| البارت الخامس ....بارت طويل لعيونكم كسر ظهري
سعود لاشعوري فتح عيونه من جمالها ونعومة شكلها
سلمت وحطت العصير.. وقف بيطلع بس مسكت يده ..وباسته
سعود:...........................................
....................................................................................................
سعود جمد من حركتها وحس بخفقان وكان على وشك أنه يلين لكن الي صار عكس مشاعره
لف عليهابرود ومسك يدها ..وحطها على قلبه ..وقال بصوت هادي:هاذا عاااافج
وابشرج.. ترى مدة حبسج.. أقصد زواجنا باقي منها شهر ونص.. ماظن تقدم ولا تأخر
..ادري مو فاهمه شقصد ..بس قولي للمحامي حقج ا.رائد يفهمج
كل هالكلام والهام واقفه بصدمه.. ودموعها تنزل.. ومغطيه فمها بيدها ..تسمع كل حرف ..الموقف اكبر بكثير من تحملها ..اقوى كسره لكبريائها.. بعد ماجات تعتذر.. وتتوددله يصدها
سعود بلا مبالاه لدموعها.. يلف متجه للباب ..وقبل لايفتحه ضرب على جبينه:اوه تذكرت
..انا مسافر بعد يومين.. وبرجع بعروستي........ وطلع تركها بمشاعر لاتوصف
الهام ماتحملت ..حاولت توقف.. لكن رجلها ماشالتها ..نادت بصوت مبحبوح ورود.. الي كانت واقفه وراء الباب.. بحال يشبه حالها ..الدموع أخفت المكياج.. والحزن يعصر قلبها من شكل الهام
....ومن كلام أخوها الي ماتوقعته ابد.. بموقف مثل هذا
وصلت عندها ورود ..وسندتها ..كانت ترجف من البكى.. وصلو لصاله.. وجات نرجس تركض لما شافت شكل الهام..ورود أكتفت بأنها تسلمها لنرجس وتغطت وطلعت لسعود الي فالحقيقة راح وتركها ...
ورود:الو هلا وينك
سعود بحده:مشيت كلمي زوجج يجيج
ورود:لكن وليد........
سعود يقاطعها:حسابج بعدين بتندمين على لقافتج ...وسكر الخط بوجها
ورود رجعت لداخل الفلا بحرج كبير... عشان تشوف احد يوصلها ...وبلفعل ارسلت نرجس وحده من الخدم مع السواق... وراحو وصلوها بيتها...
اما الهام مانامت لما كلمت رائد وفهمت كلام سعود
.................................................................................................... .
عوده لكناري الحب الساعه تشير الى 3 بعد منتصف اليل
شهد:يوه خالد أطلع خليني أبدل
خالد بمكر:بدلي.. مغمض عيوني ..وبعدين ..عشان أساعدج ..كيف تطلعين من هالفستان هههههه
شهد بنبرة زعل:لاتطنز.. شعرفك بلموضه أنت.. ولحين لو سمحت أطلع
خالد ينسدح على سرير:انا بنام ..أذا خلصتي قوميني
شهد ترفع ذيل الفستان بيد ...وتمسك القميص باليد الثانيه ..وتروح أتجاه الباب
خالد ينط وين
شهد بروح البس...خالد يطالع بساعته:اوه تأخرت واجد
شهد ترفع حاجبها بستغراب:تأخرت على أيش
خالد يجيها وهو يهز حواجبه:ماقمت بالواجب....شهد تلصق بلباب:خالد لاتتهور
خالد وهو حاضنها بقوة من وراها.. حول خصرها:معليش يقلبي.. بيأذن الفجر ..وانت لسه تفكرين تبدلين.. معليش أنا زوجج الحين سامحيني...
شهد استسلمت وبدل لها خالد هههههههه وليلة سعيدة
............................................................................................
فبيت جميل سنزوره للأول مره
هديل دخلت غرفتها ..ورمت الكعب .. وجلست على سريرها.. وهي تدلك كعب رجلها
:ايي.. والله احنا يالحريم ..بالشين نفسنا بهالكعوب ...أخ يظهري أنكسر
تروح توقف عند المرايه.. وتتأمل نفسها بأعجاب :واه يزيني.. أهبل ..وينك يانواف.. عن هالزين كله
وتفتح شعرها الي كان بف خفيف ..والباقي كان ويفي.:.اللهم صلي على محمد.. كذا المكياج يحلي
يبختك ينواف فيني...
...:أي والله يبختي وبس... هديل تشهق .. وبعدها سمة على نفسها(هههه بدري):أنت من متى هنا...
نواف يمشيلها ..وهو يقلد صوتها:واه وزيني اهبل...أنصبغ وجهها أحمر.. ونزلت راسها مستحيه من هبالها(هههه)
نواف يحضنها:ياعمري على الي يستحون ..ويبعدها عنه .. ويرفع راسها بيده:شوهالحلاوه أشوف.. لفي خليني امتع عيوني بهالجمال..
هديل تشبك أصابعها بعض...: نوفي خلاص عاد...نواف يبي يجننها زياده:شكلك تعبتي من الوقفه ..يجلس على سرير ويجلسها بحضنه..هاه كذا احسن...
هديل تبوس خده وتحضنه:الله لايحرمني منك...نواف يشد على خصرها ..وطالع بعيونها:ولامنج يادنيتي انت..أي كذا ..مو من ساعه تدلعين ومستحيه..وقالها بهمس وصوت يذوب: وحشتيني هدولتي
هديل الي أختفت وذابت (ههههه) فقامت من حضنه ..وغيرت السالفه:اممم الفستان ضايقني ..ببدل وبرجعلك...
