| البارت التاسع
بعد ماوصل عند الباب سمع صرختها نايف ... نايف يعالم لحقو علي ...رجع بسرعه ...شاف صاحب لمحل يسكر فمها ويحاول يسحبها..
ماكان البايع يدري ان نايف ماطلع ...وستغل خلو المكان....
جا نايف مسرع من وراء العامل ومسكه من رقبته...ترك عنود وضرب نايف كوع ببطنه ...فتركه نايف وهو ماسك بطنه ...استغل الفرصه و عطاه بكس...نايف عصب وراحله بدا يضربه والعامل يصرخ لمن جا راعي المحل الثاني مع لعامل حقه ... نادتهم عنود عشان يفكونهم عن بعض ....مسكو نايف وشالو صاحب المحل...
صاحب المحل الثاني: خليني ابلغ لشرطه... نايف يمسح الدم:لا ماله داعي... صاحب المحل:يستاهل الي جاه...بيض الله وجهك...خذ زوجتك وحنا بنبلغ كفيلو
طلع نايف وعنود وراه تصيح ومنحرجه...نايف وهو معطيها ظهره:الرجال معذور..اذا ماتخافين على سمعت أهلج...خافي على نفسج...أتمنى تستفيدين من الي صار...وراح عنها..
..........................................
عنود:بس وهذا الي صار...بس الله يخليج مدام ماقالج أنسي لموضوع...رنده:ان شاء الله...بس قبل قوليلي...شناويه عليه الحين...
عنود:اييييييييييييييه...ناويه على شي الله يعيني عليه...
رنده:أمين...الله يحفضج....عنودبدون مقدمات:رنده تحبيني...رنده رفعت حاجبها بستغراب:الحمدلله والشكر شهالسؤال...عنود وبدت تبكي:جاوبي الله يخليج
رنده بحزن:ليش البكا الحين...اي والله أحبج أنت صديقةعمري وأكثر من أختي..حتى لو ختلفنا نضل حبايب..
عنود:ليت العالم حولي مثلج... يقبلوني بكل أخطائي...يفهموني ويحسون بي ...ابوي اهم شي عنده شركاته...وكل شهر يعبي حسابي بلبنك...وأمي:مادري عنها بأي بلد...من مؤتمر الى ندوه...وأنا بين اربع جدران مع شيطان...
تعبت والله تعبت ....وصارت تبكي بحرقه....رنده ماكانت تقدر تهديها لأنها هي بعد أنصدمت من الكلام وبدت تصيح...حست بمعاناتها...توها تكتشف أن صديقتها كانت تدعي السعاده...وأنها مبسوطه من الأنفتاحيه الي عايشه فيها....
عنود:تدرين أخر مره جلست معهم على سفره وحده...بأول متوسط...الحين بدخل لجامعه وهم مايدرون عني...ورجعت تبكي...
رنده:طيب عماتج وخالاتج وينهم....عنود:هههههه الله يهديج بس...هذول عدواتي مو عماتي ولاخلاتي...بدل ما يحتوني ويعتبروني بنتهم...بعدون بناتهم عني عشان ماخربهم على قولتهم أنا ماأشرفهم....أنا غلطه بهالعيله...
رنده:خلاص يعنود قومي صلي وذكري ربج وبترتاحين...وأن شاءالله بكلمج الصباح
عنود:اصلي....من قالج أني اذكر كيف يصلون ولا حتى يتوضون....رنده توسعت عيونها:لاتمزحين...عنود:أنت شايفه وضعي...يسمح للمزح...رنده بستياء:فتحي ليوتيوب وشوفي شلون...
عنود:أن شاء الله...مع سلامه...رنده:مع سلامه...
رنده جلست تسترجع أبتسامة عنود الي ماتفرقها...تباهيها بجمالها ...بذخها في هدياها...طلعاتها وسهراتها
(معقول كل هذا من عقدة نقص..وفقدان حنان...يارب لطفك..)كانت تلاحظ أنها ماتصلي لكن كانت دوم تقولها أنها معذوره أو بتصلي بعدين...بس عمرها ماتوقعت أنها ماتعرف أصلا
رنده حست بأن صار لزم تحتوي عنود وتساعدها قد ماتقدر...
