| شهد : لهو .. الظاهر يبي لها برمجه من اول و جديد ..
إلهام : الظاهر كذا ..
ليان : ههههههههههههه اش دعوه انا كمبيوتر ..
هديل : أي كذا نبي نشوف الضحكه ..
إلهام : يا حلاتك و انتي تضحكين ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ
(( الفصل التاسع و العشرون ))
" عم إلهام انتقل من بيت إلهام و راحوا على فلتهم ورود كان عندها موضوع خطير مع سعود .."
سعود : هاا اش بغيتي ؟
ورود : عندي اقتراح و ابي رايك ..
سعود : يلا قولي ..
ورود : شوف .. انت تشتغل مع ابوي بشركتنا و قريبا رح تدير انت الشركه .. و انا خطر ببالي فكره ليه ما اشتغل معكم و نوسع الشركه ..
سعود : ما رح ينفع ..
ورود : ليه ؟
سعود : لان شركتنا ما فيها اختلاط ..
ورود : بس هي ملكنا و عادي اعتقد ..
سعود : لااا ما يصير لان في لنا شركاء ما اعتقد يوافقون على الفكره ..
ورود : اجل اش اسوي بالشهاده اللي معي ؟
سعود : اممممممم .. ما ادري ..
ورود : اوووف .. وانا اللي كنت متحمسه للشغل ..
سعود : لهالدرجه حابه تشتغلين ؟
ورود : اكثر من ما تتصور ..
سعود : انا خطر لي شي ..
ورود : قول قول يلا ..
سعود : اش رايك لو تشتغلين بشركة عمي او بالاصح شركة عياله الجديده هذي اللي افتحوها .. هم عندهم عادي فيها بنات يشتغلون ..
ورود : والله .. تمام ليش لأ ..
سعود : خلاص رح اكلم رائد .. و انتي كلمي ابوي اول اذا وافق ابشري بالخير ..
ورود : اوك .. اللحين طيران اروح اكلمه ..
سعود : ههههههه .. كل هذا حماس ..
" ابوها كان ماخذ اجازه لانهم توهم ناقلين البيت و حب انه يكون معهم و كان قاعد يرتاح بغرفته راحت له ورود و هي متحمسه .."
ابو سعود : هلا ببنيتي حبيبتي هلا ..
ورود : الله يخليك لي يا يبا و لا يحرمني منك ( وتحب على راسه ) ..
ابو سعود : جيتك هذي اكيد وراها شي .. يلا قولي اش عندك ؟
ورود : أنا فكرت و قلت ابي اشتغل بشركة عيال عمي طبعاً اذا ما عندك مانع .. بالبدايه كنت حابه اشتغل بشركتنا بس اخوي قال لي انه صعب لانه مافي بشركتنا بنات فاقترح علي شركة عيال عمي لانها جديده و هم يحتاجون موظفين و موظفات بس ابي رايك اذا موافق ..
ابو سعود : تصدقين .. فكرة حلوه اشلون ما خطرت لي .. اخوك عبقري .. و لا كان من زمان المفروض ادخل واحد يشتغل بشركة اخوي عشان نتوسع معاه ..
ورود : يعني افهم من كلامك انك موافق ..
ابو سعود : طبعاً موافق ..
ورود : الله يخليك لي يا أحلى اب بالدنيا ..
" راحت للسعود و عطته موافقة الوالد .."
ورود : ابجي معك ..
سعود : لا ما في داعي ..
ورود : ابي ابدا الشغل اليوم ..
سعود : طيب يمكن يرفضونك ..
ورود : لا ما يسترجون و انا بنت ابوي ..
سعود : يعني واثقه ..
ورود : كل الثقه ..
سعود : اجل يلا تعالي ..
ورود : اييييه كذا ابيك ..
سعود : ههههههههههههه خليني اضحك عليك بعدين اذا ارفضوك ..
ورود : هههههههه نشوف ! ..
" راحوا للشركه و كانت ورود مره مبسوطه و تبي تحصل على الوظيفه باسرع وقت ..طلب سعود منها تستنى برى على بال ما يكلم رائد .. كانت قاعده بغرفة نائب المدير اللي هو وليد .. لما دخل وليد و شافها استغرب من هذي اللي قاعده .."
وليد : عفوا اختي أي خدمه ..
ورود : مرحبا .. انا ورود زياد العمر ..
وليد : اهلا و سهلا تشرفنا انا وليد نائب المدير تحبين اساعدك ..؟
ورود : لا مشكور جيت مع اخوي سعود و هو اللحين قاعد جوا مع رائد يكلمه بموضوع و انا استناه .. عفواً هذا مكتبك ..؟
وليد : أي نعم ..
ورود : انا بقعد استنى اخوي هنا اذا هالشي ما يضايقك ..
وليد ( يا حليلها مره ذربه ) : لا طبعاً .. تفضلي .. اش تشربين ..؟
ورود : لا شكرا ما ابي شي ..
" كان في نظرة اعجاب من وليد لورود بس ورود ما لاحظت .. طلع سعود و نادى ورود .."
سعود : ورود تعالي ابيك ..
ورود : عن اذنك اخ وليد و تشرفت بمعرفتك ..
وليد : الشرف لي ..
(وليد : سبحان من خلقها اخلاق و ادب غير كذا جمال .. عكس اخوها سعود ..)
ورود : هاا اش صار ؟
رائد : أنا وافقت انك تشتغلين معنا بس بشرط انك رح تكونين مؤقته لمدة شهرين اذا اثبتي جدارتك رح نخليك بمنصب دائم ..
ورود : تمام أنا موافقه ..
رائد : حلو .. جبتي شهاداتك و اوراقك ..
ورود : أي طبعاً جبتها ..
رائد : تمام .. معناته متى تحبين تبدين ؟
ورود : اذا ممكن من اليوم ..
رائد : اوك .. احيي فيك هالحماس .. معناته رح ابلغ وليد يدلك على مكتبك و يعلمك طريقة الشغل ..
سعود : مبروك اختي ..
ورود : الله يبارك فيك يا اخوي تسلم .. أنا مره مبسوطه .. و مقدره لك يا رائد موافقتك ..
رائد : لا و لا يهمك اساساً كنا محتاجين احد يمسك قسم المعلومات .. يلا اللحين روحي حق وليد يعلمك الشغل ..