نواف يسحبها من يدها.... وطيحها على سرير:العالم شبعت منه ..أنا ماشفته زين..وانسدح بجمبها
والباقي .............................
ليلة ورديه يامشتاقين....تستاهلين ياهديل هذا الي تغيب عن زوجها هههههههههههههه
.................................................................................................... ......
في نفس هذي ليلة الطويله في أحدثها القصيره في النظام الكوني
تتكلم بصوت أقرب للهمس:لاموهذيك أم التركواز.. لا الي جنبها
العنود وهي تمسح المكياج.. بعد ماصورت خمسين الف صوره (هههههه):أي وحده ..عاد أنت رندوه ماتعرفين توصفين..
رنده تجلس وهي تتأفف:اوه أنت الي ماتفهمين.. شفتي طاولتنا...شفتي........وسكتت لما دخل عليها نايف.. وتسند عالباب.. وتكتف
رنده بربكه :ببباااي....العنود:شبلاج....رنده:......سكرت
العنود :الحمدلله والشكر... شفيها ذي خبله...بخلص وبرجع أتصل فيها
...
نايف يعدل نظارته الطبيه:الساعه كم الحين؟.؟
رنده:........
نايف:وين صوتج ..أنخرستي فجأه سبحان الله
رنده:والله مو ولد؟...
نايف رفع حاجبه بستغراب .....وجلس على مكتبها ...ولف عليها بلكرسي نص لفه.. وهو راكزذراعه على الطاوله... ويده تحت ذقنه(لتقريب نفس وضعيتنا اذا طفشنا ههههه):اهاا قلتيلي...
رنده كانت ناشفه من لخوف ..صح نايف اسلوبه بارد ..ويصلح محقق.. بس عصبي شوي
رنده بربكه.. تمدله لجوال وهي جالسه.. (نست كيف تقوم هههه):والله شوف هذي عن...
جاها ومسك يدها ولجوال فيها ..ورص عليها.. وقفها
رنده:اااه فكني والله أسفه
نايف فك يدها:هالمره بس رصيت عليها.. المره الجايه بقصها لج ..وبقص أذنج معاها..بصراخ سامعه...
رنده وهي تبكي.. وتهمز يدها:سامعه...وطلع وصفق فلباب
رنده تلف عالقبله:عساك الموت ينويف.. كسر بهاليد...والله لاأعلم نواف عليه..بس مستقوي علي
الله يعين الي بتأخذك...اي ييدي...
......
ليان كانت صاعده الدرج ..وسمعت صوت باب حجرت رنده ....ركبت بسرعه وشافت نايف وهو رايح لغرفته...
ليان:نيوف...نوني.....
نايف يطالعها بنظرات حاده:انتو شقصتكم ..ليكون تحسبوني للحين بزر.. انت نيوف وأختج نوفي...اسمي نايف رجاءً ..الف مره قتلج ماحب الدلع البايخ...
ليان تقرب منه وتسحبه من يده ..ودخله غرفته:اوصصصص فضحتنا.. امي راقده.. بسم الله علينا
شبلاك أنت معصب يكافي...
نايف ينسدح على فراشه:ممكن تطلعين وتسكرين الباب
ليان تجلس على طرف سرير:ماني طالعه لين تعلمني...نايف بنفاذ صبر:روحي لختج تعلمج ..خليني ارقد ..وراي صلاة فجر...
ليان وهي توقف:ايه مدام السالفه فيه رندوه ...بس.. اذا عرف السبب بطل العجب...تصبح على ورد...وطلعت وسكرت الباب
نايف:يبيخكم ويابيخ دلعكم...ويقلدها..تصبح على ورد...وتغطى وناااااام
........
ليان طقت الباب على رنده ..ولما ماردت.. عرفت أنها تفكرها نايف فقررت تدخل...وبتسمت لما شافتها.. وقفت حركتها وتجمدت..عشان تبين نفسها نايمه
ليان تشد البطانيه:ادري أنج مو نايمه.... رنده تنقز.. وتضم ليان:ليون أهى.. أحسبج نيوف العفريت
شوفي..وتوريها يدها حمرا
ليان تمسك نفسها ماتبي تضحك من كلامها ..وتمثل لجديه:شمسويه..رنده بخيبت أمل:انتو ليه ماتحبوني...مو أختكم أنا ..قولو الصدق.....
ليان خلاص مو قادر تمسك نفسها ...ضحكت من قلب على خببال أختها.. الي تتكلم من جدها ومتأثره....رنده:تضحكين بدال ماتقولين ...سمله عليج
وتسبينه.. وتروحين تهاوشينه...جايه تكملين علي .... ليان وهي لسه تضحك:اله كل هذا ماتبيني اجلده ههههه
رنده تنسدح وتشد الغطا:بنام لوسمحتي
ليان سكتت بصعوبه وتشد الغطاء:اقول بلى دلع قولي شصار...قالتلها رنده سالفه
حضنتها ليان وباستها...وبررت لها موقف نايف.. وانها هي غلطت.. وتتحمل نتيجة غلطها
..وراضتها ووعدتها.. تطلع معاها لانها من زمان منشغله عنها ..ونامت رنده برضا..
وطلعت ليان وهي تحمد ربها على هالأسره الجميله
(النظام ودستور فالأسرة شيئ ضروري مهما شعرنا بضيق تبقى هذه القوانين حماية لنا من مخاطر نجهلها ..)
