| صباح يوم جميل فيه قلوب تنتظر بشوق ...
الساعه ثمانيه..
صحت بكل سعاده تروشت ولبست فستان ناعم ...كان له جمال خاص مع بروز بطنها...رفعت شعرها بطريقة الي يعشقها...رشت بخات من عطرها الهادي..أبتسمت لنفسها برضا...نزلت جهزت الفطور ...بعد ماطلبت من أمها ترسل السواق ياخذ الشغالات ونور...
جلست بصاله ...وعينها على الساعه الى عقاربها تمشي بكل بطئ ...وعناد
تمددت ببتسامه...وطالعت بطنها وهي تمسح عليه :يله يقمر اجهزي بابا جاي بطريق...
(الله يوصلك بسلامه يارائد لقلب ذاب من الشوق)...
.................................................................................................... ...
في زاويه أخرى ومكان مختلف تماما وبنفس التوقيت...
جالس يجهزبسرعه..باقي نص ساعه...أمس وصل متأخر...وما نام كفايه
وقف قدام لمرايه عدل شماغه ...رش من عطره الرجولي الفخم..لبس كبك رسمي
ونظارته السوداء...وخذ صوره سلفي وارسلها لهنوف ...وطلع للكورس...
(صباح الروقان)
.................................................................................................... ...
الساعه ثمانيه ونص
جالسه بمجلس الحريم وترتب السفره...ودندن...من بعد لصباحيه وناس ماوقفت يجونها يباركون لها..بزواج بنتها...
أم نواف كانت كاشخه(متعدله...متزينه)ولابسه جلابيه دقه أماراتيه ...وشيلتها نفس لون..
وحاطه روج خفيف...وكحل..وريحة البخور تفوح منها..ومن المكان
أم نواف:زين زين جايه ....(طبعا الباب فيه زر ينفتح من داخل بس ام نواف ليوم متحمسه ومبسوطه بزياده)
ام نواف تبوس أم خالد:هلا وغلا تو مانور البيت...أم خالد:نورج يوخيتي...
ام نواف:تفضلي حياج...ودخلو للمجلس ...وشوي جات كم جاره....وجلسو سوالف وضحك...(وطبعا كعادة حريم أول مايطولون بلجلسه مو من الادب لا عشان يلحقون على البيوت الباقي ههههه...أمزح والله هم منبع الذوق والأدب والوصل كانو يروحون يلفون على كل لجيران ويتفقدون احوالهم..يومياً اما لحين منشوف جيرنا الابلمنسبات )
ام نواف:عاد ياام كمال جلسي شوي أنت ماتنشافين...حتى بجمعت الحاره لج سبوعين ماتحضرين...
ام كمال:شسوي وانا ختج تعرفين...لعيال بيجوني هالأجازه ومحتاسه اعدل وسنع...
ام نواف:الله يعينج ...غثونا هلعيال هههه...ام كمال:هههه أي والله مامنهم فكه...يله فمان الله...
ام نواف :فمان الكريم....سمحيلنا تأخرنا عليج
أم صلاح:لاعادي عيوني ....خذي راحتج...ام نواف:الله يسلمج...ماقلتيلي ...متى سكنتو بلحاره...
ام صلاح:من اسبوعين...بس تونا ...ام نواف:غريبه محد قالي...ام صلاح:يمكن لانهم جو كم مره ومحد فتح لباب ...حسبونا لسه ماجينا...ا
ام نواف بستغراب:وانتو ليش ماتفتحون...ليكون ماتحبون المساير..
ام صلاح بضحكه:هههههه يبنت الحلال...جرسنا ماركبوه زين ...ولا نتبهناله...الا البارح يوم جت بنتي...وقالت لي ربع ساعه احرق لجرس...وينكم
ام نواف:والله صادقه هالعمال ...صايرين يسون الشغل أي كلام عشان تجيبنهم مره ثانيه وتدفعين لهم...الله يعين عليهم..
ام صلاح:الله يعينا محتدين(مجبورين) وشنسوي...المهم أنا بغيتج بموضوع....أم نواف:عيوني لج ..سمي
أم صلاح:............
.................................................................................................... ......
حبيبي هذي ثالث مره أتصل ليش ماترد علي...
خالد ووهو مركز بالورق الي بيده:مشغول حياتي مشغول...
شهد بزعل:متى رجعت البارح...خالد بجديه:شهد من صجج الحين..هذا وقته سؤالج..قلبي اكلمج بلبريك...
شهد ودمعتها نزلت:لا خلاص بنام ...باي..
خالد بعجله:باي...وقفل وكمل شغل...
.................................................................................................... ......
واقف بسيارته قدام الباب ...له عشر دقايق...
اف ياربي منها كله تتأخر واذا زفيتها تزعل....وجلس يطالع بالباب ينتظرها تطلع...
طلعت رنده وماسكه عنود ....طبعا رنده طالعه ومتغطيه بسرعه وبأهمال كالعاده وشعرها كله برا...وكثير شباب عند البوابه ينتظرون خواتهم مثل حالته...