ورود : اوك ..
سعود : ورود انا رايح عالبيت اذا انتهى دوامك دقي علي اجي اخذك ..
ورود : ان شاء الله ..
------------------------------------------------------------------------
" بعد مرور عدة اسابيع قرب زواج رائد و الكل كان مشغول بتحضيره .."
نرجس : هااا يما رائد باقي يومين عن زواجك انت متوتر ؟
رائد : أكيد يا ماما نرجس .. كثير متوتر ..
خالد : لا تتوتر و لا شي اخلص بس عشان انا اتزوج بعدك..
نرجس : ههههههه .. يا الله يارب يا كريم انك تسعدهم و توفقهم ..
إلهام : ماما نرجس احتاج مساعدتك .. عندي كذا فستان ماني عارفه اش اختار ..
نرجس : طيب انا جايه اللحين .. بعدين ليه مستعجله لسا باقي يومين ..
إلهام : لازم اختار بسرعه عشان احدد على اساسه المكياج ..
نرجس : طيب طيب و لا يهمك دقايق و اكون عندك ..
" أما سمر فكان تحضيرها لزواجها شي مو طبيعي .."
سمر : ابي الكوشه كانها غابه و مليانه زهور ..
نور : سوي كل اللي يخطر لك ..
سمر : يالله يا نور انا متوتره باقي بس يومين ..
نور : عادي شي طبيعي ..
سمر : ما تحسين .. اني .. تسرعت بموافقتي ..
نور ( شهقت من الصدمه ) : يا ويلك اسمع هالكلام منك مره ثانيه ..
سمر : قاعده اقول بس ..
نور : لا حبيبتي و لا تقولين و لا شي يوم جا وقت الجد تقولين تسرعت ..
سمر : ما ادري .. انا ما شفته الا مره وحده ..
نور : لا يا بعدي رح تحبينه و قولي نور قالت .. بعدين انسي هذا اللي اسمه فهد تلقينه متزوج اللحين لا و يمكن بعد مرته حامل ..
سمر : اش جاب طاري فهد اللحين انا نسيته من زمان ..
نور : حبيبتي تضحكين عالعالم كلها الا علي ما تقدرين و بعدين لا تنسين اني معك بنفس الغرفه و اسمع تنهيداتك طول الليل .. و لا الخواطر اللي كاتبتها عشانه .. انسيه خلاص لا تضيعين مستقبلك عشان واحد ما يستاهلك ..
سمر : اتفكرين اقدر انسى بهالسهوله ترى وناستي و سعادتي اللي شفتوها كلها تصنع و لا انا ماني مبسوطه من جوى ..
نور : اتركي عنك الهبال .. ترى والله رائد ما يستاهل .. مبين انه اخلاق و محترم حرام تخذلينه كذا .. هو اختارك من بين كل البنات و لا هم عائلة معروفه و رح يلاقي أي بنت بسهوله .. اعقلي هاا اعقلي مو صرت انا الصغيرة و اعقل منك ..
سمر : هههه معك حق من جد عقلك يوزن بلد ..
نور : هههههه قولي ما شاء الله لا تاكليني بعيونك ..
سمر : هههههههههههه ما شاء الله لا اله الا الله لا تخافين عيني مو حاره .. تعالي بعد بكره رح نروح المشغل اللي حددته إلهام و لا ؟
نور : أي اكيد لانها رح تجي و اتوقع خوياتها بعد رح يجون ..
سمر : بس كذا رح يصير المشغل زحمه متى رح نخلص ..؟
نور : لا تخافين المشغل كبير و يمدينا اذا طلعنا بدري ..
سمر : اوك ما رح اكل هم بأعتمد عليكم ..
-----------------------------------------------------------------------
" جت اللحظه اللي ينتظرها رائد و صار يوم زواجه و كان اكيد مبسوط و اللي مستانس اكثر هو خالد لانه رح يتزوج بعده .. هذي الاحداث صارت بالمشغل يوم زواج رائد و راحوا الشله مع سمر و نور .."
إلهام : يلا بنات ما خلصتوا ..
نور : انا خلصت باقي العروس طبعاً .. و ليان قربت تخلص قاعده تحط المكياج .. شوفيها ..
إلهام : اهاا .. يعني انا مخلصه بدري .. هاا شوفي شهد خلصت .. اختك المسكينه اكيد تعبت اللحين ..
نور : أي والله ..
شهد : اخيرا خلصت .. وااااااو إلهام طالعه تهبلين ..
نور : صح .. حتى احلى من اختي العروس ..
إلهام : لا لا تبالغون مو لهذي الدرجه ..
هديل : خلصت و ارتحت .. واااو لهو طالعه روعه ..
نور : شفتي ؟ قلنا لك ..
هديل : وش قلتو لها ؟
شهد : انها حلوه ..
هديل : أي هي دايما حلوه ما شاء الله عليها مو شي جديد ..
إلهام : هههههه بس بس لا اغتر و اشوف حالي بعدين ..
نور : هههههههه حبيبتي يحق لك تغترين ما احد يلومك ..
" شهد و هديل ما امسكوا اعمارهم و قاموا يضحكون مع ان نور ما كانت فاهمه ليش الضحك .. بس كل شي كان واضح .."
ليان : هاا اشوفكم هنا تضحكون اش السالفه ؟
إلهام : لا و لا شي بس شهد و هديل مثقلين دمهم شوي ..
" رجعوا يضحكون مره ثانيه ... "
شهد : ليون بعدين نعلمك السالفه ..
ليان : زين .. ما خلصت العروس للحين ..؟
نور : لا والله لسا شوي ..
ليان : ما كأننا تأخرنا ؟
إلهام : لاااا تو الناس بدري ..
نور : هاا هذا هي خلصت شكلها ..
شهد : اجل يلا مشينا ..
إلهام : يا الله السواق خذته ماما نرجس .. خل ادق على خالد يجي ياخذني ..
شهد : لااا اش اللي ادقين عليه تلقينه اللحين مع رائد يجهزه .. امشي معي انا و هديل جايين مع بعض ..
إلهام : يعني هذا رايك ؟
شهد : أي يلا مو احنا رايحين نفس المكان ..
" راكان هو اللي وصل شهد و هديل و رجع ياخذهم ما كان يدري ان إلهام رح ترجع معهم .."
