ركز شوي
ايام تفجيرات شارلي بفرنسا و مشاركة بعض المسؤولين بالمظاهرة
الكل انتقد باسلوب ملتوي و تنجب ذكر اسماء "خوفا من بيت الخالة " وما بلومهم
لكن الغريب ان البعض وجه رسالة واضحة للملك بدون التواء
حتى انو صار نقاش هاد على الفيس "هو الاكثر مراقبة " منتقدا الملك
في قروبات كلها عشائر اردنية و مع ذلك الكل نقاش باحترام و بشكل واضح
و مع راح عمو " الادمن " حذف الي انكتب
و الغريب توجيه احدى الممثلين ــــ الي يا دوب معروف على مستوى الاردن ـــ نقد قوي
طبعا هاد كلو للحاكم
و مع شفت حدا حذف اله اشي او انقطع الراس تبعو
طيب ركز كمان شوي معي
هون بالمنتدى في كثير مواضيع انكتبت عن السيسي عن مبارك عبد الله بشار ..... الخ
والكل تناقش بادب واحترام و نقد
بس ما حدا اجا اتهم الشخص الثاني بعدم انسانيته وانه ما بحس
طيب حتقول هدول بعدهم عايشين
ياما تناقشنا عن القذافي بعد موته
وعن حافظ
وعن الصدام
و حتى عمر سليمان بعد موته باقل من يومين حصل نقاش بقسم الحوارات
و انتقل الموضوع لاشبه بالمناظره بين عضوين
بين واحد يذكر سلبياته و تاني يرد بالايجابيات
و ما شفت حدا حذف الموضوع
ولا حدا نط وقال حرام ما هو مات
ولا شفت حدا قال هيك بتجرحوا ليبين والمصرين والهنديين
بالعربي و بالمشرمحي و بشكل واضح
مش من حق اين كان من الاداري للمشرف المؤقت يحذف كتابة بالمدونة لانها بتخالفك
طالما ما اذت حدا و لا فيها سب و شتم ولا فيها شئ خارق للعادة
مدونتي مليانة كتابات و نقد لسياسين ما شفت حدا حذف اشي
كلمة عادية عن عبد الله ال سعود تنحذف
هاد كيف لو كتبنا موضوع لنقاش توقف دائم مثلا
لما نكتب عن السيسي ما بنقصد المصرين
لما نكتب عن عبد الله الثاني ما بنقصد الاردنين
لما نكتب عن عباس ما بنقصد الفلسطينين
لما نكتب عن السبسي ما بنقصد التونسين
لما نكتب عن عبد الله ال السعود ما بنقصد السعودين
رايي و حر فيه و الملوك كلهم زي بعض
و اذا عندك راي مخالف تفضل اثبت ما تروح تحدف
بالعربي الواضح لا حدا يحذف كلمة من مدونتي طالما مافيها اذى
و الحاكم رح يخلده التاريخ بشره وخيره
و بيوم رح يكون جزء من منهج تدريس
مش راح توقفوا تقولوا اذكروا محاسن موتاكم
لا حدا يحذف اشي احنا هون مش بغرفة مخابرات
عالم الحر للكتابة طالما ما بمس شخص
و الحاكم مش الشعب
لا تفرض على الناس رايك