نزل بسرعه وراح لها اول ما شافته عنود تركت رنده وراحت عنها...اما نايف اشر لها على عباتها وهي فهمت وحطتهاعلى راسها وتغطى شعرها...ركبت السياره وقلبها يدق بسرعه
نايف:مايحتاج اتكلم صح...عنود بصوت واطي:صح...انا أسفه....نايف:رنده اذا كنت تتحجبين عشاني...فصخي الحجاب الحين ...ورميه من الشباك
رنده بصدمه: هاه......نايف ياخذ نفس طويل: انت تتحجبين عشانا ولا عشان ربج....رنده:اكيد عشان ربي.....نايف:أجل لاتخافين مني خافي من ربج لايحرق هالشعر الي تطلعينه...وجهك الي واضح ...ومتعبه نفسك بهالغطاء الخفيفه...رنده ستحت حيل وحست بذنب:أستغفر الله العظيم...مشكور نايف عنصيحه...ووعد وربي شاهد علي ماعاد اسويها...
نايف:الله يرضى عليج حبيبتي...رنده تنط عنده:شقلت....نايف ضحك ولا رد عليها
رنده ترجع كرسيها وتتكتف وتسند ظهرها...يربي منك شو هالبخل....كلمه ماتعور ولا تضرك يمه....
نايف ضحك على كلامها وأنفعالها ...وبدون مايطالع فيها:قلت حبيبتي...ياحبيبتي....
رنده تشهق:لا انت مو نايف ...تقرص نفسها:انا اكيد أحلم...واي يمه قلبي...يزينها منك ينوفي
نايف يهز راسه وهو يضحك:لايكثر رندوه...ترى ماأقصد وغمز لها...رنده خلاص فصل مخها من حركته وكانت بطير من سيارة لو مامسكها السقف ههههههه
(صباح المرح)
.................................................................................................... .....
الساعه تسعه وشويه
وصلت ريحة عطره قبل وصوله وقفت بشوق أول ما دور المفتاح بلباب...راحت تمشي بهدؤ
دخل لبيت وهو يردد الدعاء ويسمي برحمن...سكر لباب بشويش وهو يتأملها...حبيبته ...عمره ...ام طفلته ...راح لها هروله وضمها :وحشيني سمري...
سمر بهمس:وانتا بعد وحشتني يادنيتي...رائد يبوسها على جبينها وخدها:انت دنيتي يالغلا
وسحبها من يدها:اجلسي لاتعبين بنتي...سمر بمزح:من لحين بنشغل فيها...وتخاف عليها...رائد :لاهي ولا مليون وحده يشغلوني ..ياأميرتي...وغمز لها...سمر توقف بشويش ورجفه باينه فيها:يله روح بدل وتعال نفطر...رائد يوقف ويمسك يدينها:ليش ترجفين...لاتقولين لسه تستحين...سمر تطالع بالأرض وماترد
رائد:ههههههه والله أنت مابتتغيرين ...شكلي بجيب خمسه وانت لسه تستحين مني ...حضنها وباسها وراح عنها وهو لسه يضحك...سمر تشبك يدها بعض :يووووه...هذا الي قاعده أقول بتجراء ودروس ومواقع...تكش على نفسي:مالت علي مامني فايده...وراحت تشيك على السفره وبعدها صعدت ...وجلست عسرير تستناه...
خذت لها مجله وجلست تتصفحها...رن جوال رائد..أكثر من مره ...انزعجت وقررت تقلبه صامت عشان هو بعد يريح ماينشغل مع أحد...اول ماسكت المتصل,,, لمحت صورتها كانت خلفية شاشته...أبتسمت لكن انمحت هلأبتسامه لمن شافت :فهد يتصل بك..ردت تبي تتأكد من صوته...أنشلت حركتها لمن طلع ...هو....اي هو...راحت لرسايل وجلست تقراها بصدمه..
ودموعها تطيح على لجوال...طلع وأول ما رفع راسه...لمح جواله بيدها وشاف دموعها
..................................... ....................................................................
في مكان بعيييييد عن الوطن.....في احد الفنادق
كيف تشعرين الأن....
كرستينا:أنا بخير...متى ستكون رحلتنا...
محمد وهو يسكر لاب:فرابعه مساء....كرستينا:جيد ...لقد اشتقت للأبنائي كثيراً...
محمد وهو يشرب شوي من لقهوه:واظن أنهم كذلك...
كرستينا: أتعلم ...أنا لم اكن اسافر طوال ..تلك السنين الا من أجلهم..
محمد بستغراب:لم أفهم؟...كرستينا تتنهد:كنت اكرس كل جهدي وطاقاتي في بناء مشاريع لهم..
محمد:لست مضطره لفعل ذالك...فأنا رجل ميسور ولله الحمد....كرستينا تقاطعه:اعلم اعلم...لكن كنت أشعر أنه من الأنانيه ...أن تتعب وحدك...وتفني شبابك بجمع المال لنا ونحن...نستمتع به فقط...محمد يمسك يدها ببتسامه:حبيبتي كرس ....أنت عظيمه حقاً...اقدر لك شعورك هذا..ولكنه واجبي الشرعي....كرستينا:اردت تأمين حياة أطفالي ..التجاره ربح وخساره....وهذه سنه كونيه لانملك تغيرها...لذا كنت احتاط لذلك...محمد يبوس راسها:شكرا لك كرس...لكن ارجوك لاداعي للقلق الأن....سوف أبوح لك بسر صغير وأتمنى أن لاتخبري أبناءك به أتفقنا...كرس تهز راسها بنعم...:علمت من مصادري الخاصه بأن رائد يملك شركه ...خاصه به وهي على مستوى مميز بل ربما تضحكين اذا علمتي بأنها تدخل معنا في بعض الصفقات....كرستنا ببتسامه وذهول تمرر يدها بشعرها:لا أصدق ذلك ...هل أنت جاد...محمد ببتسامه:نعم تأكدت من ذلك بنفسي...لكن المدير الحالي ....احد اصدقاءه الثقات...كرستينا بأعجاب:عظيم...انه يشبهك ...طموح وذكي مثلك...محمدبدعابة:منحتيهم الجمال ومنحتهم الذكاء وغمز لها....كرستينا:هههههه لاتقل ذلك فأنت اوسم مني...محمد يرفع حاجبه:اظنك تبالغين قليلا لكن لابأس...دعيني أخبرك ايضا أني دخرت للألهام عدت ملاين..بحساب خارجي..وفتحت لها مشروع صغير سأخبرها عنه بعد ولادتها..لتديره بنفسها..
