بكتب هذا الموقف في هذه الصفحة وفي هذا المنتدى لأنو مكان آمن بالنسبة لي .

\

الكل بيستغرب عليّ إني ما أهتم وآخذها الحياة بسعادة ومرح بالرغم أنو بيتنا من أشد البيوت تعاسة بحيينا
بس ماما عودتني إنو أذا سار شيء مؤلم وقاسي ما نشكي لأي حدا من البشر نرفع أيدينا للسماء ونشتكي لله بالطريقة إلي نشتكي فيها لبابا .

ولله الحمد طبعاً

اليوم خصوصاً سار شيء ما يمكن أنساه أبداً أبداً "(

من قبل شهرين تقريباً بابا تغير تسعين بالمئة ونحن لاحظنا التغير عليه بس ما اهتمينا
جبنا إله ألف عذر وكنا نتحمل كل شيء .

حاولت اليوم إني أحاول معو أفهم أكتر وجيت عندو وحبيت رأسو ودعيت لو
بس بابا حكى قبل إني أجلس جنبو .

|تمنيت أني ما رزقت بأولاد متلكم |

أخواني ما كانوا موجودين بس أخي الصغير طلع من الحمام باللحظة اللي حكى فيها بابا

|لو تموتوا يكون أحسن |

سكر أخي بابا الحمام وأنا متل الهبلة كنت ببتسم مو مستوعبة والله
وحاولت إني أرضيه بس بابا كان قالب وجهو بطريقة فظيعة وقمت من عندو وكان بدي أبوس رأسو لكن ئام وطيحني على الأرض .

وأنا بنفس الأسلوب قمت وضحكت إلو وحكيت
"إن شاء الله بكرة تكون رايئ ما بلومك بابا "

بس عن جد حسيت ئلبي يتقطع وتمنيت بهاي اللحظة يكون أخي الكبير الجامعي هون عشان بحكي لو هاذا الموقف _(

كنت بحكي إلو كل شيء
هو القلب والأذن اللي ما بتمل تسمع مني مهما يكون غرابة هاذا الشيء وبايخته
يضحك حتى لو كان شيء بايخ
يشاركني الألم ودايماً كان بيحكي إلنا لما يسير أي شيء مو تمام
|بس أخلص من دراستي بخليكون تنتقلوا للسعودية ويكون معنا بيت أكبر من هاذا |

عن جد بدي أبكي لأنو ما توقعت بابا يحكي هيك "(


وهاي المرة الأولى اللي أكتب فيها مواقف متل هيك بس ما قدرت أتحمل أكتر من هيك

كلمة صعبة مشابه لآثار القنابل لما حدا بحبو جداً جداً
بيحكي أنا بكرهك وما بطيقك
متل بابا "(



+


اللهم اغفر لي وامنحني القوة والصبر الكافي لمواجهة الألم
وأبعد عن أحبائي كل ألم وحزن يااااااارب




|أحبكم |