| اعتذر أبتداء على الأنقطاع وأشكر من قلبي هدو والشيخ أياد على توزيع الرابط معليش ظروف النت ولي عوده قريب بأذن الله صايره احط البارت زي القنبله واهرب أخاف يقفل وانا ماسجلت خروج بتوحشوني بحط لكم عدد خرافي من البارتات أحبكم يااحلى متابعين جوجو وفراشه اسعدتني رجعتكم
(( الفصل السابع و العشرون ))
" بالمطعم كانت ليان و هديل و معهم نواف يتعشون .."
ليان : الحمدلله انا شبعت و بروح الحمام ..
" بعد ما قامت ليان و راحت كانت هديل تبي تروح مستحيه تقعد مع نواف لحالها .. اصلاً ليان راحت بس عشان تخليهم لحالهم شوي .."
نواف ( يكلم هديل ) : انتي لا تروحين انا استنى هاللحظه اننا نقعد لحالنا لان في كلام بخاطري ودي اقوله ..
هديل : قول .. اسمعك ..
نواف : يا زينك .. تستحين مني انا بصير زوجك ..
هديل : عاد لازم استحي الحيا بكل البنات ..
نواف : تهبلين و انتي مستحيه .. طيب يصير أكلمك بالجوال و لا لا ؟
هديل : لا عادي دام اني طلعت معك فعادي تكلمني ..
نواف : تمام معناته رح اسمع صوتك كل يوم ..
هديل ( بكل جرأه خطر ببالها هالسؤال ) : انت تحبني ؟
نواف : اش هالسؤال هدوله لو كنت ما احبك كان خطبتك ؟
هديل : احب اسمعها منك ..
نواف : ايييييه قولي كذا طلعتي مانتي بسهله ههههه.. معناها أي انا احبك و اموت فيك ..
هديل : هههههه .. ما انا قاعده احاول اكون قريبه منك ..
نواف : طيب بدايه حلوه .. اللحين انتي قولي لي تحبيني ؟
هديل : أنا أي ..
نواف : أي وشو ؟
هديل : أي أي ..
نواف : لأ قوليها زي ما انا قلتها ..
هديل : ههههه احبك ..
نواف : الله يا حلاة الكلمه من فمك ..
هديل : تسلم .. ما كأن ليان تأخرت ؟ خلني اقوم اشوفها ..
نواف : خليها احنا مرتاحين كذا ..
هديل : ههههه ما عرفتك انك كذا .. ما يصير و عيب هذي اختك ..
" ليان ملت من الحمام فطلعت برى قدام المطعم تشم هوى و كانت منتظرتها برى مصيبه .. كان عامر يترصد تحركاتها ..شافها عامر لحالها فكانت فرصه ما تتفوت للأنتقام و هذا اللي كان مخطط له من البدايه فقال دام انها بنت شوارع رح اخطفها ما رح تفرق عند اهلها و رح انتقم من بدر .."
هديل : نواف دورت على ليان ما لقتها بالحمامات ..
نواف : ما شفتيها اذا برى قدام المطعم او عند السيارة ..؟
هديل : لأ ..
نواف : اجل امشي خل نشوف ..
" راحوا ما لقوا ليان بس هديل انتبهت على سيارة مواصفاتها نفس المواصفات اللي قالت عنها ليان عن اللي يلاحقها خافت هديل ما عرفت اش تسوي على طول راحت الحمام و دقت على بدر و قالت له .."
بدر : انتي متأكده ..؟
هديل : أي شفت السيارة و اذا تبي بعد اعطيك رقم اللوحه ..؟
بدر : لا ما في داعي .. نواف .. قلتي حق نواف ؟
هديل : لا ما قلت له .. اش بتسوي اللحين ؟
بدر : انا رح اتأكد بنفسي و انتبهي نواف لا يدري عن شي فهمتي ..
هديل : طيب ما رح يدري .. بس ارجوك طمني ..معقول تكون مخطوفه و لا انا قاعده اهلوس ؟
بدر : شوفي انتي دوريها بكل مكان و اقعدي دقي عليها و انا بروح و بشوف .. اتفقنا ؟
هديل : خلاص ..اوكي ..
" راح بدر ركض على اول مكان فكر ان عامر رح يروحه و هو الاستراحه .."