كرستينا:رائع حقا...وماذا عن خالد...اااخ...هذا الشاب طائش جدا ....لااظنه سيتحمل المسؤلية يوما...
محمد يهز راسه بلا:على العكس ...بلغني انه يعمل بجد بغيابنا والأمور تسير على مايرام وكانني موجود بل أفضل كما أنه يعمل بسريه كشريك في بعض الشركات ودخله في تحسن كبير...وأنا واثق بأنه سيستقل قريباً بشركه مستقله...
كرستينا تحضن زوجها وهي تبكي من الفرح:احبك...انت اعظم كنز في حياتي...لقد ارهقتك كثيراً....
محمد يبعدها ويمسح دموعها:كرس..أنا قمت بواجبي كأب ولكني أهملتك كزوج ...لقد انشغلت كثيرا...وقسوة عليك كثيرا...سامحيني...
كرستينا تهز راسها بلا وسط دموعها:لم اغضب منك يوماً..كنت أعرف بأنك مثقل بلهموم والأعباء..لذى كنت الوم نفسي فقط..
محمد:لننهي هذا الأن ...ولنبدا حياتنا من جديد انا وانت وأبناءنا...كرستينا تحضنه:نعم فلنفعل..
.................................................................................................... ......
اووووووووه .....هذي خمس مره أتصل ولا ترد....ركان:تستاهل ليش مارديت عليها...
خالد بجديه غير معهوده عليه:انت من جدك تبيني اترك شغلي ...واجلس اسولف معاها...
ركان:ماشاء الله من متى .....تطور والله.... ببشر ابوك.. عشان يفرح
خالد يوقف:تراك رايق وانا مو رايق...جبلي باقي الملفات...وطلع وركان مستغرب من جديته
بس بنفس الوقت مبسوط ...جمع الملفات وراح وراه على طول...
.................................................................................................... ......
قامت بكسل فكت جوالها وشافت صورته ...بتسمت وباست الشاشه وبعدها راحت لصنودق لورارد عدلت مسج عسريع وارسلته...وقامت تتروش وتستعد عشان تفلها...تمشيات وسهرات
.................................................................................................... ....
فتح المسج وابتسم لما قراء لكلام ...بس وقفت عينه عند كلمه هزة قلبه وكيانه...سكر جواله
ورجعه على طاوله ...وجلس يكمل تدريبات الكورس...
.................................................................................................... ....
الجو بارد...الطبيعه جميله...في حديقه واسعه
ليان حياتي وين تبينا نر وح بعد كذا.....ليان:الي تشوف يقلبي...
بدر:يويلي أنا منج ومن كلامج العسل...ليان ضحكت له ورجعت تطالع الناس...بدر يلف راسها بيده:ليونتي شطالعين هناك أنا هنا....ليان تفصخ النظاره وتحط عينها بعينه:هذاني لفيت يعيوني ....كذا زين...بدر بذوبان:فوق الزين...شرايج نصور هنا ...ليان توقف :يلا...
بدر :يلا ...وقامو يتمشون ....ويصورون مع بعض بكل زاويه..وراحو لملاهي وركبو أخطر الألعاب وكل مره واحد منهم يضحك عالثاني....وساعات يضحكون سوا على صراخهم...
بدرويده على قلبه:لابارك الله فيها من لعبه....ليان:هههههههههههههههه...والله شكلك تحفه...اذونك حمرا.....هههههههه
بدر:تعيبين علي...وهرول ناحيتها وراحت تركض....وهو يركض وراها وهو يضحك :مسكتج...
ليان وهي تضحك:ااااااسفه ...توبه....اتركني لعالم تطالع...
بدر يتلفت وهو لسه حضنها من وراها:شدعوه تحسبين نفسج...بلشرقيه..ههههه
ليان:واااه يزينها ويزين طاريها وحشتني والله.....يله عاد اتركني ...بدر يحضنها أكثر:احبج ياليان ...وربي أني اسعد أنسان انج معاي...
ليان سكتت وهي حاسه بخجل وبهمس:بدور قلبي تركني...تركها ومسك يدها وهو يضحك على ملامحها الخجلانه...
(الله يديم المحبه)
.................................................................................................... ......
قامت الظهر مو حاسه بلوقت ...مانامت امس من صراع مشاعرها.....طلت بجوالها كالعاده يمكن يحن ويرسل شي...بس لاجديد قامت وتروشت ....صلت الظهر نزلت لصاله:ماما نر..
