عيون العرب - ملتقى العالم العربي - عرض مشاركة واحدة

**soisoi** · #26 06-10-2015, 02:16 AM

النقاش يجنن
انا من زمان اصلا مستنيه احد يسألني عن دا الموضوع

واحسه للناس الي يحبو الفلسفه الي انا منهم

SO
الله يعينكم

ندخل في المهم

" class="inlineimg" />
مقومات الانمي الناجح

الانمي الناجح لازم يكون فيه كل الجهات المطلوبه وكل المشاعر الي تناسب الجميع لانه كدا حياتنا مافي شخص في كل حياته رومنسيه ومافي شخص كل حياته اكشن وقتال في كل شي لازم يكون فيه تنوع وتداخل ولو بشي بسييط جدا جدا

مشاعر الحزن
مشاعر الفرح
مشاعر التحدي
مشاعر القوه
مشاعر العظمه
مشاعر الحب
وغيرها كثــــــــير

متى احس انو الانمي ما يثير اهتمامي كثيـــر لمن يكون متمركز على جزء معين ومطنش البقيه
يعجبني الانمي الي يكون فيه كوميديا - رومنسي - حماس - اكشن - اساطير - تندمج مع اسليب حديثه

لو تلاحظو اكثر انمي احس فيه دا التنوع
هوا ون بيس
يمكن عشان كدا تلاقي شعبيته بدي العظمه

عموما الفكره هنا مو مين يلي بيجمع مشاعر اكثر هوا الفايز الفكره التنوع حتى ولو مو في كل المشاعر والاهم اظهارها بتناغم متوازي

هذا رقم 1

رقم 2
كنت بقول وجود قصه وسينارويو اساسيه من البدايه للنهايه مع كل المواقف الي ممكن تحصل من البدايه للمستقبل

مثلا انا كان يفاجأني من جد عبقريه كيشيموتو مؤلف مانجا ناروتو
الاحظ انه يقوم باشياء انا حاليا اكتشفها انها لها صله مع اشياء حصلت من الجزء الاول ... انتو لو تلاحظو مدى العمر الزمني ل سلسله ناروتو
لمن تشوفو انو فيه موقف حصل في الجزء الاول وحتى في الشبترات الاولى وفجاء في وسط احداث الجزء الثاني تفهم انو هذا تكمله لداك ..! من جد تقول الحين الكاتب فكر بكل دا من البدايه فعلا شي عجيب يخليك تتعجب من مدى دي العبقريه
اوكي طبعا لازم يكون مجهز القصه وكيف البدايه وكيف النهايه لاكنحتى المواقف دي محطي في راسو طريقه عرظهاا تكون كدا عشان في المستقبل اكملها كدا فعلا مو بس عبقريه كمان ثقه نفس ورجاحه اغلبنا في حياتنا لمن يجينا شي ما نفكر في المستقبل ونقول يلا بس خلينا نمشي دا وبعدين يحلها ربك هذا اذا مشي دا الشي الحين وما فشلت في المستقبل لاكن دول الاشخاص من بدايات الشابترات وهما محطين في راسهم وش بيسو وقت نجاحهم وهذا الي محطيهم في القمه

بالمناسبه ابه اتكلم عن شي
فيه كثير ناس ينتقدو غينتاما انه ماله قصه معينه يمشي عليها لاكن الحقيقه انه له اساسيات القصه وبكدا قدر يتفرع في وقت المشاهدات من جد غينتاما من اعظم نقاط قوته هوا دا

لو تلاحظو اغلب الانميات اغلبنا المفترض متوقعين نهايتها لو ما حصلت دي النهايه بيخيب امل كثير من الفانز فيه بعض الكتاب يمتلك الجراءه انه يغير النهايه بشي مضاد تماما وبالتالي نشوف رده الفعل غالبا بتكون سلبيه اكثر من كونها ايجابيه لانه الي يحبو يمشو على شي يعرفوه اشي ثابت اكثر من الي يحبو التجدد ويشوفو المجهول

مثلا اديكم اشهر الانميات
ون بيس > الاغلب متوقع انو في نهايه الانمي لوفي بيصير ملك القراصنه ما يهم وش الاحداث الاحداث هيا المخفيه والي حتحمسنا لاكن هل الكل بيتقبل موت لوفي قبل تحقيق حلمه ..؟ بعد كل دي الكلمات القويه منه شخصيا !!