" بالفعل كان عامر خاطف ليان و كان فخور باللي سواه .. كان رابطها بالحبال حتى لا تتحرك .."
عامر : يعني انتي اسمك ليان هاا؟
ليان ( تصارخ ) : يالحقير يالواطي يالمختل اتركني ياللي ما عندك ضمير .. يارب يبلاك بخواتك ..
عامر : الحمدلله ما عندي خوات ..
" ليان قامت تبكي ما هي عارفه اش بيصيراو اش ممكن تقدر تسوي .."
عامر : اللحين قمتي تبكين يوم تقابلين بدر تكونين مرررره مستانسه و مبسوطه ..
ليان : بدر ! انت تعرف بدر ؟
عامر : ايييه هذا كان خويي الروح بالروح و يكون بعلمك عرفتك عن طريقه ..
ليان : الله يلعنك و يلعنه ..
عامر : هدي ترانا للحين ما وصلنا الاستراحه و انا بعلمك اشلون تلعنين صح ..
ليان : .....اه يالحقير ..
عامر : ههههههههههههههههههههه..
" وصلوا الاستراحه و ليان تحاول تقاومه طقته و جرحته و سوت كل اللي تقدر عليه .."
عامر : انتي وحده شرسه يبغالك ترويض ..
ليان : يالواطي يالحقير ..
" و يعطيها عامر ذاك الكف .. كل هذا من حقده على بدر .."
عامر : انا بدر يطقني عشان وحده رخيصه زيك .."
ليان : اتفوه عليك ما الرخيص الا انت ..
" عامر و يعطيها كف ثاني .. و يشد شعرها ....."
عامر : انتي مو كفو الواحد يحبك او حتى يعاملك بالطيب ..
" و يحذفها بقوه عالارض .. و تقدرون تتخيلون حالة ليان بذيك اللحظه مطقوقه طق مو صاحي .."
عامر : بس تصدقين طلعتي مره حلوه خاصه بعد الكف..
" و يحاول يقرب منها .. و ليان تهرب و تشوف صحن زقاير عالطاوله و تاخذه و تحذف عامر فيه .. رمته براسه حتى نزف راسه .."
عامر : اخ .. أنا اللحين عصبت منك حيل و لا رح اسكت ..
" و يلحقها و هي تهرب و يلحق إلين مسكها و يطقها و يطقها نفس ما طقه بدر .. و تحاول ليان تفلت من ايدينه و قدرت و عفست المكان عليه .. و هو ما قدر على بنت هايجه لانه كان لحاله .."
عامر : تعالي يالواطيه يا بنت الشوارع ..
ليان : و الله ما احد واطي الا انت والله ما اسكت لا اوريك و رح اعلمك قدرك يا الحقير ..
عامر : يلا تعالي علميني قدري .. اشوف .. من بيخلصك مني اللحين ..
" اشوي الا الباب انفتح الا هو بدر .. عامر ما توقع ان بدر رح يجي اصلاً ما توقع يوصله خبر اختفائها بهالسرعه .."
بدر : انت يالحقير ما تربيت لكن انا اعلمك ..
" و يطيح بدر عليه ضرب بغا يذبحه لكن ليان هدته ما بغته يبتلي بدم واحد خسيس .."
" اخذها بدر و طلعها برى لما اطلعوا غافلته ليان و عطته ذاك الكف .."
بدر ( يحط ايده على خده مكان الكف ) : ليييه ؟!
ليان : هذا لانك جبت لي مصيبه هذا لان اللي داخل جا عن طريقك انت ..
بدر : والله ما كنت ادري انه واطي .. لمسك ؟ اذا سواها رح ارجع و اذبحه ..
ليان : لا و لا يسترجي على جثتي يلمسني ..
بدر : بس خلاص لا تبكين .. اول ما دريت جيتك على طول ..
ليان ( محروق قلبها و معصبه حدها ) : انت لا تتكلم مالك حق .. هو ..هو جا عن طريقك انت .. اشلون تكلم خوياك عني .. أنا .. أنا .. انصدمت فيك ..
بدر : والله ما كلمت احد عنك غيره الواطي كان هو اقرب شخص لي كنت بس احكي له عن مشاعري و استشيره ما كنت ادري ان الامور بتوصل لهنا ..
" لما اركبوا السياره كان بدر عينه على الطريق و عليها كان متحسر و كاره نفسه لابعد الحدود .."