سكتت لماتذكرت أنها سافرت أمس ...جلست على الكنب وتصلت فيها...كانت مبسوطه وسط عيالها وقالت لها انهم شرو فله كبيره وتجمعوا زي قبل....جلست تكلمها ساعه بدون ماتحس..ودموعها على خدها....ودعتها بسرعه وسكرت لما حست بيده على كتفها...فزتله ورتمت بحضنه...وهو حضنها بقوه وباس راسها...وحشتيني لهو...وحشتيني...
.................................................................................................... .....
جالسه بصالة جناحها ودموعها على خدها ...حاسه بحياء فضيع....والي صار يتكرر قدامها
طلع من لحمام(اعزكم الله)وشاف لجوال بيدها ...قرب منها بهدؤ وهو حاس أنها قرت رسايله..
وصل عندها وهي ماتحركت ولا قدرت حتى تسكر الرساله..سمر:انا اسفه أنا ما....قاطعها لمن حط صبعه على شفايفها...رائد:اششششششش...مابي أسمع شي...زادت شهقاتها... سحب لجوال منها ورماه عالسرير..... وحضنها بقوه عشان توقف رجفتها....وتركها ونزل عند بطنها وباسه...وجلسها بحضنه ويده وراء ظهرها وبصوت حنون:تحبيني...سمر بندفاع وسط شهقاتها:والله احبك واموت فيك وهو خلا..
رائد يعيد حركته:مدام تحبيني هذا عندي كل شي...والي قريتيه هذا ماااااضي...انهيته وتفاهمنا عليه...وابتسم...:وأنا وهو الحين زملاء عمل عشان كذا كان متصل....ابتسمت بتسامه باهته وقبل لاتتكلم...رائد بجديه:سمر حياتي ...مابي اسمع شي عن لموضوع ولا تبررين شي...أنا عاقبتج وأنت ذاكره هالشي...وماكنت والله ناوي اعذبج...بس كنت ابي اشوف غلاتي ...وامحي وجوده من قلبج...وهذا الي صار صح...
سمر تهز راسها بنعم...وجهها غرقان دموع...رائد يمحس وجهها بمنديل ويوقفها قدام لمرايه:شوفي بالله عليج هذا شكل وحده تستقبل زوجها فيه....ضحكت سمر على شكلها...ولكحل سايح وعيونها حمر..رائد يروح لباب.:خمس دقايق ابي زوجتي الي قبل شوي شفتها تحت ...ورمالها بوسه بلهواء وطلع...
راحت غسلت وجهها وسكتت نفسها بلقوه ...عادت مكياجها ونزلت فطرو سواء ..وجلسو يسولفون...وهم مبسوطين وراها هداياها ...وانبسطت اكثر وبعدها تركها وراح ...يريح قبل صلاة الظهر...بعدها قام صلى وراح لحبه الثاني..........
.............................
سمر :ياربي لاتحرمني منه ومن قربه...سكتت نفسها وقامت تجهز له..لبست لفستان الناعم الي جابه لها..وكمان الطقم ...ورشت من العطر ...كل شي جديد مثل مشاعرها بهلحضه
خلاص مات كابوس الماضي...وراح قلقها...وطلعت على وجهها بتسامة رضا...
.................................................................................................... ....
شهد............شهد....اووه وينها ذي
شهد تمشي بشويش وكلها نعاس:هلا خالد ...شفيك تصرخ...
خالد يطالع ساعته:معقول نايمه كل هالوقت...شهد:ماحسيت بنفسي....خالد بتعب :مو مشكله حصل خير ببدل ...وجهزيلي الغداء اوك...باسها بسرعه.. وراح
دخلت المطبخ وهي حابسه دمعتها...حطت الغداء وثواني جاء وجلسو ياكلون بصمت
خالد:ماتبين تروحين مكان ليوم...شهد تهز راسها بلا...خالد:براحتج...انا قلت اودج للألهام بدل ماتجلسين لوحدج..
شهد :ليه بتطلع ليوم ....خالد يهز راسه بنعم:عشان كذا اقول اوديج تغيرين جو
شهد بغصه:لاعادي ....خالد:براحتج ...لاتقولين ماقتلج...وبعدين تزعلين..وراح حضنها وباسها
ودخل ينام....شهد مافكرت حتى تبكي...مسكت جوالها وجلست تكلم منال أختها وتتناسى الي صار....
.................................................................................................... ..
نايف:هلا يمه أمري شبغيتي...ام نواف ببتسامه:مايامر عليك ظالم ...بس كنت بقولك شي قبل لاقول حق أخوك...
نايف:تفضلي يمه قولي...ام نواف:ليوم جاتني وحده تخطب رندوه...نايف:هههههه ...والله وكبرنا وصرنا ننخطب..
ام نواف تضربه على يده بخفه وهي مبتسمه:قصر صوتك لاتسمعك...وبعدين ذي مب أول وحده...
نايف: اووه.. والله وطلع لها جمهور رنيد...ام نواف:ليش شايف بنتي...ملح وقبله كل المواصفات الي قالهم النبي (الله صلي وسلم عليه)فيها..جمال ومال وحسب ونسب
نايف :هههههه زين ماقلت شي أنا...والله أنها تهبل..
