اوكي ببدأت اتكلم عن الشابتر الخرااافي الي قصف الجبهات ...
آآآآآآآآآآآآآآآآآه ياقلبي
ساسكي ما وقف الا لمن نادته بابا باعلى صوتها .... هذا يثبت انو في الشابتر الي فات ما سمعها لمن قالت بابا
بعدها
ساسكي : انتي .... ساردا ؟
نيهاهاهاهاهاهاهاهاهاهاهاهاهاهاهاهاهاهاهاهاها
بوم بوم بوم لكل من قال ساسكي لا يعرف ابنته وقد لا يكون يدري بوجود ابنه له وانو راح وساكورا حامل -_-2
ما قتلني الا ملامح الذنب في وجه ساسكي يالبى قلبك .... لا تزعل نفسك اصلا تصرفك جدا طبيعي 
على فكره لو تلاحظو في اخر الصفحه ساردا قايله عرفت علطول انك والدي .... كانها دقه له خخخخخخخخ
وبعدها ملامح ساسكي كانت
خخخخخخخخخخخخخ
على فكره هذا يثبت تمنياتي انو ساسكي ما راح وهيا رضيعه راح وهيا طفله بيبي ما تذكره عشان كدا هوا يعرف اسمها طبعا ويعرف شكلها لاكنها كبرت وحطت نظاره وكمان مفعله الشارينقان وحسب الاحداث الي حصلت مؤخرا اكيد بيعمل الي عمله
ساردا احبطت بسبب الي حصل اللقاء الي تخيلتو في عقلها الباطن شي مختلف تماما عن الي حصل و الغت تفعيل الشارينقان
يجي ناروتو وتشو تشو بكل اريحيه وساسكي يصب غضبه في نارروتو < خخخخخخ انت من جدك ليش جايب البزران معاك قبل شويه هجمت على بنتي بسببك يا مغفل المغفلين ! خخخخخخخخ
ناروتو مو فاهم ليش ساسكي معصب بانو جاب البرزران هنا خخخخخخخخخخخخخ منت داري وش سوا قبل شويه 
وساردا فاجئتو انو هما جو عشان يشوفوه وانهم لحقو ناروتو
تشو تشو > برا بسرعه 
___________________
ساردا تسأل ابوها هل ساكورا امها ؟
الحين الكل في مخو يقول مو اول ساردا كانت تشك انها من اليوتشها ؟ اذا كانت تشك في ابوها احب اقلكم يا اصدقائي العزيزين ايوه بس سارادا فعلت الشارينقان اولريدي اذا هيا فعلا يوتشها
بقي اللغز في امها
ساردا تشك في عيلتها برأيها عيلتها عيله مو طبيعيه زي بقيه العوائل اكيد بما انها ما تشوف ابوها
اول سؤال سألته هل هوا فعلا زوجك ؟
ثاني سؤال سألته مين دي المرأه بالنظارات بقرب ابي ؟
ثالث سؤال سألته ليش ما عندي سجلات ولاده ؟
رابع سؤال سألته هل انا حقا يوتشها ؟
من اول سؤال ورابع سؤال نعرف انها كانت تشك في ابوها ومن ثاني وثالث سؤال تشك في امها او تشك كونها ابنتهم حتى
وعموما ما بتكلم كثير في الدفاع عن دا الموضوع لانو ساردا بنفسها بتثبت انها اساسا وفي داخل قلبها ما تشك في اي من دا لانها بعد موقفها مع ابوها وحتى بعد ما جا ناروتو يراضيها هيا تبغى امها لانه ماحد بيفهمها الحين غيرها هذا اكبر اعتراف من ساردا انها فعلا ما تشك في ساكو واكبر اعتراف منها انها ما تشك في ساسكي كونها عرفته علطول وحسب كلامها معنه ساسكي مو باين شعار اليوتشها لاكن كما قال كيشي رؤيتها اصبحت ضبابيه اي مع وجود عده اسئله وعدم وجود اجوبه اصبحت متشتته اكثر واكثر
ساكورا ملكه المانجا تصحى من الغيبوبه 
وتشوف الدنيا قايمه قاعده مع بنتها .... وتعرف انو البنت شافت الصوره واتجننت ولحقت بناروتو وشكت بامها
وحزنت لدا الشي اكيد كام بتحزن لاكن في طريقها في الحزن ادت صفعه محترمه للبعض
بقولها " child of mine" لو كانت القصص الخنفشاريه الجميله الي مطلعينها المعارضون خخخخ
صح
كان لقينا ساكورا تخاف و تقول شي زي " لا انها على وشك اكتشاف الامر او شي زي كدا "
لاكن وااااو مو بس ساكورا الي ردت فعلها كانت صفعه
اول صوره في اليسار دي عباره عن صفعه ثلاثيه الابعاد
من ساسكي الي وجهه يقول > WTF.....-_-2
ناروتو الي وجهه يقول > .... Ehh؟! 