ليان : اللحين وين رايحين ؟ ..
بدر : بوديك البيت ..
ليان : تمزح ؟! و انا بهالحاله ؟ اش تبيني اقول لآهلي ؟
بدر : لحظه جت ببالي فكره بس ان شاء الله ان هديل و نواف بعدهم بالمطعم .. خليني ادق عليها اتأكد ..
هديل : هاا .. طمني بدر اش صار ؟
بدر : لقيتها و انا جايبها اللحين ..
هديل : وين لقيتها ؟
بدر : مو وقته اللحين .. انتو بعدكم بالمطعم ..
هديل : كنا رح نمشي يوم دقيت انت انا رحت الحمام و نواف برى يستناني ..
بدر : حلو .. اسمعي ارجعي له و قولي له ان ليان دقت عليك و انها جنب المطعم في شوية عيال طقوها و جت الشرطة و اخذتهم .. فهمتي قولي له اللي قلت لك اياه بالحرف .. يلا ليان برى اطلعوا لها ..
" سكر من هنا و نزلت ليان من هنا و قال لها قبل لا تروح .."
بدر : انا آسف ما كنت حاب يصير لك هالشي .. و اوعدك بأقرب فرصه رح اجي و اطلب ايدك ..
ليان : و لا تفكر أنا عفتك صرت ما ابيك ..
بدر : ليان عن العناد .. ترى عامر ما رح يتركك في حالك انا اعرفه و افضل حل اني اتزوجك ..
ليان : لا خله يمكن يذبحني و ارتاح ..
بدر : ليان تكفين لا تكبرين راسك .. اللحين روحي اخوك رح يطلع بعد شوي و فكري باللي قلته ..
" راحت جنب المطعم و شوي وصل اخوها ما دخلت القصه اللي قالتها هديل مخه بس عشان ما يكبر الموضوع مشا السالفه .."
------------------------------------------------------------------------
" راكان و إلهام اللي يشوفهم يقول حبيبان و الحقيقه العكس .."
إلهام : بررررد .. الجو بارد حيل اليوم ..
راكان : تبين نروح مكان ثاني ؟
إلهام : لا شكلي بروح البيت ..
راكان : لاااا .. اقصد تو الناس .. بعدين انا احب اقعد معك .." اكيد ما وده تروح .. ما صدق لقاها .."
إلهام : أي اكيد لاني بنت و انت ما عمرك قعدت مع بنت غريبه صح ؟ و لا انت راعي سوالف بنات ..
راكان : ههههههههه لا انا ماني راعي هالسوالف تركتها للي اصغر مني ..
إلهام : هههههههههههه يعني انت العاقل اللحين ؟ الا قول لي من جد انت ما عمرك قعدت مع بنت غريبه ابد ..؟ حتى حبيبتك ؟
راكان : لأ ما عمري .. ما ابي هاذيلاك البنات الصايعات .. أنا لأني اعرفك زين احب اطلع معك .. اما حبيبتي ليش الكذب قعدت معها مره او مرتين ..
إلهام ( مره ثانيه شكت بكلامه ) : بس انا احس اني اغلط و انا اطلع معك صح ارتاح و انا اكلمك بس الغلط غلط ..
راكان : مو مهم المهم النيه .. و انتي ؟ اكيد الوحيد اللي طلعتي معه هو ابراهيم ..؟
إلهام : كنت احب اطلع معه و يكون هو اللي واقف معي اللحين بدالك لا تزعل مني بس هو خلي .. لكن هو ما يحب يطلع يمكن عشان السمعه او شي زي كذا .. انا قعدت معه مره وحده او بالاصح مرتين يوم كنا بكندا قعدت معه 5 دقايق بس و هنا لما زعلت منه رتبت ليان للسالفه و اجتمعت معه .. و آخر لقاء بالمكتب ما اعتبره لقاء لانه كان هواش ..
راكان : أي اذكر ..
------------------------------------------------------------------------
" ببيت إلهام كان الوضع متوتر ما بين رائد و سعود لما حكوا بموضوع إلهام .."
سعود : بحطها في عيوني و ش تبي اكثر من كذا ؟
رائد : ياخي البنت ما تحبك .. ما تبيك .. السالفه مو غصب ..
سعود : الا غصب انا ولد عمها و انا الأحق فيها من الغريب ..