.ام نواف:أي احسب بعد مو عاجبتك..المهم الرجال بعمرك واسمه..صلاح ال..... يشتغل سكرتير بشركة.....
نايف:لاتكملين يمه هذا صديقنا واعرفه زين...ام نواف بستبشار:هاه وشرايك فيه..والله أنا أمه بنت حلال ومحترمه...ورتحت لها حيل...
نايف:والله يمه ماعليه ...رجال وكفو وماله بلخرابيط...مصلي وخايف ربه...بس يمه هذول مايناسبونا...ام نواف توقف وبغيض:اسمع ياولدي... الفروق والطبقات الناس الي سوتها...لاهي شرع...ولادستور....مدام الرجال عنده دين وكفو ماعلي من خرابيطكم...
نايف وكانه خجل من كلامه...يبوس راس أمه:صادقه يمه...والله المجتمع سمم افكارنا...
ام نواف وهي رايحه للمطبخ:يسمم أفكار الي فاتح عقله لها...
نايف حس نفسه...انسان جاهل مع أنه مهندس ومثقف...شلون تلوث فكره بهالأفكار
أمه الي مكملت متوسطه تعلمه شي المفروض يكون من البديهيات ...
ابتسم يوم رفع راسها وشاف رنده وهي تنزل من الدرج تنط من درجه لدرجه وبيدها لكتاب
ضحك وبهمس:هذي زوجتك يابوصلوح...الله يخلف عليك هههههه
رنده تبعد لكتاب عن وجها وتطالع فيه:شفيك تضحك ...وبدون ماتنتبه كانت بطيح لانها نست درجه وحده بس تمسكت بدربزين بأخر لحضه وجلست تضحك والكتاب والورق مرمي بالارض..جلست تلمهم:شفت كله منك..
نايف جاي صوبها:محد قالج ...تطالعيني وانت تنزلين بدرج...رنده:طبيعي شخص يضحك لزم بتطالع فيه...نايف:قولي والله لانج ملقوفه...رنده تتكتف وتكشر:انا موملقوفه..وخر عن طريقي لو سمحت...نايف قرب عند وجها وهي على طول غطت وجهها بيدها.....بعد يدها وباس خدها:اسف ياعسوله...
وركب الدرج ...رنده بصراخ:انت شفيك ...بتجنني ...انا بلموت قاعده انسي نفسي شقلت الصبح...نايف يلف عليها:تستحين يحياتي...
رنده:يمااااااه شوفي نايف...
نايف فرط من الضحك على شكلها ووجهها محمر...وقبل لايكمل طريقه رن التلفون ورجع عشان يرد......
الو.
هلا...اممم ...ممكن رنده...
منو اقولها...
صديقتها
نايف بستهبال:وصديقتها مالها أسم
رنده تسحب السماعه بعد ما سمعت... كلامه...رنده وهي تغطي السماعه
نايف شبلاك اليوم مضخن...شي..
شيعورك...نايف يكمل استهبال يأشر لها على قلبه:هنايعورني...
رنده خلاص تحس راسها بينفجر من جنونه المفاجئ قررت تطنشه وترد
الو هلا..
نايف يلصق جنب اذنها سلمي عليها...وانفجر من الضحك وطلع من لبيت بكبره
رنده رجعت تكلم عنود ونسو الأختبار وجلسو يدرسون حالة نايف ههههههه
.........................
نايف:ههههه شبلاي جنيت....معقول أحب .....ههههه...والله طلعت رومنسي وانا مدري
يله ندرب عشان المدام...شكل الروايات لعبت بمخي...حسبي الله على بليسك يمجيد أنت وافكارك انا على اخر عمري اقراء روايات لا ورومنسيه بعد ههههه...شكله كان يبي يدربني
ليكون يبي يعطين دلول والله يحلم ركب سياره ونطلق وسط ضحكاته على نفسه...
.................................................................................................... ......
الساعه سبعه..
هاه شرايج تروحين معاي لبيت...
الهام:لابجلس هنا....مو ليوم بابا بيجي
رائد:مدري ماقال أكيد....
الهام:وماما مدري شفيها جوالها..يامقفل يامشغول...
رائد:بكره ان شاءالله بتجي...
الهام:ان شاء الله...رائد:خلاص تعالي معي وبكره برجعك شقلتي..
الهام بمرح:لالالا... روح لسمر تلقاها ماتت لحين من شوق... وغمزت له.....
رائد يبتسم ويهز راسه:براحتج اذا بغيتي شي...من هذي قبل هذي(ياشر على عيونه)
الهام تمسك وجهه وتبوسه بقوووووووه...هذي حركه كانت تسويها الهام دوم من صغرها
كانت لما تبوس رائد يسوي نفسه زعلان ويقولها خفيفه ذي مره ...وتروح تبوسه بقوه
رائد بتسم على الذكرى ...حضنها وباس راسها:والله كبرتي يقلبي ...وبكره بتجيبيلنا نونو
الهام ببتسامه:شفت كيف...يله روح لاتأخر عليها ترى حرقت جوالي تصالات..
رائد يصغر عينه :عيني بعينج اشوف جوالج...الهام:هههههههه مابي احلف على شي تافه روح بس..
رائد:اوك بينا الو سلام....الهام:سلام سلم على سمر
راح وقبله متقطع على أخته لحامل..الي مايدري شمصير حياتها..تذكر سعود لما قابله بلكورس وكلمه بلموضوع وقاله سعود أنه خلاص بيطلقها وبيتزوج
.................................................................................................... ......