.................................................................................................... ...... ماعادو يتجمعون بالأستراحه كثير.. أصبح تجمعهم شبه نادر وبالأتفاق غالبا..... حس بحنين لأيامهم
دخل وجلس لحاله يطالع بلورق واحجار الكيرم المرميه...جلس وهو سرحان بلفراغ.. وبعد دقايق
نام على الأرض بدون مايحس....
أنت الي جبت الضيق لنفسك يابدر...اجني ثمار صحبة الشر
.................................................................................................... .....
وأخيرا أشرقت الشمس
قامت بكسل وجسمها يألمها وبالآخص راسها ...بكت امس كثير ومانامت إلا بصعوبه
....أكلها سيئ من قبل زواج خالد.......ودايم مالها نفس...هذا حالها..... من رجعها سعود بيت اهلها
سبحت ..ونزلت.. تسحب نفسها عالدرج ....وتقاوم الدوخه...تبي تغير جو لوظلت لحالها
بيجدد عليها حزنها...نزلت اول عشر درجات ..لكن للأسف ماقدرت تكمل.. وحست أنها
تخر من طولها....
.................................................................................................... ....
للكسل نصيب في هذا الصباح مع بطلاتنا
فتحت عينها بكسل وشافته نايم وحاضنها ..وجهه قريب منها...بعدت عنه بهدؤ
وكان يكشر.. علامه على أنه بدا يضايق من حركتها...ابتسمت ونزلت من سرير
وضحكت بصوت واطي.. لما شافت نفسها بالمرايه... وكحلها سايل ...وبقايا روج
..وشعرها عفسه.....وفستانها تقطعت سيوره الناعمه..كانت تحفه كأنها طالعه من حرب
دخلت تروشت ..وطلعت ماحصلته ...صلت الفجر الساعه 10(الله يتقبل هههههه)
وجلست تستغفر فاتتها الصلاه بسبت نواف....
دخل وهو متوضي
:او مشاءالله صليتي....
هديل وهي تطبق الجلال :أي الحمد لله البركه فيك فوت
الصلاه علينا...
نواف ينزل اكمامه وهو جاي لعندها:محد قالج تغريني.. وخري
عن القبلة خليني اركز...
هديل:هههه...ضربته على كتفه.. ونزلت تحضر الفطور
(من الخطاء السائد عند الكثير أنه لو نام وفاتت الصلاه مايصليها وهذا حرام وخطاء الصلاه تقضى حتى لو صحيت نص ليل الله يعينك تصليهم من وقت مانمت لمن صحيت)
.................................................................................................... .
صحت.. وتروشت وبدلت ملابسها ..وتحس بتموت من الجوع ...ودها تنزل بس خايفه تقابله
..ويفضحها عند أمها...وكمان اليوم أجازه ....والكل بعد ساعه.. بيكون موجود عشان جمعتهم اليوم عالغداء
رن جوالها...هلا عنود....
عنود:هلافيج وينج أمس ..ليه سكرتي بوجهي.. لاوما تردين بعد
رنده بزعل:سكتي بس نوافوه.. سمعني أكلم.. وطقني...
عنود تشهق:الله يعينج.. على هالعيله ..المتخلفه
رنده بعصبيه:عن الغلط..
عنود:اجل شتسمينه هذا ...البنت ماتطلع لحالها...البنت ماتكلم بليل
بأي عصر قاعدين...
رنده:والله مو معناته ...اهليج حاطينلج الحبل عالقارب ....وتسوين الي تبينه ....يعني أنت الصح...واهلي الي يسونه لمصلحتي...ماله داعي أكلم أخر ليل...... ولاله داعي اطلع وسط الرجال... أتمشى لحالي ...عشان أعتبر نفسي حره ...ومتحضره....
عنود بضحكة سخريه:أجل ليه مضايقه ياعسل... مدامك مقتنعه بوضعج...
رنده:مومضايقه.. بس اقولج شصارلي...
عنودتتمسخر:أي واضح ...مره ...أنج مو مضايقه ..صوتج يهبل....المهم بمرج ليوم ..عشان اورج فستاني... اذا بتفصلين زيه...
رنده:أي وقت..
عنود:اخر العصر.. لاني الحين برجع البيت ..وبنام واذا صحيت مريتج..
رنده بستغراب:ليه أنت وين...
عنود:فاطره بلمول والحين راجعه لبيت..
رنده:ايوا واكيد كالعاده لحالج...
عنود:لاتفتحين لي محاضرات.. يله أشوفك بالمسى
رنده:سلام وسكرت.....
رنده حست بكلام عنود هز قلبها ..وكلام صديقاتها.. وصارت تسأل نفسها.. ليه هي كذا؟ وليه أهلها مضيقين عليها؟؟
وأسئلة كثيره مرة ببالها ..بس بسرعة أنقطع حبل هالأفكار ..وراحت تركض.. لما سمعت صوت امها.. تنادي من راس الدرج
رندوه.. ياخيشة نوم ..يله بيأذن الظهر ....رندوه....رندوه
نزلت تركض ..وحضنت امها.. وقامت تبوس فيها....
ام نواف:هلا والله حبيبة قلبي.. وينج تأخرتي ..برد الفطور...رنده تطل ..وهي لسه حاضنه امها:اشوا مو موجود
ام نواف تفك يدها:شبلاج أنت.. الحمد لله والشكر.. منهوالي مو موجود
رنده تروح لطاولة الفطور.. وهي ساكته.. وقبل لاتوصل
أنا.. الي الحمدلله.. اني مو موجود...ومال نايف وباس راس أمه
ام نايف :أنتو متى تعقلون.. بس هذي حياتكم ...