رائد ( عصب ) : ليه هي مو بشر ما لها راي ..؟
سعود : انا ما قلت كذا بس صدقني رح تحبني مع الوقت ..
رائد : اجل خلينا نتفق من اللحين بعطيك 5 اشهر ان ما حبتك تطلقها ..
سعود : ليش 5 شويه مره يبيلها ع الاقل سنه ..
رائد : هذا عمر يا سعود خمس اشهر و ما في غيرهم ..
سعود : ما رح يمديها تحبني بالخمس اشهر هذي خليها 8 اشهر ..
رائد : طيب اوكي اتفقنا ..
سعود : طيب اللحين قول لي ليش ما تبيني اتزوجها ؟ و ليش هي اساساً ما تبيني ؟
رائد : ببساطه ما تحبك ..
سعود : لا مو هذا السبب .. أنا واثق انه في شخص بحياتها .. و انت تعرفه و تدري ..
رائد : هههه قاعد تتخيل اشياء ما لها اساس من الصحه ..
سعود : انا مو قاعد اتخيل هذي الحقيقه .. اجل ما تقول لي هي وينها اللحين ؟ و مع مين طالعه ؟ قربت الساعه تدخل على 11 و هي ما بعد شرفت خصوصا ان عندها دوام بكره ..
رائد : ما لك علاقه ياخي بـ هي وينها او مع مين طالعه تراها ما بعد تصير زوجتك ... وبعدين احنا نثق فيها و هي تعرف مصلحة نفسها ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ
(( الفصل الثامن و العشرون ))
" إلهام كان ودها تقعد مع راكان اطول مده ممكنه .."
إلهام : تصدق لو اقولك ودي اقعد معك هنا ما اروح ما ادري ليه احس اني ارتاح معك ..
راكان ( ما صدق نفسه حس بإحساس حلو يغمره ) : أنا بعد و دي اقعد معك اكثر احسك تفهميني بدون ما اتكلم ..
إلهام : ههههههههههه بس مع ذلك لازم اروح البيت .. بس قبل خلني اطلب منك طلب ممكن ؟
راكان : اكيد ممكن .. اطلبي أي شي تبينه ..؟
إلهام : تسلم .. هو مو طلب رجاء .. اذا لا قدر الله و تزوجت سعود اكيد ما رح اكون سعيده و رح احتاج لأحد يوقف جنبي و يفهمني مثلك .. رح توقف جنبي و تساعدني اذا احتجتك ؟
راكان : أكيد و لو تطلبين من أي احد رح يساعدك مو بس انا ..
إلهام : مشكور .. رح احاول قد ما اقدر اني ما اشغلك ..
راكان : لا عادي .. حتى لو كنت مشغول رح افضي نفسي عشانك ..
إلهام : اش هذا .. غزل ؟ .. لا تسمعك حبيبتك بس رح تعتبرها خيانه و تتمشكل معك لااا و معاي بعد هههههههه ..
راكان : ههههههههه لا مو غزل تقدرين تقولين محبه و انك غاليه .. بعدين حبيبتي ما رح تدري ..
إلهام : تسلم هذا من طيب اصلك .. عاد هالمره بجد لازم اروح البيت تأخرت و بكره عندي دوام .. و قبل لا انسى ترى احتمال اغير رقم جوالي لو لا قدر الله تزوجت .. اصلاً سعود من اللحين شاك فيني و انا ما ابي تصير مشاكل بينك و بينه لان هذا سعود شكله مشكلجي ..
راكان : ما اقدر اقول شي .. اذا بتغيرينه اوكي .. اهم شي راحتك ..
إلهام : مو عشاني صدقني انا بسوي كذا عشانك و عشان ابراهيم بعد ..
راكان : اوك و لا يهمك انا فاهم ..
إلهام : يلا انا ماشيه ..
راكان : طيب اوصلك ؟
إلهام : لا رح ادق على السواق ما يصير توديني البيت اش بيقولون بعدين خصوصاً عمي و عياله..
راكان : لا خليني اوديك لو قرب البيت ما احد بيشوف .. و بعدين يبي للسواق ساعه على بال ما يوصل ..
إلهام : طيب زي ما تبي ..
راكان : اجل يلا خلينا نروح ..
