02-19-2008, 07:56 PM
|
| |
| رد: غلا
°¨*~¤¦ الفصل التاسع ¦¤*~¨°
تجدم بخطوته خالد
وفتح الباب
انصددددددم ومن هول الصدمه قط نفسه على تسنيدة الباب
فاتح عيونه الوسيعه على الآآآآآآخر وحلجه بعد
مو مصدق عينه باللي يشوووفه
شنو هااااااااااي؟
اليي اشوفه صج ؟
اكيد احلم !!!!!
مستحيييييييييييييييييييييييييل
اووووووف والله وطاح الفاس بالراس وانشق الراس بعد
شاف عمر اخوه بدار غلا ويصيح وهو حاط راسه بكفينه من الدريشه ..
كان عمر يصيح صياح مو طبيعي
موصياح رجال بال17 من عمر صياح ياهل ب سنين ..
خالد راح لاخوه ولم عليه من وراه يهديه ..
حتى خالد خنقته العبره على حالة الأخوه المترديه حيل ..
خالد : بس ياحبيبي ، طول بالك عشان خاطري
عمر ماسمع له كلمه الا زود بصيحته حس خلاااص
روحه طلعت منه
بعد شوي قدر عمر يمسك نفسه ساكت ودموع تطيح من عينه
خالد : يلا حبيبي مو حلوه قعدتك بدارها وهي مسافره .
عمر يرفع عينه ( الله الحين صرت انا اسوي المو حلو!! ) .:. .......
مسكه خالد وطلعوا مع بعض وقعدوا بدار خالد ..
عمر قاعد على المكتب ومجتف يدينه فوق الطاوله ،، رفع وحده وشد فيها حاجبها لفوق
مثل أي واحد لما يصيح وتمت دموعه كالعاده على خده ..
خالد : ياعمر ، يااخوي يابعد جبدي مو زين اللي تسويه لروحك ، حبيبي خلاص
اعتبرها حلم فتره تجربه أي شي بحياتك وأنتهى خلاص انسى
عمر وقف على طوله وصرخ : انسسسسسسسى! انت شتقول شنو انسى
انسى وطيفها بعيوووووني! انسى وهي نبض قلبي؟ شلون انسى علموووني ياناس شلون انسى؟
خالد : انا مااصريت انك تنساها ، على الأقل تناساها ، ياعمر مو زين لصحتك . شوف حالك ( يأشر بكفته على كل عمر وجهه جسمه لحيته) ..يكمل.. ظعفان متبهدل ماتحلق صحتك بتتدهور ياخوي وانت بشبابك
عمر : هم اللي دهوروني وبيدهم يصلحووووني ، حرام وربي حرام ( يصررخ ويطيح)
خالد : ياعمر تكفى ، شوف انت تخيل انكم أي شي تهاوشتوا وانتهى كل شي
عمر عصب : انت شكله الوضع عاجبك وكنت انت اللي تبيها ومنغرم فيها
خالد تيبست ريله وفتح عينه وبصدمه : اناااااااااا؟
عمر لام نفسه شقاعد يقول؟ شهالخرابيط؟ اف والله ماقصدت والله
خالد ابتسم وهو منكسر : هه ، والله وقدرت تهين .. تسلم حبيبي
طلع الي بقلبك لاتخش ، قول كل اللي داخلك
عمر : اسف ياخالد اسف لاتلومني حالتي (صاح وطلع عنه )
راح داره وقعد يصيح يبي يفضفض لاخوه يقوم يجرحه ويهينه ويتهمه شقاعد اسوي
شكلي بديت اجن ..
بدبي ..
كانت الساعه (6) المغرب غلا بدارها ترتب الشنطه باجر اخر يوم
وبيقضونه طلعات ترويح يعني ومن اخر مجمع للمطار ..
كانت حاطه الهد فون وتسمع والله دنيا ..
كاظم :
ظاقت علي كأنها تابوت
لكنما يأبى الرجاء يموت
ياصاحبي ان غبت عنك
مودعاً
بعد الرحيل لاينفع
الياقوتُ
عجل فقد سحق الزمان مشاعري
بركان شوقي هائجٌ
مكبوت
تبكي وتندم في غدٍ
لكنما..!
واضعيتاهُ
اذا الاوانُ يفوتُ
ياتعبنا ياسهرنا ياقهرنا
ياأربانا..
والله دنيا..
قاعده تربع الملابس وتحطهم وتحط بالشناط ملابس جهازها ..
حطت العقود كلهم بشنه متوسطه قال لها عمها سعد بيشيلها بيده ..
