04-04-2015, 01:18 AM
|
| |
تمنيت اشوف باقي المتابعين وانا هنا عالوعد شكرا للأرائكم وتركم مع اول بارت بالموسم الثاني متابعه شيقه اتمناها لكم
الفصل الأول
تذكير بشخصيات بطلات روايتنا
أولاً : نعرف بالشخصيات الرئيسية في الروايه ..
في بداية روايتنا كانوا البنات أعمارهم 19ولأن أصبحوا بعدمرور سنتين من الأحداث
22سنه ثالث جامعه
وصف الشخصيات ماوصفتهم الكاتبه بشكل كافي بلموسم الأول تم وصفهم بموسمي هذا بشكل اوضح:
إلهام : رئيسة الشلة شخصيتها عاديه لكنها حساسه جدا بس تحاول تخبي احساسها و مرحه و طفوليه و باينه عليها البراءه و جريئه بشكل مو طبيعي بياضها ساحر وعيونها زرقاء وشعرها أشقر الى نص ظهرها ناعم جداوكثيف رشيقه وعيونها واسعه وأنفها وفمها صغارطولها حلو
وطبعا نذكر أن أمها فرنسيه وهذا سر جمالها
ليان : صديقة إلهام المقربه و اللي دايم تحكي لها عن أسرارها ليان لها نظرة واقعيه و تحب تتكلم بجديه عشان كذا إلهام تحب تاخذ رايها في اغلب الامور جمالها نجدي شعرها الى أخر ظهرها أسود نعومته حلوه عيونها بنيه أو عسلي غامق مالمحها حاده شوي وأنفها سلة سيف وفيها شامه تحت حنكها بشرتها أخر درجات الأبيض , وبنفس طول الهام.
شهد : شخصيتها مرحه و في نفس الوقت جاده و مره خجوله مع الاولاد بس البنات عادي صدوقه و اللي بقلبها على لسانها قصيرونه وكل شي فيها صغير جمالها هادي مملوحه شعرها ويفي طبيعي كستنائي الى كتوفها عيونها عسليه فاتحه وبشرتها قمحي فااااااتح.
هديل : شخصيتها مزاجيه و ما كثير تسولف وما تقول اللي بقلبها بسرعه و هي و شهد اعز صديقات وقراب من بعض حيل لأنهم بنات عم الي يشوفها يحسها من بنات الجنوب جمالها جنوبي شعرها اشقر غامق اقرب للبني عيونها مكحله ورموشها كثيفه شعرها الى أخر ظهرها كثيييف مبسمها حلووملامحها تشعرك بهيبه خاصه نظراتها.
وبوصف لكم هنوف لانها بيكون لها حضور بهالموسم وباقي الأشخاص أترك لخيالكم تصورهم
الهنوف:بيضاء بحمره رشيقه شعرها أسود للأول كتفها عيونها سوده وناعسه شفايفها صغيره
ضحكتها تذوب ناعمه حد النهايه فيها غرور متهوره شوي بس حبوبه وعشريه....
ننتقل الأن للبارت الأول:
في غرفة نومهم الأنيقة جداً الي ماشهدت أي لحظة حب أو رومنسية
الهام:اووووووووووه أنت وبعدين وياك كم مره قتلك مالك شغل فيني أنت ماعندك كرامه كم شهر من تزوجنا حتى حق الأبوه حرمتك منه ولسه متمسك فيني الحمد لله والشكر بس أسمع تراني مليت من هالعيشه طلقني وفكني
كان سعود جالس ويطالعهاا وكأنه يتابع فلم خليجي ومو باين عليه علامة الضيق أبد يمكن صار عنده تبلدهذا سادس شهر لهم أو يمكن متعمد ينرفزها
سكتت أول ما رن جواله وطلعه وأبتسم وهو يطالع الشاشه
ورد:الو هلا بالغلا هلا بالحب وحشتيني حييييل كنت أنتظرج تأخرتي... لالالا ليه الزعل يقلبي ماعاش من يزعلج أمري تدللي
كان يقول هالكلام وهو واقف عالتسريحه ويتمشط ويتعطربعطره رالف ويعدل شكله وباين عليه بيطلع....توسعت عيون الهام وهي تتبعه بنظرتها
و تسمع هالكلام وشلون مخذ راحته وطينها لما قال:أبشري دقايق شنو دقايق ثواني وأنا عندج بس أبي عشى سنع
ترى ميت جووع ويمد الكلمه وهو يطالع الهام بنص عين....