(لاتنظر للأخرين بحتقار وتحكم على الظاهر....فأنت لاتعرف الحقيقة....وكذب من قال أن الأنفتاحيه راحه وحريه..وليس كل مال وجاه سعاده...فلاتحسد أحد عليهما)...
.................................................. .................................................. ....
أشرقت شمس الأفراح
سمر من بعد ماسكرت من زوجها راحت باتت عند الهام عشان يجهزون سوا لحفلة هديل
صحو الصباح سمر والهام بروح حلوه ومفرفشين...فطرو وجلسو يفكرون ويخططون وناوين يخلون شهد تطير من لوناسه...
.................................................. .................................................. .
وللفرح نصيب من بيت هديل نواف يدندن وهو يعدل شماغه ويبتسم لها بالمرايه
هديل:عساه دوم....نواف يلف ويبوس راسها:يديم نبضج...متحمس حق جمعت الشباب...من زمااااااان عنهم....هديل:الله يجمعكم على طاعته...نواف:أمين يله فمان الله....هديل:فمان الكريم...
.......................................
هديل:هلا وغلا شلونك
بدر وهو يمشط:بخير شلونج أنت...
هديل:بخير هاه متى بتجي....بدر يضرب جبهته:اف نسيت والله
هديل بزعل:شلون يعني...بدر يطالع بساعته:خلاص برسلج السواق ولخدامه يجيبونج لبيت بمر الشركه نص ساعه أخلص لجتماع واجي طيب...
هديل:صار .فمان الله...فمان الله
جو أخذوها وفطرت مع أمها وراجعو ترتيباتهم...وستأذنت أمها ترسل الشغالاات للأستراحه يضبطون بعض الشغلات...
بعد نص ساعه ...وصل وجلس ينطرها بسياره...خلصت الي بيدها وطلعت
دخلت السيارة شافته يقراء قران...هديل بستغراب:تقراء قران؟
بدر ببتسامه وهو يحرك:أحد قالج أني كافر...هديل:هههه لاموقصدي بس ستغربت أول مره أشوفك
بدر:هذنتي قلتيها أول مره تشوفيني ...مو أول مره أقراء...هديل:بدر
بدر:عيونه...هديل:تسلم عيونك...ممكن أسئلك سؤال وما تزعل ولا تعصب...
بدر:تفضلي.....هديل:امممممممممم...اقول اكيد...
بدر ببتسامه:اكيدين
هديل:أنابصراحه..حاسه أن ليان مو مبسوطه...ومدامك خلاص كسبت التحدي ...ليش ما
بدر لف عليها ورجع يسوق:سمعي يهديل...أنا ابيج تعرفين شي واحد....كوني أجبرتها ترضى هذا مايعني أني العب ولا مابيها...أنا سويت هشي لأني أحبها من كل قلبي..ومقدر أشوفها لغيري
ادري بتقولين أناني...بس أنا ناوي اعيشها حياه تنسيها....أني أجبرتها....وأقسملج بالله أني أحبها....
هديل تحس بصدمه....هي كانت تحسب المسأله تحدي وعناد...ماكانت تدري بمشاعر أخوها
فضلت ساكته طول الطريق لمن وصلو لمحل الحلويات ونزلو يحجزون..
(كل أنسان يحمل بداخله ..شخصين يحمل جانبين صلاح وفساد...فلا تركزنظرك في حكمك دائماً على جنب وتهمل الأخر)
.................................................. .................................................. .
بالشركه
ركان يكتب عالجهاز....وفز من الصوت الي جاه
خالد بصراخ:ركووووووووون....ركان بعد مانقز...جلس يطالع فيه يبي يستوعب وشرجعه ذا
خالد:شدعوه متغدي معي البارح قوم سلم...ركان يروحله ويحظنه:وشمرجعك باقي على شهر العسل
خالدوهو يجلس:خلص العسل ورجعنا ...ركان وخالد:هههههههه
ركان:مالك نيه تعقل؟....خالد:اله قدمت طلب....
ركان: هههههه....مافي أمل...الله يعين المدام
خالد وهويوقف :امين...ركان:بدري وين...خالد:بروح أبشر باقي لموظفين برجعتي
ركان:والله أنك تحفه...خالد :لا شماعه هاهاو...ابراهيموه جا...
