¨*~¤¦ الفصل الثاني ¦¤*~¨°

الساعه : 9



محد صاحي







10

نو ون







10 ونص







ولاطير










زين 11







ولاحد









12 وربع

كلهممممممم نايمين عدا سعود وقوم معاه لطيفه





الساعه 1 ياطويلين العمر ،،

قامو خالد وغلا وعمر ..

خالد كان متسبح وخالص بداره قافلها وفاتح باب الحمام مشغل اغنيه ويغني ويحلق..


((حبيبي ويش ابوصف وش بقول؟
انت ماتصورت العقول
انت فوق فوق فوق
فوووق الكلام
المعذرره
لوخانني التعبير
المعذره انا في حبك
أسير .. ))

طلع من الحمام وهو توب الفرررررش حده ..
لبس ثوب نص-كم ومشط شعره وتعطر ونزل ..

خالد : اللللله شحلو البيت راحة راحتك
لطيفه : هههههههههه،، وي يعلني ماخلى من هالطول ولا من هالصوت اناااااا
خالد يبوس راس امه .: يخليج لي يايمه

خالد قعد ياكل عند ريل امه
نزلت غلا وهي لابسه جلابيه مغربيه حرير فيها رسم بالزيني والعنابي والاحمر والبيج متكحله ولافه شيلتها سلمت علي لطيفه وقعدت

لطيفه نادت الخدامه تجيب لغلا ريوق

غلا : لا يمه مابي والله ماشتهي
لطيفه : لالالالا شوفي لونج مصفر
غلا : والله ماشتهي مالي نفس بتغدى بعد شوي مالي خاطر ريوق
لطيفه : اللي تبينه ، خلاص go Rozena

نزل عمر وهو لابس جلابية بيت وبعد توه محلق ماخلى غير القفل ..

الساعه 2 لطيفه راحت نامت وخالد انسدح يغفي له شوي على السوفا بالصاله ..

غلا راحت الصاله الثانيه تشوف التلفزيون وعمر بالشق الثاني من الصاله ماسك ورقه كبيره شوي يرسم بالرصاص

غلا: مواهب يعني
عمر وهو مندمج : هههه شفتي شلون !
غلا: عمر زعلان علي؟
عمر يلف لها: انا ازعل عليج؟ بذمتج اقدر؟
غلا نزلت عينها
عمر : هين ياغلوي انا قايل لهم عنا قايل صبري بس
غلا تحس ان قلبها انقرص ماتدري ليش ابتسمت وراحت دارها تتكشخ وتطلع الصوايغ عشان بيروحون البيت العود ..

كانت غلا لها شنطتين هههههه راحت بوحده ردت ب2
طلعت صوايغ الكل وحطتهم باكياس ونادت الخدامه تساعدها ورتبوا الدار وبعد صلاة العصر قعدت تلبس تسبحت ولفت شعرها ..

طلعت التنوره الي شرتها من السفر لبستها مع اللي شرته وحطت شدو فيروزي مدموج بالاحمر وخطت الكحل فوقه حطت قلوس احمر خفيف مو قوي وكحلت عينها كملت باقي لبسها وعلى الساعه اربع ونص نزلت مالقت غير عمها طالع للسياره طلعت وراه وتغشت وركبت

سعود : اوه هاي غلا من متى وياي يبا؟
غلا : هههه توني عمي لحقتك بس ماشفتني
سعود : أي (وهو يحط اغراضه )
جات الخدامه وانترست الشنطه كلهااااااا اكياس

جات لطيفه وركبت ووصلوا للبيت العود .

عمتها تغريد وعيالها كانوا ينتظرونهم وسعد واليده ..

افتحت غلا الباب وشمت ريحة العود اللي ولهت عليها عمها سعد ولطيفه راحو الميلس
شافت عمتها تغريد وركضت لها ولمتها وسلمت عليها وراحت عمتها ودخلت الميلس غلا دخلت دار الياهل الصغير وباسته فصخت عباتها وعلقتها بداره عدلت شكلها وزودت شويه كحل وقلوس تعطرت مره 2 وطلعت اول مالقت لقت عمها سعود وسيدددددددددده له لمته بقو وتمت عيونها تدمع

سعد : لالالا ليش الدموع حبيبي؟ يلا امسحيييهم
غلا : ولهت عليك حيييييييل عمي
سعد :وانا اكثر حبيبتي (يقعدها على الكرسي) ،، قولي لي شخبارج؟ شلون السفره شلونج مع عيال عمج؟ ولطيفه؟
غلا بين عليها انها متظايقه حيل مو شوي
غلا وهي ترجع خصله ورا اذنها: حمدلله
سعد يرفع ويهها من حنجها: شفيج يبا؟ حد مظايقج؟
غلا حطت راسها فحظنه وتمت تصيح من كل قلبها وتمت تصيح وتشهق وتمسح دموعها وعمها يمسح على شعرها وهي تحس انها كانت محتاجه لهلحنان ترتوي منه مره ثانيه بعد مافقدته ..