جلست بعد ماراح رائد تقلب بجوالها من تكلم...محد فاضيلها تنهدت بضيق وراحت لغرفتها
بينما في مكان أخر سعود يركب الطياره...راجع للأرض الوطن..
.................................................................................................... ......وبنفس المطار .
في صالة القدوم كان محمد وكرس ياخذون شناطهم متجهين للبوابه
بينما راكان في صالة المغادرين بعد ماوصل رائد...
(رحله موفقه...وعودا حميدا..)......
.................................................................................................... ......
بسيارته راجع للبيت
الو
تسكر اذنها وتبعد عشان تسمعه:هلا الو
ابراهيم بتسم أول ماسمع صوت دوشه بعيد:شلونج حبيبتي
هنوف وهي تحاول تسمع:بخير انت شلونك...
ابراهيم:ابد مشتاقلج...قلت اقولج اذا وصلت الفندق ابي اكلمج سكايب
هنوف:هاه لامو ليوم...ابراهيم:ليش مو بلبيت أنت...
هنوف :اله بس بتجيني أمي بعد شوي...ابراهيم ماحبها تتمادى بلكذب:اوك طيب مع سلامه..
هنوف بسرعه:مع سلامه....وقبل حتى ماتتأكد انه قفل...بصوت عالي :ايوا عاشو ايوا
كان متعمد مايسكر عشان يتأكد زياده ...مايبي يظلمها....وهو عارف طبع هنوف أنها ماتسكر الخط تخليه مفتوح لمن يسكر الطرف الثاني وينتهي لتصال....
.................................................................................................... ......
بس يبابا أنا ....
جاسم:كلامي مابي أعيده....يكفي أني مخليج هناك لوحدج...وشعذرج لحين
ثنويه وهذنتي بأخر سنه...وشغيره..
عنود وسط دموعها:طيب يمكن ارسب...جاسم بضحكه:والله لو متي مو رسبتي
هصيف متزوجه متزوجه...فهمتي....
عنود:ان شاء الله...وسكرت...اتصلت على أمها وكان عندها أمل ...
ردت عليها بعد خمسين الف تحويله ومسج أنتظار...وبعد هذا كله ...قالتلها بستسلام:يبنتي انت عارفه أبوج ...الي براسه يسويه...عنود:بس انت يمه تقدرين عليه ...وتعرفين شلون تغيرين رايه...
مها:لحضه...
يامضاوي ...لاتوقعين الأوراق انتظري....فهد...صورلي هالأوراق
عنود:ماااااما كلميني....
مها:ايوا معليش ...المهم اسمعي حبيبي انا ادري اني اقدر بس
صراحه هذا معناته اترك أشغالي واروحله وانا مضغوطه هالفتره...بفضي نفسي لزواج من الحين...والحمدلله انو صار هالشي لاني كنت احاتيج بصراحه...
عنود ببتسامة سخريه:مشكوره ماقصرتي...تعبتي نفسج لاتحاتين أنا بخير من دونج...وسكرت وجلست تبكي بمرار وبدون شعور طلعت وراحت لرنده بدون حتى ماتعطيها خبر...ستقبلتها رنده وكانت مذهوله من حالتها
كانت تبكي بحراره وصوتها واصل لصاله...حاولت تهديها بس مافي فايده..لمن دخلت ام نواف وحضنتها ورقتها وصارت عنود بحضنها مثل لبيبي تهذي وتمسح على أم نواف وتقولها:ماما لاتروحين...ماما قولي لبابا مابيه ماما...
ام نواف ماقدرت تتحمل وطاحت دموعها...اما رنده طلعت الصاله المنظر هز قلبها...دخل نايف وعرف بسالفه من رنده...وبين فتره وثانيه كانوا يسمعون صراخها..لمن طلعت ام نواف وهي تركض...:عطوني عباتي... نايف شغل السياره بسرعه...
رنده متسمره بمكانها :شفيها يمه....ام نايف بعصبيه:روووووحي جيبي عباتي بسرعه
راحت ركض وجابت عباتها وعباة امها...وطارو عالمستشفى...
.................................................................................................... ......
بعيد عن الدموع والألم
يله دوري قولي اه...ليان ااه...خلص بدر والله شبعت...
بدر:ماكلتي شي شنو شبعتي...ليان:من طلعنا وحنا ناكل خلاص بسمن
بدر:حلوه بكل أشكالج..ليان:تسلم
بدر:تعبتي ولا لسه...ليان:تعبت وبس خلاص ابي أنااااااام
بدر :بدري عنوم ....اهون عليج اجلس لحالي........
ولف وراه..ولااشوفلي وحده اسهر معاها
ليان:جرب عشان ابط عيونك لوتشوف غيري...بدر:ههههههههه....يحياتي علي يغارون
ليان تصد وتسوي نفسها زعلانه......بدر:وربي تهبلين حتى وانت مكشره....خلاص لولو امزح
ليان:مابي لاتكلمني....جلس جنبها....بدر:يله عفيه الشيخه
ليان ماسكه ضحكتها وتأشر على وحده من لبنات:شوف هذي حلوه يله روح ...ودفته بخفيف
بدريمسك يدهاويبوسها:احد يترك هالقمر ويطالع هذول
ليان:ايه انت...