ركان:لابيتأخر ليوم يبي يرتب كم شغله قبل السفر..خالد:اوكيك..سلام
ركان:سلام...انشوفك فليل...خالد:على خير..
.................................................. .............................................
قامت وهي مفرفشه وناويه تسعدها قد ماتقدر بهالجيه...ارسلت لها مسج ووافقت تجي
دخلت المطبخ وقعدت تخبص...أم نواف:الله واكبر...رندوه تسوي فطور
رنده :صصباح الخير...صح النوم ...نوم العوافي...شفتج تأخرتي قلت أجهز الفطور
أم نواف تجلس على الكرسي:الله يخلف عليج...الفطور بارز من ثمان أخوانج فطرو وراحو
رنده بخيبه:ماشفت شي على طاولة الطعام ...قلت أكيد ماقمتي
أم نواف:الساعه عشر ...ماقمت...من صدقج أنت...المهم يله لاتوصخين مطبخي
رنده:بتجيني عنود تفطر معاي...ام نواف :ايه قولي كذا...رنده:لاوالله كنت بسوي لنا كلنا
أم نواف توها تستوعب:أنت ليش غايبه...رنده:ماما حياتي...الناس أجازة ماقبل الأختبار...محد يداوم...الأسبوع الجاي أختبارات..
ام نواف:وانا شدراني...المهم عن الحوسه...أنا بروح ..بيت جارتنا أم خليفه وبرجع الظهر..
رنده:سلمي عليها...ام نواف:يبلغ...وأنت سلمي على صديقتج....وذكروا شوي بدال العبه طول الوقت...رنده:أن شاء الله
راحت أمها وجهزت السفره وجلست تنتظر عنود ...وصلت عنود وكان وجهها مرهق...
رنده:يله علقي عباتج وتعالي جيعانه حدي..عنود ببتسامه:بنجلس بصاله ليش مافي احد...
رنده وهي بدت تأكل...تأشر لها بلا...علقت عباتها وأشرت لها عالمغاسل غسلت وجلست تأكل
عنود:هذا طباخج...رنده:هههههه بيض مقلي طباخ....عنود بأحراج:شدراني عمري مادخلت المطبخ....
رنده :حصل خير يقمر...يله كلي...جلسو ياكلون ويسولفون ...وبعد ما خلصو
رنده:بصعد أجيب طقمي عشان تشوفينه ...يهبل..عنود:اوكي
راحت تجيب الطقم...وضلت عنود جالسه تطالع تلفزيون...بعدها نزلت وروتها الطقم
عنود:يهبل تكفين عطيني ياه..وبروح أجيبلج واحد أحسن منه...رنده:روحي زين...أنا ماصدقت
حصلته...صح يفرق درجه عن فستاني لكن ماشي...عنود:ولي يسلمج...والله بجيبلج واحد نفس ثوبج بضبط....رنده:نو لالالا...عنود:اوكي هاج....رنده تدقق بلعلبه:عنودوه هاتي لحلق
عنود:انت لبسي الطقم وانا الحلق...شرايج...
نطت عليها رنده عشان تاخذ الحلق..قامت عنود بسرعه...وقعدو يتطاردون...لمن تعبت رنده وقفت تستريح...وعنود ركضت وهي تصارخ.:يالدبه مافيج لياقه...عنود تطل عليها من فوق:ارميه؟؟...رنده بصراخ:لايعنود عن الهبل...عنود:اله برميه...ركضت لها رنده وصرخت عنود بأقوى صوتها...ولفت تبي تدخل بأي غرفه وتسكر على نفسها بس انشلت حركتها يوم شافته واقف يطالعها...أستوعب وسكر الباب بسرعه..
وصلت رنده ومسكتها..من وراها صدتج...عنود تحاول تبين أنها طبيعيه:هاج مالت عالعدو
رنده:ناس ماتجي الا بلعين الحمراء....عنود:يله باي أنا بروح لبيت...رنده:لاقعدي معاي ملل
عنود وهي تنزل:مره ثانيه...رنده:شبتسوين بلبيت يعني....شرايج تقعدين عندي ليوم بروح حفله تعالي معاي...
عنود وهي تلبس عباتها:شدعوه بدون عزيمه اقط وجهي...رنده تسحب شيلتها
الدعوه مفتوحه...عنود:عن الكذب هاتي شيلتي...رنده:لاتكفين طلبتج...