وطلع وسكر الباب وسط ذهول الهام الي جلست على سرير وهي تمرر يدها بشعرها بضيق وحيره ومشاعر مختلطه وتردد بهمس معقوله تزوج علي ولا قاعد يخوني معقول أكون حبيته أو حتى صار يعنيلي شي لالا أنا أكرهه ماطيقه وبدون شعور تساقطت دمعاتها وحست بجرح كبيير بكبريائها وأنوثتها
ماتعرف تفسير دموعها بهالحظه بس حست أن هذا أصدق تعبير ممكن تعبر فيه
.................................................................................................... .......
عامر :هلاهشام شلونك من زمان عنك لا والله ..أحلف ..عالبركه ماسويت بس عاد لاتقول تبت ههههههه ..أنا أقول بعد هاذي من عاشر المستحيلات أذا تاب بليس أنت توب هههه ...لالاأسف أمزح زين أسمع أبيك بخدمه أنسانيه
هشام وهو يغني بنشاز : وشلي جابني عالبال وشلي ذكرك فيني هههه ....
وانا اقول الذيب مايهرول عبث عامر يتذكرني
أمرني يالحبيب
عامروهو ينزل الشيشه من فمه :ميامرك ظالم تذكر الصور الي خبري خبرك الي صورنها فبرلين قبل كم سنه
هاشم اووووووه كح كح غبار شطاري أي شفيها ..
عامرأبد أبيها أنا أعرف أنك تحب تحتفظ بهالسوالف ..هاشم:والله يالحبيب
يبيلها دواره السالفه بس أبشر من عيوني إلا متى تبيهم....
عامر:بأسرع وقت تكفى لاتتأخر علي أبيهم ضروووري ويرص علكلمه ..
هشام يستهبل :علمني أول وأجيبهم لك
عامر:ـأقول هشاموه لا يكثر هاه مسوي فيها تذلني
هاشم: ههههههه نمزح يلخو والله شكلك وراك دمااار الله يعين من طاح بطريقك بس أهم شي ميطولني من الحب جانب وراي مدام ومستقبل
عامر :ههههههه لاولا يهمك يله أخليك الحين سلام....هشام :سلام
سكر وخذ نفس طويييييل بتركيز عميق جدا وعلى شفته شبح أبتسامة خيث
أعرفكم بهشام بختصاار صديق قديم لبدر وعامر من ايام الثنويه انقطع عنهم قبل سنه من الأحداث
.................................................................................................... ......................
سمر:رئودي ...رائد:همم..سمر:ماودك نسافر أحس طفشت من الروتين رائديقفل الكتاب الي بيده ويلف عليها زهقتي من روتين ولا مني ..
سمر :لاحياتي شدعوه أنا أزهق من عمري ..
وقف وراح لها عند التسريحه وشال المشط من يدها وقام يمشطها:يجنني هالشعرأسرتني فيه..
سمر ببتسامه لاوالله بس مايعجبك فيني الا شعري
رائد رافع حاجب ويطالعها بالمرايه ويأشر على صدره أنا قلت كذا..
ضحكت سمر على حركته العفويه:لاماقلت
رائد أجل لاتزورين أقوالي وقرب شعرها من أنفه وغمض عيونه :الله يازينهالريحه ورعيتها.
سمربخجل :رئودي يلا عاد...رائد:عيون رائد قلبه نبضه..سمر توقف وتسحب شعرها من يده بشويش شكلك موطبيعي اليوم بروح أحطلك العشى وطلعت ..
جلس يضحك عليها :يحليها حامل وللحين تستحي فديت روحها سمري حياتي الله يبارك فيج يا الهام على هالزواجه
صح الهام وحشتني من زمان عنها خليني أشوف شعلومها
أتصل فيها ورن مرتين لين أنقطع بس ماردت عليه ألهام كانت في غيبوبة بكاء موقادره تسيطر على نفسها وتتمنى من كل قلبها أنهاترجع لوضعها الطبيعي قبل لايرجع ويشوفها بهالحال وتنكسر زود طلعت لحديقة البيت وتركت التلفون يرن كأنها ماتسمعه مالها خلق أحد لمن قفل الخط .
.................................................................................................... .................
