابي غيرك
وبعد ساعتين كمان
فيصل فار دمه:الحين مو قلتو ثمانيه ساعات هذا هو لهم عشر ساعات ولا طلعو
نواف ببرود:عادي ياماتحصل
ماجد بريبه:وانت ايش الي مخليك واثق كذا
نواف يصرف:نسيت اني قاعد في المستشفى ثلاث سنوات ماعندي شي غير التملقف
وبعد ربع ساعه طلع زياد ميت تعب
:الحمد لله على سلامته العمليه نجحت بس لازم يفضل في العنايه يومين على مانطمن عليه وبعدها ننقله غرفه عاديه عشر ايام
يالله عن اذنكم
ابوزياد:وين رايح يبه
زياد:الفندق تعبان مااشوف طريقي
ابوه عصب:وش فندقه الله يهداك تعال البيت
زياد توتر:يبه
قاطعه ابوه:اللحين تروح تجيب قشك وترجع البيت
زياد:طيب ابي احد يوديني حسام خرج
"ونواف والله مادرى عني"
ماجد:انا اوديك
زياد ولّيّه لا بالله انفضحت يازياد :طيب يالله
وخرج زياد مع ماجد وهو كل شوي يدق على الغرفه ومافي احد يرد عليه وكلم الرسبشن وقالو له انهم مايدرو عنهم من اربع ساعات هنا زياد مات خوف ورعب على عياله :انا الغلطان تاركهم لوحدهم مجنون تاركهم 12 ساعه ماادري عنهم والتفت على ماجد:
ماجد الله يخليك بسرعه على الفندق
ماجد:هدي ياخوي وش فيك متوتر
زياد:ماجد ماعندي وقت اشرحلك
وبعد عشر دقايق
وصلو الفندق وطار زياد زي المجنون ولحقه ماجد لانه خاف عليه ودخل وراه الغرفه وانصدم بالي شافه
زياد اول مادخل الجناح راح غرفه النوم
ولقى بدر صاحي وماجد نايم
زياد وهو يحضن بدر:حبيبي ليه ماترد
على التليفون خوفتني
بدر ببرائه :انا تت نايم مع مجود ولحت الحمام بعدين انت جيت "انا كنت نايم مع مجود ورحت للحمام وبعدين انت جيت"
زياد ارتاح:الحمد لله والله مت خوف عليكم يابابا
بدر:احنا لدال"احنا رجال"
زياد:هههههه اسمها احنا رجال مو رجّال
وحضنه بقوه وهو يبوس راسه و يتأمله كأنه خايف يفقده والتفت لكن انصدم بوجود ماجد بالغرفه ومن الصدمه لانه ماكان يدري ان ماجد لحقه بعد ولده من حظنه وارتبك"رحت فيها يازياد لا بالله رحت فيها"
زياد بارتباك:امشي للصاله وافهمك
مشي معاه ماجد وهو معصب:فهمني مين هذول |