وقعدت تحاول فيها لماأقنعتها أنها بتجيب ملابسها وترجع...وطلعت عنود...وقلبها يخفق
........................................
امس مانام زين فحس بصداع وقام تفطر عشان ياخذ مسكن ورجع نام...وأمه ماشافته بصاله فظنته طلع....صحى مفزوع على صوت لصراخ ونط من مكانه وفتح الباب وتسمر بمكانه يوم شافها...
نايف ويده على قلبه:هذي شتسوي فبيتنا ...لا وماخذه راحتها......ضل عند الباب شوي
لمن سمع صوت رنده وسمع كلامها وعرف أنهم كانو يلعبون..طلع بعد مامرت ربع ساعه
ونزل الصاله حصل رنه تطالع تلفزيون...
نايف:السلام عليكم...رنده نقزت وطار الريموت:بسم الله أنت من وين طلعت
نايف يجلس:من الخاتم...وين امي...رنده وهي تشيل الرمونت:طالعه
نايف:اهاا عشان كذا صراخج شايل لبيت...شهلخبال ماعرفت أرقد....رنده ترفع كتوفها:سوري ماما قالت أنك بلجامعه شدراني...نايف:وخير أن شاء الله شعليه لصراخ
رنده:عنودوه باقت حلقي ونحاشت...وكنت اصرخ لأنها فوق وأنا تحت وتبي ترميه ...نايف:صج يهال ...الزبده...أنا برقد وأذا أذن قعديني...رنده تأشر على عيونها...
رجع غرفته وهو يتذكر ...شكلها ...شعرها ...جسمها....(ااااه..سبحان من سواج...والله لوماحركاتج كان خطبتج...)ودخل بعالم الأحلام
طبعا ادري تبون تعرفون وشلابسه...لابسه فستان ابيض دانتيل مخرم كامل.....وتحته بطانه من صدر الى ركبه بس...ولباقي خلص لقماش هههههه...الكم جبنيز
وفاتحه شعرها ..الي طبيعته ويفي بس لفات كبيره...لونه أشقر وخصل بني على ذهبي..
.................................................. .................................................
عنود مستحيل ترجع بعد ماشافته فقررت تقفل جوالها الى بكره...لان اصلا بكره بيكون زواج ليان فبتشوفها بزواج...مشاعرها مختلطه ومش مفهومه...
.................................................. .................................................
اتصلت الهام بهديل تسألها عن الترتيبات وقالت لها أنها تبي ترسل هدايا شهد لعصر
هديل:وليش جايبه لها هديه؟؟
الهام:تحسبينا أغبياء ولا نايمين بلعسل...ندري أنج مسويه أستقبال لشهود..هديل:كشفتوني يعني
زين خلاص برسل السواق ياخذهم...الهام :بنتظارج
هديل:لاتتأخرين صلاة المغرب أنت هناك..الهام:ابشري من لحين بحط مكياج هههههه
هديل:اما عاد الساعه ثنعش...الهام:حماس شسوي
هديل:يله أشوفج على خير...وتكفين أكدي على ليان...ماعندي وقت اكلمها...الهام:ان شاء الله مع سلامه...مع السلامه
.................................................. .................................................. .....
الهام أكدت على شهد وليان وراحت تذكر نرجس...بلموعد
.................................................. .................................................. .....
الساعه اربع ونص..أتصلت عليه وقالتله يمرها بعد مايطلع من الدوام بس قالها أنه بيسهر برى اليوم
وما يبها تجلس لوحدها يمكن تحتاج شي....قالتله يجيها ويرجعها بيت أهلها وهو رايح
...سكر منها وخلص شغله...مرها ورجعين البيت
هنوف:متى سفرتك...ابراهيم:بعد بكره...هنوف:شرايك تمشيني ليوم طفشانه..
ابراهيم وهو مايطالع فيها:
قتلج معزوم...هنوف:وانا متى وقتي يعني...ابراهيم:اذا فضيتي ...أبشري بلخير...
هنوف:اليوم فاضيه...ابراهيم:وانا مشغول...اذا مو قادره تجلسين يوم واحد بلبيت..
خلي أخوج يوديج...هنوف:اف
نزلو دخل تغدا ونام...وهي تدور لها طلعه هههههه
.................................................. .................................................. .