إلهام : مرحبا راكان اش اخبارك ..؟
راكان : اوووووه الهام معنا هلا و الله .. انا تمام انتي كيفك ؟ ..
إلهام : الحمدلله .. معليش جيت معكم ..
راكان : لا عادي افا عليك انتي رايحه نفس المكان اللي بيروحونه .. يسعدني اني اوصلك ..
" هديل و شهد كانوا منصدمين و مستغربين اش هالميانه اللي بينهم .. لما وصلوا نزلت شهد و هديل قبل و الهام ظلت بالسياره تعدل مكياجها .."
راكان : والله انك حلوه بدون المكياج هذا ..
إلهام : يعني مكياجي مو حلو ..
راكان : لا بالعكس انتي حلوه بكل الاحوال ..
إلهام : هههههههه .. بسك تغزل .. بنزل اللحين .. و مشكور على التوصيله ..
راكان : اولا ما كنت اتغزل اقول الصراحه .. ثانيا ما له داعي الشكر كنت جاي اساساً و حالفني الحظ و وصلتك ..
إلهام : طيب و لا تزعل كلامك صح ..ههههه يلا باي ..
( راكان : اه بس من عيونك ذابحتني فديتك و فديت عيونك يا بعد كلي ..)
" لما دخلت إلهام على القصر كانت مرررره حلوه حتى احلى من العروس و بصراحه المعازيم طالعوها اكثر من ما طالعوا العروس كانت لابسه فستان احمر طويل من ورى قصير من قدام .. المهم الحفل كان مره حلو و مره منظم و خلص على خير .."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــ
(( الفصل الثلاثون ))
" الكل رجع لبيته و بصباح اليوم الثاني .."
خالد : لهو لهو اقعدي ابيك ..
إلهام ( مالها خلق تبي تنام كانوا سهرانين بالحفله امس ) : اووووف خلووود خلني اناااام مالي خلقك اللحين ..
خالد : اقعدي يلا ابيك بسالفه مهمه ..
إلهام : ياخي اجلها ابيييييييي اناااااااااام ..
خالد : تكفين عاد لهو يلا .. اول كان عندي رائد اسولف معه بس اللحين راح .. يلا عاد عشان خاطري اقعدي ..
إلهام : هاااا قعدنا اش تبي ..
خالد : قولي لي متى بتخطبون لي شهد ..؟
( إلهام تحذفه بالمخده و تهاوشه ..)
إلهام : اللحين انت مقعدني و ذابحني مهمه و ما مهمه في النهايه طلعت ما عندك سالفه .. اوووف .. روح اطلع بس .. ابي اناااااااام ..
خالد : وشو اللي ما عندي سالفه .. أنا من جدي اتكلم .. تكفين قولي لي ..
إلهام : يعني انت ما رح تفارقني صح ؟
خالد : صح ..
إلهام : شوف .. حدد اليوم اللي تبيه و كلم ابوي و كلم ماما نرجس بعدين تعال علمني .. اتفقنا ؟
خالد : اوك ..
إلهام : حلو .. يلا اللحين خلني انام مع السلامه..
------------------------------------------------------------------------
" ليان اصبحت على رنة جوالها شافت الرقم غريب و هذا الرقم صار له يومين يدق عليها بس ما اهتمت لكن الشي الغريب انه دق الصباح قالت ترد تشوف يمكن وحده من خوياتها ايام الثانوي او وحده عطتها رقمها و نست يعني من هالقبيل .. ردت و طلعت المفاجأه .."
ليان : آلو .. من يتكلم ؟
عامر : هلا و غلا هلا ببنت الشوارع ..
ليان : انت مين ؟ يالوقح وليه داق على رقمي ؟ الظاهر انك وقح غلطان ..
عامر : لا يا حبيبتي يا ليون هذا انا ما اسرع ما نسيتيني .. حبيبك عامر ..
ليان : الله لا يوفقك يا الحقير .. اتخسا ما بقى الا احب اشكالك الظاهر ما رباك طق بدر شكلك تبي تنطق مره ثانيه ..
عامر : اقول اسمعيني زين انتي و بدر الزفت حقك هذا يالصايعه لا تفكروني غبت عن الساحه خايف منكم لا يا بعد عمري انا اخطط للي اكبر من كذا و اوعدك اني ما اسكت لا لك و لا لـ بدر هذا حبيبك ..
ليان : اعلى ما بخيلك اركبه يالواطي .. " وقفلت الجوال "
( ليان : من وين طلع لي هالعله اللحين لازم اكلم بدر اللحين لالا رح ادق عليه بكره احسن خل ارجع انام ..)
------------------------------------------------------------------------
" جا عم إلهام و ولده سعود زياره حق بيت إلهم و ما كانت زياره عاديه جوا عشان يطلبون ايد إلهام حق سعود .."
ابو سعود : هاا وش قلت ؟
ابو رائد : انا يا اخوي ما عندي مانع و انت تعرف هالشي .. الراي الاول و الاخير حق البنت ..
ابو سعود : لا ان شاء الله رح توافق ..
ابو رائد : عطنا مهله ثلاثة ايام كذا .. و ان شاء الله خير ..
ابو سعود : طيب حقك .. و ان شاء الله رح تصير الملكه يوم الخميس الجاي و الزواج بعد شهر ..
ابو رائد : لا ما يصير و دراستها ..
ابو سعود : لا تخاف ما رح يأثر على دراستها بشي .. ياما بنات تزوجوا و هم يدرسون ما آثر ..
ابو رائد : زين زين خير ان شاء الله ..
ابو سعود : يلا احنا نستأذن ..
ابو رائد : وين تو الناس ؟
ابو سعود : و الله ورانا اشغال ..
ابو رائد : طيب براحتكم ..
ابو سعود : لا تنسى الرد بعد ثلاثة ايام ..
ابو رائد : لا ان شاء الله ..
" راحوا سعود و ابوه .. و راح ابو رائد يكلم بنته بالموضوع مره ثانيه .."
ابو رائد : انتي ما كلمتيه ..؟
إلهام : إلا كلمته يبا بس راكب راسه ..
ابو رائد : اجل يا بنتي ما لك الا تستخيرين ..
إلهام : ان شاء الله يبا ..
ابو رائد : الهام سامحيني لاني حطيتك بهالموقف ..
إلهام : لا يبا مو ذنبك ..