" كان راكان بذيك اللحظات اسعد انسان سعادته ما كانت تنوصف و كأنه كان عايش حلم صعب يتحقق يعشقها يعشق كل ما فيها خاصه عيونها و على طاري العيون صارت هالمحادثه ..لف راكان على إلهام و بنفس الوقت إلهام طالعته و لاول مره جت عينها بعينه بشكل واضح .. من جمال عيونها فقد راكان تركيزه على الطريق .."
إلهام : اش فيك ؟
راكان : ما احد قال لك من قبل ان عيونك حلوه حيييييل ..
إلهام : هههههههه احرجتني بإطرائك و ترى صاير تتغزل كثييير .. بعدين انتبه على الطريق ما ابي اهلي يكتشفون اني مت جنب واحد يصير اخو صديقتي ..
راكان : اسم الله عليك لا تقولين هالكلام الله لا يقدر .. و عيونك مره حلوه تجنن مو إطراء و لا غزل زي ما تقولين بس الحلا دائما يبان ..
إلهام :ههههههه بجد خجلتني و احرجتني ..... تمام .. اوقف هنا لا تقرب اكثر ما ابي احد يشوفك ..
راكان : بس .. بعيد ..
إلهام : معليه ابمشي و انت اذا خايف علي امش وراي .. بس لا تخلي احد يشوفك ..
راكان : اوكي ولا يهمك..
إلهام : يلا مع السلامه ..
راكان : اشوفك على خير ..
" دخلت إلهام البيت و كانت مبسوطه و تحس انها مرتاحه حيل و نست سالفة سعود و خرابيطه .. لكن اول ما دخلت من الباب شافته و تغيرت ملامح وجهها و تكدرت على طول .."
سعود : انتي وين كنتي ؟ و مع مين ؟
إلهام : نعم ! من حضرتك عشان تسألني ؟
سعود : أنا اللي بصير زوجك بالمستقبل ..
إلهام : معناته لا صرت زوجي ذيك الساعه تعال و اسألني .. عن اذنك بروح انام تعبانه و بكره وراي دوام ..
( سعود : ايه روحي ..اخ بس متى يجي يوم زواجنا رح اعلمك اشلون ترفعين خشمك علي .. بس بصراحه انتي حلوه خيال تهبلين و احبك لااا اموووت باللي رافعه خشمها انا.. اه يا قلبي عليك ..)
------------------------------------------------------------------------
" راكان وصل البيت و الكل كان قلقان عليه كان مقفل جواله و طلع وهو معصب .."
شهد : وينك ياخي قلقنا عليك ..
وليد : بعدين ليه مقفل جوالك ؟
راكان : شوي شوي علي انا مبسوووووط مره و ما ابي احد يخرب وناستي .. بروح غرفتي اللحين و الأسئلة هذي ما لها داعي اللحين لاني هذاني قدامكم و ما فيني شي ..
" راح غرفته و الكل كان مستغرب اول مره يشوفونه مبسوط هالقد كان رايح فيها و كأنه هيمان .."
شهد : بسم الله اش فيه اخوي ؟ جن ؟!
وليد : اش اللي خلاه مبسوط هالقد ؟
شهد : روح روح .. روح شوفه ما ادري اش بلاه و طمني عليه ..
وليد : اوكي ..
" راح له و ليد و كله ذهول و استغراب لدرجة انه قام يكلم نفسه .."
وليد : علمني اش صار معك خلاك مبسوط حيل ؟
راكان : اسكت اسكت انا مو مبسوط و بس انا احس اني طاااااير من الوناسه .. اول مره بحياتي استانس كذا ..
وليد : طيب علمني اش صار معك ؟
راكان : خلني اعيش اللحظه بس و اتذكر اللي صار ..
وليد : طيب إلهام لها علاقه ؟
راكان : لها كل العلاقه انا اللحين كنت جاي من عندها .. لا انا اللي وصلتها عالبيت ..
وليد : اش قاعد تقول من صدقك و لا جنيت ..؟
راكان : لا من صدقي .. دقيت عليها و قلت لها اني ابيها تجي ع البحر نسولف اشوي .. وافقت على طول كانت متضايقه و محتاجه انها تطلع .. و جت و سولفنا و استانسنا و تمشينا عالبحر .. الله هذا احلى يوم بحياتي .. اسكت .. جاني إلهام اكتب قصيده .. ههههههههههه يضحكني جاني الهام و هي اسمها إلهام .. المهم اسمعني ..