رفعت راسها وعيونها مولعه ..
سعد يوخر الشعر عن ويهها
سعد: قولي لي كل شي.. شسوت لطيفه؟
غلا :مااااادري عمي فجأه قلبت علي وصارت تقط كلام وتفشلني جدام عيالها (تصيح)..........
سعد: يابعد عمري والله ، حبيبتي استحمليها
غلا: عمي مابي اعيش وياها عمي اصلآ مو حلوه بيتها كله صبيان تكفى
سعد : ولايهمج ياضوى عمج انا اليوم اكلم سعود مره ثانيه عشان خاطررج ،آمري بعد!
غلا تلمه بقوووووووووووووووه : عمي لااتخليني بروحي .
سعد: افا انا مايوخرني عن بنتي غير تراب قبري
غلا: لاتقول جي عمي بسم الله عليك، الله يخليك لي انشالله ،، ياريت ياعمي لوكان ابوي حي، تتوقع شكان بيسوي فهاللحظه؟
سعد طرى عليه اخوه وسكت
بعد سكوتهم ,,
سعد : يلا غلااي ماتبين تقعدين وياهم
غلا: حاضر عمي
وطلعوا لهم وقعدوا يسولوفون ووزعت غلا الصوغه وقعدت حذا عمها وهو يفتح الي شاريته له

سعد :الله الله شهالريحه الحلوه
غلا: هههه عجبتك عمي؟
سعد : اكيييييد
غلا : =)
سعد يفتح شي مغلف ,,
سعد: ها؟؟ شنو هاي؟
غلا: هههههههه هاي جي عمي تفتحه والعلبه من داخل ترتفع وتطلع منها ساعه
سعد : يه يه يه شهالزيييين والله ياغلوي منتي هينه
غلا: ههههه شفت شلون عمي
سعد: يخليج لي والله ياغلوي كبرتي يالخايسه
غلا تبتسم وهي طالعه تجنن : ههههههههههه

..: بعد العشا :..

لطيفه تطالع الساعه كانت عشر ونص

لطيفه : يلا غلا ماتبين تردين؟
غلا: أي انشالله بس البس عباتي
لطيفه: يلا خالد بيمر علينا
تغريد: خالد ولاشفناه سلم هو واخوه وراحو
لطيفه: يختي شنسوي هاي حالتهم
تغريد تبتسم لها ..
غلا : يمه ماشفتي شنطتي؟
تغريد: كاهي حبيبتي
(( صيح لهم خالد هرن من بره ))

لطيفه : يلا غلا كاهو خالد جا ،، مع السلامه تغريد .
تغريد : الله يسلمج ونستونا والله ..
لطيفه : الله يخليج
تغريد: انتبهي على نفسج غلا ( غلا تحب راس عمتها)
غلا : انشالله عمتي ،، سلمي على يدتي وايد قولي لها لاتنام من وقت ههه وعمي سعد وايد وايد وايد
تغريد: انشالله ( وهم يمشون حتى يوصلون الباب وتغريد توصلهم)
غلا: وفاطمه بعد وعطوها صوغتها وخلودي وعلاوي بوسيهم عممممممممتي
تغريد: انشالله حبيبتي ..
غلا : مع السلامه ..
تغريد: الله وياج (وهي تسكر الباب)

خالد فالسياره ..
خالد: ها يمه شلون الجو هناك؟
لطيفه : استانسنا والله يحليلها تغريد ماقصرت
خالد : على راسي طنط توته
غلاا ظحكت وانتبه لها خالد
خالد: اوه اوه اوه وانا اقول من يظحك غير غلا؟
غلا: ههههههههههههههه
خالد: ها شخباره عمي سعد؟؟
غلا: تمااااام طيب
خالد: يحليله عمي والله استانس وياه.. ماقال متى بيخطب؟؟
غلا: هههههه لا والله ماعلم
خالد: أهاا
(بعد سكوت)
خالد: يلا بوديكم نشتري عصير ههه على حسابي
وداهم خالد وشرى لهم عصير ورجعوا البيت ..

غلا كانت تحس بنفس تعب العيد ..


تعرفونه؟
لما تردون من بيت اهلكم يوم العيد بالليل وانتوا مانمتوا الظهر وقت كافي وقايمين من الصبح وتعدل وشطه وتردون جسمكم مكسر يااااادوب تخلصون الدري وساعات ننام باللبس ونقوم بعد نص ساعه نغير
ههه صراحه هاي شعوري..

وجي حستت غلا متكسره ..
لطيفه وخالد قعدوا يدورون فالحوش خالد يكلم امه عن الشغل وجي وغلا راحت تبي تناام

فتحت الباب مالقت حد فالبيت والليتات شبه مطفيه بس اضائه خفيفه راحت صوب اللفت عيزانه تركب الدرج ولقت عمر طالع من المطبخ يشرب عصير

عمر: وخر عن المقفلين
غلا: هههههههههههههه
عمر: رووحي نامي من سنه مو نايمه جنه
غلا: أي والله ،، تصبح على خير

غلا ماعرفت شتسوي تبي تشيل المكياج بس عيزانه ومالها بارض تتسبح مسحته بسرعه وغسلت بدلت ملابسها ولبست قميص نوم قصير شوي وملابسها وكل شي على الكرسي
فتحت شعرها وسيده نامت بالتعب اللي سكنها اليوم .,.,.,.,.