" بعد ما رح ابو الهام قامت الهام تبكي لا اراديا حست ان حلمها انتهى و راح لكن قررت تصلي اول شي و تشوف .. و صلت و خلصت حست بالراحه معناته رح توافق على الزواج منه .. مع انها حست بالراحه و عرفت قرارها الا انها كانت تبكي و تبكي ما كانت سعيده رح تعيش مع انسان ما تواطنه .. مسكت جوالها و دقت على ابراهيم من زمان عنه و لا سمعت صوته و لا تعرف عنه شي .."
إلهام : هلا ابراهيم اش اخبارك ؟
إبراهيم : اهلين .. انا تمام انتي اشلونك ؟
إلهام : ماني زينه ابد .. لكني اشتقت لك حيييل .. انت ما اشتقت لي ؟
إبراهيم : هاااااا .. الا اكيد ..
إلهام : معلينا .. ابراهيم بطلبك طلب واحد و تكفى لا تردني .. يمكن يكون آخر طلب ..
إبراهيم : اذا اقدر عليه اكيد ابشري ..
إلهام : ابي اشوفك ضروري .. في اشياء صارت لازم اعلمك عنها ..
إبراهيم : اعذريني ما اقدر اني اشوفك و انتي ما تصيرين لي .. ( قاطعته إلهام ...)
إلهام : ابراهيم لازم اشوفك تعرف يعني اش معناة لازم .. اترك تحفظك هذا اشوي ..
إبراهيم : بس والله ما اقدر ..
إلهام : تدري انت ما تحبني و لاعمرك حبيتني .. اعترف لي بهالشي و ريحني ..
إبراهيم : انتي غلطانه .. انتي كذا تظلميني ..
إلهام : اصلاً خلاص كل اللي بينا من اليوم اعتبره انتهى .. كنت بقابلك عشان اودعك لاني بتزوج بعد شهر و كم من يوم .. بس انت ما تبي .. عالعموم الله يوفقك و يسعدك مع غيري .. يلا باي ..
إبراهيم ( من الصدمه ما نطق بحرف و قعد ..)
( إبراهيم : ليش تقولين عني كذا انا اموت فيك بس مشكلتي ما اعترف بحبي لأحد تكفين يا الهام لا تتخلين عني انا محتاج لك اكثر من اول انتي ما تدرين بالايام اللي راحت اشلون كانت صعبه علي و ما قدرت اتحملها كنت دايم افكر فيك و استنى الاجازة تجي عشان اطلبك .. ليه يا ربي انا حظي كذا .. لا ما رح اسمح لها تتزوج غيري .. من هذا اللي اخذ مني إلهام بهالسهوله ؟ مين هذا اللي الهام فضلته علي ؟ مين ؟ .... مسك جواله و ارسل هذا المسج لإلهام ..
ودي اسألك يا إلهام
يصير الخل ... يتناسى ...لخلانه ؟
يصير الزهر ... يتنكر ... لسيقانه ؟
يصير الورد ... يتبختر ... بألوانه ... ؟
يصير البدر ... يتكبر...على أخوانه ... ؟
يموت الحب ... و تبقى حيــّــة ... أحزانه
" قرت إلهام المسج و زادها حزن و بكي و ردت عليه بهذي الكلمات ..
أحـــــــبــــــــــــــــك
حب ما حبه على وجه البشر انسان
أحبك كلمةٍ اكبر من أني معك أنطقها
أحـــــــبــــــــــــــــك
والحقيقه فوق ماتتصور الأذهان
أحبك يانظر عيني فداك الروح تملكها
أحـــــــبـــــــــــــــــك
ما أظن أقدر على بعد الهوى لو كان
أحبك للأسف تجهل معان الحب أجملها
أحـــــــبـــــــــــــــــك
لو تحس اللي أحسه داخل الوجدان
وربي تحترق منّة ، أحبك صعب تفهمها
أحـــــــبـــــــــــــــــك
لا تّتجاهلني ترى حبي مثل بركان
وربي لاتجاهلته ... يجيب العالي أسفلها
أحـــــــبـــــــــــــــــك
ما أظن فـ يوم يطوي كلمتي النسيان
ترى النسيان مايقدر يخفّي لمستي منها
أحـــــــبـــــــــــــــــك
والحنين اللي غدى في داخلي سلطان
خلق لك من كلام الحب كلمه يستحي منها
أحـــــــبـــــــــــــــــك
كلمه ماتروي عطش طفلٍ غفى ضميان
سكن في داخله شوقٍ ضلوع الصدر كـسـّرها
أحـــــــبـــــــــــــــــك
ليه ماتفهم ..!
أحـــــــبــــــــــــــــك
كثر ماقالوا ترجّح كفة المـــيـــزان
أحبك ودي اسمعها ولو مره تكررها
سامحني يا الغالي لكني رح اتزوج حتى و ان كنت احبك
" ابراهيم فقد الامل خلاص لكنه رح يستفسر من ليان عن سبب زواجها .."
" إلهام كانت بحالة سيئه جدا اول مره تفقد انسان تحبه حتى كانت تكلم نفسها زعلها كان شديد هالمره و حالها ما يسر خصوصا بعد مسج ابراهيم لما تأكدت انه يحبها ..
ماأرخصك لاوالله حتى إن تناسيت
القلب مايقوا على فراق خله
خذها عهد لو غبت لو رحت لو جيت
غلاك لايمكن خفوقي يمله !!
" بعدها قررت إلهام انها تلتقي بسعود مره ثانيه و تترجاه لو حتى تبوس ايدينه و رجوله عشان يبطل يتزوجها لانها بعد مكالمة ابراهيم حست انه يحبها صدق و لانها هي اساساً تموت فيه .."
سعود : هلا بالغاليه زوجتي المستقبليه ..
إلهام ( عصبت حيييل و دها تكسر الجوال ) : سعود ابي اشوفك اليوم ضروري ..
سعود : تآمرين آمر كم الهام عندي ؟
إلهام : اوكي .. معناته نلتقي بعد ساعه بالمطعم اللي وريتك اياه ذاك اليوم عرفته ؟
سعود : أي عرفته .. ابشري انا من اللحين بكون هناك ..
إلهام : ياليت تحجز لنا بقسم عوائل ما ابي عام ..
سعود : اوك ما طلبتي شي من عيوني ..