أنا بروح لغداي.. ولفت لرنده الي جلست.... وتمثل أنها تاكل..:انت عقلي ولا تعصبين أخوج....
وانت بشويش على أختك... وراحت
سحب الكرسي وجلس...:بالعافيه أن شاءالله
رنده شرقت:الله يعافيك...
نايف يقوم ويقعدجنبها....
رنده ضمت يدها بحضنها.. وبعدها غطت وجهها بيديها..وغمضت عينها.. لما مال عليها.....
نايف عوره قلبه من حركتها..( لهدرجه مسويلها رعب)..مسك يدها ...
صرخت :توبه نايف والله ماعودها..
نايف بصوت حزين وحنون:رنوده حبيبتي أسف...
رنده فتحت عينها مو مستوعبه:شقلت...
نايف ويبوس راسها ويجلس:قلت أسف
رنده تتعلق بيده وتطل بوجهه:لالاالي قبل أسف شقلت
...نايف بمكر:ناديتج...
رنده:نااايف يمه منك متحسف تقولها...
نايف يصبله عصير...كملي فطورج....
رنده أنتهبت لنفسها وهي ماسكه نايف.. وتركته ورجعت تاكل وهي مبسوطه..
.نايف بدون ما يطالع فيها:اناالي أسويه عشان مصلحتج.. لاتحاسبيني استقوي عليج..ولاأبي اعذبج...انا ابيج تصيرين.. احسن بنات الدنيا..
وببتسامه خفيفه ولو مت محد بيصيح علي كثرج...
رنده استحت لانها تذكرت دعوتها امس..وكلامها
نايف وقف ومسح على شعرها وهو لاف عنها:المغرب بوديج مشوار تجهزي..وراح ..
رنده بدون شعور نزلت دمعتها..هذي أول مره نايف يقولها هالكلام...هي كانت تحس أنه مايكرها بس عمره ماقالها كلام حلو ...
صح في كل هوشه يطلعها ..وهذي كانت لغة الأعتذار عنده
بس أسلوبه جاف دايماً...بدت تستغفر.. وانمحت من عقلها كل الأسئله والأفكار السلبيه الي كانت
فبالها وحمدت ربها الف مره على هالعيله.....
(لغة الأعتذار ليست محصوره في ثلاث حروف..كل تصرف جميل من الرجل يعد أعتذراً رسمياً)
..................................................................................................
كانت جالسه على طاولة الطعام وتحاول فيه يأكل من يدها وهو رافض
سمر مستغربه منه:رائد حبيبي شفيك.. اليوم مافطرت زي الناس ولحين ماتبي تتغدا
رائد يبعد يدها بشويش:شبعان وقام وتركها...
سمرمستغربه له يومين من رجع من سفر
وهو مقلوب عليها...هو ماعودها يصد عنها ..ولا ينشغل عنها..حتى بعز شغله ..كان يهتم فيها لودقايق...
سمر تلحقه للغرفه.. وحصلته منسدح عسرير....جلست جنبه ومسكت كفه:شفيك يقلبي أنا زعلتك بشي..
رائد بجفاف:لا..
سمر بغصه:اجل شفيك علي..
رائد يسحب يده منها:شفيني عليج.. ليه شايفتني اضربج صباح ومسى..
سمر توقف والدموع بعينها:تتمسخر بعد.. زين انا اسفه...وطلعت وسكرت الباب...ورائد غمض عيونه وتنهد بضيق
سمر(ليه يارائد أنا شسويت فيك...حرام والله حرام...عمري ماقصرت بشي ..)
حطت يدها على قلبها لما تذكرت فهد(معقول له يد بلموضوع...اله أنا كيف نسيته...حسبي الله عليك يافهد الشر)
وجلست تبكي بحسره..وبعدها قررت تكلم أمها تتصرف...
وهي تكلم طلع رائد.. وطالعها وطلع برى..
سكرت... ودخلت الغرفه... وشافت جواله على الكمدينه الظاهر أنه نساه...اركضت لباب الغرفه وقفلته... وقامت تتصفح بسرعه الارقام ورسايل
...اخذت تقريبا عشر دقايق...تحركت يد الباب.... وفزت.... وحمدت ربها انا الباب مقفل..بدا يناديها....
سكرت جواله ورجعته..وراحت بسرعه لدورة المياه ....وبللت نفسها كأنها متوضيه...وفتحت له الباب..
رائد يطالعها بستغراب ويطالع ساعته:ماأذن العصر...سمر ورايحه لجلالها:مضايقه وقلت بصلي
رائد يروح للكمدينه وياخذ جواله:الله يتقبل..وطلع وسكر الباب
تنهدت براحه ..وجلست تدعي... أن ربي يصلح حالها ..ويصرف عنها شر فهد..وحمدت ربها أن شكها ماكان بمحله ..ومافي لفهد أي مكلمات ولا رسايل بجوال رائد...
.................................................................................................... ...
بلمستشفى
كرستينا:ماري كيف تشعرين الأن...الهام:الحمد لله أنا بخير ماذا حدث لي...
كرستينا:فقدتي وعيكي هذا الصباح...انت لاتتغذين جيدا وهذا خطرا على طفلك..
الهام تلف على أمها:أمي أنا لست حبلى لماذا أنت متأكده هكذا...
كرستينا :حسنا أذن...رنة الجرس وجات الممرضه وبعدها الدكتوره
كرستينا:د.فاطمه أبنتي تريد أن تطمئن على جنينها هل من الممكن أن تريها أياه..
