°¨*~¤¦ الفصل التاسع ¦¤*~¨°



رن منبه غلا والساعه كانت تسع الصبح ، فتحت عينها بكسل كبير ورغبه شديده انها تكمل نومتها بس صوت لطيفه من بره الدار خرب عليها نومتها وقامت ،،
حطت ريلها بالشبشب وهي تمشي للحمام (وانتوا بكرامه) بكسل وبردو وتمسح وجهها وتلم شعرها .
طلعت من الغرفه بعد ماتسبحت لانها حست انها مكسله حيل اليوم وطلعت من الحمام منتعشه فريش
لبست بنطلون بني محروق وعليه قميص طويل من الشيفون بس شوي ثقيل كانت الوانه الاحمر والبني وطلع عليها رررررررررهيب ،، كحلت عينها وحطت شوي شدو بني حطت قلوس يبين حمرة شفايفها بس بخفه ونعومه كملت لبسها ولبست طقم من الالماس الاحمر والبني مرصع الطقم خاتم مع سلسلته وسويرته وساعه ماركة شوبارد ..
كملت لبسها ولمت شعرها ولبست شيله بنيه قلبتها حمره وتعطرت من الزين بعطر Miss Dior وطلعت .
اول ماطلعت مالقت فالصاله غير عمر انحرجت لانه لما شافها وقف عمر كان طولاان حيل عن قبل ونزل بوزنه والنطلون الخيشي بين روعة جسمه فصخ نظارته الشمسيه وحطها بمخباه الصدري وهو مرتبك من غلا
عمر ( شنو حلوه بالاحمر ، ابي اقولج شكثر بس انا وعدت نفسي اخفف من كلامي معاج عشان ماغثج! حلووووه وربي حلوه)
غلا (شيل عينك تفكى ترا صج استحي، شصاير فيه؟ ظعفان؟ طولان؟ متنان؟؟؟؟ بس محلو ! )

غلا بنعومه : صباح الخير ..
عمر بصوته المبحوح : صباح النور ..
غلا مستحيه منه هالمره وايد ماتدري ليش؟ (ههههههه كله من الاحمر يمكن لووول)
رفعت عينها تشوف السقف وهي تنتظر وعمر ظاع فعيونها شنو حلوه عيونها الكلبه وساااااااع يالملعونه

خالد قرب شافهم سرحانين ماقدرت النذاله فيه تمسك نفسها بعد ونقز لهم

خالد بصوت فكاهي : صبااح الخييييييييييييييييييييييييييييييييييير

غلا نقزت وعمر تخرع : بسم الله

عمر :شفيك مب صاحي خويلد ، خرعتنيييييي والله
غلا كانت تتنفس وهي ميته خوف
خالد : ههههههههههههههههههههههههههههههه لا ماخرع انا خالد

طلعت لطيفه مع سعود وهم جاهزين وطلعوا من الفندق
غلا لين الحين حازه بخاطرها طريقة لطيفه وتعاملها معاها صارت تتجنبها واغلب الوقت تمشي بروحها او مع عمها وساعات خالد يجي يستعبط ، عمر حس انها متغيره عليه نادر مايقعدون مع بعض ويكلمون بعض!!

راحو لمحطة القطار بالسياره كانو يقدرون يروحون لها بالاندر قراوند بس فظلوا السياره الخاصه ..
خالد فالسياره كان يلعب بلعبه بايخه تشبه القيم-بوي من زود لملل ومندمج
عمر كان مسند راسه يفكر (الرجعه قربت لازم افكر شلون اكسب الوقت وافاتحهم بالموضوع!)
غلا اللي كانت قاعده مع لطيفه وخالد جدامهم كانت تطالع الشوارع والطرق اللي يمرون عليها وهي تتمنى لو كانت هالرحله مع عمها سعد؟ ابوها؟ امها؟ خالاتها؟ لكن شتسوي؟؟؟؟

خالد عطى السواق سي-دي لان الاذاعه ممله حدها

شغله وكانت الاغنيه .: القساوه :.