في شقتهم ذات الطابع الأروبي البسيط والأنيق بنفس الوقت ريحة عطرها مس ديور حاشر المكان الهادئ والباااااارد من تكيف الي رافعته عشان مكياجها مايخرب
تحديداً بغرفة نومها البيضاء الناعمه جالسه على طرف السرير وتهزه بخفه تناسب دلعها ونعومتها
الهنوف:يله برهومي ساعه وأنا أنتظر قوم تأخرت البنات حرقو جوالي..أبراهيم:يفتح عينه بتعب كم الساعه الحين ..نوف:خمس..أبراهيم:باقي ساعه ليه مصحيتني الحين توني راجع من العمل وتعبان..
نوف :ميخالف حبيبي أذا وصلتني أرجع نام نوم العوافي يارب لاتنسى أني حاجزه حلا وبمر أخذه ومابي أتأخر بليز حبيبي قووووووم
وقف ابراهيم ودخل الحمام وهو يتنهد بحزن على حاله مع هالزوجه عديمة الأحساس..
وطلع وصلها ورجع نام بعد ماوصى أخوها يرجعها لأنه تعبان ومابيقدر يسهر الين تخلص الأنسه سهرتها وجه الفجر وقفل جواله ونااااااااااااااام
(هذي الهنوف الي أمه أختارتها له هذي أول سوياها والله يستر من الجاي)
.................................................................................................... ............
صخب وصوت الأغاني يصم الأذن والمسرح مليان والقاعه كبيره /////وعيون الخطابات منتشره ههه
دخلت تتمايل بكعبها بعد ماضبطت نفسها عند المرايه بمكياجها لبناني الهادي بلون الموف (بنفسجي فاااتح)
وروجها الوردي وفستانها الماسك على جسمها بنفس درجة الموف الي بالمكياج منثور بصدر شوية فرشات كرستال صغيره وطبعا الفستان تب (دكولتيه)
تجلس على طاوله بعد مارفعت يدها بالهواء وسلمت هاااااااي هبو
هبه صديقة الهنوف وكاتمة اسرارها:هلا والله وغلا ..الله هنوفه شهالحلا كله .. يحظك يبراهيم وتغمزلها ..بس كأن الفستان قصيرون شويتين..
الهنوف :أوه هبه بلى تخلف مين الحين يلبس الى الركبه المهم تلف وتفتح شنطتها وتطلع علبه جلد فخمه وتمدها قدامها شرايج بهالساعه؟؟
هبه:تهبل حيييل بس كأنها رجاليه..الهنوف تهز راسها ...هبه تصفر وتهز حواجبها:يناس عالرومنسيه والحركات
نوف تطالعها بشبح أبسامه:والله أنج على نياتج أهم شي عجبتج هذا الجواب المطلوب ..
هبه:تطالعها بستغراب نوفوه ليكون........
هنوف تسحبها وتضيع الموضوع أمشي نرقص وعن الأسسئلة الكثيره....
هبه تفك يد الهنوف وترجع لكرسيها أما الهنوف رااااحت ولا كئن شي صار
هبه تطالع بساعه الي عالطاولة وفبالها كلام كثييييييييييييير
(هذي الناس الي فاهمه الأناقة والموضه عاري وقصير ولللأسف هذا هو تخلف الحقيقي)
.....................................................................................
فستراحه كبيره وراقيه لكن لللأسف فوضتهم مشوهه المنظر وصوتهم واصل الى أخر دنيا وروائح مختلطه دخان وشاي وقهوه وعطور رجاليه قويه خلطه عجيبه ههههههه
سعود بعد ما خلص مشواره وصل الأستراحه
دخل عند الشباب:السلام عليكم ..الكل وعليكم السلام
خالد:حياالله النسيب شخبارك وشخبار المدام.. سعود يجلس ويفتح أزارير الثوب كأنه مخنوق بخييير ..يمدد الكلمه ويتنهد بهدؤ
رائد حس بحزن على حال سعود وجهه مخطوف ومرهق وكل هموم الدنيا فيه ..وجلس يقول بخاطره هذي متى بتتأدب صح ماتحبه بس الرجال ماقصر معاها بشي وصابر عليها وهي تمادت كثير والله عيب الي تسويه وسكوتنا أكبر غلط أنا لزم أتفاهم معاها..قطع عليه حبل أفكاره........