د.فاطمه:من حقج حبيبتي ثواني وأخلي الممرضه تجيب السونار..بس مايصير الي تسوينه
خطر على الجنين الضيق .....وقلة التغذية تضره...
الهام تحط يدها على بطنها بعدم تصديق:أنا حااامل..كيف ومتى؟
د.فاطمه ترفع حاجبها بستغراب:شلون كيف أنت مو متزوجه..الهام بربكه:هااه الا متزوجه..بس قصدي...
د.فاطمه:انت بداية الشهر الثالث...معقول ماحسيتي مستحيل....
كرستينامو فاهمه شسالفه بس طفشت وهي تنتظرهم:ارجوك أحضري الجهاز بسرعه
د.فاطمه:حسنا سأخبر الممرضه..بعد ساعه من الأن تستطيعون المغادره ...وهذه المقويات الي تحتاجها
كرستينا:شكرا لك...دفاطمه:لاشكر على واجب
طلعت الدكتوره والهام لسه مذهوله وتمسح على بطنها..
كرستينا تبوس خدها وتمرر يدها بشعر
بنتها:اريدها فتاه جميله مثلك ماري...
الهام تمسك يد أمها وتبوسها للأول مره ودموع بعينها:ماما أنا حامل
كرستينا:مبارك حبيبتي لابد أن سعود سيطير فرحاً...الهام بحسره:اتمنى ذلك
دخلت الممرضه وسوت السونار...
كانت مبسوطه بمشاعر الأمومه صحيح ممكن سعود يطلقها بس ...أن شاء الله طفلها بيغير حياتها للأفضل
....................................................................................................
في فلة اهل هديل
بدر أتصل على هديل وطلبها وهي طبعا جات بدون تردد
بدر:سمعي يهديل أنا أدري بغلاة ليان عندج.. واعرف الي صار زين
المهم أنا أقسملج بالله ...أني أحبها وأبيها... ومستحيل أضرها( لو وافقت).. وراح أعيشهاحياه ماكانت تحلم فيها..
هديل:المطلوب مني...
بدر وهو يطلع ظرف من الدرج:ـأبيج تنقلين لها مشاعري ..والكلام الي قلته...
وهذا شي ممكن يساعدج لو رفضت...
هديل تقلب بيدها أوراق :مافهمت شي
بدر:هذي طال عمرج.. أوراق تودي زوجج وراء الشمس...
هديل ترميهم على الأرض وتوقف:شهالحقاره.. أنت أيش ..مافيك رحمه.. وتبيني بعد اقنعها ...نجوم السماء اقربلك يا(...)
..بدر يبتسم ويلم الأوراق بهدؤ.. ويرجعهم بظرف ويجلس:كل هذا عشان حبيب القلب
هديل ودموعها خلاص نزلت:ليش تسوي فينا كذا... شضريناك فيه..
بدر يتكتف ويتأملها:ولاشي
....الموضوع بيد ليان... كلمه منها تنهي الموضوع...
هديل طلعت وصفقت بالباب ..
لحقها بدرمسكها من كتفها ومد لها الظرف:من عندي لبيت ليان ا وكي....
هديل تسحب كتفها وتنزل بدون ولا كلمه
خبت الظرف بشنطتها وبعد دقايق جاها نواف ورجعها البيت وراح لمشوار...
هديل تفكر بنفاذ.. صبر.. وحيله
قرت الأوراق بهدؤ.. وتأكدت منهاوعرفت أنها عقود وصفقات بمبالغ خياليه...وهي دين على نواف لبدر...
مسكت راسها بضيق... وتعوذت من شيطان... ورجعت الأوراق بظرف... وراحت لبيت ليان
وقررت تقنعها ..
................................................................................................
الساعه خمس العصر وصلت عنود وجلست بلمجلس وشافت وطلعت فستانها
الي كان شبه فستان ..لابطن ولا ظهر ولاصدر ..ولنص الفخذ((كما قال المصطفى صلى الله علية وسلم:كاسيات عاريات لايدخلن الجنه ولا يجدن ريحها))
رنده وتقلب الفستان بيدها بقرف:شهاذا شدعوه رقاصه....
العنود تسحبه منها:انا الغبيه الي متعبه نفسي وجايه ....وأبيج تطلعين ملكة الحفل وأنت تتمسخرين حضرتج...روحي بمرولج..يالمتخلفه
رنده توقف زين يالمتحضره... مشكوره على الجيه ..ماقصرتي... وأسفه ماكان قصدي
ثواني بجيب صورة الفستان وبرجع...وطلعت .
..اما عنود كانت منقهره من كلامها
فمجرد ماطلعت رنده شالت كيسة الفستان وطلعت تركض... قبل لاترجع رنده... ولما وصلت الباب
:اوووه رندوه شهالطفاقه شعندج...
طبعا نايف كان داخل وبيده عدة الهندسه... مثلث وخرايط وزحمه ...وكان يتكلم وعينه على اغراضه الي بالأرض.... بس لما رفع راسه أنصدم بلي واقفه قدامه..عبايتها مفتوحه ولابسه تنوره قصيره.....
وشيله بنص الراس... أسم بس.... ونظرات ....وروج .......وريحة لعطر...... واصله الحاره الثانيه
عنود تشيل كيستها..اسفه
نايف لسه خارج التغطيه:من أنت .......
عنود بمياصه:عنود..
نايف:ايه صديقة رندوه شكلج
...وليش متعبه روحج ولابسه هالعباه وشيله....