}}جايب هالقساوه منين منين منين
منين ياطيب؟
وانا اللي اعرفك زين زين زين
زين ياحبيب
اذا احزن تشيل الهم
واذا اتحسرت تتألم
إلي وياااك
إالي ويااك
عشرة عمر
مو يومييييين{{


غلا قعدت تطقطق باظافرها بهدوء على القزاز والسياره هاديه غير عن كل مره ..
وقفهم السواق عند كافيه وخذا لهم بريك-فاست خفيف للطريق

سعود خذا بريك فاست نورمال كرواسون وزبده وقهوه ولطيفه مثله
غلا خذت كرواسون بالشوكولا وعصير برتقال وكيكة فدج لانها سمعت انها حلوه من هالكافيه
عمر خذ ريوق مخصص من المطعم مع عصير برتقال بالعسل << استغفر الله
خالد ماشالله خذا كرواسون شوكولا وجييز ساندوج وطبق عندهم مثل الستروبري وفانيلا وخذ ****ز وبلاك كوفي وعصير رمان وماي ...

قعدوا ياكلون فالطريق ..

خالد وزع عليهم شوي من ريوقه لما شبع لووول


الساعه : 12:30 وقفت سيارتهم بعد مانتهى الطريق وخذوا 3 ساعات حتى وصلوا..


نزلوا لمحطة سالزبيرغ صغيرة الى حد ما فيها سوق مصغرة و فيها مركز معلومات سياحي.

خذوا تاكسي الى الفندق كان قريب من المحطة ويقع على نفس الشارع.

تمشوا فالمنطقه وشافو نهر السالزاك ..

خالد راح مع امه فرحله بالنهر مدتها عشرين دقيقه غلا خافت منها وماراحت وعمر بعد وتموا ينتظرونهم باللوبي ..

ماطولو بهالمنطقه وايد ورجعوا مره 2 .. لانها ماعجبتهم حيل ..

الغرف بالفندق كانت شوي ظيجه حتى اللوبي صغير ....

.* ~ اليوم الثاني ~ *.


اليوم كان هو اليوم اللي قبل قبل الاخير يعني بقى لهم يومين بس ويردون قطر ..

خالد يكلم الكامره ..

سوينا تشك اوت من الفندق (يطالع ساعته) والساعه تسع الصبح عشان احنا دياي ..

توجهوا الى محطة القطار بواسطة التاكسي وعلى قطعوا تذاكر الى مدينة انسبروك وكان سعر التذكرة 30 يورو للشخص ومدة الرحلة ساعتين.القطار كان جاي من فينا ووقف وبعدها تابع سيرة الى انسبروك وبعدها واصل الى مدينة زيوريخ السويسرية القطار مشي مخترقا جبال الألب الى وصلوا الى محطة القطار في انسبروك ،، بعد النزول من عربة القطار توجهو الى اقرب تاكسي وبالصدفة كان السائق مصري الجنسية واسولف معاهم نزلوا في فندق يقع على بعد 200 متر تقريبا من المحطة.
كان الفندق غايه في الروعه مع انه كان 4 نجوم ..


خالد يصور الفندق والغرفه يصور المدينه من دريشة غرفته ..

غرفته كانت مشتركه مع ابوه وعمر نام بالصاله وغلا ولطيفه بدار ..

طلعوا من الفندق يدورون عن مطعم للغداء ماكان جدامهم غير ماكدونالدز كان في منه فرعين على شارع ماريا تريزا وهو اهم شارع في انسبروك وهو الطريق المؤدي الى وسط المدينة القديم
عمر وخالد جن جنانهم يوم لقوه لووووول

تغدوا فيه وطلعوا خالد وعمر وغلا كانو ياكلون ايس-كريم .. لان الحر كان زايد هاليوم ..

رجعوا للفندق ونامو لهم ساعه وبعدها طلعوا خذهم السواق فمشوار قصير ,,

مروا بمعلم بارز وهو مبنى قوس قديم بوسط الشارع تمر منه السياير خالد عجبه القوس حيل

خالد: يمه ببني جي فبيتنا
لطيفه :أي انشالله ..


وداهم لنهر في انسبروك اسمة نهرالأن ..

القعده فيه كانت خرااااافيه مو طبيعيه

الكافيهات تارسه المكان كله قعدوا والجو كان ولا احلى نسيم بارد وغيوم
شربوا لهم قهوه وبعضهم عصير وخالد عصير مثلج ..
صور مع عمر على النهر والصوره طلعت حلوه وايد ..

بعد ماخلصوا رجعوا الفندق لان باجر وراهم رحلة ..