" راحت له إلهام و كلها ضيقه كارهه عيشتها بس اش تسوي آخر محاوله راحت و هي تدعي انه يكرهها او بالاصح يتراجع عن فكرة الزواج منها .."
إلهام : سعود أنا طلبت اشوفك عشان موضوع مهم بالنسبه لي ..
سعود : بخصوص زواجنا ..
إلهام : تقريباً .. إنت تدري اني ما ابيك مع ذلك مصر انك تتزوجني طيب ليه ؟
سعود : لاني احبك ..
إلهام : حتى لو كنت اكرهك و ما اطيقك ..
سعود : ليه ؟ انتي تكرهيني و ما اطيقيني ؟
إلهام : يعني مو واضح من شكلي ؟!
سعود : ما سويت لك شي عشان تكرهيني ..
إلهام : شوف و بقولها لك بصراحه انا في بحياتي شخص و كان رح يتقدم لي بس انت خربت كل شي .. إذا كنت تحبني خلاص اتركني اعيش حياتي مع الانسان اللي احبه ..
سعود : لأ .. انتي بكذا خليتيني اتمسك فيك اكثر و شوقتيني اعرف من هذا الانسان اللي تحبينه و بأيش هو احسن مني ..
إلهام ( دموعها على خدها ) : سعود بس بس تراني ماني قادره اتحمل اكثر تكفى سعود اذا تبي ابوس ايدينك ابوس ارجولك تكفى لا تتزوجني انا ما ابيك ..
سعود : صدقيني رح تكونين سعيده معي .. أنا شاريك ..
إلهام : و انا بايعتك ما ابيك .. ليش ما تبي تفهم اش اسوي عشان تكرهني .. اش اسوي عشان افهمك .. والله ثم والله لو اني مفهمه جدار كان فهم و حس ..
سعود : لا تحاولين هذا الموضوع منتهين منه و انا ابيك تكونين زوجتي و ام عيالي .. ( يمسح دمعة إلهام .. لكن إلهام تشيل يده و تصرخ عليه ..)
إلهام : وخر عني شيل ايدك انا ما ابيك ما احبك اتركني بحالي ..
سعود : ما رح اتخلى عنك لو مهما يصير ..
" إلهام شافت انه ما في رجا من هذا سعود تركت له المطعم و هو حاول يلحقها او ع الأقل طلب يوصلها لكن ما رضت و هددته انه لو لحقها رح تنسى موضوع الزواج و اللي بيصير يصير .. فسمع الكلام سعود و قعد لحاله بالمطعم يفكر ما اذا إلهام يوم تقول انه في شخص بحياتها هل كانت صادقه و لا مجرد كلام عشان لا يتزوجها .. المهم فكر و فكر بعدين قال لأ إلهام ما في احد بحياتها و هي قالت كذا عشان ابطل اتزوجها .. أما إلهام ما ما راحت على البيت راحت على البحر اللي دائما ترمي فيه همومها .. و المصادفه انها لقت راكان ( هو راح بنفس الوقت اللي يلتقي فيه بإلهام على امل انها تجي هناك مصادفه او يمكن احساسه قال له ان إلهام رح تجي للبحر فكان على استعداد للقائها .. ) هناك بمكانهم المعتاد .. لكن ما راحت له قعدت بالسياره شوي إلين هديت اعصابها بعدين راحت .."
إلهام : هااااااااااي ..
راكان ( ما كان متفاجأ حس انها رح تجي ) : مين ؟ إلهام أهلا ..
إلهام : هلا .. اشوفك هنا اليوم وراك ؟ لا تكون مهموم ؟
راكان : أنا دايماً مهموم و صرت اجي هنا لأني احس بالراحه .. و انتي اش فيك شكلك بكيانه ..
" ما قدرت تمسك نفسه و انفجرت بكي .."
راكان : إلهام اش فيك ؟ انا قلت شي خلاك تبكين ؟
إلهام : لا راكان بس انا كنت ابكي من اول ..
راكان : اقعدي و احكي لي ..
إلهام : من تو كنت مع سعود و لد عمي هو يبي يتزوجني و انا ما بإيدي شي إما هو يرفضني او رح اتزوجه غصب .. رحت له اترجاه انه ما يتزوجني بس عاند و اصر .. هذا اللي مضايقني ..
راكان ( عصب حده كان وده يروح و يذبح هذا اللي اسمه سعود ) : اهدي .. هذا سعود ما يحبك لو يحبك كان تركك بحالك هو شكله اناني يحب نفسه و بس .. اسمحي لي ما قدرت امسك نفسي ..
إلهام : لا عادي انا بعد قلت له هالكلام .. اه اه لو بإيدي بس كان رجعت الزمن لورى و اصريت على ابراهيم يخطبني ..
راكان ( زعله هالكلام و جرح قلبه ) : معليه يمكن خير ..
إلهام : لا لا أنا مستحيل اعيش مع سعود رح اذبح عمري و ارتاح ..
راكان : انتي تتكلمين صدق و لا من الزعل تقولين كذا ..
إلهام : لا صدق اهون علي اني اموت و لا اعيش معه ببيت واحد ..
راكان ( كاسره خاطره حيل و مو عارف وش يسوي عشان يسعدها ) : لا تقولين كذا لسا في ناس تحبك ..
إلهام : ههههه ( ابتسامه اقرب ما تكون سخريه ) ما يهمني من اللي يحبوني الا ابراهيم ..
( راكان تحطم كلياً حس انه ما في امل ابد )
راكان : ان شاء الله يكون يستاهل حبك ..
إلهام : اكيد انه يستاهل .. " بعد ربع ساعه لما هديت و راقت شوي " المهم كم مره التقينا بالبحر ..؟ ما تحس انه غريب اليوم التقينا ..؟
راكان : التقينا تقريباً مرتين ثلاث .. بعدين ما في شي غريب بالموضوع انا حسيت اني متضايق و جيت و انتي نفس الشي ..
إلهام : تدري انا ما كنت احب البحر و لا كنت اجيه بس ليان هي اللي علمتني عليه كانت كل ما تتضايق تجي للبحر و منها انا حبيته حسيت انه اريح من اني اكلم بشر لان البحر يسمع و يسكت ان قلت بذبح عمري ما يقولي لا و ان قلت بعيش برضو ما يقول لي لا ..
