السلام عليكم
اخواتي انا عم تدور اسئلة كتير ببالي ما عم لاقيلها جواب...
مؤخرا صرت عم اكتشف اشياء فضيعة بالناس الي بعرفهم, بصراحة انصدمت كتير بناس قراب مني كنت باعتبرهم كل شي بحياتي..و لاني بنت طيبة ونيتي صادقة و بوثق بالناس بسرعة اسنغلو طيبني و ثقتي.....
انا ما رح اوجعلكم راسكم و احكيلكم قصة حياتي بس بدي منكم تحاولوا تلاقوا اجوبة لاسئلتي..
- ليش كل ما قربت حدا منك ودخلتو لحباتك بيكون هو الوحيد الي بياذيك؟
-ليش الي بنوثق فيهم و بنخلصلهم و نامنلهم هم الي بيخذلونا و يبيعونا؟
-ليش الي تحبو وتضحي عشانو و تكون منيح معو يتفنن بتعذيبك و جرحك؟
- وليش بعد كلشي بيعملو معك ما بتقسى عليه وتظل تحبو وتتمنالو الخير هل لانك غبي؟
-كيف بدك تحمي حالك من الاذية و خاصة انو ما عاد فيك توثق بحدا مرة تانية؟ كيف بدك تعيش و سط ها الظالمين وانت ما بتقدر تشوف الشر فيهن؟
-هل لازم تكون متلون مشان تعيش بها الدنيا؟ ولا تبقى على حالك و بتظلك تنجرح؟ كيف لازم تعيش؟
بس الشي الوحيد الي بعرفو انو انا بدي ظل نظيفة و صادقة و ما بقدر كون غير هيك لانو اهم شي عندي هو رضا الله
اسفة بنات اذا زعجتكون بس عن جد بدي رايكن و تناقشوني بها الموضوع
تحياتي