اذن المغرب واعلن الفرح ...هديل من الخمسه وهي بالأسترحه
وصلو بدري كلهم متحمسين ومبسوطين...كانو كل واحد يوصل زوجته وعالأستراحه الشبابيه على طول....
والكل مستانس على قولتهم بستقبال شهد المسكينه الي ماتدري عن الطبخه...بعد ساعه لما جو كلهم هديل أخذت ليان والهام وقالت لهم أنها بتسوي حركه تزف فيها شهد...وعلى أساس أنه مقلب بتدخل ليان أول وشهد والهام بيكونون ورها يرمون عليها ورد اذا انقال اسمها بزفه.....طبعا ليان رحبت بلفكره...عشان تتأهل لبكره
وشتغلت الزفه وبدت تمشي والعالم تصفق وتصفر وليان تضحك...لمن وصلت نص الجسر..بدا الشعر الي كان عن ليان.... ليان جمدت والهام وشهد صارو يرشون عليها لورد...بعد مستوعبو
كملت مشي وهي شبه مو مستوعبه...لمن وصلت الكوشه وجلست ...ركبت هديل باستها وباست الهام وجلستها جنبها وجمبهم شهد وخذت المايك....
هذي الحفله لها مناسبات واجد اولها واهمهاوالأصل
حفل توديع لعزوبيه لحبيبتنا ليان...وثانيا حمل لهو الغلا وثالث أستقبال شهد
وقفو ثلاثتهم وحضنوها وصارو صديقاتهم يقدمون لهدايا ليان طبعا هديل قايله لهم
وبعدها تبادلو الأربعه الهدايا ...كانت حفله جميله ومممتعه رقص وهبال...ليان رقصت لمن تعبت....الهام كانت ترقص وهي جالسه...وسمر نفس الحاله هههههه
اما شهد وليان ورنده ونور وورود طاحت ركبهم من الرقص بالأضافة لصديقاتهم...
طبعا الساعه ثمانيه أنتهت الحفلة...كانت متعمده على أساس يمديهم يستعدون لزواج ليان بكره
هديل حمر وجهها من كمية البوسات الي وصلتها من شلتها..ستمتعو جد...وكلن راح بيته محمل بلهدايا .....والأبتسامه مرسومه على وجويهم...
.................................................. .................................................. ........
في أستراحه اخرى اصواتهم واصله أخر الشارع....مبسوطين جدا وكل مجموعه يلعبون شي
وناس تشوي...جو جميل...والمعرس مبسوط جدا وناسي بكره....أجواء جميله تنسي الواحد نفسه...كان مانقصهم..الارائد وسعود
ووليد الي طلع عشان يرجع ورود البيت ويرجع...
.................................................. .................................................. ......
ورود بسياره:
هاه عسى انبسطت
وليد:حيل بنزلج وبرجع....ورود:اوكي...
وليدحس أنها مو على بعضها:ورود شفيج....ورود وهي تعض على شفايفها:مدري شبلاه ظهري...وليد:تبين المستشفى...ورود:لا بروح لبيت باكل مسكن وبيخف...من كم يوم يضرب على ويهون...وليد:أجل بوديج لمستشفى...ورود:مايحتاج...سفها ودها دخلت للفحص وبعد
عشر دقايق...وليد:هاه دكتور ...وشفيها أجهاد ولا شد عضل....
الدكتوره:ههههه لا فيها بيبي....ورود وليد:ايش
الدكتوره بستغراب:شفيكم أنت مو زوجين...وليد:ها اله اله بس...
الدكتوره تلف على ورود:مري الصيدليه وصرفي العلاج...وانتبهي لنفسج وتأشر على رجلها..لكعب مضر على البيبي..
وليد:معليش بس كم عمره؟
الدكتوره:شهرين...وليد بفرح :لحمد لله
الدكتوره:ههههه تو الناس ...وطلعت وسكرت الباب...
ورود كانت تبكي بصمت جاها وباس راسها وحضنها وطلعو وقلوبهم مش بصدورهم
ونسى الشله والعالم كله...
.................................................. .................................................. ....
صباح يوم الزفاف الموعود...كلكم مدعون كونوا بلقرب فالبارت العاشر والأخييييييييييير |