راكان : و انا بعد ما كنت احبه .. اللي خلاني احبه هي حبيبتي ..
إلهام : اش دراك انها تحبه اذا ما كنت تلتقي معها ..؟
راكان : سمعت من الناس .. اخبارها توصلني .. و البحر يذكرني فيها ..
" دق جوال راكان بهذي اللحظه كان من الشغل كان مره مهم .."
راكان : معليش تلفون مهم من الشغل ..
إلهام : لااا خذ راحتك ..
( في الوقت اللي راح فيه راكان عشان التلفون إلهام كانت تفكر .. فكره توديها و فكره تجيبها حاسه بشي غريب ناحية راكان ماهي قادره توصفه .. تبدد هذا الاحساس بعد ما رجع راكان و قال لها انه بيروح الشركه لاجتماع مهم .. )
إلهام : لا روح هذا شغلك ..
راكان : يعني ما رح تزعلين لاني بتركك لحالك ..؟
إلهام : لا لا ليش ازعل ..؟ ما لي حق ازعل اصلاً .. لا و يمكن بعد اجي الشركه ..
راكان : تجين !! .. ليه ؟
إلهام : ابي اكلم ابراهيم ضروري .. أكيد هو رح يكون موجود صح ؟
راكان : أي .. اكيد هو مدير هالمشروع ..؟
إلهام : حلو .. معناته انت روح اللحين و انا بعد نص ساعه كذا رح اجي ..
راكان : رح تكلمينه قدام الموظفين و اخوانك ..؟
إلهام : معليك أنا اعرف اتصرف .. اللي يهمني اني لازم اكلمه ضروري ..
راكان ( ما يبيها تكلمه يغار عليه الله يعينه بس لا تزوجت ) : طيب انا لازم اروح يلا اشوفك على خير ..
" راكان : بروح و ما ودي اروح ابي اقعد معك طول عمري يا الغاليه .. متى ؟ .. متى ؟ .. متى ؟ رح تعرفين اني احبك و اعشق عيونك يا بعد كل اهلي .. ابروح و يمكن ما اشوفك ثاني .. ابروح والحزن يملاني .. فرقاك بيحرق قلبي يالغاليه .. احبك .."
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــ
(( الفصل الواحد و الثلاثون ))
" ابراهيم في الحقيقه ما كان بالشركه من بعد مكالمة إلهام راح على طول على بيت ليان يبي يتأكد .."
إبراهيم : الو هلا ليون ..
ليان : هلا ابراهيم ..
إبراهيم : ليون انا برى بيتكم اطلعي لي بسرعه ابيك بموضوع مهم ..
ليان : بس .. أنا ..
إبراهيم : لا بس و لا شي الموضوع ما يتحمل ..
ليان : خلاص خلاص انا جايه اللحين خمس دقايق بس البس عباتي و اجيك ..
إبراهيم : يلا بسرعه لا تتأخرين ما معي وقت عندي اجتماع بعد نص ساعه..
ليان : طيب طيب جايه لا تخاف ما رح اتأخر ..
" راحت مع إبراهيم لمكان هادي يتكلمون فيه .. ليان لاحظت انه مو على بعضه و انه مو رايق حاولت تسأله اش فيه و هم بالسياره بس طلب منها انها تسكت إلين يوصلون .. ووصلوا .."
ليان : يلا احكي لي اش فيك و ليش انت معصب ..؟
إبراهيم : صحيح اللي سمعته ان إلهام بتتزوج ؟ تكفين قولي لي انه مو صحيح ..
ليان : من وين سمعت انت ؟
إبراهيم : لا تردين على سؤالي بسؤال و قولي لي .. هي بتتزوج و لا لأ ؟
ليان : أي رح تتزوج ولد عمها و هي ما تبيه بس مجبوره و الموضوع ما عاد بإيدها ما في حل إلا انه هو يرفضها ..
إبراهيم : من متى هالكلام ؟ و بعدين انتي تدرين و لا علمتيني ؟
ليان : صار له فتره بس مع زواج رائد اتنسى شوي لكن رجع و انفتح من جديد .. بعدين إلهام هي اللي قالت لي لا اعلمك ..
إبراهيم : ليش إلهام كله تفكر اني ما احبها .. مو معناته اذا ما اعترفت بحبي لها بشكل صريح اني ما احبها .. ليش قاعده تظلمني كذا و كل ما تكلمني تقولي يلا اعترف و قول انك ما تحبني .. أنا تعبت والله تعبت متى بتفهم اني اموت فيها لكن صعب علي اني اعترف .. بالاخير طلعت بتتزوج غيري .. كان معي حق لما ما كنت اعترف بشي اسمه حب لكني ما ادري اشلون استسلمت له .. لييييييييييه كذاااا ليه تخلت عني ..
ليان : ابراهيم انت تبكي ؟
إبراهيم : لا لا ما ابكي ..
ليان : و هالدموع ؟
إبراهيم : اكيد شي داخل بعيني .. المهم يلا احكي لي ليه الهام مجبوره تتزوج ولد عمها ..
" طبعاً قالت كل السالفه ....."
ليان : و هذي كل السالفه و هي اللحين تحت رحمة ولد عمها ..
إبراهيم : بس هي رح بتضحي فيني و بسعادتها ..
ليان : هذا رحمها ما يستحق التضحيه ..؟ هي ما تبي القطيعه بعد 20 سنه رجع عمها تبيه يقاطعهم بعد 20 سنه ثانيه و هي السبب .. هذا مو من طبع إلهام .. انت ما تعرف إلهام شكلك .. إلهام مستعده تضحي عشان اللي تحبهم ..
إبراهيم : طيب أنا من اللي تحبهم ما ضحت عشاني ..
ليان : انت ما فهمت .. لو ضحت عشانك هي اللي رح تعيش بسعاده و اهلها بنجره و حرب .. لكن لو ضحت عشان اهلها رح تتحمل هي التعاسه و العذاب عشان ما تنشب حرب بين اهلها .. فهمت اللحين لو ضحت عشانك رح تخسر كثير ..
إبراهيم : اش بقى لي عشان اقوله .. يلا قومي اوصلك البيت و بروح الشركه عندي اجتماع مهم ..
ليان : معك حق صار اللي صار ما بأيدك شي .. يلا خل اروح البيت ..