عنود تفشلت وسكرت عباتها...موشقلك ... قليل أدب......وراحت من جنبه
نايف عصب.. ونسى نفسه.. مسكها من عبايتها من ناحية كتفها بشمئزاز:بنات أخر زمن قلة حيا.. وطولة لسان......والله الشرهه مو عليج الشرهه على ريايل الي وراج...لعاد تعتبين بيتنا فاهمه
دفها ناحية الباب وقام يلملم أغراضه
ماتدري ليه أنخرست ولا ردت عليه....هذي مو من عوايدها...طلعت بصمت ودموعها على خدها
(أنا عنود الي مافي رجال بدنيامايتمنى نظره مني...يطالعتني بحتقار..لاويسبني
والله صدقت رنده هذا مافيه قلب...بس مابمررها له أبد)
نايف:استغفر الله العظيم أنا شسويت..أف من هالطبع الخايس...بس الصج تهبل ملاك مو بنيه ...بس خسراه مضيعه نفسها..
ودخل البيت وهو يصرخ رندوه...
(ههههه مسكينه يارنده حضج مع نايف اكس)
.................................................................................................... .........
في الفندق
يله شهوده تأخرنا
شهد:زين يقلبي خلصت هذي الشنطه وسكرناها...خالد يشيل الشنطه:شهود ليش كل هذا كلها شهر عسل مو سنة عسل
شهد:ههههه يله شيلها تحرك لانتأخر...
خالد:اه يقلبي أناعلى هالضحكه...حاضر أشيلها واشيلك فوقها بعد...
طلعوا من الفندق متوجهين لبيت العيله بيسلمون ويمشون
...........................................................................................
في فلتهم
جالسه بصاله سانده جسمهاعلى الكنبه ولابسه فستان وردي لنص ساق... ناعم وفاتحه شعرها
....وجنبها كرسيتينا الي على الرغم من أنها دخلت الخمسين ....وبدت حول عيونها شوية تجاعيد
الاأنها بجمالها ...وأناقتها... ببدلتها البيضاء... المخصره.. مغطيه على الهام... وماكأنها أمها
دخل محمد وهو يشوف القمرين الي ربي رزقه أياهم:ماشاء الله تبارك الرحمن
كرستينا ببتسامه:مرحبا محمد تفضل هنا بجانب ماري...محمد وهو يجلس وتلمه ألهام وتبوس راسه:مساك الله بلخير يالغالي ..تعبتك معاي
محمديبوس خدها ويحط يده على بطنها:ياروح أبوج ..مو منج من حفيدي الله يجيبه بسلامه
الهام تبتسم بحرج من حركت أبوها وهي تطالع أمها:لماذا أفسدتي المفاجاءه
محمد يوقف ويحضن كرسينا:لانها حبيبتي وتحب أن تسعدني دائما
الهام نست تعبها ..وتسوي صوت كأنها تصفر ...وتصفق بعربجيه:والله حركات يشياب
محمد بضحكه:شقلتي...
الهام وهي تضحك :لا أسفه غلطه...
محمد يجلس بلوسط بين بنته وزجته ويحضن راسهم ويقربهم منه:الله لايحرمني منكم يادنيتي...
خالد دخل وشاف ابوه:لحضه شهد لاتدخلين ...لقطه حميميه
محمد ببتسامه:دخل زوجتك عن لخبال...
خالد :خلصتو يعني...
محمد يخزه:لاتعصب يشيخ نمزح ...تعالي شهود
دخلت شهد وطارت لها الهام وحضنتها وباستها ...وسلمت عالكل.. وجلسو شوي وطبعا كرستينا بشرت خالد وشهد ...وماقصر خالد بالألهام أحرجها لمن هاوشه أبوه .... وقام مسوي نفسه زعلان وهو بلحقيقه يبي يلحق على طياره ...وراحو بعد ماتقابلو مع سمر ورائد عند لباب....
كانت جلسه عائلية جميلة جدا ومليانه دفئ ....رائد والهام حسو بمشاعرحلوه تجاه أمهم بهالجلسه ....وكأن الجمود الي تجاها بدا يذوب ....وخبرتهم عن صفقه كبيره ....مسويتها مع خوالهم ....وجلسو يتكلمون
رائد وكرستينا ومحمدو...تاخذ منهم اراء ونصايح...... أما سمر والهام دخلو بعالم الأمومه..وسمر بدت تخوف الهام...ههه...وكان جو أكثر من رائع...وليله سعيده بكل معانيها
.............................................................................................
ليان جالسه على سريرها وبيدها الاوراق والفلم ودموعها تسيل على خذها
موعارفه شتسوي... نواف دخل معاها بدائرة الخطر...هديل ونواف مالهم ذنب
رفضها بيهدم حياتهم كلهم...جلست وهي تسترجع الي شافته بشريط الي رح تعرفون محتواه بعدين...
غسلت وجهه وتوضت وصلت صلاة الأستخاره
وبعدها أتصلت عليه وكان يعطيها مشغول..
سكرت جوالها وجلست بعد ماخبت الاوراق بدرج
سمعت صوت الباب
هلا مين تفضل
رنده:السلام عليكم ليون أمي عندها حريم بلمجلس وتقول تعالي قهويهم
ليان وقفت:ماتدرين من..
رند تهز كتفها بمعنى لا.
ترى.ونايف بعد عنده رجال وطلعت
لبست ليان وحطت مكياج خفيف يخفي ملامح حزنها ونزلت
راحت المطبخ وشافت صواني الحلا..
شالت وحده وراحت متجهه للمجلس..
وقبل لاتطق الباب وصلها صوته الي مستحيل تغلط فيه .....طاحت الصينيه من يدها .....لف نايف لجهت الصوت..اعتذر وطلع ....