طقت عليها عمتها تغريد ..
تغريد : ها غلا خلاص !!
غلا تبتسم : أكيد خلاص باجر اخر يوم ماراح يكون في وقت ..
تغريد : أي والله ، هاج عيل حطي بس هالبدلتين عندج لان شنطتي تعلن ان ماكو سبيس
غلا :تبتسم : هههههههه انشالله (تطالعهمم) وااي ياقلبي لعلاوي هاي ..
تغريد : هههه أي ،، وهذي لخلودي
غلا : واااااي بعد عمري والله راحو عن بالي كلش باجر اشتري لهم
تغريد : وي لا تكفين شريت اللي يكفي وزود
غلا تغمز لها : وانشالله نسيتي ابوهم
تغريد تبقق عينها وهي مفتشله : ههههههه وانتي شعليج
غلا : ههههههههههههههههههههههه ، ها عمتي
تغريد : يلا يلا حطي الملابس وكملي شغلج
غلا : هههه انشالله
طلعت عنها عمتها ورجعت الهد فون على اذنها ..
أتخيلك شاغل الجلسه
وو
قَمر
بين الحاضرين
تبتسم تظحك تغني
و داخلك جداً حزين
ودي أضمك ياحبيبي
ودي أبوسك ياحبيبي
ودي لكن ضاع ودي
وضعت من ايدك انا ..
عمر بهاللحظات زهق من حاله ماعرف شيسوي حس لو تم مع نفسه بعد
يمكن يموت يصير فيه شي ,,
دخل الحمام (وانتوا بكرامه) وتسبح
طلع وهو منتعش وجسمه بارد وكوول وقلبه محترق نار ..
لبس وتم ببنطلون سبور بدون تيشيرت ولاشي وقافل الدار
متملل قعد على السرير وقرب الستاند الخشبي الصغير للرسم والمسجل
حطه على الراديو واشتغلت نفس اغنية غلا وهو كان يكمل على رسمه له قديمه حيل
كان راسم نهر ومنتثره عليه اوراق الشجر وبنت صغيره تقط الورد على النهر
والماي عاكس كل شي قعد يكملها لان الرسمه راسمها دقيييقه حيل كل شي مدقق فيه
ظحك وهو حزين على كاظم
ويكلم نفسه بصوت واطي وهو يرسم ويمسح بيده على الرسمه ..
عمر : ههه شفت عاد راحت مني غلا وتميت محد يرد على صوتي غيرك ..
كاظم :
انا وناري وذكرياتي
وصورتك بين الشموووع ..
عمر : آآخ والله مابقى لي من ذكراها غير طيفها ونسمي وصوتي ، هه تحب صوتي وشكلي بذكرها كل ماسمعته
كاظم :
أغني لك ياحبيبي
لكن انغامي دموع
ودي أضمك ياحبيبي
ودي أبوسك ياحبيبي
ودي لكن ضاع ودي
وضعت من ايدك انا ..
عمر ماقدر يستحمل مب قادر يجامل ويكابر حتى حذف روحه على السرير
وتم يصييييييييييييييييح ..
سعد كان فالمطعم قال لتغريد عنده كم شغله وبيرجع
اذا زهقتوا نزلوا بس مو بره الفندق ..
غلا وتغريد مابغو ولا شي غير العشا وقالو بينطرونه ..
سعد راح وكان يدور بالسياره
يفكر ..
(( والله حرام عليك ياسعود ، مو كفايه بنت اخوك منحرمه من الام والابو وحتى حظن الاهل
حرمتوها من كل شي وخليتوني بعينها ياهل مربط اليد قليل الحيله ، لايقدر يسوي شي ولايقول شي
خليتوني صفر بعين الكل رجال ب 4 سنه مالي كلمه! اففف
أرأف بحال ولدك اللي انقلبت حياته كلها موت ، خاف على ولدك ، وين تلقى اصلآ مثل عيالك ياسعود))
سعد قعدت تمر عليه كل المواقف كل اللحظات
عيد ميلاد غلا يوم كانت 5 سنين حادث اخوه ودمعت عينه بس حبسها
غلا بأول يوم مدرسه ،، يوم كان يلاعبها وهي ياهل بالدار
((والله اشوفها لين اليوم ياهل بعيني حتى عمرها ماتهنت فيه ))
تذكر لما قالوا لها ان امها وابوها ماتوا ولمن طاحت بنص الصاله ولمن وعت
شلون صاحت
ولمن راحو الكويت يجيبونها كانت بحظن خالتها وشالها سعد
وكانت تصييييح
كانت ياهل لكن دموعه لين هاليوم يحسها ذنب معلق فرقبته ..