صلاح:هيه أبو الشباب وين وصلت أصب شاي ....رائد بضيق أيه لاهنت
رائد:وين برهوم مابين
نواف:أتصلت مقفل جواله شكله عنده سهره الحبيبيب هههههه( خوش سهره يعمري عليك يبراهيم هههههه)
سعود:وين الضامنه ماشوفها ....خالد :ليه مشتهي أكسر راسك ؟؟
الادخل نواف:سلام عليكم ياشلة الأنس
الكل:وعليكم السلام
خالد:جيت بوقتك في واحد يبينا نكسر راسه ويأشر على سعود
سعود وهو جاي صوبهم وبيده الضامنه :أي والله من زمان محد كسر راسي..
خالد لاشعورياً محد غير الهام(جاب العيد ههه)
أنقلب وجه سعود بس حاول يسيطر على نفسه:العب أقول خلصنا
نواف:والله كلنا زوجاتنا جايبن فينا العيد يزين أيام العزوبيه بس
رائد:يريتها تسمعك الحين كا ن نومتك عالرصيف وضحكوا كلهم على نواف الي حك راسه وبداء يلعب وهومنحرج
دخل عليهم ركان ووصل معه فهد بنفس الوقت سلمو وجلسو
ركان لاشعورياً كان يطالع سعود بحقد بس تفاجئ يوم التفت عليه سعود وشكله يحزن والهلات السوداء تحت عيونه وأبتسم له أبتسامه كان واضح أنها مصطنعه ومافيها روح أنكسر قلب ركان ورق لحاله (هذا حال سعود من أخذالهام)
سعود:تعال ركون من زمان مالعبت ويانا ولا خايف أهزمك..
ركان يجلس ويحاول يكتم مشاعره:هات لحجار أشوف
ومر ليل مابين بلوت وضامنه وبليستيشن
(هذا حال شباب عسى الله يصلح الحال)
.......................................................
في غرفة يفوح فيها رائحة العطر الأنثوي الخفيف والجو بارد ومنعش ينعش الروح
جالسين فوق السوفا الرماديه الواسعه الجميله
وليد:شفتي فوتي علي السهره مع شباب شكلهم اليوم كلهم متجمعين حرقو جوالي ...
ورود:تضم شفايفها علامه على أنها زعلت من كلامه وتقوم من حضنه وتقول بدلع وهي تتخصر (تحط يدها على خصرها)وتأشر عالباب خلاص تفضل روح أنا أسفه الحق علي الي ابي أجلس معاك ونسهر سوا بدل شلتك الي مامنها فايده وصدت الجهه الثانيه
وليد وهو ذايب على دلالها وملامحها وهيا مكشره:اموت أنا عناس الزعلانه ويلفها له ويحضنهاويبوس جبينها كله الا زعلج أي والله مامنهم فايده وذا الجوال وطفيناه ..
ورودببتسامه ساحره تقرب منه وتضربه بيدها بخفيف على كتفه:لاتزعلني مرا ثانيه هالمره سماح... وليد :اااااااااااي ورود نقزت شفيك وليد:يمرر يده على كتفه ويغمز لها عورتيني ورود تسحب المخده وتضربه فيها :وقفت قلبي يبايخ
وليد:هههههههههه خوافه ....وليد +ورود هههههههههه
وكنت ليلة حالمه (أحسن من جلسته مع شله هههههههه)
.........................................................................
في فلا تهم الكبيره الساعه سته ونص تركض على الدرج بمريولها وتضبط شعرها عسريع وهي تنط الدرجات
أم نواف رندوه وأنت كل يوم هذا شغلك متأخره وتراكضين هذا شعر بالله لامشطتيه ولا شي
رنده وهي تربط (الله يكرمكم)الشوز:يامامي شعري ناعم والحمد لله يهبل ليه العذاب شوفيني شمحلاني
ام نواف:وشهالكحل وين رايحه أنتي..رنده:يايمه ياحبيبتي هذا يسمونه مكياج صباحي شوية روج على كحل خفيف يعني يبين شكلك تبيعي ونعوم
أم نواف :أقول عدلي كلامك وروحي أمسحي هالهبال الي بوجهك الله يعافينا بنات أخر زمن
رنده:يمه الله يخليك أخر مره وعد أخاف نيوف يروح عني..