بدر:شكلج مابترضين بسرعه ...وبضطر اتهور...
ليان خافت تعرف جنونه( نفس جنون خالد هههه):لالالاخلاص سامحتك
ووقفت...يله مشينا لبيت ترى بنام هنا...
بدر:هههههه لامافيني حيل اشيلك...دبه تراك
ليان تضرب كتفه بشويش:دبه هاه..طيب من بكره بسوي رجيم,,,
بدر:هههه ياريت...عشان يمديني اشيلج مثل الأفلام....هههه
جلسو يضحكون ثنينهم..
ومشو للمحطه..
.................................................................................................... ......
الساعه عشر...
دخلو البيت كان هادئ والأنوار مطفيه...شكل الهام نامت من بدري لأن ماعندها أحد...
ركبو لجناحهم تروشو...وصلو ....وناااااااااااااااامو....
..................................................................................................
هاه يا كتور شخبارها...
د.اكرم:حسب النزام لزم نبلغ الشرطه...لان دي محولت انتحار...
ام نواف:شنتحاره يادكتور الله يهداك...انزلقت وطاح بفمها بلغلط...
د.اكرم:ياحقه هو دا كلام يعني لو كان زي ماحدرتك بتئولي...مجاش على وشها ليه..
ام نواف:مدري...
نايف اخذ الدكتور...بعد ما استأذن أمه
وفهم الدكتور هي بنت مين ...وانه رجال شراني وممكن يأذيه ...طبعا الدكتور مايعرف طبع ابو عنود بس يعرف أنه رجال واصل..(واصل يعني صاحب نفوذ)
نايف:اذا حاب أتصل فيه وتتأكد من كلامي بنفسك...ماعندي مانع......
د.اكرم:عارف انك بتقول الكلام ده عشان خايف من التحقيق ...لكن أنا بادي عملي
نايف:دكتور أنا مابيك تخسر شغلك..هذي خطيبتي وانا عارف عمي زين ...وهي الله يهديها..دلوعه واقل زعل...تروح تشرب لها أي شغله ...عشان نسوي الي هي تبيه...
د.اكرم شبه قتنع:وعيزه ايه المرا دي...نايف :تبي تأخر الزواج عشان في اكسوار ماوصل من باريس..شفت الدلع وتفاهه...
الدكتور بستياء:أيه شغل العيال ده...تموت نفسها عشان كده...طب افرض ماتت حتستفاد ايه
لاحول ولا قوة الابالله...
طب اسمع يبني ...أنا حكتب فتقرير ..انها لخبطت ادويه بس بشرط واحد...لما البنت تفوق وتقولي ...انها بجد خطيبتك ولكلام ده...
نايف توهق:عنيده يدكتور ماراح تقول شي....الدكتور نقرب مش حنخسر حاجه...عشان استريح بس...
نايف:الي تشوفه يدكتور....اول ماراح الدكتور نايف اخذ رنده وقالها السالفه...رنده:يوه...عنود الي تبيها تقول هالكلام.... نايف تصرفي ولا بيصير فيها تحقيق وسالفه
رنده :ان شاءالله بس انت صرف أمي عشان اقدر اكلمها...نايف بتفكير :طيب..
لمن فاقت عنود ...بدت ترجع ..ام نواف بخوف:دكتور الحقها شفيها...
الدكتور :اطمني دا شيئ طبيعي بعد غسيل المعده..ولف على عنود :ازيك يبنتي دلوقتي..
عنود بتعب :الحمدلله..وبدت دموعها تنزل...الدكتور:لالالايبنتي مينفعش كدا...بقا عشان كسسوار تموتي نفسك...
نايف كان واقف عند الباب واول ماسمع الدكتور بيفضحهم..دخل بدون مايحس..
وصدت عنود ...ابتسم الدكتور يحسبها صدت زعلانه ههههه...نايف :دكتور ممكن شوي...
الدكتور قبل يطلع:حولي تهديها يبنتي..محتاق اسئله كم سؤال لزم تجوبهم عشان تمشي..
طلع ...نايف:ممكن تأجل السؤال عشر دقايق بس لمن تهدا...دكتور:زي ماتحب...وراح مكتبه
نايف اتصل بليان مسكينه وشرح لها الخطه والوضع بشكل مختصر وسريع وعدها بشرح بعدين
نايف ينادي من برا:يمه يمه...طلعت ام نايف:وشفيك تصرخ...وبعدين ماتستحي تدخل علبينه وهي كاشفه...نايف :معليش يمه شفتي وضعنا كيف تلخبطت المهم ليان تبيك ضروري
ام نايف شيفها بعد..نايف شدراني......
ام نواف :الو هلا...نايف:يمه ادخلي ستراحة النساء...وراحت وهي تكلم ليان المسكينه الي قعدت تخرف لأمها سوالف...
ورنده ستغلت الفرصه وقالت لعنود...عنود بصدمه:شنو اقول انه خطيبي من صجكم...رنده:عنود..وقالت لها الموضوع ...رنده :هاه خلاص انادي الدكتور...عنود ايه
نادو الدكتور وسألها طبعا بحضور نايف عشان يبان الوضع طبيعي ...بس نايف كان معطيها ظهره....نايف:هاه دكتور ماقتلك انه دلع بنات....الدكتور وهو يضحك:ربنا يكون بعونك..
