عند العائلات الجزائرية من المستحيلات,حاب تعرف وشّي هي؟
تبّعني عزيزي الافريقي تشوف........
كاش نهار روحو تع داركم من عرس وقالو عدّا مليح ؟؟

تتفكر يوم من الأيام خرجتي م الدّار وما قالولكش أنت هابط طيّش لابوبال في طريقك؟

هل مرّ عليك يوم عزيزي الافريقي وما قالولكش روح اشري,أيا وكي تشري وتروّح يرجعوك باسكو نسيتي حاجةO_O

تكذب على روحك كون تقول ما عنديش واحد في دارنا على الأقل مين يدخل لاصال دو بان (الدّوش) وما يجيبش نص ساعة لتم

من الأمبوسيبلات السّبعة توصّي لعزوز باه تنوضك,وتنوضك ف الوقت,ديما قبل بربع ساعة على الأقل تقول الطّيارة ح تروح عليك :lamao:

أيا سيدي قلّي برك تشفا كاش نهار عدّا كوغتاج ع كرتيك و واحد ما طل يقرعج من داركم.ها قول برك ما تحشمش واحد ما هو برّاني هههههههههه

هادي هاااادي لاميّوغ,كي يجيكم ضيف قول والله جامي وصّاوني وقالولي غير ماكلّاه تعمل لقطة تع بهادل قدّام الضّياف,
الحمد لله ديما مشرّفهم وأشاك فوا تبهديلة جديدة.

وختامها مسك مع الضياف توجوغ,
العائلة الجزائريّة معروفة بالكرم بيان سوغ
وديما يوصّيو و يعاودو,وقت الماكلة عندك تحشّمنا وتوكل كيما موالف لا يقولو هارب م المجاعة





مقتبسة من كتابي (لافامي ألجيغيان.. بين الحاضر وأيام زمان.
(منقول )

__________________