أم نواف:أنا اروح أخلص شغلي ابركلي من مقابل وجهك ومياعتك من صبح
نايف ينزل كوب القهوه ويلتفت لرنده بهدؤ..نعم أختي ماسمعت شسمي
رنده:اوه غلطنا الشيخ نايف..نايف يرجع يشرب ويعطيها ظهره:ايه تسنعي مني بصغر عيالك ويقلد صوتها نيوف
رنده تبتسم وتتحمد عليه بدون مايسمعها :زين يااستاذ ياشيخ يابش مهندس ممكن توصلني المدرسه
نايف:ليش عندك بدل سواق ثنين وثالث باص المدرسه وشطاري تبيني اوصلك ياأنسه رنده
رنده:أبد ياأخوي العزيز بس بخاطري أكشخ اليوم وأركب مع المهندس نايف من زمان ماركبت معك
نايف يوقف وياخذ مفاتيح سيارته وملازمه:خمس دقايق وتسمعين صوت السلف
رنده تنط من الفرح :يس شكرا يااحلى نوفي وحطت يدها على فمها
ابتسم وهز راسه على خبالها وتحمد وطلع
لبست بسرعه وتغطت باهمال بشبه غطاء الأعمى يشوف ملامحها وركبت سياره.
.نايف مسسرع خلصتي بسم الله انتو يالحريم اذا تبون شي تعرفون شلونتخلصون بدري
التفت عليها ورفع حاجبه مندهش من شكلها كان شعرها نصه طالع من وراها من فوق العبايه وعباتها مفتوحه كلها وازاريرها مفتوحه لنص صدرها
نايف يطق عدركسون بصابعه ويتنهد أقول رنده نزلي المرايه الي قدامك..
نزلتها رنده ولفت عليه شفيه
نايف أقول مو احسن لو تفصخين العبايه لان مانها فايده ويسحب شعرها بخفيف..
رنده تبتسم توها تستوعبت(صباح الخير يختي ههه)ههههه اوه منتبهت كنت مستعجله..
نايف يرص على يدها ممكن تضبطين نفسك عشان نمشي
رنده:ااااي طيب ضبطت حجابها وثقلت غطاها واول ماوصلت عند باب المدرسه لمحت صديقتها العنود ..نايف اممم قدم شوي
نايف :رنده وبعدين عطلتيني ترى..
رنده:شوي بس نايف :أقول انزلي بسرعه..
طيب نزل شباك شوف كم صار وقت الأنصراف عشان تقول لرشيد يجيني توهم معلقين الموعيد..
تنهد ونزل نظارته وقرا ولف عليها ثنتين خلص ببلغه يله انزلي
مشكور يابعد قلبي..نايف لبس نظارته وشخط ولا كانها تكلمه
رنده:شفتيه..العنود:أي والله يهببببببببببل ..رنده:قتلك بس ماصدقتيني..العنود:وشلون أقنعتيه يجيبك
رنده سر المهنه ههههه,.............العنود يمه منك تخوفين
ودخلو يكملون حش بنايف المسكين الي مايدري وين ربي قاطه
العنود صديقة رنده ودايم تكلمها عن نايف وتمدح بشكله وتحدتها العنود تخليه يوصلها عشان تحكم بنفسها وفازت بتحدي
عالم فاضيه هههه
(هذي علوم بنات الثنويه مكياج ومرهنات وحجاب مامنه فايده ههههه)
...................................................................................
عند هشام وعامر
عامر :صباح الخير ياحلو هاه بشر
هشام :هلا وغلا أبشرك لقيتهم بس تراهم مخلوطين مع صور رحلات ثانيه مافضيت أفرزهم وانت واحد فاضي تسلى فيهم ورتبهم لي ههه
عامر:هههه لايشيخ ماتبي أحط كل مجموعة بظرف وأكتب التاريخ واليوم بعد..
هشام:تسوي خير والله...عامر :أقول يله مناك متى بتجيبهم..
هشام:شوف ترى حاجتك عندي تأدب مع عمك هههههه ..
عامروهو يضحك:شكلي بجلد أحد اليوم ماتدري منهوهشوم..
هشام:لاوالله مدري بس اذا عرفت بقولك ...عامر:المهم متى أشوفك ...
هاشم:المغرب كويس
عامر:ايه مره مناسب يله أنتظرك بالقهوه سلام..سكر الخط وبتسم والله ونتهت اللعبة يبدير
توقعاتكم:
شسالفة الهنوف؟
الهام كيف بتكون ردة فعلها لما يرجع سعود؟
عامر شناوي عليه؟
رايكم برنوده؟
وبالبات كامل
أراكم قريبا كونواهنا مشاهده طيبه |