تشوتشو الي وجها يقول > are you serious :/:
قد قبلها اخدو صفعه من رده فعل تشيزوني وبعدها من كلام وتشبيه ناروتو ما ادري كم صفعه لازم ياخدو من كيشي صرت ارحمهم الصراحه
المهم ما علينا نكمل
ساسكي سألها بهداوه ورقه وقلق مو طبيعين يناااااااااااااااااااااااااااااااااااااااااااس حنجلط ....
هل حصل شئ ؟
ومعاه حق يسأل كانه يسألها نفس السؤال حق ساكورا وتشيزوني اشبك فجاءه ؟وساسكي نفس الشئ مستغرب انها صارت تفكر كدا ليش تفكر كدا هذا الي يهمه لاكن ما يهمه حتى يجاوب عن سؤالها لانه طبعا تراهات فيبغى يعرف وش وصلها لدي الحاله عشان تسأل دا السؤال ؟
والبنت ذكيه وفهمت عليه وادته في وجهه خخخخخخخخخخخخ
الاسباب الي خلتها تسأل دا السؤال
آآآآآآآآآآآآآآآآخ ياقلبي انا مني متعاطفه مع ساردا كثير لاني عارفه انو بعد كل دا فيه سبب لكل دا
لاكني بموت على ساسكي وطريقه استماعه لصراخ بنته وهيا تطلع كل الي في قلبها كانه مديها البطاقه الخضراء بسؤالو داك عشان تطلع كل الي في قلبها ونظرته في الاخير لها ياخي هل هذا اب قاسي متعجرف وقح زي ما وصفتوه !! انتو تتوقعو ساسكي بيسمح لاي احد يقعد يصرخ عليه وينتقده ويديه محاضرات وهوا ساكت يستمع له ولا يرد عليه ! ابد ما رد على انتقاداتها له بالعكس خلاها تطلع كل الي قلبها كانه بوافقها على كل شي قالته عنه لانه فعلا يحس بالذنب تجاهاها وما يقدر يسمح لنفسه انه يسكتها او يرد عليها لانه مقصر في حقها هذا رأيه
ما رد الا على سؤالها عن مهمته وقالها هذا ماله اي صلاح فيكي بكل هداوه .... البنت تبغى تفسير عن سبب عدم وجود والدها معاهم برأيها كطفله ما بتهتم كون والدها عنده مهمه خطيره بتهتم فيق كون انها ما تشوف والدها ولا تنال على الحنان المطلوب منه فقط لاجل مهمه له
لاكنها دكرتني بناروتو كثير ناروتو اول ما شاف ابوه سوا نفس الي سوته وطلع كل الي في قلبه لاكنه بعد ما عرف هوا ابن مين وليش ميناتو ختم الكيوبي في ابنه وليه امه رضيت عرف
عشان كدا كنت اقلكم مشكله ساردا الكل تفاجاء من كونها مشكله عقيمه كدا عندها شفنا ساكورا في البدايه ردت على اسألتها ببرود واستغربت من ساردا دي التصرفات وناروتو نفس الشي قلتلكم ما شفته حزن على مأساتها كثير وتشوزوني نفس الشي ما حزنو الا بعد ما فهمو هيا في ايش تفكر طيب ليش مو من البدايه الكل ما حزن عليها لانهم عارفين ابوها مين وعارفين هوا وش قاعد يسوي هيا برأيها زي ناروتو ليش ابي يظلمني كدا في سبيل القريه ؟! بقيه الناس يشوفوه رائع لانه ضحى بسعادته الشخصيه وسعاده ابنه عشان خاطر النينجا وهذا اكبر تضحيه الابن نفسه ما بيفهم ابوه الا لو فهم عمق مهمته وعمق الشي الي يسويه او الي سواه لمن ناروتو فهم ليش ابوه ختم فيه الكيوبي ومين امه وايش حصل افتخر كونه ابن بطلين لا شمسين وهذا الشي زاده قوه وساردا نفس الشي لمن تفهم مدى عمق مهمه ابوها وتفهم انو امها بطله بصبرها وترتبيتها بنتها لحالها كل دا لالجل عالم النينجا بتفتخر بتضحيات اهلها كثييير اكثر من اي احد