" وصلها على البيت و راح الشركه .. إلهام ما بعد توصل الشركه كانت توها بتمشي من البحر ..و بهذي الأثناء وصل ابراهيم للشركه .."
إبراهيم : راكان جهزت للاجتماع ..؟
راكان : أي كل شي صار جاهز ..
إبراهيم : تمام .. اجل خلنا نبدا و نخلص اليوم انا متضايق حدي ..
راكان : ليش اش صار ؟
إبراهيم : لا لا تشغل بالك مشكله و ان شاء الله تعدي ..
راكان : اذا حبيت تحكي و تفضفض انا موجود ..
إبراهيم : مشكور ما ابي ازعجك بمشاكلي و همومي .. خلنا اللحين نخلص من هذا الاجتماع ..
" وصلت إلهام .. قعدت بالكافيه تبع الشركه لانها سألت عن ابراهيم قالوا لها انه باجتماع .. و بالمصادفه شافتها ورود .."
ورود : أهلين الهام ..
إلهام : هلا فيك .. اش تسوين هنا ؟
ورود : ما قالوا لك ؟
إلهام : لا ما قالوا لي .. وشو ؟
ورود : ما انا صرت اشتغل هنا ..
إلهام : والله ؟
ورود : أي والله .. وناسه الشغل هنا .. الا انتي ليه جيتي ؟
إلهام : جيت اشوف الشركه و بالمره اشوف اخواني تعرفيني بتفلسف عليهم شوي ..
ورود : هههههههههههه .. طيب انا استأذن وراي شغل ..
إلهام : أي روحي ما ابي اعطلك ..( عشنا و شفنا هذي اكيد سعود حاطها جاسوسه .. اووووف .. يا ربي ما ابي اظلم احد ..)
" شافها خالد قاعده لحالها استغرب .."
خالد : إلهاااام ؟! اش عندك هنا ..؟
إلهام : ابد اشتهيت اجي ..
خالد : مو علي هالكلام مبين انك متضايقه ..
إلهام : وش اللي مضايقني اكثر من ولد عمك ..
خالد : اش فيه ؟ سوى لك شي ؟ علميني ؟
إلهام : شكلك ما تدري عن السالفه و انا بصراحه مالي خلق احكي لك ..
خالد : أي سالفه ؟
إلهام : ما قلت لك انت ما تدري عن شي .. بتزوج ولد عمك و انا ما ابيه بس يلا نصيب و قدر ..
خالد : لا ما تاخذينه و انتي ما تبينه .. ما اكون اخوك اذا وافقت على هالزواج ..
إلهام : يا اخوي انا خلاص وافقت و خلصت و تكفى ما ابي مشاكل ما احد اجبرني وافقت و انتهينا ..
خالد : اجل ليه متضايقه ..؟
إلهام : مشاكلي كثير ..
خالد : احكي لي اسمعك ..
إلهام : والله انك فاضي .. ليه مانت معهم بالاجتماع ؟
خالد : اش دراك انه في اجتماع ؟
إلهام : سألت و دريت ..
خالد : اممممممم .. هذا اجتماع للقسم اللي يشتغل فيه ابراهيم عشان مشروع هو قدمه .. أنا ماني تبع قسم ابراهيم انا تبع رائد ..
إلهام : اهااا فهمت ..
خالد : يلا انا بروح ماني بفاضي زيك .. لكن لنا قعده بالبيت .. صرت هنا مره مشغول رائد يتزوج و يهرب من الشغل و كله على راسي و راس وليد و راس ورود بعد ..
إلهام : كله يومين و يرجع رائد و الله يعينكم .. يلا رح خلص اشغالك .. اش رايك لو اجي معكم اشوف اشلون تشتغلون ؟
خالد : اممممم .. ليش لأ يلا تعالي ..
إلهام : بعدين ورود مو بأحسن مني هي تشتغل معكم و بشركتنا و أن لا ..
خالد : لاحقه ع الشغل بالشركه خلصي دراستك اول و ابشري بالمنصب اللي تبينه ..
" بدخلة خالد و إلهام عالمكتب كانوا وليد و ورود قاعدين يحلون بعض المشاكل بالشغل .. و مو بس بالشغل !! .."
خالد : مرحبا وليد و مرحبا ورود ..
ورود و ليد : أهلين ..
خالد : اختي الهام تبي تشوفنا و احنا نشتغل .. تبي تتعلم ..
إلهام : أي .. هلا وليد اش اخبارك ؟
وليد : الحمدلله زين و مره مبسوط ..
إلهام : أي واضح عليك.. ان شاء الله دوم مبسوط .. عالعموم انا ما رح ازعجكم اعتبروني ماني موجوده اتفقنا ..
ورود : اوكي .. عادي اقعدي قد ما تحبين ..
وليد : أي عادي انا بعد ما عندي مشكله ..
إلهام : تسلمون .. وعد ما رح ازعجكم ..
" إلهام ما كانت مركزه على الشغل تبعهم لااا في شي ثاني اشغلها كانت تراقب وليد .. لييييه ؟! ( رح تعرفون مع تسلسل الاحداث ) .. المهم بعد نص ساعه تقريبا جا لـ وليد اتصال ..."
وليد : هاا خلص الاجتماع ..؟
المتصل : أي نعم ..
وليد : زين جيب لي التقرير حالاً ..
المتصل : ان شاء الله ..
إلهام : هذا اجتماع مجموعة ابراهيم صح ؟
وليد ( وليد كان فاهم قصدها من السؤال كان شاكك من البدايه ان اللي تحبه هو ابراهيم بس ما عنده اثبات ..) : أي .. خلصوا ..
" بعد لحظات .. حتى تتفادى الهام الشكوك .. انتظرت دقايق حتى تروح .."
إلهام : خااالد أنا صار لازم اروح ..
خالد : وين ؟ البيت ؟
إلهام : أي بس اول بسوي شغله كذا سريعه و بعدين بمشي ..
خالد : زين براحتك ..
إلهام : يلا كلكم مع السلامه ..
" راحت إلهام على مكتب ابراهيم بس بالاول لازم تمر بـ راكان لانه سكرتيره .."
إلهام : مرحبا راكان ..
راكان : هلا الهام اشوفك جيتي ..
إلهام : أي صار لي زمان هنا .. تأخرتوا بالاجتماع .. اسمع ابي اطلب منك طلب تكفى اذا تعزني لا ترده ..
