 رد متميز  حب8
يبدو أن لي شرفَ المقعدِ الأول ! 
-
السلام عليكم و رحمة الله وبركاته
كيفَ الحال لايت ؟! إن شاء الله أمورك طيبة 
ربطتي لساني يا فتاة بقصتكِ البسيطة ! '(
فعلاً ما أدري ليش الابتسامة ما فارقت وجهي وأنا أقرأ السطور اللي خطيتيها
كل اللي أقدر أقوله .. أن أسلوبك في السرد أسرني
وبكل صراحة ، واحد من أجمل الأساليب اللي مرت علي في المنتدى :good:
كل اللي قدرت أفكر فيه بعد ما خلصت .. أني كمستجدة قدامي طريق طويل لين أوصل
لمستواك ما شاء الله عليك 
والله مدحوا لي أسلوبك من قبل بس من جد كسرتي على توقعاتي يا فتاة 
القصة كانت بسيطة .. الروتين اليومي لمدمنة نيسكافيه 
ومع أنها زي ما ذكرت بسيطة وقصيرة .. إلا أني بمعنى الكلمة استمتعت فيها
كانت عفوية بشكل لطيف .. أهنيك
غير أن أسلوبك اللي مستحيل أوفيه بكلماتي أعطى القصة لمسة أسطورية !
وصفك فعلاً جذبني لدرجة ما تتصوريها
والعنوان كان غريب بالنسبة لي في البداية ، لكن بعد ما أنتهيت قراءة
وأنتبهت على حالتك وكذا .. صرت أشوفه لطيف
فعلاً شكلك مدمنة نيسكافيه مثل وحدة ببالي
بما أني ما أقدر أعبر بالكلمات عن أسلوبك وكذا نطير للأحداث
اللي كانت خفيفة على القلب
من السطور الأولى .. توقعت القصة راح تدور حول أميرة
وبالنهاية تطلع لي العصبية أم الشعر المنكوش هذي 
بس والله أني حبيتها وحبيت هبالها من قلب XD
و مانويل يمثل الأخو الصغير المزعج اللي أتوقع موجود في أغلب البيوت
يحوس بالأغراض ويرفع لك ضغطك لين تصير أمنية حياتك تعلقيه مصلوب 
لا وبعدين تطلع المسكينة وما تلقى ولا سيارة أجرة فاضية
بس ما تيقنت أن حظها مخيس إلا لمن غرقها الزفت بالوحل هو وسيارته
بس جت على بالي أفكار غبية .. مثل هني بتبدأ قصة الحب
و بيوصلها و و و و .. من روتين معتاد ! خ
لكن وقسم أنها قتلتني من الضحك لما انقضت عليه ودمرت
قصر الرومانسية اللي في خيالي:lamao:
والله حسيته بيتشهد من الوحش اللي قدامه
وبعدين لها وجه تدخل العمل وهي كذا حالها مخسوف وتحسب ما أحد
بطالع فيها *ماتت ضحك* والله في عقلها شي
وعشان يكمل يومها الزفت ذا لازم يستدعيها المدير .. يا أنها كسرت بخاطري ×_×
بس صراحة جابت العيد والكريسماس لما قالت له والله زوجتك مسكينة :lolz:
هني أني قلت خلاص بتنتهي قصتها المأساوية بطرد مؤبد O_O
بس بعد قلبي دييغو الكيوت ذا '( والله أني حبيت الشايب ذا من قلبي 
أجل يهدد مديره ؟ بس والله أنه كفو و رجال
لا وجهز لها النيسكافيه بعد .. أبي أحضضنه ذا الشايب الكيوط 
في النهاية المدير وبطلتنا مدمني منبهات بشكل فضيع و واضح إذا ما حصلوا
اللي يبونه خلاص يهسترون هسترة مو صاحية :hehehe:
عن نفسي أبد ما أقرب المنبهات .. لأنها صراحة تخليني أنعس
< أدري أني عكس الخلق مع وجهي خ
+ واللي معها في العمل بس يطالعون فيها .. أحسهم كذا يفكرون وش متعاطيه البنت
من صباح الله خير ؟! بس واضح متعودين الله يصبر قلوبهم
وكلمات النهاية .. كانت بالفعل أجمل خاتمة
آه يا إلهي .. والله أنك من جد متعتيني بقوة بقوة
أبد ما حسيت بالوقت إلا و أشوف نفسي خلصت .. وأنكسر قلبي الصغير ح0
بس فعلاً أتمنى أشوف لك قصص أكثر
مبدعة والله ! وأعذريني إن كان ردي ما يوفيك حقك =(
وأكيد جاري التقييم + اللايك + الفايف ستارز
في أمان الله يا جميلة
التعديل الأخير تم بواسطة Prismy ; 01-24-2015 الساعة 10:57 AM |