يا اللـي عايشه وسط القلـــب وينـــك مــــا تجـينـــي
و نعـيــــش فـــي ديــــار مــــــن الحــــب مـليانــــه
لا تـقــــولـــي لـــي انــــك مـــن العقــل نسيـتيــنــي
و لا تـقولـــي لـــي ان القلـــوب عنـــي سـهيـــانـــه
انتــي للحــيــــن مــــا زلـــت فـــي قلــبــك تبــينــي
و لا ضـعـتـي خـلاص و لـــطـــريــقــي تــهيانــه
و لا احتـرتي بيــن انــك تنسينــي و لا تــذكــرينــي
ولاعشتي في حب غيري وانتي في الغرام غرقانه
انــــا احتــــري مــــنــك كــــلمــــه تـــــوديـــنــــي
جــبــل مـــــن الأحــــلام انــتـــي فــيه زهـــيانه
قصيـــدة كـتبتهـــا لاجــل العـيـــون مــــا تبكيــنـي
و يجتمع شـــمــلنـــا كـــلنـــا فـــي يـــوم لقيـــانـه
و لـك منــــي جـــواب علـى كـــل مــا تسأليــنـــي
و تنــفـــك الحيـــره عــــن القلــــوب الحيــــرانــه
نبقى انــا و انتــي لــلأبد شــعــار توعــــديـــنــي
و لا اعـتــــراك الـــتعـــب و انتــي زهــقـانـــه
و لا عنك وعن حبي لك تخليـت انتـــي تظنينـــي
تـرى القلب و العـقــل والـــروح عليك ولهــانــه
انــــا قـــلبـــي مــجـــروح ارجـــوك افهمــينـــي
بشوفتك بـس تنســى الجراح و تختفي احزانـــه
لـــو حــتى بالمنـــام اتمنـــى انــــك تزوريــنــي
و اعــيــش لحظــة سعـــادة المحـــب بأحبابـه
بدخلتـــك علــي دايــــم ودايــــم تــنـــوريــنـي
كـــانـــك مثـــل الــطيـــف والسبـــع ألـــوانـــه
تدرين لو سمعت صوتك وش يصيـــري فينــي
ينشل تفكيـــــري و الـــعقل يجــــن جنــــانــــه
تــــــرى المـــــوضــــوع كلـــــه آثــر فيـنــــي
و الكتاب اصلاً منبـــان مـــــن عنـــــــوانـــــه
وليد : وااااااااااااااو مررررررره روعه معقول انت توك تألفها ..
راكان : أي قول ما شاء الله على اخوك ..
وليد : ما شاء الله عليك ما قلنا شي .. بس الحقيقه من جد (الكتاب اصلاً منبـــان مـــــن عنـــــــوانـــــه ) واضح انك تحبها ..
راكان : مووووووووت .. تصدق ما كنت اكتب الشعر و لا احبه بس صار يجيني الإلهام فجأه و اكتب ..
وليد : كله من الهام الله يهديك بس .. هذا وهي رح تتزوج ..
راكان : لا تذكرني كل ما اتذكر انها بتعيش مع شخص غيري احس اني بنجن ..
وليد : انت مجنون من اصله ..
------------------------------------------------------------------------
" ليان لما وصلت البيت راحت غرفتها على طول كانت خجلانه تشوف أي احد دخلت و هي منزله راسها بالارض و وجهها مليان كدمات .."
أم نواف : يما نواف اختك اش فيها .. بعدين اش هالضرب اللي بوجهها مين سوا فيها كذا ؟
نواف : شوية بزران طقوها متمردين ..
ام نواف : وانت وينك عنها قعدت مع خطيبتك و نسيتها ..
نواف : لا يا يما هي طلعت برى المطعم و انا على بالي انها بالحمام ..
ام نواف : خل اروح اشوفها اجل ..
نواف : لا يما خليها اكيد حابه تقعد لحالها خجلانه من اللي صار .. لا تروحين لها عشان ما تتفشل ..
ام نواف : طيب .. يصير خير ..
" ليان كانت تبكي و تبكي .. كان اللي مرت فيه شيء مخيف و مرعب كل ما تذكرت ذيك اللحظات المريعه تحس انها بتختنق بهذا اليوم ما كانت طايقه احد و لا حتى نفسها كانت تبكي و بس يمكن يخفف عنها شوي .."