ناروتو > نفس الشي فعلا الكل كان محطي في مخه انو النهايه ناروتو هوكاجي

حتى الانميات الجديده زي كروكو نو باسكت الكل محطي انه ايش ما حصل وايش ما فشلو امام اي فرق في النهايه كروكو غالبا بيغلب كل فرد من افراد جيل المعجزات

اما غينتاما تكمن نقطه قوته هنا للان مافي اي مؤشر باي شي يمكن يكون نهايه دا الانمي لان الانمي نفسه ماله قصه نمشي على اساسها القصه الاساسيه ماضي وحصل طيب الجديد وشو ؟!

وكمان هجوم العمالقه برضو مو لكونو مافي قصه اساسيه وانو الاغلب متوقع انو ايرين بيهزم العمالقه كلهم ويدمرهم عن بكره ابيهم زي ماقال لاكن كاتب دي المانجا من اكثر الكتُاب الي فاجأوني..! عشان كدا مني محطيه في راسي اي نهايه حتى لو كانت النهايه مأساويه بموت جميع البشر الكاتب اولريدي هيئنا كلنا من مواقف سابقه انو مافي شي مستحيل ...

وبما اني اتكلم عن العمالقه واتكلم عن الانميات

نقطه رقم 3
هيا الرسم والتاثيرات الصوتيه ...

فيه ناس كثيرين ما يهمهم دا الشي انا بالنسبه ليا هذا اهم شي الرسم هوا الي يعيشني الجو ويوريني جوده الموقف ..!
والتاثيرات اهم من الرسم بكثييير الخلفيات الصوتيه وقت الحماس وقت الحزن وقت الخطر هاذي كلها لها هدف وهوا انك تعيش المشاهد تعيش الجو جو الابطال حاليا

وبصراحه مافي انمي عجبني في دا الموضوع زي هجوم العمالقه

فعلا فعلا الاستديو والمخرج ابدعو ابداع خرافي

كمان Hunter X Hunter

برضو رسمه و تاثيراته خرافيه الحلقات الاخيره وخصوصا نهايات جزئيه النمل شي مو طبيعي من جد شغلهم نظيف

نقطه رقم 4

انا بصراحه ما اعترف بالانميات الي من الشركات وبدون مانجا يمكن الانمي الوحيد الي عجبني وهوا في دا الوضع
هوا سايكو باس
اما بقيه الشركات يركز على الرسم والتاثيرات وساحبين على القصه يااهووو ! وش السلفه ترا مافي اي قصه ولا شي مهم يستاهل كل دا ...!

نقطه 5

الانقطااااااع في الانميات شي موطبيعي
ياما انميات تفرجتها وعجبتني وابغى تكملتها لاكن لسبب ما وقفو والمشكله يتوقفو لفتره زمنيه طويله بدون اي خبر بدون اي امل بالعوده ..!

زي skip beat
المفترض يكملو الحين حتى لو كملو يمكن ما يلاقو نفس الرد الايجابي
فيه ناس كانو يقولولي انو الشركات تعمل دي الحركه عشان يختبرو رده فعل الناس اكثر في الجزء الاول و يشوقو الناس اكثر للجزء الثاني ومدري ايش برأي اذا فعلا هذا السبب يكونو اغبياااااء
والدليل انو اكثر الانميات المشهوره هيا الي كملت وما انقطعت
زي كروكو نو باسكت
سايكو باس
توكيو غول
هجوم العمالقه الجزء الثاني في الطريق
وغيرهم

الانقطاع لفتره جدا طويله ما اشوفه يزود الاشتياق لا بالعكس يفقد الامل والفرحه بدا الانمي اكثر و اكثر
ويشكك برجعه الانمي وبالتالي تقبل واقع انه مافي جزء ثاني ...!
خصوصي الانميات الي فيها مانجا لانو كل الشعب بيتابع المانجا ويسحب على كون فيه جزء ثاني او لا

وبس هذا للان اعرف ياكثر ثرثرتي عموما بروح بنام وباذن الله لمن اصحى بشوف اذا نسيت شي ثاني كمان خ

سي يو