كانت تصيح وتصرخ لين راح صوتها
اول اسبوع لها فقطر
كانت ماتكلم حد ولاتشوف حد أي حد يدخل عليها
تصيح ماتبيه
ظرب بريييييك قووووووي ونزل قعد على السيف
لقط له كم حصاه كانو بمدة ايده جمعهم وقعد يفرهم بالبحر
ويفضفض للبحر
تعب سعد تعب حيل من حاله
حس نفسه مكسور من داخل
شاف ساعته صارت 8 وربع
سعد : اوف والله تأخر مساكين يالله يمدي ارجع اعشيهم قبل زحمة الليل ..
رجع سعد الفندق وغلا كانت منسدحه بالصاله نايمه بحضن عمتها
سعد وهو يسكر باب الغرفه
سعد : Hay ladys I'm HoOoOoMe
تغريد من بعيد : اووووووووش ، ( تأشر على غلا)
سعد (يه) : اوه (انتبه ان صوته علا) أسف ( يوووووه) كفخ جبينه
تغريد رفعت له حاجب وغلا لفت تعدل سدحتها وهي نايمه
قامت تغريد من على الكرسي بشوووويش وحطت مخده تحت راسها
سعد يصاصرها وهم فالمطبخ : شلووون جي؟ نامت بدون عشااااا! بروحها هزلانه من التمام
تغريد وهي عينها باللي تسويه وتكلمه وهي رافعه حواجبها كانها متنرفزه ..
تغريد : كانت تكلمني ونامت
سعد : عن وشو؟
تغريد : عرسها وو (طلعت من المطبخ)
سعد يمسك اخته من جتوفها ويهزها وخلاها قباله
سعد : كملي علي انتي بعد وقولي ، شقالت عني غلا
تغريد تخرعت : شفيك سعد؟ انا ماني ياهل عشان تكلمني جي
سعد هدها : آسف ماقصدت
تغريد حنت عليه : كانت تكلمني عن عرسها وعن اللي صار وانت عارف
سعد : اوف ياربي ..
تغريد : فيك الخير على اللي سويته ياخوي ، ومافي واحد بسنك يسوي اللي سويته
سعد : من صجج غلا خلاص صارت بنتي شنو فيني الخير هذا اسويه غصب علي
تغريد : جان سواه سعود
سعد نزل عينه : كفى ووفى سعود ، خيره دوم سابق
تغريد تظحك عليه
سعد : قعديها نتعشى وترجع تنام
تغريد : لاوالله !! وليش ماتقعدها انت
سعد : اوكييه ، اجل لبسي انتي على ماقعدها لاني خالص وتبقى هي ..
تغريد : انشالله ..
سعد راح وهو يقعدها بشويش
سعد : غلا ، غلا ، حبيبي ، غلاي قومي .. غلا!
غلا وهي تفتح عينها بخمول شديد : هلا عمي!
عمي :يلا عمري بنروح نتعشا
غلا وهي تلف عنه : بنام عممي
عمها يعدلها : يلا ياغلاا يلا بابا قومي
غلا : عمي جيب لنا العشا فوق عيزانه
سعد : ماكووو يلا ، بوديكم مطعم شعبي شرايكم
تغريد : لا عيووووووني ششعبيه! نبي نتعشى عشا سنع
سعد : لا والله وشفيه الشعبي بالله
غلا نامت ..
تغريد : ههه كل خير
سعد : بوديكم قوديز مكيف على اكله الصراحه ..
تغريد : يلا بروح البس انا
سعد شاف غلا وهي ردت نامت
سعد عصب : غلوووووووووي قومي
غلا نطت : افففففففف زين عمي زين قمت
سعد : يلا لكم خمس دقايق لبسوا وانا بنطر هني
غلا وهي تلم شعرها : انشالله انشاااااااااااااالله ..
راحت غلا غسلت ولبست بنطلون جينز ومعاه بدي ابيض
كحلت عيونها وحطت روج ارونج وفوقه قلوس شفاف مايل على الذهبي الخفيييف ..
كملت لبسها ولبست عباتها كانت فيها ورود طباعه درجات الأحمر
ولبست شنطه حمرا وتعطرت وطلعت لهم
سعد : يلا مشينا؟
طلعت تغريد وهي تف شيلتها : أي يالله
راحو للمطعم وتعشوا ورجعوا |