راكان : لا ابد آمري ..
إلهام : اول ابراهيم جوى ..؟
راكان : أي موجود ..
إلهام : هو مشغول شي ؟
راكان : تقريباً ما عنده ذاك الشغل لانه خلص من الصعب ..
إلهام : تكفى .. أنا بروح له اللحين لا تخلي احد يدخل ما ابي احد يشوفني معه .. رح تسوي لي هالطلب ؟
راكان ( الشي الاكيد انه ما وده ينفذ طلبها لانه يغار عليها موت بس قاعد يتحمل لكن هذي الهام و لا طلبت لازم يتنفذ ما يقدر يقولها لأ ) : أكيد انتي تآمرين ..
إلهام : مشكور ما رح انسى لك هالخدمه .. انت ياما خدمتني .. يلا عن اذنك بروح له دقايق بس ما رح اتأخر ..
( راكان : كل شي فدا عيونك يا الغلا .. و بتحمل ابراهيم برضو عشانك .. ما لي الا ادعي انك تكونين لي .. يا رب تصير معجزه و إلهام تصبح لي ..)
" هذا اللي كان يملكه راكان الدعاء موقفه قدام الهام يحسسه انه ما في امل انها تكون له بالفعل رح تكون معجزه لو هالشي صار .. دخلت إلهام لإبراهيم و انصدم ابراهيم لما شافها لانه قبل دخولها كان يفكر فيها انصدم و بنفس الوقت استانس .."
إبراهيم : إلهااااام اش هالمفآجأه الحلوه ..
إلهام : غريب !! كنت فاكره انك بتقول لي ما يصير و روحي ..
إبراهيم : لانك دايما تاخذين عني فكره غلط ..
إلهام : معلينا انا جيت هنا عشان اودعك .. بعدين رح اقعد خمس دقايق مو اكثر .. لأني ما ابي احد يشوفني بمكتبك ..
إبراهيم : تودعيني ؟!
إلهام : أي بعد شهر زواجي بعدها ما رح اقدر اكلمك و لا حتى اشوفك .. اساساً رح اغير رقمي ..
إبراهيم : انا عرفت كل السالفه .. و ليه انجبرتي توافقين على ولد عمك .. انتي انسانه عظيمه اول مره اشوف احد يضحي بحبه و سعادته عشان سعادة غيره .. أنا ما اقول لك اني مبسوط من زواجك بولد عمك بس اقول انك كبرتي بعيني .. لو تدرين اش قد زعلت و حزنت و سهرت لما حسيت انك ضعتي من بين ايدي و اني انا السبب انا كنت انتظر العطله تجي بفارغ الصبر عشان اخطبك لكن ربي ما اراد .. للحين ماني مصدق اني بكمل حياتي بدونك ..
إلهام : لهالقد انت تحبني ؟
إبراهيم : أكثر من ما تتصورين .. انا اجلت الخطبه للعطله تدرين ليه ؟ لاني قاعد ابني فلتنا و قالوا ما رح تخلص الا بالعطله كانت هي مفاجأتي لك بس خلاص راحت علي .. ياني كنت احلم بأشياء كثيره كنت افكر اسويها معك .. حتى اني رسمت مستقبلي على اساس و جودك معي ..
إلهام : و أنا بعد رسمت مستقبلي و انت فيه بس انمحيت من مستقبلي مو لاني ما احبك لا والله انا اعشقك اكثر من نفسي حتى .. و صدقني ما رح انساك حتى لو كنت على ذمة شخص غيرك رح تبقى انت حبي الاول و الاخير ..
إبراهيم : الهام ارجوك تسامحيني انا السبب انا اللي ضيعتك و سببت لك هالحزن ارجووووك انك تسامحيني ..
إلهام ( كاتمه العبره ) : اللي يحب يسامح و انت لو تغلط مليون غلط انا اسامحك لاني اموت فيك .. و انت ما غلطت انت ما كنت تدري عن المتخبي .. ما ابيك تتمسك فيني اكثر روح و تزوج و عيش حياتك و جيب عيال و فرح امك بس بشرط اذا جبت بنت تسميها على اسمي الهام عشان ما تنساني ..
إبراهيم : لأ أنا ما رح اتزوج غيرك .. انتي اللي ابيها .. انتي الوحيده من وسط كل البنات قدرتي تملكين قلبي و فكري .. لا لا لا انسي اني اتزوج غيرك ..
إلهام : لا يا إبراهيم انت ما رح تستناني ما احد ضامن عمره .. بعدين اش ذنبها امك اللي ودها تشوفك متزوج و تشوف عيالك .. اذا تحبني لازم تتزوج هههههههه لو ظليت بدون زواج يمكن اتهور و اجيك و اخون زوجي بعدين ترضاها .. تزوج عشان انا افقد الامل و اشوف حياتي ..
إبراهيم : ههههههه معناته ما رح اتزوج ..
إلهام : انت ترضى لي هالشي يعني ؟
إبراهيم : لا لا طبعاً ما ارضى ..
إلهام : اجل اوعدني انك تتزوج ..
إبراهيم : بس انتي ما تدرين يمكن يفشل زواجك .. ابي استناك ..
إلهام : قلت لك ما احد ضامن عمره .. اوعدني اللحيين ..
إبراهيم : اذا انتي هذا اللي تبينه خلاص اوعدك ..
إلهام : آخر طلب ابيه منك .. ممكن ؟
إبراهيم : عيوني لك آمري ..
إلهام : تسلم لي عيونك يا روحي .. ابي اسمع كلمة احبك منك .. قولها انك تحبني ..
إبراهيم : بس هذا ..؟ طبعاً انا احبك .. و امووووت فيك يا بعد كل هلي ..
إلهام : فداك روحي يا روحي .. هههه يلا ابيك تحفظ ملامحي زين عشان ما تنساني ..
إبراهيم : مستحيل انساك و انا حافظك ..
إلهام : معناها .. لازم امشي .. ورح اقول الوداع يمكن ما عاد نلتقي مره ثانيه .. ( راحت و عبراتها تنساب على خدها )
إبراهيم : ما رح اقول الوداع يمكن نلتقي مره ثانيه ..
" طلعت إلهام من مكتب ابراهيم و الدموع مغرقتها نست كل اللي حولها .. حتى راكان ما عطته وجه .."
........يتبع
|