" و باليوم الثاني بالجامعه ليان ما حضرت و الشله استغربوا .."
إلهام : وين ليان ؟
شهد : معقوله غايبه .. اليوم المحاضره مهمه ..
إلهام : هديل ليه ساكته ؟ انتي تعرفين شي و ما تبين تعلمينا ؟
هديل : تكفون لا تسألوني .. اسألوا ليان ..
شهد : يعني انتي تعرفين ؟
إلهام : اش مستنيه قولي و لا بذبحك ..
شهد : تكفين قولي خوفتينا عليها ..
هديل : صدقوني ما اقدر .. هي طيبه و ما فيها الا العافيه بس بعد الدوام خل نزورها و تتطمنون بنفسكم ..
شهد : لأ ما رح استنى لبعد الدوام .. اصلاً ما رح اركز و انا افكر اش فيها ليون .. اللحين تقولين ..
هديل : طيب انا بقول بس سوو عمركم بعدين انكم ما تدرون عن السالفه اخاف ليان تزعل اذا درت اني قلت لكم ..
إلهام : يلا قولي لا تخافين ..
هديل : امس ليان انخطفت ..
شهد و إلهام : وشو ؟!!
هديل : أي .. خطفها هذا اللي دايم يلاحقها ..
إلهام : وصلت فيها الجراءه انه يخطفها هالحقير الواطي ..
شهد : كملي وش صار بعدين ..؟
" حكت لهم هديل السالفه من الالف الى الياء فقرروا البنات انهم يزورونها ..و فعلاً بعد الدوام راحوا لها البيت .."
إلهام : هلا ليون اش اخبارك ؟
ليان : هلا الهام حياكم تفضلوا ..
شهد : شفناك ما جيتي اليوم قلقنا عليك .. انتي بخير ؟
ليان : زي ما انتو شايفين هذي حالتي .. اكيد هديل علمتكم صح ؟
إلهام : علمتنا بوشو ؟
ليان : باللي صار معي ..
شهد : اش اللي صار معك ؟
ليان : بنات لا تتغابون تراني اعرفكم زين ما تخبون شي عن بعض ..
هديل : والله ما كنت ابي اعلمهم بس هم اصروا ..
ليان : و لا يهمك هديل .. عادي علميهم لاني ما لي خلق احكي اش صار ..
شهد : هو طقك واجد صح ؟
ليان : لا تذكريني انا حابه انسى .. حقير " طاحت العبرة بدون ما تحس .."
شهد : أنا آسفه ما كان قصدي ..
ليان : مو انتي السبب انا فيني حرقه من جوى .. قاعده اتعذب ودي اذبحه ..
إلهام : بس حبيبتي لا تنزلين دموعك تراها غاليه و انا ما تعودت اشوفك كذا ..
ليان : مو بإيدي غصب عني ..
هديل : أنا مره آسفه كل هذا بسببي و بسبب بدر ..
ليان : لا لاتعتذرين انتي مالك علاقه ..
إلهام : بطلي تبكين .. و لازم تجين بكره عالجامعه فاتتك اشياء مهمه واجد ..
ليان : ما اقدر اجي و انا بهالحاله ..
هديل : لازم تجين تغيرين جو ..
ليان : ما اقدر على هالكدمات اللي بوجهي اش بيقولون عني بكره بالجامعه .. بيفكرون ان اهلي طاقيني .. خلوني اقعد بالبيت اسبوع على بال ما يخف و جهي شوي ..
شهد : طيب براحتك ما رح نضغط عليك ..
هديل : وانا اوعدك محاضراتك رح توصلك كل يوم ..
ليان : مشكورة ما قصرتي .. تصدقون انا صرت اخاف اطلع الشارع ..
إلهام : لا لا لا ما عرفتك كذا تستسلمين بسهوله انتي فزعة الشله اشلون تخافين ..
ليان : ما عدت زي اول ..
إلهام : لا تقولين كذا ترى ازعل ..
ليان : هذي الحقيقه ..
شهد : لهو .. الظاهر يبي لها برمجه من اول و جديد ..
إلهام : الظاهر كذا ..
ليان : ههههههههههههه اش دعوه انا كمبيوتر ..
هديل : أي كذا نبي نشوف الضحكه ..
إلهام : يا حلاتك و انتي تضحكين ..
.............يتبع |