الموضوع: رواية ملكِية ! : توقٌ للهلَاك! { إنهَا لـ حقيقةٌ آثمة. }
عرض مشاركة واحدة
  #53  
قديم 04-04-2015, 05:11 AM
 
السلامُ عليكم و رحمةُ الله وبركاته
كيفك أسيل ؟! إن شاء الله بخير
في البداية أعتذر ع التأخير أدري والله أني تأخرت بشكل مُبالغ فيه بس للأسف
المدرسة التسلبة السبب ، أعذريني يا الحب !

الفصل يا أختي كان شششي جميل يا أختي أحسني تعلقت بـ أرتوش مع أنه
ما طلع كثير في الفصول ! بس أنه خرفني والله خرفني
آه .. كيف قدرتي تقتلي واحد بالجمال ذا أنتِ و وجهك ؟! والله معك اختلال عقلي
الجمال أنك أفتتحتي الفصل بمقولة له .. أيش أجمل من كذا ؟! : (
لو ع كيفي أبي الفصل كله أرتوش من أوله لأخره .. مع ديتروي والباقي
كلهم ع تبن يا أخي لا جد هالاثنين فتنة تسيرُ ع قدمين
ودي أقطع كل بنت تتقرب منهم .. لو عندي الصلاحية والله جد عملتها
عنوان الفصل ما أدري كيف بس عطاني شعور جميل أن أحنا راح نشهد الحماس
قريب "$ و علاقة حب لطيفة بعد عاد أهم شي مو مع أرتوش xDD
بالنسبة للمقطع الأول "$ تصدقين مع أني كنت حاقدة ع إغراسيا من أول
ظهور لها بس ما أدري أحسها كيوت الحين .. أبد مو شينة
عجبتني صراحة علاقتها مع آلايت :madry: صداقتهم شي جميل "$
ما أدري ليش كانت محبطة بالضبط .. بس واضح أنها للحين تذكر ديتروي xDD
قلب علومها آخر مرة العبقرية المهايطية .. صار فلم رعب الحين ليها
و أوستن يا أختي للحين ما بلعته ما أدري ليش !
بس بنتظر وبشوف ما راح أحكم عليه بسرعة xD
وفي المقطع الثاني والله أن ديتروي قتلني قتلني من الضحك .. دمرني:lamao:
اقتباس:
رفع السيفَ لـ مرأى مقلتيه ولم يجدهُ سيئًا! لكنه لم يكترث فـ قذفَ بِهِ بعيدًا ، وعادَ لكتبهِ هناك !
وأنا اللي حسبته الحين بقوم عليهم وبصفقهم واحد واحد والله أنه رايق
هو وكتبه هالولد xD عجبني لأنه طنش أفيريا ثقيلة الدم هذي
ويا أني ضحكت عليها ضحك وهي تتصفق وهو بالع جو مع كتبه وساحب
بس بعدين قام لهم وصفقهم من جد ما يمزح الولد :hehehe: وهم ع طول النحشة xD
بس يا أختي أفيريا هذي شكل عقلها مقدم ع إجازة : ) استيعابها أبن كلب --"
طشفت الحب الله يطفشها أنا أقول يقتلها ويفتك من رقعة وجهها "$
بس ما توقعت أن سيد ديتروي هو نفسه أرتوش ! يا أختي هني أنا شهقت
بس أصلاً ما أحد يستاهل ع قد ما يستاهل الحب وبالنسبة للوريث أحسه
بنت ما أدري ليش xD احساسي القوي مرة يقول أنه بنت
و جتني فكرة أنها ممكن تكون ألايت بما أن عندها حضور أرتوش : ( ممكن !
بس ديتروي طلع مسكين مظلوم أسفة يا الحب ع كل دقيقة شكيت فيك فيها : (
لازم أعتذر ! تعال تعال .. بعطيك قبلة أعتذار <~ طنشيها :hehehe:
اقتباس:
_لابدَ أن الأولد ديوس قد مات.
هكذا قالت وكم شعرَ ديتـروي بإمتنانِ ان أحدًا يُفَكِرُ هنا!
وكلوديا لو ما هي موجودة في المكان .. كان من جد ديتروي مات ! كيف بيتحمل
يقعد مع اللي ما تتسمى ؟! والله ما أدري ليش للحين ما قتلها !
اقتباس:
_لوهلَة إعتقدتكَ خائنا ، أسفة كونِي لم أتوقع ذلك!
لم يهتمَ حقًا بـ ما إعتقدته! ولم يعلَمُ أن سذاجتَها هَذِهِ تزعجهُ كما الآن .. وتحدثَ بـ جمودٍ حاد ، يغفي عينيه :
_لستُ انا من أخونُ أسيادي! وطالما ان 'غيركِ' افقهُ بي .. سـ يُذاع خبرُ مَوتِ سيدي!
موتي أحسن ترا يعجبني اللي مو جايب خبرها وخبر اعتقاداتها الكلبة
أتساءل إذا كان وريث أرتوش بشري "$
و المقطع اللي بعده يا أخي لاتيا بلعتها ع ما بلعتها ما أدري كيف xDD
بس أنها أحسن من الزفتة اللي ما تتسمى يعني أحسني بحبها بقوة
في المستقبل وكذا ما أدري ليش عندي هالشعور
ومثل ديتروي ما أتوقع منها خيانة صراحة ، دون أسباب مُقنعة على الأقل.
و لوليتا ما غير تشك في هالمسكينة ! xD الله يعينها بس إذا هذي سيدتها
اقتباس:
رفعَت من طأطأةِ رَأسَهَا القليل ، وشبحُ إبتسامةٍ لم تكن لتلحظَهُ لوليـتآ أبدًا تجلى قبل ان يَختَفِي سريعًا ، تقول :
_لم يُصبنِي الجنونُ كما حالهُ ، آنستِي.
هو شوفي هو صح مجنون رسمي بس لا تغلطي ع الحب .. لوليتا خصوصاً !
يا حليله هالمجنون : ( يا ليت كل المجانين مثله *وضعية تخرفن*
وفي النهاية سؤال لوليتا لـ لاتيا إذا كانت بترتكب الخيانة لو لا ؟!
هو اللي حفزها و ساعدها أنها تتخذ قرارها بعد ما سمعت الجواب عليه
لاتيا كان جوابها صريح جداً .. أبتعدت كامل البعد عن المثالية ، شي جميل :madry:
و أوستن و آلايت عايشين قصة حب يا أختي .. مرة داخلين جو xDD
ما قدرت أتقبلهم مع بعض : ( كنت حاطة في بالي أن آلايت بتكون لشخص ثاني
<~ تخريف آخر الليل :7ayaty: بس جذبني موضوع أن أوستن كان ملاك
اقتباس:
وقد حملها بينَ يَدَيهِ بـ طريقةٍ تكرههَا حِينَ رفضهِ لأن تَجلِسَ أعلاهُ فـ يبدو كما حيوانًا أليفًا لها ..
ههههههههههههههههههههههههههههههههههه يا أختي ما أدري ليش هالسطر
قتلني من الضحك .. أهم شي كبريائه هالمسكين:lamao:
و المقطع الأخير أجل كلوديا كانت تبي الحب يطلع من المكان ؟! عندها عيون هذي ؟!
لا نقلب عليها بس .. يعني صحيح ناس ما تقدر النعمة
لو أنا كان هه وبعدين هه "$ <~ طنشيها طنشيها تماماً xDD
ويا أختي عندي فضول قوي حول الأولد ديوس : ( صعب أني أتوقع أشياء عنهم
مخططة عموماً أدخل راسك وألعب هناك وأكتشف سالفتهم
بس النهاية يا أختي وقفت قلبي .. يا نحسة ما لقيتي إلا هذا المشهد عشان
توقفي عنده ! والله يبغالك قتل .. حرام عليك في نص الحماس
اقتباس:
_سـ..ـيدي!
بؤبؤاهُ إهتزا .. مقلتيهِ إقترنَت بها. بحثَ عن شبهٍ بِهِ ولم يجده ، عدا ان وجودهَا بأكملهِ كَفيءٌ لـ أرتوش ..
آه يا حظ أرتوش فيك عشان تناديه سيدي <~ وحدة ما عندها سالفة
متحمسة أعرف ايش بصير تباً أسيل لا توقفي في مقاطع زي كذا : (
مرة ثانية بالرشاش ترا صدقيني

المهم أعذريني ع الرد البايخ : ( و على التأخير أكيد
أبد ما يوفيك حقك هالرد .. بس إن شاء الله يعجبك ولو شوي يا جميلة
تستاهلي أكثر والله وجاري تقديم كلُ ما هو جميل "$
في أمان الله
__________________