شافها رايح ناحية المطبخ والحلا بالأرض ..
رجع سكر الباب ورجعو يسولفون
ليان تمالكت أعصابها... وقالت لشغاله تروح تنظف..وشالت صينيه الثانيه ودخلت للحريم
...تجمدت عروقها لما شافت أم بدر..ودخلت بخطوات بطيئه وسلمت بصوت خافت
ام نواف:مابغيتي تنزلين كل هذا تكشخين...
هذاوانت ماتدرين مين.... عجل لو تدرين شسويتي..وضحكت
وضحكت أم بدر وهي توقف تسلم على ليان:الله يقطع سوالفج ياام نواف احرجتي لبنيه
ام نواف:لايوخيتي أنا أحب البنيه الهميمه..وبعدين ماناقصها... حلا حمره وكحله ولحمدالله
ام بدر هههه:هذا البنات وسوالفهم كنا مثلهم الله يرحم الحال..
ام نواف بندفاع:حشى علي ماكنت
كذا .... الله يرحمج يايمه ...كنت سنعه ...
وبدت تتكلم عن بطولاتها وليان تقهويهم بصمت
ام نواف :عورت راسج بسوالفي...ا
م بدر هههه:يزينج ويازين سوالفج..
ام نواف يله هذي ليان وجات... وشو الي ماتنين تقولينه لين تجي(بدري هههه).....ليان حست بحراره بكل جسمها بس تماسكت ..
ولفت على ام بدر:خيريا خالتي أمريني
ام بدر تستند على الكنب :مايامر عليج عدو ولا ظالم...أنا قالي بدر أنه صار بينج وبينه خلاف كبير...ليان نشف دمه(معقول قال لأمه مستحيل)...
بس الصراحه ماقال وشهو..
ام نواف تطالع بنتها بعتب:وانا اقول شسالفه تقصين علي هاه
ام بدر :صبرج علي يوخيتي....ولفت على ليان....
:وأنا ليوم جاية أخطبج من جديد ونفتح صفحه جديده
وقبل لا تتكلم أمها...
:موافقه يخالتي بس بشرط الزواج بعد سبوع ..ووقفت :عن أذنكم وطلعت
ام بدرحست بليان كأنها مغصوبه.. فقالت لأم نايف ترد لهم خبر..بعد ماتفكر ليان
طلع بدر وأمه ....وليان كانت هلكانه من البكاء ...خلاص نطقت بالحكم ..وحكمت على نفسها بالقصاص
دخلت أم نواف عليها وهي معصبه... وتحس شكلها بايخ من أستغفلها لها ...طول الفتره الي مضت
بس طار كل غضبها لما شافت بنتها...ركضت لها وحضنتها وصارت تبوسها وتسمي عليها
ام نواف:شفيج يمه ماكان قصدي أحرجج قدام ام بدر...
ليان ببتسامه خافته:لايمه حبيبتي
أنا الي أسفه أني فشلتج قدمها وماقتلج الحقيقه...كنت...
ام نواف :اششش خلاص الي فات مات وحنا عيال اليوم..تبينه خذيه ماتبينه محد رح يجبرج يقلبي...فكري وستخيري ربج...وجلستها
ومسحت دموعها بيدها:مابي أشوفهم وراسي يشم الهواء.
.ليان تحضن أمها وتبوسها :الله يخليج لي يحياتي...
ام نواف توقف:يله لبسي قبل لاتاكلنا رندوه بطلع أمشيها شوي ...
زمرانه من المغرب ماده بوزها ...مهاوشها نايف ...لاوعدها يطلعا وهون.
.ليان تضحك على حال خوانها:أن شاء الله ثوني وأجهز...
.................................................................................................... ...
بسيارة
هاه يمه بشري....ام بدر شبشر
بدر:يمااااه ..شقالت...
ام بدر: بتفكر وبيردون لنا خبر
بدر رافع حاجبه بستغراب:بتفكر...
ام بدر بغيض:ايه بتفكر ولا تحسب روحك الوزير
والكل يقولك سمعاً وطاعه
بدر أستغرب من نبرة أمه:زين وليه معصبة ماصار الا الخير
ام بدر:أي خير ...أنتو ي ال....(حطو أي عيله)اذا حطيتو النجم فبالكم تجيبونه...الله يكفي عباده شركم
بدر بضحكه:اله يالوالده للحين حاقده على أبوي...
أم بدر:مالك شغل فيني ..بنت ناس أذا ماتبيك لاتجبرها...ولا والله لاادعي عليك ماتوفق....ونزلت وصكت الباب بقوه
بدر:ياليت أقدر اتركها ياريت...فتح جواله وتصل وصارت تعطيه مشغول وبعدها قفلته
تنهد براحه(مستحيل ترفضين ياليان....عامر صديقي واغلى شخص كان بحياتي
قطيته بالسجن وبعد ماطلعته نفيته بالخارج...كل هذا لانه وقف بطريقي..وهو عامر على سن ورمح....شلون أنت ...وبدايضحك ضحكته الشيطانيه وحرك سياره)
..................................................................................................
فغرفت الهام:
اتصلت عليه الف مره لكنه مارد عليها... كان يجهز شنطته ويستعد لسفره
طلع ور اح لبيت ورود عشان يودع وليد وياخذ منه بعض الأوراق
دخله وليد للمجلس وراح يجيب الأوراق..ودخلت ورود وشايله صينية لماي والعصير
واول ماشافها دمه غلى وتذكر الي سوته... وراح وضرب الصينيه... وطاحت عالارض بعد مانقلبت على ملابسها وغرقتها
مسكه من شعرها وهزها :من سمحلج تدخلين بحياتي هاه....مبسوطه الحين.. كل الي رتبتله ضاع بسبة لقافتج...وبدال ماتعلقيني فيها قررت اطلقها..
