البارت 40
رجع محفوظ للمزرعه مع أبوه
نزل هو وأبوه
ودرر كانت قاعده عند الأحصنه
ولما شافت محفوظ وابوه جو راحت لهم
تقدمة لهم
محفوظ بأبتسامه : يبه هاذا عماد الي تكلمت لك عنه ، كل شي فيه زين حتى شغله
ابو محفوظ مد يده
وعطا ظهر يده لدرر بمعنى انها تبوس يده
درر طالعة بمحفوظ بصدمه
محفوظ طالع بأبوه ثم حك راسه ولف على درر
وأشر لها بعيونه انها تبوس
درر طالعته بنص عين
ثم مسكت يد ابو محفوظ وسلمت عليه سلام عادي بدون ماتبوس يده
ابو محفوظ سحب يده بعدم رضا بالي سوته
تقدم هو ومحفوظ للأسطبلات
ومحفوظ صار يقول لأبوه عن الي سوته درر
ابو محفوظ: ماشاء الله ماشاء الله ، شغل عليه الكلام، خﻷص بأذن الله بيكون صبي عندنا ذا الولد
محفوظ : كويس
ابو محفوظ : يلا ردني للبيت
محفوظ : سم ، أسبقني يبه لسياره واجيك
ابو محفوظ راح لسياره
محفوظ لف على درر بجديه : معاملتك مع ابوي لازم تتغير ، ابوي اللحين بحسبة ابوك ، واي شي يطلبه قل تم وامر وسم ، وأذا مد يده علشان تبوسها ، بوسها ليش ماتبوسها لأنه مثل ابوك الثاني ، وبعدين بوسه يعني احترم لكبر سنه ، حركة الي قبل شوي لا تنعاد
درر : معليش يامحفوظ......
قاطعها محفوظ بجمود : سيد محفوظ ، لاتنسى نفسك
درر طالعة فيه بصدمه ، يعني كل هاذا علشان انها ماباست يده
درر بجمود : الي ابغى اقوله ، ابوك راح احترمه فقط لاغير ، اما اني ابوس يده وراسه ومدري ايش ، هاذي مو شغلتي، شغلتي المزرعه وبس ، وأذا كنت خايف اني ازعل ابوك ، لا تخليه يجيني ، وانا ماأرضى على نفسي الأهانه ، معاد بقى الا ابوس ايد ناس اغراب
محفوظ بحده : هذولا الناس الأغراب ، لملموك من نومة الشوارع ، حنا لنا عليك فضل كبير ، ومعروف اكبر ، ماأبي منك مقابل ، كل الي ابيه تنفذ الي اقوله وبس
ابو محفوظ بصراخ : يا محفوظ يلا
محفوظ : ابشر يبه دقيقه
محفوظ لف على درر : كلامك الي اللحين اول مره واخر مره اسمعه ، واي شي اكلبه منك قل سم ، وابوي لبه لو بعيونك
راح محفوظ وركب السياره وطلع من المزرعه
اما درر كانت بحالة صدمه قويه ، كيف تغير فجئه ، ولا هو طلع على حقيقته
حاولة توقف تفكير فيه ، وراحت تقعد