الدكتور يسوي فيها يمزح:متاخد لك بنت تنيه يمكن تعقل....نايف مايدري ليش لف عليها:أحبها يادكتور مقدر...
ورجع لف وهو يسب نفسه على هالحركه.....الي مافهمها....
وطلع برى بسرعه وطلع بعده الدكتور
الدكتور:رحت فين انا بكلمك..
نايف:هاه...نعم...الدكتور:نعم الله عليك يبني...دي وكله دماغك ههههه....المهم خد الروشته
وصرفها...وحاول الأسبوع ده متزعلوهاش خالص....ولو حصل معاها ترقيع دا امر طبيعي..
عشان يطرد الجسم الغريب.....الف سلامه عليها...
وراح ...
نايف:الله يسلمك...راح لعند لغرفه ونادى رنده...
رنده:لبيه...نايف بتوتر:لبيتي بمنى..اعتذريلي منها والله ماقصدت...
بس عشان تمشي عدكتور...رنده:مو مشكله حصل خير ...متى بنمشي....
نايف:خلاص جهزو.....ام نواف:هاك ماعندها سالفه يمه احس بصداع...ومره مغص...ومره تصيح... ومره تضحك ..ستخفت هالبنيه...
نايف وهو يضحك بقلبه:الله يكون بعونها..المهم يمه ساعدو البنت ...انا بسبقكم بسياره..ام نايف:رخصوها...نايف:ايه ...وراح
.......................
عنود كانت حاسه ان كلمة نايف كانت من قلبه...وابد ماكان يمثل...وهشي ماتدري ليه ريحها كثييييييير..طلعو وركبو السياره وهي ساكته ماتتكلم...فجاه ضربة رنده واشرت لها انها بترجع (عزكم الله)وقف نايف على طول ...وطلعت تركض..وراحت وراها رنده...خلصت ورجعو..عنود بتعب وحاطه راسها على كتف رنده بصوت واطي:قوليله يمشي بشويش..كل ماهزت السياره..تقلب كبدي..
قبل لاتفتح فمها...نايف هدا السرعه... وهو يبتسم لما جا فباله لوكانت زوجته وحامل وتعبانه
ام نايف تراقب بصمت...وصلو لبيت...ام نواف:هاتي يدج يله نزلي...عنود تركز بلبيت:لاخلتي بروح بيتي...
رنده:شتروحين بيتيج شوفي كيف حالتج..نزلي بس..
عنود:لاتكفون بروح لبيت...نايف وهو يطفي السياره:انا وراي دوام مب رايح مكان بكره ...أن شاء الله ...يصير خير...ونزل وسكر لباب...
عنود...نزلت بستسلام...مابيدها شي تسويه...حتى جوالها طلعت بدون تاخذه...
دخلو لبيت ورتاح نايف لمن دخلوها...كان يطالع من فوق واول مادخلو دخل غرفته...
نايف(شسويت وشقاعد تسوي...شلون تتكشف على وحده ماتحلك...وشهالكلام الي قلته)
رمى نفسه. عسرير بضياع وتعب وسكر عينه بقوه...
0..............................................
فتح عينه لما دخلت عليه...ومن غير مقدمات:ياولدي أنت تحبها؟
نايف بصدمه جلس وعينه بأمه:أحب منو؟
ام نواف تجلس جنبه عسرير:لاتضيع وقتي لبنيه تعبانه وبروح لها..
نايف نزل عيونه بالأرض:مادري والله يمه مادري...هو حب ...ولا شفقه
ام نواف:تبيها؟؟...نايف:يمه البنت الحين منتحره عشان بيزوجونها شيفيد لو كنت أبيها..
أم نواف:كلم ابوها شخسران..
نايف يطالع أمه ومستغرب أصرارها:أنا شاء الله بكلمه بكره..
ام نواف وقفت:موفق...تصبح على خير...وقف باس راسها...وطلعت...
انبسط من كلام أمه...ستخار ربه...ورتاح أنه يكلم أبوها...
جلس يحلم أحلام اليقظه لمن نام..
.................................................................................................
وعنود ماكانت تبي نفكر تعبانه ودايخه...خذت علاجها ونامت...ونامت جنبها رنده..
وراحت أم نواف تنام بعد ما تطمنت عليها ووصت رنده تصحيها لو تعبت ...
طبعا قلب الأم لاينام كانت مسكره عيونها...لكن قلبها سهران معاها..
..............................................................................................
الساعه ثالثه بعد منتصف اليل:
وصل تعبان وهلكان ...دخل وهو مستعد نفسياً...للغبار ....دخل ومافكر يولع الأنوار بصوت واطي.. أشر لها عالمجلس.. سميره نامي هنا..لمن بكره..ودورة المياه موجوده داخل..وهناك المطبخ لو عطشتي أو شي..
سميره:ان شاء الله تصبح على خير...
سعود:وانت من أهله...ركب غرفته...وهو يمشي بثقل وتعب...فتح لباب بهدؤ...الدنيا ظلام مثل ظلام أفكاره وقلبه..عطرها بلمكان...يخنق روحه..مايبي يذكرها ولايبي شي يجدد مشاعره تجاها..
تنهد بضيق:الله يسامحج بس..ليش تجبريني على كذا ليه...ومسك راسه ..بضيق وهو يتمنى أنه مارجع...
.................................................................................................... ......
يتبع |