...رمها بعيد عنه وهي ماكانت قادره تصرخ عشان وليد
ذلفي برا بسرعه قبل لايجي زوجج ذلفي...
طلعت بسرعه ....
وهو وقف عند باب الشارع
وليد وهو ينزل من الدرج:شدعوه مطرود...سعود ضيق:لاتعرف الطياره بدري يدوب الحق انام ..
وليد:اوك موفق..سلام.....سعود: سلام....
.................................................................................................... ....
أتصلت أم بدر على بنتها وقالت لها الي صار وشقالت ليان ..هديل طمنت امها وهدتها
وقامت تمدح بدر وبقلبها غصه...وسكرت وتصل تبليان الي كان هاتفها مغلق
.................................................................................................... ...
بعدما انبسطو رجعو البيت ورنده فلستهم كل هاذي رضاوه (هههه)
وليان بعد تغيرت نفسيتها شوي..
كلن راح غرفته ..
تروشت ودخلت فراشها وفتحت جوالها وشافت الأتصالات
كلمت هديل ...وفالحقيقه...انصدمت هديل من رد ليان وقوتها وثباتها...وسكرت وهي مبسوطه ومرتاحه...
حتى لو كانت ليان تمثل أهم شيئ عالأقل صوتها طبيعي وخالي من أثار البكي
.....................................................
ورجعت أتصلت ببدر
بدر:هلا بقلي وروحي وشرياني
ليان:هلا فيك...هلا بايع خويه
بدر بضحكه:وبيع أمي لو تخالفني
ليان:كفو عليك....
.بدر:ذيب أعجبج
ليان:المهم أنا موافقه بس عندي طلب صغير..
بدر:ابد عيوني لك
ليان:تسلمني كل الأصول الي عندك..وصور
بدر بضحكه عاليه خلتها تبعد الجوال:شايفتني غبي ولا مغفل ولا شنوحضرتج
ليان:أختار الي تبي..
بدر بحده:ثمني كلامج...
ليان:لاتظن أن الناس كلها مثلك ....أنا مره بس كلمتي عن الف رجال..
بدر هزته الكلمه:بكره كلشي عندج وعرسنا أخر الأسبوع
ليان:لوتبي بكره ماعندي مانع...
بدر:اله كل هذا شوق
ليان بسخريه:أي والله تصدق هلكني شوق ...أحبك من كل قلبي
بدر مع أنها كانت تتمسخر الا ان الكلام دخل قلبه وحسها لازالت تحبه...
ليان كانت تقول هالكلام لانها أخر مره بتعبر عن مشاعرها وأخر مره بتقوله كلمة أحبك
ليان:شفيك ساكت...بدر:ذبت بكلامج
ليان:العب غيرها وخل المشاعر للي فيهم قلوب... انتظرك بكره سلام
سكرت بوجهه...
بدر انبسط من سماع صوتها وراح يجهز كل الي طلبته ...
...................................................................................................
الهام لمن يأست منه تذكرت ركان من أخر مو قف... ماتدري عنه ولا حتى طمنته عنها فقررت تكلمه تعتذر منه...
ركان جالس بغرفته وبيده ملف يخلصه من ضغط الشركه صارو مايلحقون يخلصون بلشركه
رن جواله ورد من دون مايشوف مين:
الو هلا سالم وينك ياخي تأخر كل هذي دقايق
الهام تضحك:السلام عليكم أي سالم...الله يهداك
ركان رمي الأوراق وبربكه:اللهام..
الهام:سمله عليك شفيك
تحسب سعود قتلني ههههه
ركان:لابس
الهام:انا اسفه سببت لك مشكله ..والحمد لله انها عدت على خير
ركان:بس موكل مره تسلم الجره
الهام:يعني شنو
ركان كلمها بجديه للأول مرة بحياته.... وطلب منها تنساه..... وأنو حبيبته درت عنهم وبتتركه لو عرفت أنه لازال يكلمها...ودعالها بسعاده وتوفيق وسكر الخط بدون ماترد
الهام:نزلت دموعها وتفهمت موقفه ..حتى لو كان كلامه جارح.. هذا هو الي كان المفروض يصير من زمان ..واذا ناويه ترجع سعود.. لزم تبطل حركاتها
ارسلت له مسج شكرته ووعدته انه أخر شي بينهم..وفعلا مسحت رقمه
........................................................................................
ركان طلع دفتره وتنهد بضيق وبدا يكتب
لي زادت همومي أناجيك يارب
ياعالم بحالي ومافي خفوقي
عبدِِ ضعيف بدنيته حب ونحب
يسهربليله باكيا ومحروقي
الحمد لك حفظتني من ردا الدرب
توني فهمت الدرس وتوني أفوقي
بقلمي
.................................................................................................... ..
على سريرهم تبكي بألم
برهومي قوم بطني يعورني
برهيم بنعاس :شفيج حبيبتي
هنوف بطني بطني
براهيم لف عليها وشافها شلون تبكي ومتألمه وخذها وطار عالمستشفى
................................................................................................
قررت خلاص ترسله وتخبره عن حملها وفعلا ارسلت الرساله
ونتبه سعود لرنة الرساله وفتحها وتوسعت عيونه
وكتب لها................................
|