لو تلاحظو ناروتو هنا يفهم ساردا كانه يقول في نفسه هذي الفتاه اصبحت ضحيه هذه المهمه لاكنه ايضا يفهم ساسكي وعارف ايش مهمته وعارف ايش الوضع عشان كدا اول شي جاه يقوله لساردا لمراعتها ساردا ابوك نينجا رائع حقا اي انه عمل كل دا كنينجا
ناروتو نفسه كان يبغى يروح في دي المهمه وكان شفنا نفس الشي لبوروتو لاكن ساسكي الي منعه وقله انا بروح لاني الافضل في دي المهم
التفكير الغبي عند البعض باتقادهم الشديد لساسكي كونه ترك عائلته بسخريتهم من عائله الساسوساكو بفرحم بكون ساكورا وحيده لا يعتبر شئ لهذه العيله البطله
من جد افضل عيله في كل السلسه !! بدون مقااارنه
افضل عيله في حبهم لبعض افضل عيله في تضحيتهم افضل عيله في بطولتهم افضل عيله في ابنتهم ولاحد يجادل في دا لانو كيشي اثبت و بقوه في دا الشابتر تظنون انهم مثيرين للشفقه ووضعهم مأساوي بالنسبه لبقيه العوائل هه شوف كيف كيشي رفع مكانتهم فووووق وخلاهم الابطال خلا ساسكي بطل حاليا ومضحي اكثر من ناروتو نفسه خلا ساكورا اقوى وافضل مراءه في المانجا بكبراها اكثر وحده بطله بتضحياتها وخلا بنتهم بطله المانجا
اوووه وبالمناسبه ساكورا هنا ما كانت حامل احب ابشركم كانت قدها ولدت بساردا وهذا دليل ثاني انو ساسكي يعرف ساردا وهيا صغيره وعاش معاها في طفولتها لفتره زي ما قلت سابقا
ابغى اسألكم سؤال وبوقف لاني تعبت ههههههههههه الشابتر من جد ملااااااااين اشياء
الحين ليش
هنا
وهنا
وهنا
نلاحظ انو مافي غير الكاجيات
وساسكي الي طبعا مقترح الفكره
طيب ليش ساكورا موجوده ؟ لاهيا كاجي ولاهي مقترح الفكره مع ساسكي لانها تفاجات بالكلام برضو !
احم لانو ساسكي الي طالب دا الشي يبغاها تدخل معاهم وتعرف بالموضوع في دي الغرفه تعرف بالي حيحصل وتعرف بالقصه وتعرف بانه بيروح الرحله بما انها زوجته ! لازم يديها احترامها بمعرفه الموضوع ومعرفه القصه كامله
وساكورا اكيد بتوافق على الموضوع لانها بطله وما حتعطل زوجها عن مهمه زي كدا عشان حبها وطفوله بنتها وتعبها في تربيت بنتها كام لحالها !
كيشي من جد من جد رفع مقام الساساكو في دا الشابتر بطريقه فوق ما تتوقعوها خلاهم في مرتبه حب وبطوله كوشينا وميناتو
لي رجعه ماخلصت كلام ههههههه
__________________ عندما تجتمع القوه والحياه
عندما يجتمع بطلين
عندما يجتمع وسيم وجميلة
عندما يجتمع شرطي مع طبيبه
عندما يجتمع رجل نينجا وزهره ساكورا
عندما يجتمع الكحلي مع الزهري
عندما يجتمع الصيف و الربيع  
التعديل الأخير تم بواسطة soisoi ; 05-28-2015 الساعة 04:02 PM |