عيون العرب - ملتقى العالم العربي - عرض مشاركة واحدة - Sacrifice Is a Girl

**Spirits Demise** · #16 02-28-2015, 01:34 PM

السلامُ عليكمْ و رحمةُ اللهِ وبركاتهْ
كيفك يا كتلة الجمال حقتي ؟! إن شاء الله بخير =$

أنا خقيت أنا =( والله ما أدري أعلق ع التنسيق وجماله ولا ع العنوان اللي طير
عقلي .. أو على المحتوى الججميل
من جد ترا أبدعتي كالعادة صرت قبل ما أدخل أي موضوع لك أستعد للجلطات
المتوقعة يا أختي ! عقدتيني والله .. زين لك تسوين في الخلق كذا ؟!
لكن من جد أحب أقرأ لك تقارير وقسم يا فتاة !
والله أتمنى أشوفك هنا كثير ! كل يومين أبي تقرير منك لو ع كيفي
+ صراحة ما عمري شفت الفلم ذا في حياتي
^ لو تسمعني قامبول [ قوست ] متأكدة أنها راح تمحق وجودي من الكرة الأرضية:lamao:
بس أنه لما شفت سنة الأنتاج و رجعت أخدت طلة على الرسم جتني صدمة !!
يعني من جد الواحد صعب يصدق أنهم طلعوا برسم زي ذا في ذاك الوقت :waat:
من جد من جد الرسم كان أسطوري ع وقته !
عموماً يلا راح أسكت عمري :ha3: و راح أبدأ أعلق ع التقرير الجميل =$

العنوان : التضحية فتاة !
أتعب وأنا أقول أنه عنوان جذاب بمعنى الكلمة ! سلب عقلي وقسم
ما قدرت أربط بين العنوان و الفلم بشكل وثيق مرة .. بس أن هذا لأني ما تابعت
الفلم من الأساس :ha3: لكن جد حسيته يجذب المتابع مو بس للموضوع
لا للفلم بعد عشان يرضي فضوله .. ويعرف سبب اختيار عنوان زي هذا !
وذا الشي بقوة أهنيك عليه ! قدرتي أنك تدخليني غصب موضوعك وفوق هذا
تخليني أفكر بمتابعة الفلم غصب :hehehe:

التنسيق :
التنسيق صراحة ما شاء الله كتلة من الإبداع والجمال ! خصوصاً أنك طلعتي به
مع كل العقبات اللي واجهتك أجل لو هالعقبات مو في الطريق
وش كان راح يصير بعقلي بالله ؟! الحمد لله بس :ha3:
أولاً يا أختي أموت على الألوان الهادئة في الخلفية أنا .. أحب اللون ذا !
اللون كان مناسب جداً للقراءة .. ما كان مزعج أبد للعين =(
غير أنه أكيد لايق على باقي عناصر التنسيق
وبعدين نجي للهيدر اللي أنهى مستقبلي ومستقبل أجيالي القادمة
تباً لا تصممي خلاص إذا راح تجلطيني كذا .. تباً تباً .. أنا أتخرفن كذا طيب ..
والله إذا راح يجيني توحد .. بتكوني أنتِ السبب !!
يا أختي إيلفي فيه طالعة كمية براءة مو صاحية =( لو أشوف بنت مثلها في أنيميات
الحين راح أحقد عليها أبدي .. بس أيام زمان كانت غير :hehehe:
والفواصل .. أصلاً نيتك واضحة .. تبين تحطين نهاية لجنس السناجب المثالي
الغيرة بتقتلك .. لأننا أعلى فصيلة على سطح الكرة الأرضية !!
تباً لك بغيتي تقتليني من جد !! تحسبي أيريس راح يسكت عنك أنتِ و وجهك ذا ؟!
ترا وقسم لا جلطيني حقيقي .. بعلمك كيف .. كيف -بكاء-
الزبدة أني حبييييت التنسيق من فوقه لتحته والله .. كان شي لطيف

المحتوى + الشخصيات :
المحتوى كان جداً جميل .. بسيط وأبد مو ممل ! وبنفس الوقت وصل قصة الفلم
لي وحتى شخصياته بشكل بعيد عن الحرق .. محتوى مناسب لفلم
إيلفي حسيتها من طقة ريمي والشلة لا تسألي ليش :hehehe: بس إنها جميلة صراحة
يخرب بيتها =( ذكرني شكلها بششسمة ! سالي عشق الطفولة حقي
أدري أدري طرت بعيد .. بس والله ذكرتني فيها حيييل :ha3:
و غدير ذا كسر خاطري ! الحين خلصت الأسامي يعني ؟! كسروا رجولته بذا الاسم =/
<~ ما أقدر أركبه ع ولد والله .. متعودة أنه ينعطى لبنات عندنا:lamao:
بس هو ذكرني بـ بيتر ثقيل الدم اللي مع هايدي <~ ما أدري ليش عاد لا تسألي
حتى فاضِل ذا ذكرني بجد هايدي =( نفس العيون والنظرات !!
و يا لبى قلبه أحسه حنون مثله وشششي جميل
أما لؤلؤة تمنيت .. أنها سنجاب ما أدري ليش ! بس ما ينفع صح ؟!
أما شربيل أسفة طول التقرير وأنا أقرأ أسمه شرشبيل ×_×
حاولت أقراه طبيعي ما قدرت والله
تحمست للفلم الزبدة

الرمزيات :
صصصراحة كانت جميلة مرة ! لا هذي إلا جد وضعت لحياتي نهاية
حبيتها مرة وحبيت قد أيش هي ناعمة ! غير أن أختيارك للصور كان مرة مرة جميل
والجودة ما كانت تعبانة مثل ماهو متوقع من فلم قديم زي كذا
أكيد تعبتي لين لقيتي صور مناسبة =(

لا من جد جميلة يخرب بيتها =( مرة مرة حبيت طريقة رسمها !
وحبيت أن لون شعرها يقلب تحت الماي ! تصير تجنن وهي صغيرة خصوصاً لا قلب
يا أخي دخلت قلبي .. شوفيها وهي نايمة .. بالله ما تشبه سالي ؟!
<~ أيه بعدي عندي اصرار ع الموضوع

هذا ما أدري هذي .. الزبدة أن هالرمزية أستوقفتني وأنا أفكر إذا كان الحقير
الا فيها ولد لو بنت .. فعلياً يا أختاه ! =/
يا أخي تسريحة بنات وحاط له حلق في أذنه بس أن فيسه فيس رجال :waat:
مُتشبه بالنساء .. أبي رقم الهيئة ! وإذا كان بنت متشبهة بالرجال =(

الزبدة هنا نكون وصلنا لنهاية ردي
راح أنتظر كل جديد منك يا جميلة
وجاري التقييم + اللايك + الفايف ستارز =$
في أمان الله ودمتي بحفظه.